Frage zu Kinderwagen Kinderkraft

Kommentare

• Eline22

  129

  23. 03. 2025, 21:46

  Ich kenn de wage ned. Aber mini tipps wäred s kind au im Sportsitz möglichst lang rückwärts also zu dir fahre la. Uf das würi achte, dases de wage cha. Zb bim tfk ned möglich im Sportsitz. So grossi babywanne wie möglich. Und belaschtbarkeit mit kind und gepäck sind schnell paar kilo zäme. Babyschale für s Auto würi unbedingt luege wiesi bim tcs abgschnitte het.
• Sunnny88

  6

  23. 03. 2025, 21:57

  Danke für Tipps :-)
  
  Was hesch de du für eine? Marke, Modell..
  Neu oder occasion?
• Schneewittli

  93

  24. 03. 2025, 02:08

  Hoy sunnny
  Das Modell kenni ou nid, mir hei eine vo hartan☺️ mir heine neu kouft, aber es git sicher o viu occasion wo de bedenkelos no chasch bruche… was mi no wichtig dünkt, isch es grosses gepäckfach undedran… me cha fasch nid ds viu platz ha und isch froh ume stouruum. Je nachdäm wo de wetsch fahre dermit ischs wichtig dass d räder gueti qualität hei u wede viu stigige hesch wie ig, isch e handbrems sehr praktisch😄Usserdem würdi luege wiviu stouruum dass de hesch im auto, daheime etc, je nachdem wär das no e wichtige punkt zum vergliche☺️Viu spass, mi het dünkt, bim kinderwage shoppe isches so richtig real u grifbar worde😍
• Eline22

  129

  24. 03. 2025, 08:17

  Sunnny88 schrieb: »

  Danke für Tipps 😊Was hesch de du für eine? Marke, Modell..
  Neu oder occasion?

  
  Mir händ en Jooz Day 2 gha. Neu kauft mit allem drum und dra. Ja er het viel kostet aber er isch immer no guet zwäg und isch viel in gebruch xi. Sehr schön xi mit em zum fahre und ich ha ihn gliebt 😍 Ich wür ihn grad verchaufe falls intresse hesch chasch mer e pn mache 😉 Mir sind vo züri
• nic10

  6

  24. 03. 2025, 21:29

  Mir hei dr Kinderkraft Veo ka u si super ds friede gsi mit däm👍🏻 Dr Nachteil isch gsi dr Sportsitz isch gli mau ds chli gsi da üse Sohn ä grosse isch gsi…
• Sunnny88

  6

  1. 04. 2025, 17:57

  Ha iz no dr Joie Vinca gseh. Het dä öper u cha mir Erfahrige mitteile?