Schrei Baby

erztaj · 4. Mai, 11:17

Hallo zämmä, ich bin sit em Februar zum erste mol Mami und langsam wird mi kleine Bueb zum Schrei Chind er het extrem problem mittem büchli 😓 hend jetzt uf Beba Comfort gwechslet für Kollike und Verdauigs Problem aber leider het er extrem Mühe mitem Gaggi, und dadurch schloft er durre Tag nit git's Mamis mit Tipps ukd Tricks ? Würd mi freue grüess Tatjana

Celeste · 6. Mai, 14:51

hoi ❤️ bezüglich schreibaby (kein ersichtliche grund zum schreie) ich han mir en gymnastikball und en ohreschutz gchauft. wenn alles gstumme hät (troche, warm/nöd z'heiss, satt) hani s'baby i's tragi packt und bin uf de ball. isch zum teil stunde gange, aber es gitt babies wo eifach schreied und so stress abbaued. sie münd eifach versorgt si und merke dass öpper da isch, meh chasch eh nöd mache.

bezüglich verdauig: umbedingt en arzt ufsueche, wenn nötig en spezialischt. wenn er vor schmerze schreit muss mer dringend öppis mache. alles gueti!

AninaSchl · 7. Mai, 20:40

Mine het mit bald 4 Mönet au immerno Buchwee, Mir hend Schüsslersalz 7,8,9,10 womer em gend und Gatinar so en spezielle Sirup. Das hät extreem Ghulfe. Mir hend au zume spezielle Pulver gwächslet wo hilft bim buch. Üsem häts gholfe weni em de Buch massiert ha uf e spezielli Art( Tuina Massage) Abhalte Position, Abhalte allgemein söll helfe, Wärmi und oder Osteopath