Kinderplanung 2026, wer macht mit?

Schneewittli · 6. Juni, 07:57

Wieso startest du denn erste Ende Jahr, musst du noch etwas beenden vorher?

Mary93 · 4. Juli, 16:16

Hallo zusammen

Weiss nicht, ob noch jemand aktiv ist von euch. Ich bin gerade im 5. Zyklus in dem wir es versuchen. Bin im 1. Zyklus direkt schwanger geworden, aber leider hat die Schwangerschaft nicht gehalten und ich habe es ziemlich bald nach der Einnistung wieder verloren🥺. Hat das auch schonmal jemand von euch erlebt?
Wir haben es weiter probiert, aber bisher hat es nicht nochmal geklappt. Wie geht ihr mit der Enttäuschung um, wenn der Test wieder negativ ist und wieder die Periode kommt? Hat da jemand Tipps? Ich bin jedes Mal total traurig und bin nur am Weinen. Hut ab für alle, die das über mehrere Jahre durchmachen❤️.
Ich habe übrigens schon ein Kind. Bei ihm hat es beim ersten Zyklus eingeschlagen und es war direkt alles in Ordnung. Da es jetzt beim zweiten Kind schwieriger ist mit dem schwanger werden, schätze ich umso mehr, was mein Sohn eigentlich für ein Wunder ist🥹.
Heute bin ich übrigens ES+10 und habe heute Morgen negativ getestet. Ich weiss, dass es theoretisch noch Hoffnung gibt und der Test die nächsten Tage doch noch positiv herauskommen könnte, aber irgendwie spüre ich, dass ich nicht schwanger bin, darum bin ich eher negativ eingestellt.

Schneewittli · 6. Juli, 22:11

Hoy Mary, tut mir sehr leid zu hören, dass die Schwangerschaft nicht gehalten hat. Selber erleben musste ich das nie, aber ich weiss, dass dies sehr vielen Frauen passiert. Bei mir ist eher das Problem, dass ich gar nicht erst schwanger werde, da ich so lange Zyklen habe. Wir verhüten nun ca 1 Jahr nicht mehr, aber so richtig mit Tracken und Ovulationstest versuchen wir es seit Anfang Jahr. Da ich allerdings max alle 2 Monate einen Eisprung habe und ich den Märzzyklus ausgelassen habe, hatten wir noch nicht soviele Chancen. Momentan bin ich wieder in der 1. Zyklushälfte und warte auf das fruchtbare Fenster.
Wie alt ist denn dein Sohn? Meine Tochter ist nun 4.5 Jahre alt🥰Da ich bis jetzt noch nicht soviele Schwangerschaftstests gemacht habe, ging es noch mit der Enttäuschung. Aber ich kann mir gut vorstellen, dass es jedem Mal schwieriger wird. Mir hilft jeweils positive Berichte von anderen zu lesen, welche auch lange versucht haben, schwanger zu werden. Ich denke, man darf diese Traurigkeit und Enttäuschung auch ganz bewusst zulassen, schliesslich macht man sich doch jedes Mal Hoffnung und malt sich die Zukunft mit 2 Kindern aus🥹Hast du nochmals getestet?🙏🏼

Mary93 · 15. Juli, 20:39

Wow, 1 Jahr! Respekt! Das ist sicher nicht leicht für dich, nur alle 2 Zyklen einen Eisprung zu haben. Dann musst du sehr geduldig sein, bis du den nächsten Eisprung hast. Wie geduldig/ungeduldig bist du? Wie gehst du damit um? Hast du Tipps? Ich merke immer, wenn ich meine Periode bekomme, dann falle ich erst Mal in ein Loch der Enttäuschung und dann bin ich total ungeduldig, bis endlich der nächste Eisprung kommt (obwohl es bei mir ja relativ schnell wieder so weit ist) und dann kommt wieder die Hoffnung und das Abwarten ob es geklappt hat. Diese Achterbahn zehrt an mir. Letzten Zyklus wars leider auch Nichts. Ich geb nicht auf, aber ich habe schon ein mulmiges Gefühl dabei, wenn ich daran denke, dass es wieder nicht klappen könnte und ich dann wieder so enttäuscht sein werde🙈.
Ich drücke dir die Daumen, dass es bei euch diesen Zyklus klappt🍀🥰. Wie lange ging es bei deiner Tochter?
Mein Sohn ist 16 Monate alt🥰. Ich habe mir immer einen kurzen Altersunterschied gewünscht☺️. Ich versteife mich aber nicht mehr auf den Altersunterschied. Hat auch Vorteile, wenn sie weiter auseinander sind☺️.

Schneewittli · 16. Juli, 15:01

Hey Mary, ja ich habe vermutlich schon jeden Zyklus einen Eisprung, jedoch dauern meine Zyklen einfach sehhr lange. Wenns nicht geklappt hat, dauert es immer noch 1,5 Monate bis wirs wieder versuchen können😩 Ich hätte es auch lieber anders, aber kenne es auch nicht anders.🥺Ich habe auch leider keine Supertipps, einfach normal weiterleben und ablenken und nicht jeden Tag nachschauen welcher Zyklustag gerade ist🙈Ich habe irgendwie das Gefühl, dass es irgendwann klappt und wir ein 2. Wunder erwarten dürfen, deshalb vertrau ich einfach auf dieses Gefühl🙏🏼Und versuche die Sachen bewusst zu geniessen, welche bei einer Schwangerschaft nicht mehr einfach so möglich sein werden😌Bei meiner Tochter hat es ca 2,5 Jahre gedauert ohne Verhüten. Als wir dann etwas Unterstützung mit Progesteron hatten und den Eisprung getimt haben, hat es innerhalb 2 Monate geklappt☺️Ja ich denke beim Altersunterschied hat beides seine Vorteile☺️ Ich hoffe, dass es bei dir bald klappt, der Altersunterschied wäre ja immer noch relativ klein😉

Mary93 · 18. Juli, 09:28

Danke dir, das wünsche ich dir auch🍀🤗. Ich finde das total schön, dass du auf dein Bauchgefühl vertraust☺️. Bei mir spielt der Kopf gerade so sehr mit rein, dass ich nicht mehr weiss was Bauchgefühl und was Kopf ist. Ich versuche diesen Zyklus ein wenig entspannter zu sehen. Ich lenke mich mehr ab (ist super, dass wir bald in die Ferien gehen. Tut gut aus dem Alltag herauszukommen) und werde versuchen, der Hoffnung nicht mehr das Steuer zu übergeben. Ich denke, das ist vermutlich der Grund, warum ich immer so sehr enttäuscht bin, weil ich zu naiv positiv denke jeden Zyklus. Mein Gedanke war immer "diesen Zyklus klappt es ganz sicher". Ich versuche es jetzt ein wenig realistischer zu sehen, indem ich mir sage "ich weiss nicht, ob es klappen könnte". Ist einfach ein Fakt und vielleicht kann ich besser mit einem negativen Ergebnis umgehen, wenn ich mich an die Fakten halte. Sehr unromantisch im Zusammenhang mit Kinderplanung, aber ich glaube es hilft mir😂. Ich probiere auch nicht mehr zu sehr auf Symptome zu achten (habe sowieso gemerkt, das meine PMS-Symptome genau gleich sind wie frühe Schwangerschaftsanzeichen. Es bringt nichts, da zu viel hineinzuinterpretieren). Mal schauen, wie ich damit zurechtkomme, oder ob ich einfach wieder komplett hoffnungsvoll bin und alles darauf setze, dass es in diesem Zyklus geklappt hat😅.

Ich drück dir ganz fest die Daumen und hoffe, dass du dich bald über positive Neuigkeiten freuen darfst🫶🏼.

JenniferPamplemousse · 23. Juli, 23:00

Hallo zusammen
Ich bin 38 und hatte eine Packung mit 20 Ovulationstests bestellt, da es hiess, in meinem Alter könnte es mehrere Zyklen dauern. Es ist meine 1. Schwangerschaft. Noch bevor wir angefangen haben die Ovulationstests einzusetzen, wurde ich schwanger. Als wir uns entschieden, die Verhütung (Kondom) wegzulassen, war kurz darauf die Periode ausgesetzt 🙈.

Aktuell bin ich in der 17. SSW

Ich schreibe hier, weil ich diese Packung Ovulationstests gerne weitergeben möchte. Ich versende sie gratis. Es ist digital von clearblue. Die Anleitung ist Spanisch und Portugiesisch, aber die Bilder sind selbsterklärend. Die Erste die sich meldet bekommt sie natürlich. Euch allen viel Erfolg🙏

Liebe Grüsse Jennifer

Schneewittli · 24. Juli, 01:03

Hoy Jennifer, wäre si echt no ds ha die Ovutests? Bi durend am nachebstelle u geit langsam echt is Geld wöus so lang dured🙈Gratuliere ömu ganz herzlech zur Schwangerschaft, schön wes o gäge alli Statistike mau so rasch geit🙏🏼💖

JenniferPamplemousse · 24. Juli, 08:42

Guete Tag Schneewittli

Ja, i schicke dir se sehr gern. Chamä da Privatnachrichte sände (Adresse) ? Isch s erstmol i mim Läbe wo ich imene Forum underwegs bi 🙈

JenniferPamplemousse · 24. Juli, 08:47

Ja, und i bi unendlich dankbar drfür, dass es eifach so klappet het. I ha zwar e paar Abwichige vor Norm was d Plazenta und d Nabelschnuer ageit, u möglicherwiis chani uf Grund vo de Gegäbeheite nid uf natürlichi Wiis gebäre. Aber das wird de in dr Woche 32 nomol agluegt. Bis dahi hoffi dass dr Verlauf witerhin, trotz de Befunde guet isch, und de Chlii witerhin guet wachset und versorgt wird...🙏🤍👑

Schneewittli · 25. Juli, 00:24

Hoy Jennifer, es isch eich früecher gange mit de Privatnachrichte, aber das Forum isch nüm das wos mau isch gsi🙈079 575 07 80
Das wär süsch mini Nr, chasch mr süsch sehr gern uf Whats app schribe wäg dr Adresse🤗

Schneewittli · 25. Juli, 00:30

I hoffes o sehr, dass trotz de Abwichige aues guet chunt u du scho bald es gsunds Bebeli darfsch übercho🤗I ha o e Kaiserschnitt gha u es isch auso o sehr e gueti Geburtsart wode nid muesch Angst ha dervo☺️

lidi · 28. Juli, 14:26

Hey…
Ich bin neu do und momentan bi Es+3. Isch no öpper grad ide wartezit?

Mary93 · 29. Juli, 21:08

Hallo Lidi
Ich bin auch gerade wieder in der Wartezeit. Ich bin ES+6. Ich versuche mich abzulenken, denke jedoch trotzdem oft dran.
Wie geht es dir momentan?

lidi · 1. August, 12:20

Ziemlich ähnlich wie dir… versuche nichts zu interpretieren. Je länger es dauert, desto schwieriger wird es.🙈 Gehe meinen Hobbys wieder mehr nach und das tut mir echt gut.

Mary93 · 1. August, 21:39

Weisst du schon wann du testen möchtest? Bei mir wird es morgen so weit sein (ES+10), obwohl es noch recht früh ist. Ich halte das Abwarten aber kaum noch aus🙈.

lidi · 1. August, 22:31

Ich teste erst am NMT oder ein Tag danach. Das Aushalten ist aufregend aber schlussendlich ist diese Variante für mich, rein psychisch, besser.
Wie machst du das jeweils? Testest du ab Es+10 jeden Tag? Ausser natürlich, der Test wird vorher schon positiv.😉
Ich drücke dir die Daumen für morgen.🍀

Schneewittli · 1. August, 23:24

Hoy Lidi und Mary, drücke nech fest d düme dass es igschlage het☺️Willkomme i däm Forum Lidi, heit dir ersch grad agfange mit dr Kinderplanig?
I bi bi Zyklustag 6, auso d Periode isch grad verbi, ha dr Eisprung offebar völlig verpasst dä Zyklus.🥲 D Periode isch e Monet früecher cho als erwartet, isch so schwierig mit dene Unregelmässigkeite🫩

Mary93 · 2. August, 08:37

@Lidi
I testa normalerwis an ES+10 und an ES+14 nomal. An ES+16 würr i denn mini Täg kriega. Hüt am Morga isch de Test negativ gsi. Mis Buchgfühl seit mier, dass es keis falsch negativ gsi isch. I spara mier de zweiti Test de Monet und warta mini Perioda ab. I fühla mi nämlich normal wie immer. I kann mi erinnera, dass i mi bir Schwangerschaft vu minem Sohn sehr komisch gfühlt han und typischi Symptom kah han.

@Schneewittli
Oh nei, das tuatmer Leid😔. Testisch du mit Ovu-Tests? Hesch du schumal de Clearblue Fertilitätsmonitor usprobiert? De söll aschienend für Fraua mit Zykla bis 42 Täg geignet sii zum de Eisprung ermittla. I hanen au, obwohl min Zyklus sehr regelmässig isch. Er er gitmer irgendwie kli Sicherheit.

lidi · 2. August, 10:24

Danke Schneewittli😊
Mier versuecheds sit april. Ha dezwüsche aber au zwei chli komischi zykle gha (vorallem sehr lang) und drum au ein eisprung verpasst. De aktuell Zyklus isch jetzt wieder normal und das macht mich grad sehr glücklich. Jetzt funktionierts würklich guet mit de ovutests und das macht mich zueversichtlich. Ich verwende ovutests vo Presense. Clearblue het bi mir nöd funktioniert.

@Mary93
O schad wegem Test. Wie hesch dich denn bi de erste Schwangerschaft gfühlt?

Mary93 · 2. August, 11:04

@Lidi
Ir ersta Schwangerschaft han i so es komischs Gfühl im Kopf kah, ähnlich wie wenn i krank werda würr. Isch kli schwierig z beschrieba😅. Aber das was ganz krass gsi isch, sind mini Brustwarza gsi. Die hend so weh tua, dass i min BH kum no han könna träga😂.
I muass aber sega, dass es schu nid immer glich sii muass. I bin das Jahr ja schumal schwanger worda und da han i numa z komischa Gfühl im Kopf kah und sust kai Symptom. Leider hets nid ghebt und i hans nachera Wucha wieder verlora😔🕊️.

Schneewittli · 2. August, 11:09

I ha iz ganz neu sone Zykluscomputer vo Cyclotest, mues mi iz aber zersch chli iläse wie das alles funktioniert u när o jede Morge zueverlässig dradenke vorem Ufstah ds teste😄 stell mr no schwierig vor, we ds Kind grad nachem Ufwache scho öpis vo dir wott🙈Ovutest benutz i o, aber bevor ds Zytfenster wär cho letscht Zyklus zum teste isch äbe när mini Mens scho cho🫩Hoffe iz aber o, dass sech mini Zykle verkürze, nimme sit Januar Mönchspfeffer, vilech schlaht das iz langsam a.
Drücke witerhin d düme, vilech ischs o eifach no ds früeh gsi zum Teste🥲

Mary93 · 2. August, 11:28

@Schneewittli
Haha ja das goht mier au jeda Morga so mitem Klina. In Ruah ufs WC goh isch sowieso öppis wo grad kli schwierig isch mitma fast Einahalbjähriga 😂😂.
Drucka dier au d Düma, dass de Mönchspfeffer aschloht und dier de Zykluscomputer öppis nützt🤗🍀.

Schneewittli · 2. August, 11:55

@Mary93 Danke viumau, ja bi gspannt wie lang dr aktuell Zyklus wird si😄Ou ja mit 1,5 sisi nomau weniger selbstständig als iz mini Tochter mit 4,5🙈Duet mr sehr leid het d Schwangerschaft nid verhäbt letscht mau, hoffe o sehr dass de gli positiv darfsch teste🙏🏼

lidi · 9. August, 08:03

Hey…wie läuft es bei euch?
Durfte heute positiv testen😍🥲
Wenn auch nur leicht positiv. Ich hoffe schon die Linie wird in den nächsten Tagen noch stärker. Bin ja heute erst an meinem NMT.

Schneewittli · 9. August, 14:04

Hey wow, gratuliere ganz ♥️-lech Lidi!
Das isch ja mega schön hets iz doch so schnäu grad igschlage!🤗Positiv isch ja positiv o we d linie nur liecht isch☺️ hoffe o sehr, dass si iz jede tag stercher wird🙏🏼I bi iz wieder ir erste Zyklushälfti u warte uf ds fruchtbare Zytfenster u hoffe i verpasses dasmau nid🫣

lidi · 9. August, 17:22

Vill Glück dir für de aktuelli Zyklus🍀😊
Kombi us Gfühl und Ovutest isch sBeste👍🏻
Han sGfühl dass Inistig eher spot gsi isch, villicht drum erst so e zarti Linie. Chans immer no nöd glaube, dass do würklich e zweiti Linie isch🙈 Nur anhand vo de körperliche Azeiche merk ichs echli.

Mary93 · 10. August, 19:10

@lidi
Oooh sooo schöön😍😍🥰🥳🥳. Gratuliera ganz herzlich🍀☺️.
Bi mier het au wie bi Schneewittli de negsti Zyklus wieder agfanga. @Schneewittli villicht wird das üsa Zyklus in dems klappt 🤰🏻😊🤞🏼🍀.

Schneewittli · 11. August, 10:17

Ja du, me chas nume hoffe🥲Mi dünkt grad iz wo soviu i Kindergarte gstartet si, merksch wieder einisch meh, wie schnäu d Zyt verbi geit u wi mini Tochter grösser u grösser wird. Hoffe wük es schlaht bald i, wett nid dass sie när ire komplett andere Welt lebt als ds chlinere Gschwüsterti wöu sie soviu älter isch🥺

Mary93 · 11. August, 10:41

Ja gell! Mit Kind gseht ma echt wie schnell d Zit verflügt🥲. Isch dini Tochter jetzt in Kindergarta koh?
Das verstohn i voll. I han mier immer 2 under 2 gwünscht (Haha, eig kli crazy😂), dass sie möglichst nöch mitanand ufwachsend. Aber es het au viel Vorteil, wenns kli en grössera Abstand hend☺️. Dini Tochter verstoht kli meh, was lauft und kann au meh mithelfa, wie wenn sie jünger wär. I han zu mina jüngera Schwöstera 4 und 5 Jahr Abstand und mier hend glich mega viel mitanand könna spiela und sind sehr nöch gsi mitanand. Mier hend au jetzt immer no es super guats Verhältnis zemma🥰.

Admin · 11. August, 14:25

Hi alle,

Ihr könnt auch unsere NFP Tools hier im Forum dazu nutzen:
https://www.babyforum.ch/profile/nfp/

@ae_sunny: Das Bewerben von WhatsApp-Gruppen hier ist verboten. Zu viele Nutzer kamen wegen Problemen (Scam) und Streitereien, dem Posten von Telefonnummer öffentlich, dann eh wieder zurück. Davon abgesehen, werden Kinderbilder dort auch zu AI Trainingszwecken verwendet.

Schneewittli · 11. August, 22:34

@Mary93 Ah schön ds ghöre, dass me o mit grösserem Altersunterschied es engs Band zwüsche Gschwüsterti cha ha🥰I hamer nie vorgstellt wie ig mir dr Abstand zwüsche, i ha immer denkt mau 1 Kind u när luege mr witer wie das so geit😅Aber 2 unter 2 wär mr eh chli ds heftig gsi🤭 Weni nomau zrüg chönt u chönt wähle würdi äuä 3 bis 4 Jahr Unterschied näh☺️Aber ja das stimmt, sie wird, so Gott will, mau e tolli grossi Schwöster wo scho viu versteit u ds Bebe ganz bewusst cha wahrnäh u erlebe🤗Nei sie geit aber no es Jahr id Spielgruppe. Mir hei se us verschiednige Gründ wieder abgmeldet, aber eine isch o gsi, dass wenn sie doch no es Gschwüsterti bechunt, dass die 2 nid no es Jahr witer usenend si, schulmässig gseh. U hie im Kanton Bern chasch das ganz unkompliziert mache, ds Kind ersch es Jahr speter schicke.☺️

lidi · 12. August, 20:32

Es update vo mir. Han gester obed bluetige und krämpf übercho. Hüt isch es denn richtig periodeartig worde. Ärztin het mir hüt fehlgeburt bestätigt.😢

Schneewittli · 13. August, 00:13

O nei lidi, das duet mir sehr sehr leid ds ghöre. Dass es so kurz nachem positive Test scho wieder sones Endi het müesse näh🥺 Ig schicke dir ganz viu Kraft, i hoffe du bisch nid alleini u chasch chli ufgfange werde. Het d froueärztin irgendöpis chönne säge wieso und werum?😕

Mary93 · 13. August, 16:39

@lidi
Das tuat mier so unendlich Leid🤍. I weiss genau, wie sich das afühlt. I han das leider au müessa erleba vor a paar Mönet😔🕊️ und es tuat immer no weh, wenn i an üses Sternli denka ⭐️❤️‍🩹. Ma het sich schu so gfreut und sich Vorstelliga gmacht und denn kunnt d Bluatig...😔
I wünsch dier ganz ganz viel Kraft und hoffa, dass du Menscha hesch, wo di uffangend❤️.

lidi · 13. August, 17:50

Danke eu für die liebe wort. Wohrschinlich isch eifach öppis bi de zellteilig nöd richtig glofe. Ich wöt mir immer sege, dass es jo erst die 5. wuche gsi isch. Aber bringt nüt wills glich trurig isch für mich.😢

Mary93 · 13. August, 18:11

@lidi
Oh i kenna das so guat🫂. Und bi mier hends alli im Umfeld numa guat gmeint mit "Es het nid sölla sii" und "es isch besser so, wil öppis nid guat gsi isch" und "lieber jetzt, als irgendwenn spöter ir Schwangerschaft", aber die Sätz hend alli so weh tua, wil sie mier z Gfühl geh hend, dass i nid truura dörf, wils so früeh gsi isch. Drum seg i dier das, was i gern khört hetti in dem Moment: Du dörfsch truurig sii und es dörf weh tua! Es isch dis Sternli wo 5 Wucha alt gsi isch und vu dem du di hesch müessa verabschieda 🕊️.

lidi · 13. August, 18:17

Danke, das isch so lieb vo dir🫶🏻

Mary93 · 25. August, 07:46

@lidi Wie goht's dier?❤️🫂

Lotte · 5. September, 12:55

Hallo mitenand! Sind in diesem Chat noch paar aktiv? Ich bin mit meinem Partner grad im 3. Zyklusversuch und werde Mitte September mehr wissen ob es diesmal geklappt hat. Obwohl ich auch erleichtert war, dass es vor allem im ersten Zyklus nicht gleich geklappt hat (im Sinne von: man kann nicht alles auf dieser Welt planen, es ist auch schön, dass es noch Überraschendes gibt), bin ich trotzdem verunsichert, weil wir es in beiden Zyklen im fruchtbaren Fenster sehr darauf angelegt haben. Frage mich auch ob die arge Hitzewelle die Fruchtbarkeit von beiden drückt. Würde mich hier auf jeden Fall weiter über Austausch freuen, falls es paar Interessierte gibt

Lg aus Züri

Schneewittli · 7. September, 17:22

Hoy Lotte, dann drück ich dir die Daumen, dass du Mitte September deine Tage nicht bekommst😙 Hälst du uns auf dem laufenden?🤗Ich weiss auch nicht ob die Hitzewelle direkten Einfluss auf die Fruchtbarkeit hat, aber dass man weniger Lust auf Körperkontakt hat finde ich schon😄Ich freu mich jetzt sehr auf den kühleren Herbst🥰🍂🍁Ich versuche nun seit Januar meinen Zyklus genau zu tracken und mit Ovus den Eisprung zu erwischen, aber bisher ist mir das noch nicht so recht gelungen. Ich habe lange und unregelmässige Zyklen, deshalb ist es fast unmöglech den Eisprungtag zu erwischen🥲 Momentan bin ich bei Zyklustag 43 und warte wieder mal ab, ob die fruchtbaren Tage noch kommen oder ob ich sie schon wieder verpasst habe und die Periode schon wieder im Anmarsch ist🙃 Ich habe bereits eine 4,5 jährige Tochter und es wäre schön wenn der Altersabstand nicht noch viel grösser wäre🙂Dann drück ich dir fest die Daumen und hoffe dass es vielleicht jetzt eingeschlagen hat☺️Wie gehts denn andern alle so?

lidi · 8. September, 10:23

@Mary93 Danke fürs nohfroge. Han nach em vergangene eisprung wieder muet chöne fasse und bin jetzt es+9. Ha so freud, dass min körper das so guet weggsteckt het. Es wär so wunderschön wenns de monat wieder wür klappe. Denk no täglich a 💫 aber s lebe bliebt nöd stoh. Es wird uf jede fall wieder spannend

Schneewittli · 11. September, 11:42

Hoy Lidi, super dass de grad chasch ufstah u witermache🙏🏼Drück dr fest d Düme, hesch öppe scho testet?☺️

lidi · 11. September, 14:34

Nei seb no nöd. Warte bis am sunntig, denn wär de nmt 😊

Mary93 · 11. September, 14:54

Hallo zemma
I han dörfa vorera Wucha positiv testa🥹🥰. I bin hüt in ssw 5+0 und hoffa, dass dasmal alles guat kunnt. Bin sehr vorsichtig mit mi freua, wil i immer wieder an de Verlust vorma halba Jahr denka, aber i probiera immer meh druf z vertraua, dass es min Körper schafft💪🏼.

Mary93 · 11. September, 15:02

@lidi

Mega schön, dass du wieder kli Muat gfunda hesch🤗. I druckder d Düma, dass du am Sunntig en positiva Test in da Händ halta dörfsch🥰. I kenn das Gfühl guat. Üses 💫 isch au immer no in mina Gedanka. D Angst, dass i wieder so öppis erleba muass begleitet mi immer no sehr, aber i hoffa eifach ganz fest, dass dasmal alles guat wird🥹.

lidi · 11. September, 17:01

Hey @Mary93 das freut mich sehr für dich☺️🫶🏻 Cha mich guet i dich ine fühle. Wünsch dir, dass dis glück das mol dörf bliebe🍀😊
Üsen wibliche körper isch meistens stärker als mier denked😉

Mary93 · 12. September, 12:42

Danka viel Mal🥰🤗

Schneewittli · 13. September, 15:18

Liebi Mary93, wow i gratuliere dir ganz ♥️-lech, das fröit mi hets doch so rasch wieder klappet🤗Hoffe o fest, dass aues guet geit u sech das chline Wunder ganz fest häbt🤗

Mary93 · 14. September, 09:06

Dankaschön. Mega lieb🥰🤗

Kinderplanung 2026, wer macht mit?

Kommentare

Hey & Hallo im Forum!

Quick-Links

Kategorien

Alles zu Schwangerschaft, Geburt & Baby

Triff Mamas und Papas in:

Verpasse keine Neuigkeiten:

Entdecke unsere Aktionen: