Gewichtszunahme während Schwangerschaft?

2»

Kommentare

  • Wie göh eigentlich üchi Manne mit de Gwichtszuenahm um? Mine macht jede Tag doofi Bemerkige (hüt Abe het er zum Bispiu mim 3.5jährige Sohn gseit er söu nid Bonbons ässe, 1 dicki Person im Huushaut längi....). Ha ihm scho mehrmaus gseit, dass mi das wirkli verletzt... aber chunnt irgendwie nid a 😢
  • Uu nei da hani demfall glück mine wür nie so öpis säge sondern frögt eher no ober mir öpis sel chochä😂
  • 😯😳 ui nei. Jesses das duetmer gad weh. Min mah isch sogar perplex gsi woni ihm das vorglese han. Nie im lebe würer soöbis sege. Würen sofoet zum tüüfel jage. Er isch scho dankbar sind mir fraue schwanger😅.. er würmer ide nacht na öbis zesse mache oder öbis go hole gah😅😍
  • Hallo @schildchrötlimel ich bin schockiert sit ich gester das glese han. Ich denke din maa het de respekt dir gegenüber verlore und er bringt so am sohn au nüt gschieds bii. Wenn das bi eu alltag isch den würi echt versueche mitem maa zrede, da goht gar nöd.. und glaub de richtig ahsatz für motivation isch das gad au nöd. Ich chönt da nöd akzeptiere, hoff din maa änderet sich!
  • @schildchrötlimel aber meint ers ernscht? oder weiss er eifach dass er dich demit chan ärgere? mine macht amel extra so bemerkige aber me uf witzigi art...und i finds voll nöd schlimm well ich amel au dummi sprüch mach über mini gwichtszuenahm..
  • @Adriana isch äuä scho zum mi Schigganiere.... abr nachem 100te Spruch, findis nüm so luschtig.... ha jahrelang a körperliche Komplexe glitte; de mag i nid so viu verträge 😒
  • @schildchrötlimel ah okay..jo und vorem kind würi sowas eh nöd sege..red mitm..oder schrib ihm en brief
  • @schildchrötlimel oder versuechsch de spiess umtreie "versuech" au mol mit humor druf reagiere villicht find ers denn au nüme lustig wenn er merkt er chan dich nöd demit id egge tribe..und hört denn uf..aber i weiss das isch schwierig..
  • jetzt ide 2. ssw bin jetzt ide 37. ssw und es sind bisher +12kg

    ide 1. ssw hani glaubs +25kg gha 🙈
  • 1. SS hani 5kg zue gno
    2.ss jetzt ide 33ssw 13kg aber i isse garnid meh🤷‍♀️hauptsach am kind gohts guet
  • Ischs normal dass mer geg endi SSW abnimmt?
  • I bi ir 2ss und ha öbä 6kg zuegno bis iz (iz de ir 25ssw) bir erste Hani bis am Schluss 10kg zuegno.
  • Ich ha etzt i de 2.ss 18kg zuegno und bi am mentig i de 34 ssw!!
  • Han im ganze 20 KG und nach ca. 6 wuche hani wieder mis alte gwicht kha (Ha eifach nach der Geburt absolut ke Appetit me kha) Dr buch isch haut glich no bitz da aber für ds bruchts Sport weni wieder mau chli zyt ha😋
  • Bir erschta Muus 14 Kilo und bir zweita Muus 20 Kilo. Bin im dia zweit Schwangerschaft 6 Kilo liachter gstartet. Bi beidna 74 Kilo kah am Schluss und au dr Buuch isch identisch gsi, trotzdem dia Zweit as Kilo schwerer zur Welt koh isch.
  • bin jetz bi 29+1 & ha scho 12kg. hoff es wird nüm viel meh, da 10kg no vo de 1.ss z‘viel sind 🙄🤪
  • Bir erste schwangerschaft sis -5kg si, und jetzt bir zwöite wo i ir 31ssw bi sis ou so -4-5kg 🙈. Eifach nid frage wie des geit, ha kei plan. Und es dünkt mi das ig meeega fiu isse 🙈🙈
  • 20 kg zuegno trotz ech nur gsund ha dörfe ässe wäge ssdiabetis.
    etz 6,5 mönet spöter 10 kg weder dunde🙈
  • Ha 20kg zue gno ide ss u jetzt noch de geburt beni nurna 8kg entfernt vom usgangs gwicht, frag mi ned wie da gaht.. Sie isch jetzt 21 Tag alt🍀
  • NessaNessa

    233

    bearbeitet 31. 05. 2019, 20:03
    @sterndli evt hesch au viel wasser gha 😃

    @Stöpseli sorry weni di ez so frech frege aber es nimmt mi wunder🙈😳 isch den s usgangsgwicht normal oder ehner chli höcher?
  • @Nessa auso säge mers so, i ha scho immer gnueg uf de rippi gha 😂🙈. Aber ou mi FA chas nid ganz versta, das ig i de schwangerschafte ender ab aus zue nime. Für mi natürlech e positive näbe efekt. Aber zu glich ou irgend wie kommisch. Wüu e bebe buch ha i ja glich 🤷‍♀️.
  • @Stöpseli hehe git nüt wos ned git gell😃 und den mal s gwicht vom bebe ect hesch ja dezue au na abgnoh😯🤗
  • @Milkyway isch das gange mit stille und abneh? Me seit ja set guet asse wemmer stillle duet au für s baby ?
  • Also ich ha vo elei abgno und einisch isch de fertig gsi.
    Denn hani ersch wieder bewusst abgno wo ich ufghört han stille.
  • @Maryon Ja ha nid absichtlich weniger gesse eifach ke lust kha & es het weder dr Milchmengi no am Baby gschadet. Aso di chlini isch bald 4 monet und ich due vollstille. Sie nimmt oh gued zue. Isch mit 3.7kg uf dwelt cho und bir 2 monetskontrolle isch sie 5.5 kg gsi.
  • Ha bi de erst 12kg zue gno bi de 2. 15kg bim 3. 38kg und bim 4. Hani 10kg abgno

  • Babys nämme sich was si bruche es isch denn eher so dases einem selber denn nit guet goht
    Muess allesrdings sage mini 4. Ss isch generell sehr e schweri gsi
  • Ech ben aktuell i de 33 SSW metem erschte Kind ond han bes jetzt 5 Kg zuegnoh... Ben ehrlich gseid mega Froh welli scho chli meh of de Hüfte han... Mini Hebamme hed gseid darf ned meh weder 10 Kg zueneh... Ha so Angscht gha jedesmol wenni of d Wog han mösse... Ond jetzt hoffi eifach dasses so blibt 🙃
  • Ich ha 20 Kg zum Schlusa zuegno mit ihrä 1. Chind und nach 3.5 Mönat hani 13 Kg wieder dunnä☺
  • Ich denke wenn me ned „frisst für zwei“ und uf en usgwogeni gsundi ernährig luegt, esches egal wie viel meh zuenimmt. Vieles chane ned stüre. Aber wenn die 5x er wuche met fastfood zueknallsch dene weisch das selber schuld besch 😂😂😂
  • 16 Kilo...8 hani no druf jetzt nach 4 Monet 😒
  • Ez bide zweite hani 20kg zurgnoh..2w nach geburt scho wieder 12 verlorä
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum