Hey, viele Themen und Gruppen befinden sich im privaten Bereich.
Für den Zugang zur gesamten Community, registrier dich bei uns.

Baby-Apothek

Hoi mitenand

Mir erwartet im September euises erste Wunder. So langsam sind mir chli am vorbereite und mich würd na wundernäh, was so alles id ‚Baby-Apothek‘ so fürs erste Jahr ghört. Was sind so eui must-haves? Egal öb für buuchweh, wundbehandlig, zahne, chranket etc.
Mir händ leider kei Apothek i de nöchi wo z.Bsp. am sunntig offe hät, drum wet ich gern s‘nötigste chli dihai ha.

Danke für eui Tipps 🤗

Kommentare

  • Also d Dafalgan Zäpfli, Hustensirup, Nasenschleim Absauger, Nase Salzlösung, Bepanthen und Zahnungsgel...da isch bisher s einzig wo mer jemals brucht hend...ahh und halt no Vitamin D3 und Eisentropfen
  • Also mir hend bi beidne Chind genau 2 Sache gha: Viburcol zäpfli und Osagel (s grûene). Und de Rest hemer bi Bedarf gholt. Wasi no cha empfehle, isch d Similasan Reiseapothek. Det hesch Globuli für Alles drin.
  • Ganz ähnlich wie Pinny seit. Kochsalzlösig för zum Äugli usewäsche oder Nase spüele, Zinksalbi und Bepanthen för wunds Füdli, Osa-Gel grüen und Osanit-Kügeli fürs Zahnen. Bi Buchweh es Wärmechüsseli. Spöter wenn’s afanged au mol umgheie isch mis meischtbruchte Mitteli wäge Büüle Arnicagel und Arnica-Kügeli😅 Schmerzzäpfli und Vitamin D-Tropfe gitts denn vom Kinderarzt.
  • Mier hend dafalgan- und bulboid zäpfli, sowie osa gel ☺️
  • ich würde noch engelwurzbalsam empfehlen. kann mann bei schnupfen auf die nasenflügel einreiben,wirkt super schleimlösend.
  • Mandelöl 👍
  • Danke eui vielmal für all die Inputs!
  • Mir hend no feniallerg, öpis geg durchfall, abschwellendi nasespray, itinerol zäpfli... aber nur für de notfall.
Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland