Baby-Apothek

Summer2018 · 18. 04. 2019, 13:14

Hoi mitenand

Mir erwartet im September euises erste Wunder. So langsam sind mir chli am vorbereite und mich würd na wundernäh, was so alles id ‚Baby-Apothek‘ so fürs erste Jahr ghört. Was sind so eui must-haves? Egal öb für buuchweh, wundbehandlig, zahne, chranket etc.
Mir händ leider kei Apothek i de nöchi wo z.Bsp. am sunntig offe hät, drum wet ich gern s‘nötigste chli dihai ha.

Danke für eui Tipps 🤗

Pinny · 18. 04. 2019, 13:29

Also d Dafalgan Zäpfli, Hustensirup, Nasenschleim Absauger, Nase Salzlösung, Bepanthen und Zahnungsgel...da isch bisher s einzig wo mer jemals brucht hend...ahh und halt no Vitamin D3 und Eisentropfen

mrspfeffer · 18. 04. 2019, 19:00

Also mir hend bi beidne Chind genau 2 Sache gha: Viburcol zäpfli und Osagel (s grûene). Und de Rest hemer bi Bedarf gholt. Wasi no cha empfehle, isch d Similasan Reiseapothek. Det hesch Globuli für Alles drin.

twilly · 18. 04. 2019, 19:07

Ganz ähnlich wie Pinny seit. Kochsalzlösig för zum Äugli usewäsche oder Nase spüele, Zinksalbi und Bepanthen för wunds Füdli, Osa-Gel grüen und Osanit-Kügeli fürs Zahnen. Bi Buchweh es Wärmechüsseli. Spöter wenn’s afanged au mol umgheie isch mis meischtbruchte Mitteli wäge Büüle Arnicagel und Arnica-Kügeli😅 Schmerzzäpfli und Vitamin D-Tropfe gitts denn vom Kinderarzt.