Wann gehts los?

allyally

42

bearbeitet 25. September, 19:39 in Geburt
Hallo liebe fraue

Ich han mal welle fröge, ahand vo was hend ihr gmerkt das es langsam losgaht?

I ha jetzt sho recht oft senkwehe / üebigswehe gha. Dezue ish mer vermehrt schlecht und fühl mi mega müed de tag duur. De E.T ish am 8.10 und s ish miis erste baby 👶🏼. Sii wiegt scho 3.1 kg und ish 50 cm gross. Hoffed das sie bald chunt

Kommentare

  • Bi mer esch d'Fruchtblose platzt/grisse und emmer weder en Schwall use cho, amene Mittwoch obe. Am Donnschtig morge beni den (ellei 🤦‍♀️) in Spital gfahre. D'Fraueärztin hets bestätigt und en Test gmacht bezüglich enere Infektion. Han den aber weder hei derfe, welli fascht kei Wehe gha han. Gege Mittag zue send den bitzeli Wehe cho und ech han min Fründ hei bittet. Am Abe hani namal in Spital müesse gah lah kontrolliere weg de Infektion und wies mit de Wehe usgseht. Sie send emmer nanig werkli ume gsi und wenn, denn ned starch. Also hemmer derfe entscheide öppi hei wett oder dete möcht blibe. Wenn bis am FR Morge kei Wehe ume gsi wäret, hättets den müesse Geburt ihleite. Mer send also am DO Abe weder hei und ab de 8e hani emmer regelmässiger und stärcheri Wehe becho. Am 11i z'Abe semmer also weder in Spital..
    Mer hend emmer alli gseit, ech merke den scho, wenns rechtigi Wehe sind und es los gaht. Und das esch werkli so gsi 🤷‍♀️
    Senkwehe hani nie gha oder ned gmerkt. Was hilft, esch es warms Bad näh. Wenns den stärcher wird oder bliibt, den sends anschienend rechtigi Wehe.
  • Mier isch zwei Tag vor de Geburt de Schleimpfropf ab. Denn hani immer wieder wenig früschbluetige Schleim gha.. En Tag spöter hani so chli "Wehe" gha, woni id Badwanne bin, wie d @mischmiisch gschriebe hed, isch nüt meh gsi mit "Wehe".
    Guet am 23.00 pfuuset bis am 8.15 Uhr, bini mitere Wehe verwachet. Hani denkt ja wieder nur so en Fehlalarm😒
    8.40 Uhr hani de mal im Spital Tel und gseid dases glaub sowiit isch. Ich gah no go dusche und chämti den langsam.👍👍
    Nachem Dusche isches de so richtig los gange. Ha all 2- 3 Minute en Wehe gha🙄
    9.20 im Spital ach, 9.40 isch sie da gsii🤷‍♀️🤷‍♀️
  • Mir isch sit e wuche de schleimpfropf ab. Sit 4 täg ständig vorwehe, aber es duet sich trdm nüt bi mir 🤷‍♀️
    Bin i de 37 ssw mit minere 2 jungs.
    Sie wänd halt eifach nöd😂
  • Mir isch am morge fruchtbalse platz, ha aber schüsch nüt widers ka/ gspürt. Sie no ga zmittag ässe us wärds. Mi chli cusä wo Rettungssanitäter isch het no gmeit, das geit nüme lang. Nachem ässe hani es bad gno u den hets mit wehe a gfange Namitag its spital. Und churz vor Mitternacht ischer da gsi.
  • Bim erschte hets mit ruggeweh agfange und den ufd dnacht immer regelmässigi wehe.
    Bim 2te hani sicher2-3wuche vor et senk und üebigswehe gha. Bi ET 9 hani en blaseriss gha und denkt es gaht los.han den 24h spöter müesse ileite will nüt passiert isch🤷‍♀️
  • @Tanja87 den esch es bi euch im Spital ja zemli schnell gange. 🙈
    Mer send am obe am 11i öppe im Spital gsi, d'Larina esch aber erscht am nöchste Tag am Namitag am 2 uf de Welt gsi 🙈 sie hend mer sogar na öpis müesse gäh, damit ich rechtigi Presswehe bechumme. Schlussendlich hends na müesse mit de Sugglogge noche helfe, well sie s'Händli am Gsicht obe gha het.. 😕
  • Ich han am tag vorher uu schlächti lunä gha und han mi nöd wohl gfühlt. Han kei bsuäch mögä und nüüt. Am Abig simmer no go spazierä und ich han min maa aagiftet, wiler gmeint het, jetz platzi denn sicher d fruchtblasä (bi 40+1)
    Und am nächstä Tag am Morgä am 4ri isch d Fruchtblasä platzt. D Hebammä het denn gmeint ich söll namal ins bett und am 8i namal ahlütä, wasi denn aber nümm chönä han. Ä halb stund spöter sind d wehä uf ein schlag mit 2 min Abstand cho. Am halbi 6i simmer denn im Spital gsi und am 5 vor 8i isch üse chli uf d wält cho.
  • Tanja87 schrieb: »
    9.20 im Spital ach, 9.40 isch sie da gsii

    @Tanja87😱😱 omg du hesch au na glück gha😝😝 hetsch chli länger duschet hetsch e auto geburt gha
  • @Nessa Ja seg nüt🤣😂 min Maa hed scho Krise gschobe 😅 aber hanem gseid das längt no😁👍
  • Ich weiss ebe wie nöd ob de propf sho ab ish, vo dem her weiss au nöd. U d weg de schlechte luune: ich bi mega im tüüf amel, so wie im erste drittel, gifte min fründ ah und mun weg allem brüelle
  • Also mer merkt eigentlich ziemlich guet, wenn de propf ab gaht. Ich hans zumindest sehr guet gmerkt und han zerscht au angscht gha, ech merkes ned.
  • Hallo!
    Erzähle kurz meine Geschichte auch noch...
    Mit leichten Wehen aufgewacht (dachte es sind Senkwehen, denn diese hatte uch schon die letzten drei Wochen) doch dann wurden aus leichten Wehen etwas stärkere in kürzeren Abständen und der Schleimpfrof gieng ab ( das merkst du bestimmt denn dieser unterscheidet sich stark vom normalen Ausfluss, denn hier ist etwas Blut im Spiel) und dann kam auch schon immer wieder etwas Fruchtwasser. Ich gieng dann gerade ins nahe gelegene Spital und eine Stunde später war Sohnemann geboren! Und noch zum Thema Geburtsvorgang/Verletzungen: ich bin eine sehr zierliche schlanke Frau 160cm 48kg (normal) und habe ein Babyboy 3890g ohne nennenswerte Geburtsverletzungen innerhalb kürzister Zeit entbunden. Die Natur hat es aus meiner Sicht gut für mich eingerichtet😊Wünsche dir alles gute
  • Aso ich ha zwei mal ned gmerkt das de pfropf ab isch😅 bim erste isch mer d fruchtblase wie im film platzt bi zum glück dihei gsi isch alles klatsch nass gsi😂 und bide zweite erst im spital churz vor de presswehe
  • Blöödi frag: aber schmöckt de anderst oder gseht mers? Wil min arzt het gseit mun nöd unbedingt bluet drin si
  • @ally also ich ha kei Bluet mit debi kah. Es het eifach uf de unterhose en wisse lange schleimige streife kah. Und zwar viel also würkli sehr viel. Mit de nase here bini zwar nöd aber irgendwie het mich a wackelpudding errinert😂
  • Ich han au am 8.10. ET 🤗 Und ich bin au mega gspannt wenns losgoht. Ich han sit es paar täg hauptsächlich z nacht ganz es liechts menszieh und sösch ga nüt. Han glaub au nie senkwehe gha oder sie emu ned bemerkt. Höt z obe hani plötzli starki rückeschmerze gha und drum es bad gnoh...set do hani nüt meh! Min ma isch uf de nachtschicht...hoffe s goht ned grad jetz los! 😂🙈
  • Hei @nala89
    Min maah ish au weg, pokerabig mit kollege. Ich hoffe es gaht am mäntig abig los, 1.10 wär es cools datum. 😱Es zieh im buuch hani au fast jede tag, aber ebe weiss ja nöd nal ob i de pfropf verlore ha🥴
  • De schlimpfropf mues gar ned zwingend weg...chan au si das de erst under de geburt abgoht genau so wie au d fruchtblose erst unter presswehe chan platze...
    Mer hilfts wenn ich mich met bastle, bsuech due ablänke oder mol es neus rezept usprobiere...die ziit wird scho omegoh
  • Ich ha gar nyd ka. Bi mir isch am zyschdig langsam dr propf abgange abr me nyd. Denn hets am donnschidg in dr kontrolle gheisse me muess ileite do zweni fruchtwasser ume isch. Dos kai platz im gebärsaal ka het, hani nomol heime deerfe und am fritig morge uf die 9.00 miesse ins spital. Ich bi denn am 5.30 am morge eifach so wach worde und denn hani vo einere sekunde uf die anderi wehe beko und zwar grad zimli stark...🙈 ich ha nie senkwehe odr so was ka. Abr wo denn die richtige wehe ko sin, hani gwüsst, jez gohts los. Das ka me nyd verwechsle😜🤪
Hey! Babyforum.at ist eine moderierte Community die auf Sicherheit und Anonymität wert legt. Ein Großteil der Gruppen, Themen und Beiträge sind nur mit einem Nutzerprofil zugänglich. Melde dich kostenlos an!

Triff Mütter aus der Schweiz Zürich Ostschweiz Zentralschweiz Nordwestschweiz Mittelland Genferseeregion Tessin Ausland