🥰Juli Baby‘s 2020🥰

24

Kommentare

  • Mer hend höt de Ersttrimester-US gha ond gseht alles super us🥰439d5830-2e09-11ea-9c20-8bd62316231e.jpeg
  • So toll☺️😍
  • Hey ihr Juli Mamis ☀️🤰🏻☺️
    Wie gohts euch so? Hend ihr im Moment Beschwerde?😊
  • Goht üs tiptop, im Momänt hani gar kei Beschwärde☺️ Ond wie gohts der/üch?
  • Ech weiss ned rächt, öbi mi söu zu de Juli oder de August Babys zelle. Errächnete Termin 31.7., aber be soooo sicher dasi überträge 🙈Ha im Momänt keni Beschwärde, wasi so komisch finde. Hoffentli gohts em Chnopf (Gschlächt wömmer ned wösse) guet. Aber Mittagsschlof wördi nach wie vor täglech mache... Am Obe früeh müed ond weni länger nüd isse, werdi ou mega müed.
    Bi üch so?
  • @Sissi das kash Joh nid wüsse, Bisses sowiht ish😃 Uns gohts aau tiptop danke😊 mied binni aau andauernd.. Schloof mängish fast iih bem shaffe 😅Beschwerde gar keini eig, nur mega heftig reali träum immer aber das ish Joh normal 😃 freu mich uf de Next Termin am 10.02😍
  • @Nadine das freut mich natürlich für dich/euch😊
  • Im moment mit re blöde Erkältig z kämpfe.. sus müäd und schnell us de phuuste.. immer am öpis inebiiege 🙈
    Next mittwuch termin.. vilicht zeigts sich ja was es git 😊 sehr wenig nerve fü min 2 jährige. 😕🙁
  • hui jo, @wola, das mit de pusti könni ou. gueti besserig!@fabienne91, das mit de real tröim hani scho gläse. sends de gueti tröim?
  • Danke, de mit de troim kenni au.
    Wirrs züg 🙈😉 ned nu schöni 😣
  • @wola jaa bi aau ständig am ihne biiege😅 döff ich froge wieviel ihr zuegno Hend bis jetzt? Bi mir ishs nämlich glaub e Bitz viel 🤭 @Sissi hmm nei teilwies sind’s au wirklich schlimmi träum und au aifach mega komischi😂 khömme die komischste lüüt dinn vor und s komischste züüg😀🙈
  • @wola &‘ gueti besserig diir
  • Bi die wuche o 2mau im spital gsi wäge verdacht uf Lungeentzündig.. Si heimer när es Medi gä woni null vertreit ha, aber es geit Bärg uf bi froh geits üsem Zwärgli guet.
    Wüsset dir z Gschlächt scho? Bi üs hets es schön versteckt🙈
    @fabienne91 i ha 3kg zuegno, aber dür die Tablette wider 1.5kg abgno, glob chunt aber schnäu wider druf😉.
    Bi aber vorhär scho nid di dünnsti gsi.
    Wiviu hesch du zuegno?
    Vo welere Region sit dir?
    Ig bi vor Region Burgdorf.
  • @Oli aber jetzt gohts dir widdr guet? Nei s gschlächt wüsse mr Noni aber vllt am mäntig, wär schöön:))
    Hmmm ich ha Ebbe mit 52kg kg gstartet und jetzt binni erst 16+2 und mis gwicht schwankt zwüsche 59 und 61kg😬 bin gspannt was Mini Ärztin seit am mäntig will, ich iss nur gsund, uf siesses hani gar Kai lusht ...ich bin vo basel-Land (lause)

  • Schwankt zwische 2-3kg ghoer aber au zu de Übergewichige
  • be scho länger nüm ufd woog, aber be aktuell ou i de ernährigsberotig, wöui scho vorhär tächt übergwicht gha ha 😕be us de region luzärn.
    und bimne usflug ufne bärg vorgeschter uf iis usgrütscht und jez hani es lädierts chnüü. röntge hend si halt ned chönne, aber äuä nüt schlimmers met de bänder. und us sicherheit no zum gyni go zeige. ou do schiint alles guet. ufem ultraschall het de chnopf (gschlächt wüsse mer ned) düümelet und de no so daumen hoch zeigt 😍😍
  • Auso es isch scho viu besser aber bi scho nid fit. Bi aber froh hani nüm so höchs Fieber, da hani mr scho sehr sorge ums baby gmacht. Aber de bisch ja sehr schlank gsi, de bruchts dis Kind/ di Körper villech eifach 😊.
    @Sissi aber loufe chasch no? Hoffe ds geit baud wider besser.
    Ohh üses het pennet u sech am kopf kräblet womes het wöue wecke🙈.
  • loufe derziit met stöck, werd aber besser. höt nomou zum gyni müesse, wöu si nomou hend wöue bluet näh. hüt hets im ultraschall usgseh, als wörds büroarbeite erledige 😂😍@Oli das gloubi der, dass fieber angscht macht. wönsche der wiiterhe gueti besserig!
  • @fabienne91, am aafang esch gloub normal, dass meh zuenimmsch. und gloub schlanki froue dörfid meh zuenäh als übergwichtigi.
  • @Sissi ds steui mr witzig vor😅, isch auso scho ein fleissiges Bienchen.
    Merci ds wünschi dir ou.
    @fabienne91 auso Kollegin het 18kg zuegno gha u dert het dr Arzt o gseit sig no im Rahme da si ou eher schlank isch.
  • Ha bim erste über 30kg zuegno 🙈.. ha vor de ss abwr au 23kg abgno.. und de esch alles wieder ufe plus chind 🙈 ha ez aber i denne knappe 2 jahr 10kg abgno gha aber sehr langsam..vo dem her hoffi das ez ned z viel wieder ufe choont. Aber da be eus nacher Familie komplett wird sii. Hani nacher au en andere ergiiz zum drah bliebe und ned im hinterkopf das ja de noma so choont. Vilicht klappets dasmal mitm stille und de nimmi so au na ab. Wis gaht weissi ja eigentlich.. aber ebe.. 🙈 oh guati besserig.
  • @Oli Okay Joh das sage mr viel, dass es halt Kli meh ish, will ich vorher eher schlank gsi bi.. @Sissi au Dir danke fürd Antwort😊 will dem würmli Joh aau gäh was es brucht, ish mr nur komisch ihne kho, will überall woni bi Go noche läse bi, ish gstande 2-3kg in de erste drei Monet &‘ bi mir ishs aifach Dütlich meh gsi. Ha siht gestert Morgee frieh Extrems Kopfweh, hani nonie kha so intensiv. Aber ha hüt zum Glück de Termin bi de FÄ, hoff so fest das bim kleine alles guet ish und dasses vllt hüt mag zeige, ob maitlii oder buueb😍
  • Huhuuu Juli-Mamis😊Ich start nomol en versuech 😃🙈Gohts euch allnee guet? Wünsch euch uf jede fall alles gueti für euri wihteri Schwangerschaft und hoff ihr überstönnd die ziht guet &‘ gsund😊
  • Hallo..üs gohts tiptop👍☺️ Hend die Woche weder en Ondersuech gha ond gseht alles guet us. Hoffe der gohts au guet? Wösseder i de Zwöscheziit wases get? Bi eus gets es Meitli🥰 jo bliibed alli gsond ond hend sorg🤗
  • Hallo üs geits ou guet bi nur gstresst vom schaffe🙈. Mir hei nächst Wuche wider ungersuechig bi gspannt obs dasmau zeigt wases wird😍 wets wüsse. Ohh es meitli💕
    Luget ou zuenech, häbit sorg.
  • Huhu, ja ganz guat. Sehr streng mitm 2 jährige😣😉 be ja sehr froh um de Garte ir jetztige situation.. aber chaschn ned us de Auge lah.
    Mer hend eh Tendenz.. letsch ma het sich ned wele definitiv oute.. next ma zuckertest..
    wird de na alüte das mer gad 2termin zema nehmet.. willi ez scho wet vorsichtig sii und hoffe min maa darf mit. Be vielne darf mer ja nu no ellei ga. Mueni au no abkläre. Will de chlii ez au immer mitcho esch.
    Mer hend ez viel party.. natürlich vorallm wenni de wet schlafe 🙈😉Hebet eu sorg.
  • @wola ja ds gloubi dases sträng isch mitemne 2jährige. Bi üs hets geng dr Fuess vordrane gha wemer z gschlächt hei wöue wüsse. Leider darf mi Ma nächst Wuche nid mitcho. Mir het mi FA gseit es sig e vorgab vom Bund, es dörfe nur Schwangeri u notfäll it Praxis. Partner u Kind dörfe nid mitcho, hoffe dases bi dir angers isch. Auso mi hets grad sehr möge wonis ha ghört, vorauem wes när z gschlächt presentiert🙈.
    Heit dir ou scho üebigswehe?
  • Das freut mi gohts euch allne sowiht guet😊 bi mir döff min maa leider au nid mit kho, s neggsht mol☹️. @Nadine Jaaa uns gohts guet und mir Hends au äntlich döffe erfahre, es git en Bueb 🥰💙 @Oli Nei also ich ha no Kai iebigswehe.
  • Oh so schön gohts üch sowiit allne guet☺️ Jo mer hend jo au scho en 2 Jährige Sohn ond er forderet üs aso au rächt ond brucht sehr vell Ufmerksamkeit aber be froh beni no relativ fit ond magem no noche😅 Üebigswehe hani aso au zwöschedöre emmer weder, das beni mer vo de erste Schwangerschaft gar ned gwohnt ond be am Afang chli veronsechered gsi dass das scho so früeh afangt😉 Jo das ganze Corona begleitet üs hets halt au dör die Ziit..semer gspannt wie lang das adured ond wies de im Juli usgseht..hoffe mer s Bescht dases bes de weder möglichst döre esch☺️
  • @nadine ah de bini beruhigt we du ds ou hesch, es het mr scho z dänke gä.
    St dir aui no vou am schaffe oder wi machet dir das?
    @fabienne91 ja i hoffes o das sech ds chli leit wägem corona, vorauem weme ghört dast vätere nach dr Geburt grad müesse ga, wes si überhoupt dörfe drbi si. Da hätti auso sehr problem drmit weni ihn nid dörft drbi ha.
  • Hallo Zusammen
    Ich bin die Mandy und neu hier im Forum. Unser ET ist der 26 Juli, womit ich auch zu den Juli Mamis gehöre 🤗🥰 Ich habe in diesem Forum schon ein wenig rumgestöbert und freue mich jetzt darauf euch alle kennenzulernen 😊
  • @Oli Jo be zerst au chli veronsecheret gsi aber mini FA het gmeint das sig alles ganz normal😅 Do mer scho en 2 Jährige Sohn hend, schaff ech sethär no 40%. Ond das goht no ganz guet☺️ Bi eus im Gschäft stellets etzt wägem Corona noch und noch uf Homeoffice om..be jo gspannt wie das meteme 2 Jährige dihei denn klappet🙈😅@Mandy Wellkomme ond härzlechi Gratulation🥰
  • Hi Mandy. Und gratuliere 🥳 s erste? Vo wo besch?
  • @Oli Jaa das wär mega schlimm wenn unseri Männer nid döffte debi sie ☹️ de geburtsvorbereitigskurs wird dänk ich Emol aau abgsait 😌Hoff wirklich bis im Juli het sich das ganze widdr ebitz leggt😊
    Ich bin im mom im Homeoffice, shaff als Zeichnerin, do Goht das guet.
    Hättet ihr lusht e WhatsApp Gruppe zmache? @Mandy Herzlich willkomme &‘ alles gueti und viel Gesundheit für die rästlichi Schwangerschaft😊
  • @Nadine: merci vielmals 🤗
  • @mandy i gratuliere dir, u willkomme💕.
    @fabienne91 i wär drbi bire WA Gruppe.
    I dänke ou das es abgseit wird i wär aber scho froh gsi drum.
  • Jaa wär ind WA Gruppe will kha mir Joh per PN d nummere schicke, denn mach ich die 😊
  • hoi zeme 💓 ich ha et 29.7 mir bechömed es meilti. 2. ssw🙏🏼
  • @wola: danke, danke 😊 und natürlich gleichfalls - ja, es ist das erste 🥰 ich bin von Obfelden und du?
  • @fabienne91: auch dir vielen Dank und ebenfalls nur das beste für dini Schwangerschaft 🤰😊
  • @Oli Merciiiii und ebenfalls alles gute für dich 🤗
  • Rüti zh 😉 hallo daki 😉
  • d8e55840-719b-11ea-a12b-6f68094b321f.jpeg min sohn esch ou es juli baby gseh. Hät 3 säck voll kleider vom 56-74 gratis abzgä.
  • Hallo Zäme. Ig bi neu da, 31gi us Solothurn :) Mir erwarte üses 2. Wunder wo hoffentlich am 20. Juli gsund ufd Welt chunnt. Hoffe es geit üch allne guet und das dir üchi Schwangerschaft chönnet gniesse, au wenns jetzt langsam aber sicher immer asträngender wird :) Bis bald. Liebs Grüessli Andrea
  • hooii @AnDu88 wünsch dir au alles gueti für dini rästlichi Schwangerschaft 😊 mir erwarte unsers erste Wunder💙 am 23.Juli🥰 mir sind vo Basel-Land.
  • Hallo Andrea, willkommen und auch dir alles gute für die restlichen etwas langsameren 😬Schritte in der Schwangerschaft 🤗
  • Mädels, wie geht es euch so? Alles gut? Seit ihr schon fertig mit allen Vorbereitungen etc? 😊
  • Hallo Andrea, alles Gueti au der för de räschte vo de Schwangerschaft☺️
  • @Mandy Goht mer tiptop, eifach nöm so beweglich ond es werd langsam astränged üsem 2 Jährige Sohn nochesprenge😅 wie gohts der? Do mer jo scho en Sohn hend chömer eigentli so zemli alles vo dete öbernäh aber gross vorbereitet hemer die sache nonig. Du besch scho flissig?
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum