Geburtsberichte

Nalan83Nalan83

134

bearbeitet 12. Mai, 11:36 in Geburt
helloooo☺️

mi würds e mol wundernäh die ganzi geburtsberichte vo eu..! die wo luscht hend dörfe gern de ganze ablauf (ihri gschicht) verzelle, bi gspannt..agfange bi de wehe vorwehe deheime alles😊! ungschönt und ganz ehrlich, traumhafti geburte bis horror geburte würd mi wundernäh und leses gern..!

lg ☺️ mit babygirl 37+4

Kommentare

  • Also de fang ich mal ah .
    Am 10.01.19 hani na en Kontrolltermin gha den de ET isch uf de 12.01 gsezt gsi ... isch alles so guet gloffä und de Arzt hat gseit es chön nümm lang gah 😁. Ich hn Ihn scho wele wege Ihleitig froge da ich ao verchälted gsi bi ... jede Hueschte hät weh da und dich bini Unä au ned gsi 🤫😒... er hät mer de Wehe Tee empfohle ... also bini de go hollä gange ...

    Am 11.01 bini viel gloffä und stägge gseklet ... mini Schwö hät mi begleited.

    Am 12.01 isch de Stichtag gsi ... den hät mi gnoh ... zerscht de Wehe Tee trunke ... de Is Coop gloffä ( gwatschlet ) . Und de immer de Blööd hueschte ... den bini hei und de hani die ganz Wohnig puzt 😆🤣 de Teppich isch na nie so suber gsi ... hani ihn so gar gschruppt und mini Schwö hät mi ned chöne abhalte ... de plötzlich hani gmeint ich muess ufs WC go 💩💩 die chräpf hani so na nie gha ... es isch ca. 19:30 gsi ...
    Da ich fascht kei Luft becho ha weg de verchältig hani im Spital ahglüted obi echt dert öppis zum Inhaliere bechume ... am 20:30 simmer de is Spital gange ... CTG gmacht und Wehe sind da gsi .. jedoch nanig so...
    21:00 2cm bini offä 😉 sie händ üs gard wele heischicke den ischs abgange 🤫🥴 sturm wehe wie nüt ... 21:45 ganz offä .. den simmer so ganz schnell in Kreißsaal gloffä ... (Badewanne isch voole gsi) aber leider häts ned glanged ... grad na ufs Bett drufgschmissä und 3 Presswehe und mini chli isch am 22:07 da gsi ... 💞💕💓💗 kei verletzig nüt 😉 und überglücklich ... 💋❤ kuschele und kennenlerne 😘

    Wie schnell wirds echt bim 2te si 😄😃

  • 😍 danke für din bricht..! so toll hopla isch schnell gange...hoffe bi mir wirds au so schnell goh und kei verletztig ha🙈😆...!!
  • Bi mir hei am 2.1. 20 Üebigswehe agfange(mau wieder), so am 23uhr. Am 3.1 am 02.00Ihr de plötzlich heftig schmerze. Am 03.00 Hani ner mi Fründ geweckt, dasi denke dasi Wehe ha. Aber öpi es Bad darf uselah um die Zyt weg de Nachbare😂 Er meint ner so*Hallo sicher! *
    Woni am Bade bi gsi hets ni ufghört. Am 04.00 Hani mi geschminkt, u sie ner am 5.00 is Spital, Befund afa 1cm offe, Muttermund weich. Sie seit, das ish scho e tolle Befund nach kurzer Zyt. Mir sie nomau hei 2std speter mega wehe, au 3min. Ca 2min wehe.
    Sie iz Spital 3cm scho offe. Denn Hani ni denkt dasi 30Std wehe worde ha, bis mi chli chunnt. 🙈😭 Auso am 8.00 im Spital gsi, wehe guet chönne weg atme Dank meditationsüebige uf YouTube friedliche Geburt. Am 10.00 meint Hebamme, da ig dir ganz nacht scho wehe heig, u es afa 3cm offe, so bleibe ish, möchte so met es schmerzmedi gä. De chani no chlei schlafe, guet gemacht. Am 15Uhr,geng no 3cm. Am 16Uhr 4cm.bi wieder I Kreissaal. Am 17Uhr bini I Badewanne, Schmerz Chum uszhalte si.. Am 18Uhr Hani grännet wine schosshund. HA Schmerze gha ohni endi, ha denn afa 1.schmerzmedi gha. Am 19.30uhr hetsi mir nomau schmerzmedi ge, am 21.00 geng no 4cm. Bi Bau verzwieflet.. Ilouf gemacht nüt bracht. Am 22.30 seit sie so. *ja PDA söt me iz de mache, de Rütschts Baby besser abe* wiu bi eue verchrampft gsi, nach so lange Wehe.
    I ha ni wöue PDA, ha so grännet u mim Partner gseit'*I wet e Keiserschnitt '* denn meint er so *nei probier doch PDA. * PDA schlimm gsi 6mau gstoche, Katheter ni dinne blibe. Nach 2std no mau müesse here ha.. Ner hets de klappt.
    Am 6.09 het den d Hebamme gseit, dass üse Sohn normau uf dwelt cha cho. Hei no gwüsst ob Mr e spontane Kaiserschnitt müsse mache oder nid. Die Hebamme ish sooo e guet gsi. Ha mi trotz PDA ufem Bett dörfe bewege, sie u e Assistenzsärztin heimr ghulfe Positionen zwechsle. So das ds Baby me aberütscht. Bi froh, so Hani ke Keiseschnitt müsse mache. Ca um 8.00 heisi Fruchtblase la Platte, Nach 2std presswehe, mühsam gsi🙈😂, ish er am 4.1 10.36 uf dwelt cho. 2mau dNabelschnurr ume Hals gha, locker zum Glück. Er het immer gueti Herztön gha, drum heisi woter probiert ihn natürlich uf dwelt hole.
    Hani ner so gfreut wo därztin gseit het, dass I ke Dammriss u so ha🍀😀 vor dem Hani am meiste Schuss gha. Bi sehr dankbar, heisi Ami gloub, dasi natürlich ha chöne Gebärde. 😀
  • Plante Kaiserschnitt am 7.10.2019
    I de 28 ssw hen mir vom luzerner Kantonsspital das Datum becho. Ich han e Traumschwangerschaft kah, so guet wie kei Übelkeite, bin super beweglich gsi, kei schmerze ( agseh vo ruckeschmerze ) alles top. 2 Täg vorher hend mir no en Kontrolltermin kah und ufklärig wie was ablaufe wird plus hani no mageschoner becho. Min maa und ich sind am 5. 10 & 6.10 no zemme is resti go esse den is kino und öpis go trinke innere Bar. Am 7.10 6.45 Uhr sind mer im Spital gsi, ich ha mich müsse umzieh und ctg isch gmacht worde. Sie hend 3 not Kaiserschnitt kah vor mir und dem entsprechend bini spöter dra cho als plant, also isch min maa öpis go esse mit mir ( ich ha de ned derfe mit esse)
    Im Kreißsaal den hani die sprütze in rucke becho und danach de Katheter. Sie hend 7 mal müsse steche bis sie de richtig Punkt troffe hend. Vom Katheter hani so guet wie nüt meh gspürt. Min Maa het sich i dere zit au müsse umzieh. Ich bin so dene gsi vo de ganze medis ich han min Maa nöd erkennt unter so viel ärzt🙈
    Ich ha mich die ganz zit gfrögt kah warum de maa nebe mich sitzt, bis er den mini hand gno het und mich küsst het, den hanis checked. Es het nödmal 10 min brucht und mini kids sind da gsi. Am 8.59 isch min erste Sohn ufd welt cho und am 9.00 min Zweite. De erste ( kenan) isch mir grad ufd brust gleit worde, voller bluet. Wo de zweit cho isch ( kaum bluet) hends de Kenan ufd brust vo mim maa gleit und de zweit( Mahir) het dörfe bi mir sie.
    Sie hend für das, dass sie ide 38 wuche cho sind und ebe Zwillinge sind es guet gwicht kah. Mir hend derfe kuschle bis sie mit mir dunne fertig gsi sind, also zemme tackere, nähe usw. 9.15 Uhr sinds fertig gsi, chind sinds go untersueche und ich ha derfe i mim Zimmer öpis esse ( endlich haha)
    Fazit: Min Kaiserschnitt isch super gsi! Kei Probleme kei Komplikatione nix. Abgseh vom stich in rucke und en chline pix bim Katheter lege, hani nüt gspürt.
    Wenni no einisch Schwanger wird ,würi gern e spontan Geburt ha eifach zum au das mal erlebe.
    Ich han es mega team, währendem Kaiserschnitt bini recht nervös gsi ( ersti Geburt) und sie hend mich echt guet chöne ablenke fragene gstellt übers Privatlebe usw. De kasierschnitt vo afang bis endi isch e halb stund gange aber es isch mir vorcho wie 10 Minute.

  • Am 26.3.2016 hend bi mir am abig am 8ti langsam wehe igsetzt, nachdem i am tag gmüetlich de üetliberg durabgloffe bin. 5 täg vor ET. Han den es mal es bad gno und es het sich den aber no recht zoge. Han versuecht go schlafe gha, isch aber nöd möglich gsi. Am 1 am morge hani den mal is spital aglütet, dasi verbi chan cho. Bi den grad mit de Oberärztin verbunde worde und den ischmer mitteilt worde, dass sie mich nöd chönd ufnä wills voll beleit sind. Han den churzerhand es anders spital gwählt, jedoch sind au die volle gsi wege umbau. Muess dezue sege es isch ostere gsi🙃 und ide nacht no ziitumstellig.
    Guet schlussendlich bini ines spital woni eigentlich nie hi welle han und han ghofft dasi wieder hei chan. Aber bin bi ufnahm 3cm offe gsi und sie hend mi det phaltet. Schmerze sind immer doller worde und ich hans mit de badwanne versuecht, isch super gsi aber min kreislauf hets nöd möge verlide,also wieder usse. Den hani es zäpfli übercho, het aber au nöd wüki gholfe. Die nöchscht option isch den nur no pda gsi woni dankend agno han und i dem moment die beschti erfindig ever gfunde han😅
    Han den zwüschedure chli chöne schlafe. Nach ca 17std wehe hani den presswehe gspührt gha. Da ich aber langsam recht erschöpft gsi bin und minere meinig au kei optimali gebärposition gha han, isches namal knapp 1h gange bis er ändlich da gsi isch. Verletzig hani nur es rissli gha😅
    Im nachhinein isches super gsi dasi i das spital han müesse will min bueb e schädelfraktur erlitte het und er den det ufd neo het müesse. Gottseidank het er sich vollständig erholt ohni blibendi schäde und kein arzt chan sich erkläre weshalb das passiert isch
  • Bi min 2 te Bueb hani ET am 20.5.19 gha. Han 2 wuche vorher immer rechti senkwehe gha, wasi bim erschte gar nöd gha han. Ufgrund vo minere erschte geburt, isch mir dasmal mega wichtig gsi so natürlich wie möglich gebäre, sprich de körper selber mache la. Het gern i es geburtshuus welle aber da het min Maa nöd mitgmacht. Also hani mir es spital usgsuecht womer nur Hebammebegleitend gebäre kann. Aber dasmal nöds gliche wie bim erste sohn🤣
    Guet Am Tag vom ET hani Kontrolle im spital gha. Am CTG dütlichi,wehe wo den aber wieder ufgört hend😏
    Muess sege han scho vorher mit akupunktur agfange und wehetee trinke. Nüt het gfruchtet und ich han langsam kei luscht meh gha. Den hettmer hebamme für die nöchste täg es weheöll gä und suschtigi tipps. Bi ET 9hani am morge wieder id kontrolle müesse. Hend den abgmacht dasi am abgi de wehecocktail trinke tuen. Kontrolle isch alles ok gsi und ich bin wieder hei inkl. De zuetate für de cocktail. Chum bini dihei acho hani gmerkt dasi fruchtwasser abgang han, aber immer nur ganz wenig. Hanmi so gfreut und ghofft dases jetzt den losgaht..... guet am abig am 7ni hani ni maa mal miteilt dasi fruchtwasser verlür aber suscht kei wehe han. Han gseit bevori de wehecocktail trinke muen am abig, muessmer sich namal telefonisch im gebärsaal melde. Wasi den mal gmacht han. Erneuter schock wie scho bi de erschte geburt. Spital chan mich aktuell nöd ufnä wills überfüllt sind🤣.isch natürlich wieder en Fiirtag gsi. PFINGSTE. Han am telefon nur ghület und en mega striit mit mi Maa agfange willmer wieder es anders spital hend müesse ussueche. Bin den ines anders go kontrolliere lah wegem fruchtwasser. Wo de den positiv gsi isch, hets gseit ich dörf wenni wott wieder hei und den cho wennd wehe regelmässig sind, han aber bis dahin kei einzigi wehe gha. Glichzitig hemmer grad en fixen termin müesse usmache für de nöchsti tag zum ileite,falls nach 24h Fruchtwasserabgang nüt passiert. Bin den wieder hei, wasi froh gsi bi und ghofft es tuet sich was, leider nein. Wüki schlafe hbni au nöd chöne und am morge am 3 hani no vorhäng umegno und bin go dusche😁. De gross bueb hemmer vorher scho bim grossmami abge gha. Sind den am nöchte tag uf die 12i am mittag is spital go ileite. Han um 12:30 die ersti tabl. Übercho. Nüt passiert. 15.30 fdie nöchsti tbl. Ischem schöne sunnige tag gsi und bin mitem maa verusse go spaziere. Han mit ihm im cafi no znacht gässe und mir sind beidi fängs recht frustriert gsi und hend beidi innerlich scho miteme ks grechnet. Hend den abgnacht daser no 1-2h blibt und den heigaht zum 1erste sohn und ich mich den melde würd, falls es los gaht. Um 18.30 wer die nöchsti tbl cho und den grad die doppelti dosis. Han 15 min vorher grad en mega grosse gutsch fruchtwasser verlore und nacher vo 0 uf 100 wehe becho. Han den mal no welle ufs wc go bissle wili denkt han gaht sicher bald los... mhh bin fascht nüm vom wc cho und nur ca 30min spöter scho presswehe gha. Hebamme isch au grad ziemmli überrascht gsi und sie hendmi 2te irgendwie uf das bett bracht. Nach nur 1h mega heftiger wehe isch min 2 te bueb uf de welt gdi. De Arzt hets gar nüm gschaft de bi zi. Zum glück kei geburtsverletzig gha😅
  • Bi minere 2.Geburt vor 7 Wuche hani ET am 17.3 gha und scho Wuche lang vorher immer wieder mal es paar Wehe aber isch nie wiiter gange. Bide Kontrollene dur d‘Hebamme isch de Befund gsi dassi scho 4cm offe bin und de Muettermund weich isch, aber ohni Wehe au kei Geburt. Han denn agfange Wehetee trinke, Weheöl iiriibe, immer wieder mal en Iilauf gmacht und Bachblüete gnah. Isch en sehr intensivi Ziit gsi mit Up‘s and Down‘s will mer immer wieder gmeint hend jetzt gahts los... Am 18.3 hett denn d‘Hebamme am Namitag en Eipollösig gmacht und gmeint die Nacht gahts sicher los. Ok, scho gfreut und de Grösseri abgäh bide Grosseltere und am Morge sind min Ma und ich verwachet im Bett und es isch wieder nüt gsi. Am Mittag am halbi 12i hani min Ma losgschickt zum Burger go hole zgah willi so Luscht druf gha han haha. Am 12i isch er wieder dihei gsi und am 10ab 12i hani wie usem nüt ganz e heftigi Wehe gha und bin denn ufs Wc womer no bevori det acho bin d‘Fruchtblase imene riese Schwall platzt isch. Han denn mim Ma grüeft er sölli doch de Hebamme alüte sie müessi cho will mir en Huusgeburt plant hend; er hett 12:35 telefoniert und denn bini d‘Stäge deruf is Schlafzimmer (chum ufecho vor luuter Wehe all 2 Minute) chum dobe acho isches scho recht heftig gsi und min Ma hett mich ganz fescht understützt und mich bi Luune bhaltet so guets gange isch. Am 13:05 isch denn d‘Hebamme da gsi und am 13:28 isch eusi Chli Elina Yuna bereits da gsi. Nachdem ganze Vorlauf isches denn doch sehr schnell gange und es isch es super Erläbnis gsi mit de Huusgeburt und ere tolle Hebamme. Han keinerlei Verletzige gha und bin churz nach de Geburt grad ufgstande und go dusche
  • alli berichte sehr spannend..😍❤️..danke euch fürs teile..☺️...
  • gits öper wo e wassergeburt gha het? ☺️ ich wünsch mr eini ich hoff dases klappet☺️😍
  • 🤚🏻Moi! sbeste wasi je han chöne mache 😄 i han zwor immer gsait das wetti niiiie mache abr naja!
    i han no voll gschafet 100% . ir SSW 36/9 en Fritig bini im Büro gsi und am nomittag öbe am halb 3 ufs WC gange fertig bisslet und den tröpflets witer... han denk jo oke es isch so wit i bin inkontinent. ane gsesse gwarttet nomel kli bisslet ufgstande wiedr tröpflet. das selbe spiel hani 3 mol gmacht. (bi immer no im Büro gsi) den hets mr langsam gschalte dases jo Fruchtwasser chönt si 🤣 bin denis büro zrug und kollegin gfröget öb si mir evt. eh Binde het. han den minre Hebamme gschriebe weni merki öbs Fruchtwasser odr Inkontinenz seg 😆naja i han den noch 10 minute scho usgseh als heti in dHose bislet. naja den hani denkt guet den glmer mol. bin zum Auto und bin no 25 minute zu mim Mami gfahre. logo das min Maa grad am schafe gsi isch. und wärend da Fahrt den isch immer meh und meh Fruchtwasser cho. ( also ab da SSW 34 empfelli allne Fraue wen sie fahren en Molton im Auto zha. es het mr da Autositz grettet😁) wärend em Fahre hani mim Maa aglütet und gsait was sache isch. wel er abr nöd aifach alles stoh und lige lo chan bini zu mim Mami gfahre. ah Wehe hani no null und nüt ka. bi mim Mami scho het di zerst mol panik gschobe. i bin totsl ruhig gsi. mini Hebamme hrt in da zwüschezit gsait i söll zur kontrolle schnell in spitol cho. Mis mami hrt mi gfahre sie het mi nüme lo 🤷🏻‍♀️im spitol scho hrt mini hebamme gsait jo lig mol ufs bett und i so jo machi scho sbr i bin richtig nass nass. hahaha sie isch den kli verschrogge und meint oh joo i glaub mir ziend di mol ab. ctg gmacht und alles super gsi. gemäss ctg hani scho kli wehe ka. mini Fraueärztin isch grad au im spitol gsi und het den grad su no untersuecht. alles super gsi sbr sie hend gsait i töri nüme hai. do i sfruchtwasser verlohre heg sbr da kli no nöd abegrutdcht seg is becki wöllens zur sicherheit dasi do blibe teg. in da zwüschezit isch den min maa aucho. hend den no znachtgesse und am 8ti ischer den hai gsnge. i han am 10ni den wölle schlofe und den hend di erdte wehe licht agfange. ha den döset. am 11 isches scho nüme so luetig gsi und sm virtel vor 12i den heftig. han mi den mol bir hebamme gmolde und si het mr magnesium geh und glueget wie wit i bin. glaub 2-3 cm sinds gsi. i han den im schmerz wahn gsait si söll luege das sbaby nöd vorem 12i chrm sus zells als früehgeburt 😆am 3 hens den minre hebamme aglütet und mim maa sie söllen cho. au min Fraueärztin idch cho. i han vo afang ah nie s PDA wölle no sus was. i han nu magnesium übercho. es wen hends mi den in Kreissaal tue resp. i han no müese laufe mit 2-3 minute Wehe abstand. chum scho hends wasser ilaufe lo. bi den uf dem bett glege und han gsait i möss ufs wc. i möss es grosses gschäft mache 😄🤷🏻‍♀️mini hebamme meint den nu äh nai. weni no in deanne wöll den mössi das jetzt mache. naja i han mi den gschlage geh und ha denkt was sölls hogemer in die sch.... wanne. und zag bum isch los gange. i han total entspanne chöne und scho hani presswehe ka. und am 5i sm morge am 19.01.19 ischer uf dwelt cho. 😁kli en lange bricht worde.
    abr füre 2 Geburt würis genau glich wiedr mache
  • Ahh das tönt lässig 😁 ich will au e wassergeburt ha.. Hoffe es klappet 😁👍
  • Ich han au e Wassergeburt gha. Am 11.3.19 hets sochli mit „Wehe“ agfange wo aber wie Mensbeschwerde gsi sind. Am 12.3 chli me und am 13.3 nachli me. Min FA isch ide Ferie gsi, drum hani is Spital aglütet für e Kontrolle. Sie hend mer den x Mal gseit dasi mer kei Hoffnig söll mache. Erstgebärendi und 37 3/7 das gaht sicher na. Bim Untersuech bini bi 2cm gsi. Ich han den mim Maa gseit chom mer gönd na go esse a dem Abig. Ah ich han jede Tag badet😊 den am 14.3 ohni irgend es Symptom vo Wehe verwacht und scho denkt🙄 min Maa isch chli früehner vom schaffe dihei gsi, mer hend Sex gha und den sind au d Wehe wieder cho. Am Abig hani na Badet und s het sich scho anderscht agfühlt. Den ca. 20.30 Fruchtblase platzt. Und mit dem sind den d Wehe gad richtig cho. Direkt is Spital. Det 4cm offe gsi. Hans fascht nüm usghalte und han den is Wasser chöne. Das isch e riiiise erliechterig gsi. 21.00 bi 8cm gsi. Han mega starchi Wehe ohni pause gha. Immer wieder Wehehemmer becho, het nid mega viel gnützt. Den am 15.3 01.05 isch sie im Wasser ufd Welt cho. Ohni Verletzige zum Glück😊
  • so tooooll...ich möcht auuuuu..ich hoff es klappet mit wassergeburt das währ so toll...! 😍😍🙏🏽🙏🏽🙏🏽🙏🏽🙏🏽....
  • Also ich hät au eh wassergeburrt welle ... jedoch häts mümm glängt 🤷‍♀️.
    Aber ich flaube für mich isch es so bessser gsi ... ich bin viel gloffä und ha mi müesse bewege... ich glaub im wasser wäre chli untergange 🤔🤭😆
  • Oh so schön, dass alles zläse. Leider häni ver mich ganz en traumatischi geburt kä. Isch nit so optimal gluffe. Bi aber au 4h im gebärsaal ir wanne gsässe & häs richtig gnosse 🥰🥰🥰. Hoffe, dass denn znegscht baby im wasser uf twält chund 😊.
  • @Miette wie isch den dini geburt gsi? fals magach verzelle lose/leses gern👀...! au traumatischi erlebnisse interessiere mich..!
  • Guete Morge zämä
    Also i han e Dramatischi/Traumatischi Geburt gha zuminds für mich🙈
    Bi mer hets scho die ganz SS immer wieder Problem geh weli Risiko gsi bi mit schwerer SS Diabetes. Han de i de 30ssw e normali Kontrolle gha und immer wieder e astige Druck noch abe wo a mit de Symphyse ztue gha het. I bi bim FA ahcho und churzghalte hani am gliche Tag in Spitol müesse und bin dert 3 Wuche glege mit Lungerifi undundund. Diagnosen mm fascht verstriche und vorzitigi Wehe. I de 34.Wuche hani de unerwartet hai dôrfe und ha de i de 35.woche am Morge am 3
  • E Blosesprung gha bi de gad sofort is spitol und bitz offe gsi. I han de de ganz tag stark wehe gha und irgend wenn i de hälfti e PdA becho weli nüme ha môge. Geburt ansich isch guet gange de chli isch de am 17.26 uf Welt cho BLAU 😭 Sie hend en de mir schnell zeiget und müesse beatme weler nid het chône schnufe ich selber ha da nonig so schlimm gfunde weli gwüsst ha er mues uf Neo mer sind vorbereitet gsi uf jedefall isch de Plazenta nid suber cho und de isch es losgange sie hend mer chind und de Maa weg gno weli fasch verbluetet bin. PDA het de a nüme gwirkt und sie hend sehr schnell müesse handle weli i somne schlechte zuestand gsi bin schlussentlich hebds mich bi vollem! Bewusstsie usgschabet und verneiht irgend wenn isch mi Maa is zimmer cho und i bi nuno en Hufe elend gsi. Ha de gfroge wies em Baby got und er het gseit ee wüssis nid sie heget ihn au uf de Neo usegschickt wells nomol e notfall gha heget. Irgend wenn znacht am 10ni hani de churz ane dôrfe aber has soooo schlimm gfunde de chli uf de Intensiv zgseh und selber bini a uu schlecht zweg gsi. Jo schlussendlich simmer 3 wuche i und us und hüt ischer 1.5johr und sowiet gsund bitz lungeschwach❤️🙏
  • do hesch glück gha demfau...tönt recht traumatisch 🙁...zum glück isch am schluss alles guet gange 🙏🏽🙏🏽🙏🏽🙏🏽❤️...!
  • Der ET war am 07.04. Am 06.04. bin ich mit leichten vorwehen aufgewacht und hab geahnt, dass es vermutlich an dem Tag losgeht. Da ich aber immer mal wieder Übungswehen hatte, wollte ich noch keinen Panik verbreiten. Mittags war ich dann noch mit meinen Partner etwas essen und einkaufen. Dabei hatte ich die ganze Zeit leichte Wehen. Um 14:50 ist dann auch die Fruchtblase geplatzt und ich hab mich im Krankenhaus angekündigt. Ab 17 Uhr war ich dann dort. Der Muttermund war leider noch gar nicht geöffnet, aber wegen der gesprungenen Blase musste ich dort bleiben. Dank Corona musste mein Partner sofort nach Hause. Ich durfte dann erstmal auf die normale Station und sobald ich das Gefühl hab dass die Wehen stärker werden, sollte ich in den Kreisssaal kommen. Ab 23 Uhr hab ich dann alle 8 Stunden eine Infusion mit Antibiotika bekommen, um eine Infektion zu vermeiden. Ab ca. 1 Uhr nachts am 07.04. waren die wehen dann so stark, dass ich nicht mehr allein sein wollte. Im Kreisssaal durfte ich dann auch meinen Partner wieder dazuholen. Zum Glück!
    Es ging dann leider nur sehr langsam voran und mein Muttermund wollte sich einfach nicht schnell genug öffnen. Um 17 Uhr war er erst 4 cm geöffnet, weshalb ich mich dann doch für eine PDA entschieden habe. Ich war schon extrem müde und erschöpft von den wehen und konnte mir nicht vorstellen eventuell nochmal so lange durchmachen zu müssen für die restlichen 6cm.
    Mit der PDA, die sie erst im zweiten Anlauf richtig gestochen haben, ging es dann zum Glück schneller vorwärts. Um 00:32 Uhr am 08.04. kam er dann endlich zur Welt. Eigentlich wollte meine Hebamme noch etwas warten bis er noch weiter in mein Becken gesunken ist, aber meine Entzündungswerte sind inzwischen angestiegen und ich hab Fieber bekommen, weshalb man nicht mehr warten konnte. Es war zum Schluss nochmal ein rechter Kampf beim Pressen und mein Partner meinte, dass mein Puls irgendwann sehr tief gefallen ist und ich blau anlief. Hebamme und Ärztin haben sich wohl auch schon abgesprochen, dass sie demnächst einschreiten müssen. Wir haben es dann aber doch geschafft und der kleine kam gesund zur Welt. Haben uns auch sehr schnell erholt.
  • 🙏🏽🙏🏽...
  • Han jetzt lang hin und här uberleit. Obi der geburtsbricht wött schribe. ich glaub da muess nu chli meh zit verga, dasi das cha ufschribe. 🙈 im momänt geits nu nit.
  • jö du armi...!! jo muesch ja net..luegsch mal villech hesch e mol luscht☺️ und es duet guet villech..!❤️...

  • gälet binere wassergeburt dörf me ke pda mache?
  • So viel ich weiss derf mer kei pda mache....

    Aber lueg swissmom.ch erklärts mega guet 😁

    https://www.swissmom.ch/geburt/entbindung/schmerzerleichterung/wassergeburt/experteninterview-wassergeburt/
  • Es git no Lachgas als Schmerzlinderig während e Wasser geburt, aber muesch di mal informiere nöd alli Spitäl machets... ☺️
  • jo also mir isch au so das kei pda machen bi wassergeburt. glaub nöd mol lachgas chunsch den über
  • a jo lachgas müesst mal froge stimmt..danke☺️...! 👀es isch bald so wiit bi ufgregt...nervös..wots hinter mir ha😅...und den min geburtsbericht do schribe😀...!
  • git kein grund tum nervös zsi. i han mir immer gsait....los du bisch nöd die erst und nöd di lesti Frau wo gebärt die wo di begleiten wüssen was sie machen...
    i muss säge i bin froh gsi hani eh belegshebamme ka. han sie davor scho viel troffe und sie het genau gwüsst wasi will und was nöd und mini Fraueärztin isch au dabi gsi wo mi di ganz schwangerschaft begleitet het. i han dene zwei Fraue blind vertraut was es mir glaub rückwirkend aifacher gmacht het zum mi nöd verkopfe und zverkrampfe
  • Ich glaub es git nimme sehr vili spitäler mit lachgas (seehr umwältschädigend 🙈). Nei weme e PDA berchunt, de darfme ufgrund fo infektgfahr nimme ind wanne, leider 😉
  • Nalan83Nalan83

    134

    bearbeitet 23. Mai, 12:44
    @Claudi83 fals mau zyt hesch und bock hesch währ cool wenn mau din geburtsbericht do würsch schribe😍 ha glese imene andere forum hesch e wassergeburt gha..😍❤️...!
  • han au nie e PDA welle ha aber en Happybutton gha. 😊 gueti sach xsi
  • @Daki was isch en Happybutton ??
  • @JennyHelin Es isch es Opioid wod chasch nacher selber drucke uf so en knopf wen merksch e wehe chunt. Merksch immer na d Schmerze aber de oberschte Spitz vo de Wehe wird ghemmt.
  • ich will au so öpis🤣 eifach ufe knopfdrücke
  • Ich wür eifach immer luege was vo dänä hilfsmittel bis zum baby glangt😊happy button isch zum bispiel so öpis
  • jo stimmt 👀🤔...
  • Ja da würdi au ufpasse ...
    Ich ha ja chli lachgas probiert ... und das hät mir gar ned gfalle .. bin chli High devo gsi und ha den nümm richtig gschnufet (was sehr wichtig isch)

    Aber es chunt scho alles guet 👌

    Wichtig isch viel probiere zlaufe ... also mir hät das meh bracht als alles anderi .. laufe und id dchnüh abe gah ( abehure oder wie mer dem seit)

    Und au wenn öpper eh PDA wott isch doch egal hauptsach mer probiert und üsi wunder Babys chömed gsund uf dwält
  • I haa vor 1.5 Johr e Wassergeburt kaa😊I glaub wichtig isch, dass mer offe isch für alles und sich nöd uf ei Geburtsart verstieft. I haa au immer gseit i het gern e Wassergeburt aber wenns nöd klappt denn isches au ok. I glaub genau drum hets bi mer klappet mit de Wassergeburt.
    Am Morge hani liechti Bluetige übercho und bi denn in Spitol zor Kontrolle eifach zom luege eps am Baby guet got.
    Befund isch immer no glich gsii wie 2 Täg vorher und am Baby isches guet gange. Bi denn wieder hei und bi mit mim Mami de ganz Tag chli unterwegs gsii. Tagsüber hani immer wieder Buchchrämpf kaa (wie wenn d‘Mens chunt und sind immer intensiver worde).
    Richtigi Wehe woni ha müesse verschnufe hani erscht so ca ab em 19:00 Uhr kaa.
    Min Maa het genau a dem Obed no en Migräne Afall kaa und i hanen denn is Bett gschickt i de Hoffnig dass er denn fit isch wenns richtig los got😉Geg di 21:00 sind d‘Wehe denn all 3-4 Minute cho und i haa im Spitol aglüte wos gheisse het mer söled mol langsam cho.
    Haa denn min Maa gweckt und mer sind ca am 22:00 im Spitol ahcho (haa immer wieder müedse Pause mache weg de Wehe drum hemmer fascht 1 Stund brucht bis is Spitol)
    Mir sind in Gebärsaal cho wos zerscht mol untersuecht hend (2cm offe, GH verstriche) und denn no en Venekatheter gsteckt hend für Flüssigkeit. Denn hemmer ca 2 Stund för üs kaa im Zimmer und denn isch wieder CTG agseit gsii. Ligge isch absolut s‘schlimmste gsii. I haa mi müesse chöne bewege... Bim Untersuch hets gheisse sig jetzt bi 4cm. Ok guet, hani mer denkt, denn werts ca 06:00 bis de Chli do isch. Chum hanis denkt isches los gange. Wehesturm😖 Wehe nonstop. Hani glüted und gseit i bruchi öpis zom d‘Wehe stoppe well i kei Wehepause meh haa und das so nöd bis zum Schluss schaff het mer d‘Hebamme öpis Homöopathisches geh zom d‘Wehe chli hemme und mer hend üs uf de Weg zu de Badwanne gmacht (zur Entspannig)(Befund 7.5 cm offe, 3 cm i 45 Minute)Zu dem Zitpunkt hani soooooo chalt kaa, i bi fascht verfrore. S‘warme Wasser isch genial gsii😊Im Wasser isch denn viel agnehmer gsii mit de Wehe. D‘Hebamme het denn no gmeint jo wenn denn die Fruchtblose mol platzt isch denn cha s‘Baby au besser noch abe drucke. Ha denn gseit sie söll sie doch ufmache denn gängs chli schneller🙈 Hetsi zum Glück nöd gmacht.. Wo si denn 2,3 Wehe spöter platzt isch sind Wehe no intensiver und schmerzhafter worde. Ca am 02:00 i de Nacht hend denn d‘Presswehe agfange. I benide alli wo 2,3 Presswehe hend und s‘Baby isch do. I haa e gueti Stund Presswehe kaa und bis de chogge Chopf endlich do gsii isch, isches en riese Kampf gsii. I bi irgendwenn so hässig gsii well de Chopf eifach nöd use cho isch das i de Hebamme gseit haa sie söll doch mit de Glogge probiere, de Chopf chäm jo nie use🙈 Aber jo irgendwenn noch gfühlte 100 Presswehe isch de Chopf und ein Arm do gsii😊 Und denn... Pause... Zerscht immer i 2-3 Minute Abstand Wehe und denn vor de letschte sicher 5 Minute Pause🙈 Aber noch dere Pause hani denn gnueg Chraft kaa und de Chli isch endlich do gsi (03:08)und het gad döre zu mir cho. Do mir immer no im Wasser gsii sind und ich,chum isch de Chli do gsii, wieder unglaublich gfrore haa, hends de Chli denn schnell i es Tüechli ipackt und mer sind zrug i üses Gebärzimmer.
    Det bini denn i ganz viel Deckene ipackt worde und min Maa het mit de Hebamme no schnell d‘Hoor vom Chlie gwesche well er recht viel Hoor kaa het und alles voll Chässchmieri gsii isch. De Rest isch jo scho recht suber gsii well er jo im Wasser uf d‘Welt cho isch.
    Nochem neihe, untersueche, ahlegge und Föteli mache hemmer denn als Familie glaub ca 2.5 Stund för üs kaa womer eifach als Familie mitenand todmüed ufem Bett gschlofe hend. Am 07:00 am Morge simer denn uf d‘Station cho und es het z‘Morge geh.
    Es isch e strengi aber unglaublich schöni Nacht gsii🥰Bi gspannt wies denn i ca 8 Wuuche wird wenn üses 2. Wunder dôrf uf d‘Welt cho...
  • @Pheobee Richtig schön gschribe! Alles gueti für die 2. Geburt😊
  • joooo
    mega toll gschrebe danke für de schöne bricht😍🙏🏽☺️..! liese so gern geburtsberichte..alli so verschiede..!
  • also die erschti geburt:
    znacht hani liechti & unregelmässigi wehe becho... gege morge sin si stärker & regelmässiger worde...
    um die 8i sin mr denn abgfahre für ins spital mit wehe all 5min.
    im spital befund - 4cm offe... hebamme het nur schnäll e infusion glegt fürs antibiotika (wäge strept pos.) und für flüssigkeit will mir mega schlächt gseh isch (isch mir immer wenni buchweh ha)
    denn ctg gmacht und gsäit si chunnt in 2h wieder für die nächschti kontrolle, wenn was wär sölli mi mälde...
    mi maa und ich sin eifach dört gseh und ha eini nach de andere an wehe verschnuft... bi dr nächschte kontrolle sin d wehe scho sehr heftig gseh hani gfunde, aber bim erschte kind het me jo kei ahnig wie sich alles afühlt...
    si het mi gfrogt öb ich scho am presse sig... ha gsäit i heig kei ahnig, ha eifach wehe... si het denn kontrolliert und bi scho 10cm offe gseh und dr kopf het druggt...
    denn het si gsäit ich dörfi & söll presse wenni mag und nach ca 1h isch mini muus do gseh...
    ha zum glück keini verletzige gha, aber für schmärzmedis hets definitiv nüm glängt...
    während dr geburt hani mim maa x mol gsäit ich würd das NIE MEH mache! chum isch si do gseh hani ihn agluegt und gsäit: ok ich glaub ich würds wieder mache 😉die chli isch fit & munter gseh und ich au, bi denn no im gebs go dusche und denn sin mr uff station...

    die zweiti geburt:
    ha am obe so geg die 20h erschti wehe becho, aber noni stark & unregelmässig...
    gege die 22h sins regelmässig all 10min gseh... will die erscht geburt schnäll gseh isch hani am spital aglüte und die hän gsäit mir sölle doch langsam cho...
    sin denn kurz vor de 23h im spital gseh - befund 2cm offe...
    s isch denn immer intensiver worde aber trotzdäm no schöni pause drzwüsche gha... nach 2h ischs denn 10cm offe gseh und ha krassi presswehe verspürt...
    denn isch es extrem schnäll gange... ha es paar mol presst und si hän d fruchtblose no uffgmacht und zack isch si do gseh (01:09)
    (lut arztbricht 9min isch s ganze ustriebe gange😬)
    für schmärzmittel hets wieder nid glängt... und die zweit geburt isch extrem schmerzhaft gseh hani gfunde - wo si denn do gseh isch het mr d hebamme gsäit dass si e stärnegucker gseh isch unds drum so weh do het... bi eifach nur froh gseh dass si do isch und d schmärze wäg sin und si nid stecke bliebe isch...
    ha zum glück wieder keini verletzige gha und bi denn sogar nach 7h wieder heime (also ambulant gebore) ☺️
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum