🍀Ü30 Kinderwunschklinik🍀IUI\IVF

Zireael

Hallo Ich bin 36gi und versuech mit em 1 Kind Schwanger zwerde, leider hets nanig klappet.

Ich starte bald mit minere erste IUI und würd mich freue anderi Fraue kennezlerne wo grad sgliche durremached. Wän er lust hend meldet eu eifach🥰

•Elefäntli•

Hallo Liebi Zireael

ich han scho 3 Iui ka und bi schwanger gsi aber leider e FG ka. han au inträsse amene ustusch.
Dä Hoggä i wird erst das johr 30

•Elefäntli•

Han gad gmerkt dasmer au scho gschriebe händ mitenand 😅

Zireael

Stimmt mir träffed eus immer wieder🤣 wie lang sött mer Enthaltsam si vor de IUI? Was isch dir empfohle worde? Ich kenn au lüüt wo seget vor de IUI und nacher au no GV, die andere 3-5 Täg vorher nöd🤔Machsch jetzt mit IUI witer? Min Arzt wet nach 3 mal zur IVF wechsle.

•Elefäntli•

Do ich mit dä zweite Iui schwanger worde bi probieremers nomol mitere Iui.

mir händ vor dä IUI GV ka und bi schwanger worde 🤷🏼‍♀️ aso isch jedem anderst empfole wordä do i mit dä Kollegin diskutiert han wo idä gliche klinik isch und ere is nö empfole worde

•Elefäntli•

weisch scho wenn das dini erst IUI häsch?

Zireael

Ah so schnell hets klappt mega guet😄 muess de Arzt umbedingt den fröge. Ha hüt zum Glück liechti Bluetige übercho..würs aber nanig als ZT1 Bewerte. Ich warte na uf Morn den chani sicher am Do zur erste untersuechig. Denn gahts los🙈hender grad ein Tag vorher GV gha oder paar Täg vorher?

Zireael

Ha jetz doch Morrn scho de Termin, Bluetig isch doch scho voll da, jetzt bini Nervös🙈

•Elefäntli•

Das tönt doch guet mir händ em Tag vorher GV ka und em morge em 8.10 uhr d IUI 🙈

Zireael

Hesch hüt gha😁? Oder wenn hesch die next?

•Elefäntli•

Wenn dasmer die nöchst IUI händ stoht no idä stärne 😉

Zireael

Ah ok machsch e Pause?

•Elefäntli•

Jo i denks wel i ha am Weekend dä ES und müend üs hüt sicher entscheide dasi no e tel chönt geh morn

Zireael

Ok chan er dir den de ES nöd früehner uslöse?

Knöpfli81

Hallo Zireal
Ich han met de Abklärig em April agfange ond die erst IUI Endi Mai gha! Leider heds so nie klappt ond d Ärztin hed den nach drü grote en Schritt witer zgo!
Druck der Dume das es klappt!😊

Zireael

@Knöpfli81 Danke, ja ich mach au nur 2 evtl 3 weissi nöd obi den Geduld na han🙈 warum hend ihr müesse IUI mache was hends bi eu isegfunde?

•Elefäntli•

hmm sü lueged wie gross das dä folikel isch oder wime dem seit und wenns gnue gross isch löst me dä ES us und glaub 36h noch em uslöse findät d IUI statt

Knöpfli81

Vo de Kasse werdet drü zahlt! Drom händ mer au all gmacht! Händ fest dra glaubt. Plus hed Ärztin gseit, wenns nach drü ned klappt esch Chance gross, das au witeri ned klapped! Aber Garantie hed mer natürlich nie!
Ich ben bereits 39gi! Be ois esch alles ok gsi be de Abklärige. Esch e unerklärlichi Kinderlosigkeit! Was esch be oi de Grund?

•Elefäntli•

Kasse zahled alli 3 aber weme e francisse hed vo 2000.- denn zahlsches sälber wird eifach ahgrächnet 😅

Zireael

Ich möcht nur 1 oder 2 IUI‘s mache und den grad zur IVF witer gah.. da möchti nöd zviel Ziit berlühre. @Knöpfli81 Machsch den jetzt witer ? Ich han e Eizellriefestörig und e GKS darum hani ohni Hormon gar nie chöne Schwanger werde, glaub das macht en grosse Unterschied zu wemmer eifach nüt findet🙇‍♀️ Wie lang hend ihr den scho ohni Hilf gHibblet?

•Elefäntli•

Mir händ 1.5 Johr ohni hilf ghubbelet und jetzt mit hilf e halbs johr 😅

Zireael

Ich denk ebe bi mir amigs dasi vorher kei Chance gha han und au bimene normale Päärli ghats 1-2 Jahr bis es klapptt. Jetzt mit Medis bini erst im 5 Zyklus das isch ja eigentlich na nüt. Und du wärsch ja au erst im 6 Monat und bi eus beidne hets ja schomal klappt. Drum glaubi scho dra nur ha kei Ziit meh😅😅

•Elefäntli•

Jo üs gots genau glich Zireael, aber i denk du machsch dir no viel dä grösser druck ihr händ no "kei" kind. mir dörfed scho ä wunder ha und darum wenns nö klappet chani guet mit dem gedanke läbe 🤪 aber natürli hoffemer das no ä Jind gid und i weiss i dörf nomol schwanger si 💪🏻💪🏻💪🏻

Knöpfli81

@Elefäntli jo das stimmt natürlich met ere höche Franchise zahlsch am Schluss vell sälber!🙈

Mer händ em Frühlig 2018 abgsetzt ond den han ich au met Akupuktur versuecht unterstütze! Han Tempi gmässe etc.
Em Frühlig den mol wäg eme Termin agfrogt ond u schnell eine becho! Han met drü Mönet Warteziit grächnet! De Lockdown hed aber den au nochli verzögeret!
Händ em September die dritt Insemination gha, wo leider au ned klappt hed! Den em November met de Stimulation för Follikelpunktion gstartet! Jo ond den nach em Rücktransfer de erst positiv Test dörfe mache!

Du muesch mache was för dich stimmt ond der din Körper seit! Öb zwoi oder drü, das muesch jo jetz noni bestimme! Mol luege wies chont!
Ich merk be mer sälber de Druck, wo mer sich macht treit schwer! Au wenn weisch esch eigentlich alles ok, wieso das es den ned wot klappe! Plus Alter em Hinterkopf!😢

Zireael

Ich ha ebe sGfühl ich gsehs recht Easy zu anderne😅will ich seg ja immer ich bi erst im 5 Zyklus und bi anderne gahts ja au 1-2 Jahr. Nur wetti halt nöd 2 Jahr warte und Finazielli mittel hani drum würi nach spätischtens 2 IUIs welle witermache nöd zu lang das usezieh. Also weisch waso mein has gfühl mini Chance stönd recht guet🤗

Zireael

Und vorher heti würkli nöd Schwanger werde chöne mini 2 ZH isch 8 Täg gsi🤷‍♀️drum weissi dasi jetzt sehr gueti Chance han aber Geduld bruch😌😌

Knöpfli81

ich verstoh dich total! mer weiss mer esch eigentlich noni so lang dra aber glich wörd mer gern schwanger werde!
mer händ au no keis Johr probiert ond glich acho met de Abklärige agfange! jetz send mer froh send mer damals scho de Schritt gange ond send aneme andere Punkt!
Schön, das au die finanzielle mittel hesch, das nimmt au Druck!

Geduld esch ame schwierigste vo allem!😉

•Elefäntli•

I muess lärne mit dä gedanke spiele zum säge i bi bereit zum mami wärde und nö säge i bi bereit aber mit 5 monet hibbele isch jo no nüt gid abderi wo 5 johr hibbelet. das hed mir e kollegin z härze gleit wo irgend wie uf därä ebeni tätig isch weiss aber nöm wime dem seit
Wel min körper häd sös s gfühl jo es häd no ziit denn lömer die ziit au wüsseder wasi mein voll dä hokusbokus aber i lo mi jetzt mol öberraschä 😂

Knöpfli81

ich weiss genau was meinsch! Psyche spielt halt glich au e sehr wichtigi Rolle! Mues mer das au meh säge, positiv ond säge ben parat! Soscht stellt sich de Körper of Ziit ha i!

•Elefäntli•

Jo genau aber i weiss das mir das johr ganz bestimmt alli wo mit hibbeled dörfed kuglä ubd das vald möglechst 💪🏻

Zireael

Ja Psyche isch mega wichtig, mir gahts mit dem Arzt jetzt wo ich alles cha bespreche soo guet. Ich han vorher viel meh müeh gha bi de FÄ woni sgfühl gha han sie het kei Ahnig was sie macht🙄

•Elefäntli•

Jo das spiellt au e grossi rolle obmer sich bim arzt wohl fühlt oder nö 😅

Zireael

Das isch für mich die schlimst Ziit gsi ich ha gwüsst das öbbis nöd stimmt und sie het mer immer gseit jaja das chunt scho🙄das het mi so trurig gmacht und bi so machtlos gsi. Bin dem Arzt jetzt so Dankbar das er sich so viel Ziit nimt und ha so bertraie zu ihm. Drum bini vielicht grad na so Optimistisch 🙈

•Elefäntli•

Das tönt doch ächt super en arzt wo di nö ernst nimmt häd nume freud am Gäld 😬

Zireael

Schlimmst isch gsi wo sie aglüte het und gseit het ich söll halt e Eisprung App abelade😤und für das hani no 15.- Zahle müese will sie aglüte het

•Elefäntli•

Omg sicher nö, jesses das duetmer denn leid

Knöpfli81

@Zireael Ah schön hesch jetz en Arzt gfonde, wo dich wohl fühlsch! das esch extrem wichtig, well esch doch e langi Ziit!
Vertraue ha esch wichtig ond optimistisch si au! Du machsch da super!

@Elefäntli Jööööö, hoffe du hesch rächt ond mer chönd den all zäme hibbele🥰

Zireael

Ha grad na e dringendi frag a eu: de Arzt het mi gftögt ob mini Bluetig normal isch oder schwächer oder stärker... ha gseit normal. Ufem Ultraschall het mer na Gseh das GS na biz ufbaut isch susch isch sie ja amigs flach. Ha jetzt im Protokoll nagluegt det staht 6,7 mm isch das na normal oder isch da öbis gsi wo wieder abgaht? Bi jetzt grad chli stutzig worde🧐

Knöpfli81

also mini esch am afang immer flach gsi ond den dor hormon baut sich das uf! 1-2 täg vor de spritze, wo de eisprung uslöst esch be mer zwösched 7-9mm gsi.
besch den scho kurz vor em eisprung?

Zireael

Nei ich bin am ZT 2 ha gester mini Täg übercho.. normal bini am ZT3 bi 2mm

Knöpfli81

chan der ned meh säge, weiss es ned wies den sött si! sorry!

Zireael

Keis problem Danke trotzdem🤗

•Elefäntli•

I cha dir leider au nö hälfe aber lüt doch morn ah und frog noh

Zireael

Glaub wen er denkt het das öbbis na det sie chönt het er mir sicher nöd sOK geh, ich glaub isch besser weni da abschlüsse und gar nöd weiss ob wieder was gsi isch😓 Aber Danke eu für eui Hilf und das er so schnell gAntwortet hend🥰🥰

•Elefäntli•

I denk au wenn irgend was nö guet isch denn häds er dir uf jedefall gseit

Zireael

Ok Danke😊👍

Knöpfli81

Dänke au das er der da gseit hätti, wenn öpis ned ok esch! de Arzt esch der jo sympathisch! Soscht nächst mol froge, das meh Sicherheit hesch!😊

Zireael

Es isch mer erst bim schaffe in Sinn cho mir Besprechet amigs so viel mitenand und wo ich det gsi bin hani mer gar kei Gedanke weg dem gmacht🙈 Sind amigs so viel Infos.. aber jetzt isch ok für mich jetzt chanis glaub guet si la und Morn den starte mit de Hormon🤗🤗Wi wiit bisch du jetzt grad scho wieder, sry ha grad de überblick nöd🙈

Knöpfli81

mer händ drü Inseminatione gmacht ond jetz han ich die erst künstlich befruchtig hinder mer!

Zireael

@Knöpfli81 Denn wartisch na ufs Ergebnis? 🍀🍀🍀🍀🍀Das klaptt ganz sicher🥰👍

•Elefäntli•

@Knöpfli81 druck dir dumme ganz fest 🙏🏻🙏🏻🙏🏻