Churzi Frag, schnälli Antwort #1 🙋‍♀️

Miette

Hallo Mamis. Ich hä uf tutti es lammfäll kauft für is maxicosi. Jetzt stinkt das furchtbar nach nassem chäller. Hans bereits mit speziellem wäschmittel gwäsche, aber es stink immer no total. Berchum ich der gstank susch eswie use? Bins jetzt scho sit 2 wuche am lüfte, aber kei bessrig in sicht.

simi99

mir hend sones lammfell gschenkt becho und es extra lammwöschmittel das isch würki super cha dir so eis empfehle kaufe! lohnt sich @Miette

Miette

@simi99 Danke für tantwort, das hani ebe scho probiert. Schmeckt immer nu furchtbar grusig… bi chli ratlos. Wes witterhin so stinkt, muesis entsorge 😨

Trini

Kiwa, Tragi, Tragtuch, Babyschale alles doof ohni Bewegig… nor e phase oder was geds förs tricks? de chli esch erscht drü mönet…

Samara88

Hoi ihr Liebe..
Ich bin im moment gad sehr unsicher und langsam am verzwiefle und bruche mal eue Rat. Ich bin aktuell ide 16.ssw und sit 2 Wuche hani ständig Chopfweh, ischmer schwindlig, liecht flimmerig ide auge und han plötzlich recht wasser ide bei ganz schlimm wenni gschaffet han(Bürojob.. ich sitze gueti 7.5h nur) au ide ärm/händ. Vorere Wuche bini usem nüt use Ohmächtig worde und bin blöd ufd schultere gheit. Bin uf das abbe den zu mim Frauearzt. De het mich nödemal kontrolliert, kei Bluetdruck gmesse nix. Han fascht 2 Wuche spöter en Termin für Cardiokontrolle und binere Neurologin becho. Guet bini halt wieder hei.. denn 2 Täg spöter fangt de plötzlichi Schwindel bim Autofahre ah, han müesse ahalte. Diheime acho het min ma mich packt und mer sind in Notfall. Min Bluetdruck isch bi 159/96.. het aber gheisse seg nöd so tragisch.. mini Hebamme isch da aber ganz anderi Meinug.. sie meint dass müessi zmbedingt kontrolliert werde und e chrankschriebig seg au notqendig damit ich zur ruhe chumme..wie gsend ihr das? Min Frauearzt nimmt mini Beschwerde irgendwie nöd wükli ernscht.
Ich wär froh um eure Rat, Es iscv mini 1. Schwangerschaft und ich möcht da au nöd weg jedem pipifax zum Arzt renne.. ich selber chan sicher au mal ufd zäh bisse, aber ich will ufkeinfall dases minere Muus im Buch irgendwie schaded.

Liebe Gruess

Miette

@Samara88 Oje, das tönt nit so toll.

Hesch tmöglichkeit deheime Bluetdruck zmesse (me cha i der Apothek Bluetdruckmessgrät uslehne)? Würd jetzt mal chli regelmässig deheime in Rueh bluetdruck messe (z.b. morge im Bett vorem ufstah, nahm zmittag, und emabe vorem schlafe). Immer ihr glich position mässe & mind. 10 vorher pause mache. Denn hesch mal grat en uberblick wie der bluetdruck deheime in rueh isch. 1 Bluetdruck inere stresssituation isch huufig ebe nit so ussagechräftig. We du aber jetzt mehreri „schlechti“ wert i rueh messisch (so uber 3-4 täg) geisch sofort zur Frauenärztin, denn chasch ihre die wert au grat zeige. Langfristig höheri wert si nit so guet fürs baby.

Dinem bebeli geits ganz bestimmt guet. Luegsch, dass die zwüschdüre mal chli usrüehe chasch. Ich bi in miner 1. SS immer grat nahm schaffe 1h ga schlafe 😉. Din körper leistet grat en höchstleistig (miteme marathon zvergliche)

Ich bin kei fachperson, das isch das wo ich würd mache. We du dich bi diner FA nit guet ufghobe fühlsch, würdi no uberlege en 2. meinig izhole oder sogar zwechsle. Los uf dis buchgfühl & gangs ga zeige, we du dier unsicher bisch! Mama-gfühl stimme meistens 😉

Alles gueti i der witter SS 🥰

Samara88

@Miette Danke vielmals für dini Nachricht. Das hettmer es biz muet gmacht gha. Ich wirde jetzt definitiv regelmässig mal messe und wenns wiiterhin uffällig isch wird ich mich durresetze. Wirde au luege dasi chli meh Ruheziite für mich nimme, das wirdmer sicher au chli helfe. Icb holle mir jetzt sicherno e 2. Meinig und den mal wiiterluege. Danke vielmals🤗

Cappuccino92

Hallo Zäme,
Min Sohn fast 5 mönet schlaft sit 3 wuche i de nacht mega schlecht, er isch mega unruhig fangt a brüele schüttlet de chopf hii und her. Er beruhigt sich denn für e churzi ziit und fangt denn wieder ah und das die ganzi nacht🙈 er schlaft vo afang ah i sim bistellbett und het scho immer die ganz nacht dure gschlaffe😴 bis vor churzem!!hend das euchi chind au ka?
Lg

Groan

Euse het es Zitli immer mega afange mit de Arm ume wädle und het sich denn so gweckt. Han denn amel eifach min Arm über ihn gleit und chli schwer gmacht. Das hetten beruhigt und er het wiitergschlafe. Hans eifach müsse schaffe, das vor sim Ufwache zmache. Er het dete grad motorisch vill glernt, glaub das heter ide Nacht namal repetiert🙈 er het susch au guet duregschlafe.

aenn

Villich hett öpper vo eu ähnlichi erfahrige gmacht:

Min Sohn 3 Mönet alt, schreit de tag dur vill bim stille. Er trinkt paar minute und den fangts ah. Meistens woter den witer trinke, dockt aber grad wieder ab..🫣Ide Nacht hemmer das problem nöd und am abig bim is bett gah au nöd oder nur bedinngt. Det trinkt er im ligge, dockt mengisch ab und grad wieder ah, isch aber ruihg debi.😅

Was het bi eu ghulfe? Cha de tag dure ja nöd unterwägs im ligge stille🫣

Miette

@aenn Das hat mein sohn in diesem alter auch gehabt. Bei uns half dann nur das Stillen im Dunkeln. Alles andere hat nicht geholfen.
Meine Hebamme (ebenfalls Stillberaterin) war der Meinung, dass dies die Brustschimpfphase sei. Dies, weil die Kinder mobiler werden & eben nichts verpassen wollen. Nach einem Monat war das Geschimpfe von einem Tag auf den anderen Vorbei.