Einfach ausheulen wegen Mann 😩

Hallo Ihr Liebe.

Ich weiss gar ned recht was ich mer us dem Post erhoffe aber ich muess es eifach mal loswerde und drüber rede evtl gits Fraue wo au so eppis ka hend.

Folgendes: Min Maa het frühner Betriebige kha und das isch so es züg gsi. Bin dazumal Schwanger ksi und han nur brüellt will ich ned gwüsst han wie wieter, da ich mit Chind ja denn au nem soviel ha wälle schaffe.
Mir händ nach viel Träne vergiesse und Nerve verbruche zum Glück mini Eltere kha wo dazumal üs gholfe hend mitemne Kredit und mir (bzw ja nur Er) us dem use cho isch. Was mir natürlich Monatlich Ihne zrug zahlt hend, da für sie das au nöd eifach so usem Ärmel gschüttled worde isch.

Mittlerwiile viellicht tönts ibildet aber het er sis läbe im Griff durr mich. Ich lueg für alles, da ich das eifach au eso känne, mit mehr zahlts i und ordnets ab..etc..

Bin au stolz uf ihn , dass er das möcht im Griff ha und ihgseht das er dazumal jung und doof ksi isch.
Nur isch es äbe so.
Ich lieb ihn würkli sehr und mir harmoniered zäme alles stimmt jo.
Aber wenns um das Thema gat chani immerno brüelle.
Er wotts mache aber machts ned.
Er verschiebt immer alles uf de nächsti tag und machts doch ned. Er het jetzt numal en Verlustschih becho de vor 10 Jahr ksi isch aber die sind im Recht jetzt no dämit zcho.
Ich han mich um alles kümmered wie wo was, wie zahle ect. Er macht sich um das kei Gedanke.. Will er weiss ich machs i so vielne Sache isch er eifach so verdammt ful, sorry für die Usdruckswies.
Aber mänisch chan ich eifach nüm und frog mich amigs ob er mir undergang isch i so Züg. Es tönt jetzt vielleicht gemein wie gseit ich lieb ihn aber ich weiss ned ob ich die nerve han für immer sis mami zspile und das drama immer z'wisse er wird sich ih dere hisicht nie ändere und das nie verlass isch uf ihn. 😩

Tuet mer leid für de lang text aber mengisch chan ich eifach nüm und fühl mich so ellei mit dem ganze. Ich het so gern das ich mich uf ihn verla chönt.



Kommentare

  • Hey soulfood
    Cha dini Situation nachevollzieh, da ig im bruefsalltag mit Schuldner ds tüe ha. Denno ha ig dr idruck, dass es a dr zyt isch mit dim maa Klartext ds rede. Du bisch sini frou, seeleverwandti, partnerin, liebhaberin, muetter vo sim chind, aber ganz sicher nid sini persönlichi Assistentin wo ihm aues ds rächt leid. Dim maa sött klar wärde, dass er nid nume rächt het, sondern ou verpflichtige. Aus eltere sött eim ganz klar sie, dass me gegeüber sine chind moralischi verpflichtige het u ä grossi verantwortig dreit für di ganzi Familie. U die Verpflichtige u verantwortig trägisch nid du allei, sondern die söttit dir aus Team zäme trage. Ig wünsche dir vieu Kraft u muet das Thema mit dim maa i agriff ds näh, damit dir us dere abwärts Spirale use chömit. Häb dir sorg 🤗
  • danke vielmal. Ich schniede das Thema immer u immer wieder a. Nur isch es ihm gloub ned bewusst, dass ich mengisch au nüm mage immer für alles grad stah und Verantwortig über nä. Ich wür mir so wünsche er wär ned so en lauerri. Aber jedesmal seit er , er ändereds aber es chunt immer wieder glich use. Ich chan ned u wird nie verstah wie mer so cha si und eim das egal isch. Uf e art muess ich es jo ellei mache will ich es greglets läbe will ha aber amigs möchti eifach alles hi schmeisse u säge lueg sälber für din mist. Er het s'Gühl da er ja schafft u Endi Monet au RG zahlt (durr mich wo alles parat leit u seg jetzt machemer es zäme) isch jo alles guet u er müessi sich ned ändere 😐 Ich glaub ebe er wird sich au nie ändere. Eigentli sött er wieder ufs Muul gheie aber ich liede jo denn mit darum chan ich es ned eifach mache ..
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum