März Baby 2022 💚

245

Kommentare

  • Danke 🥰🥰 ha gest testet und hüt nomol, definitiv positiv 😅 ha en termin gmacht und cha am mentig grad verbi
  • Oh cool scho am Mäntig. Chunt sicher alles guet. Wie alt isch dis erste Kind? 😃
  • Jo normal isch de FA bsuech jo erst spöter aber will i so schnell wieder eis überchume mueni chli vorsichtig si
    5 mönet isch sie
    Wie gohts dir? Hesch scho symptom?
  • Ja guet das verstand ih.... Chunt bestimmt alles guet.
    Ja i spür Müdigkeit... Hüt gohts besser als geschterd.... Ha vor allem am Morge mit Übelkeit zkämpfe.... Aber es isch er tragbar... Und süscht im Buch spür i ab und zue es zieh oder es zwicke 🥰😍
    Und du?
  • Ganz e anderi Frog wämer nit lieber e WhatsApp Gruppe mache... Jetzt simer scho zu viert... Chöme bestimmt no meh... Was meinet Ihr? 😃
  • @Michelle_S_1989 huii das isch schnäu gange wenni das so darf säge..😊 aber freuemi für diii.🎉
    So schön chasch scho verbii gah würdi am liebschte ou..😅
  • @lachuli i warte gloubs am liebschte no bis nam erschte FA Termin..🤭
  • Isch e gueti Idee 😊 momentan hämers no im Überblick 🥰
  • @Michelle_S_1989 vo mir aau willkomme bi de März Babys 🥰 freut mi für di☺️
  • Morge zämme
    Wie gohts Euch so?
    I han e Banane 🍌 Shake trunke und jetzt isch es mir schlecht... 🙄
    Süscht gohts mir aber recht guet 🥰
  • @lachuli i ha immerwieder sochli es zieh im underliib und mir isch oft schlächt aber nid dassi muess erbräche...🙈 Aber i gloube es chönnti schlimmer sii..🙊🙊
  • @lachuli mir gohts mega guet, ha gar kai ahzeiche bishär... was joh eig super ish aber hoff aifach sish alles guet, bi sooooo froh wenn de 28ti Juli ish und ich die erst Kontrolle ha🥰 Die erst schwangerschaft ish ebbe ganz anderst gsi, ha bis in die 14ti wuche ständig miesse erbräche, also vermisse duenis nid 😃
  • Hoi zämme
    Mir isch es au öfters schlecht....
    I bi au froh wenn i de erst Termin han 😍🥰 den realisier ichs erst richtig... 😉
  • @lachuli ja ig ooh..🙈
  • Wenn hesch du de Termin scho wieder?
  • @lachuli ou am 28.07. wie d @fabienne91
  • Ah ok... Bin ich dem fall die erst mit US Kontrolle?
  • @lachuli ja genau, muesch de unbedingt brichterstatte..😊🥰
  • @lachuli &‘ @Bambina siht wenn händ ihr denn d‘Übelkeit? nei ich glaub d@Michelle_S_1989 ish sho am mäntig
  • Ja mach i 😉🥰
  • @fabienne91 auso ig ha scho vor de 6. Wuche so chli es gfüuh gha vo wie "überässe" und sit öppe am donnschtig ischmer regumässig so schüebwiis chli schlächt, geschter isch rächt krass gsiih auso da hani wück nie gwüsst obimi demnächscht muess übergäh und ig bi no ungerwägs xiih..🙈

  • Heit dir eui Schwangerschaft scho öpperem verzeut ussert villich am Baby -Daddy?
  • Min Zwillingsbrueder weiss Bscheid und mini zwei besti Fründinne 🥰
    Do i am 23 Juli nach 🇪🇸 flieg werdes üsi Eltere au früeh erfahre. Es fallt be mir uf wenn i kei Alkohol trink.... In Spanie trink i immer e Gläsli Wii...
    Und Ihr?
  • BambinaBambina

    156

    bearbeitet 11. Juli, 13:55
    @lachuli bi mir weiss es nur de Baby-Daddy. Mir warte uf de 1. Us ab u denn sägemers üsne familiene und jeh nach dän ou de fründe...😊
  • bi mir weiss es min kleine Bruedr (de ish bi mir gsi woni de test gmacht ha) und miner Schwiegermuettr hend mrs aau sho gsait aber sush warte mr au bis nachm erste untersuech 😊
  • Jööö so schön 😍 i möcht eifach die 12 Wuche schnell hinter mir bringe und den gseh das alles guet isch... 😉
  • @lachuli jaaa goht mir genau soo😊 wie alt sind ihr, wenni froge döff &‘ vowo kömmet ihr?
  • I bin 35 und Wohn in Rhyfelde Kanton Aargau
  • okay cool ish joh in de nöchi, bin vo ormalinge BL &‘ 30
  • Ig bi 27 u chume us de Region Fribourg 🙈
  • okay joh het mi aifach wunder gnoh 😊 wie gohts euch hüt?
  • @fabienne91 hüt bini richtig müed aber ig ha ou mega lang no EM gluegt..🙄😅 hüt hani chli meh zkämpfe mit Übelkeit aber ha nii müesse erbräche.👍🏿
    Morn hani no Wuchewächsu abe i die 7. wuche wohoooo freuemi..😊

    Und wie geits euch/dir?
  • BambinaBambina

    156

    bearbeitet 12. Juli, 10:55
    @Michelle_S_1989 hei und isch di FA Termin guet gange? 🍀😊
  • Hi
    Sorry da i mi nüme gmeldet ha, sind übers wuchenend weg gsi.
    De termin isch guet gange, mir müends eifach e biz früehner den hole am schluss.. i dörf kei wehe übercho, da wör noht nöd ushalte…
    Sorry falls i irgend e frog nöd beantwortet ha, es sind so vil nochrichte 😂🙈 also i bi vo sg und 31gi
  • @Michelle_S_1989 hihi gar kes Problem. 🙊Ooh da freu ig mi mega für euch..😊🥰
    Wie viuti Wuche bisch?
  • Erst i de 4. 😌 und du?
  • @Michelle_S_1989 morn faht die 7. Ah..🙈 aber d wuche vergöh sooo langsam 🙄
  • Ah den hesch aber au bald de termin? Het mir normal doch i de 6.te?
    Hihi jo i kenns vo de erste schwangerschaft. Ez gohts vil schneller will mir de ganz tag/nacht beschäftigt isch 😂😂
  • @Michelle_S_1989 am 28.07. hani de 1. Termin auso so ca. Ir 9. Wuche 😊
  • Ah ok den isch da demfall vo arzt zu arzt verschiede
  • schön gohts euch guet 🥰 mir gohts aau guet danke, hüt serst mol bitz übelkeit kha 😃 ich bi ab hüt in de 6te Wuche ☺️
  • Hoi zämme
    Han hüt au meh mit Übelkeit 🤢 zkämpfe. I chum au bald in die 7 Wuche... Die Täg gönt sehr langsam ume... 😉 Freu mi scho riesig uf de Fritig. 😉
  • Hoi zämme
    Wie gohts euch hüt?
    I han e Clearblue mit Wuchebestimmig gmacht... Und siehe da es isch 3 cho.. 🥰 Um so meh freu i mi ufe Fritig... 🥰😍
  • @lachuli hüt ischmer mega guet gange 😊 hoffe das blibt soo.
    Und diir? Ab aber gmäss App hescho gwüsst das du öppe o ir 6. Bisch oder nonid?
    I bi sit hüt ir 7. wuche. 😊
    Ooh tue de brichte wie de Termin gsiih isch.🤩
  • @Bambina mir isch es hüt au besser gange als süscht. 😉 Gemäss App chum i am Donnstig in die 7 Wuche 🥰 aber han's unbedingt ufem Test welle gseh... 😉 Ja klar wird i mache 🙂 😃
  • @lachuli ig hoffe morn geits o so guet wie hüt, bi nämlech de ganz Tag mit mir Family ungerwägs u de möchti fit si, da sie ja nonüd wüsse..🙈
    Ah ebe doch mir isch o vor gsiih mir sige öppe glich wit..😊
  • @Bambina druck dir fest Dume 🍀 i bin hüt au im Gschäft. I hoff es goht au guet. I tue uf jede Fall brichte... - 2 Täg 🥰😍
  • Morge zämme
    Wie gohts euch so?
    I bin hüt in die 7 Wuche acho 🥰
    Geschterd bin i wieder stark müed gsi.. Mol luege wies hüt wird...
  • @lachuli hello 7. Wuche🥳😊
    Auso mir geits rächt guet, i merke chummeh Übukeit aber i wotts nid ufbeschwöre 🙈.
    Müedi geit ouno...ussert geschter isch e stränge Tag gsih u das merki hüt schono..😅
  • guete moorge😊
    mir gohts guet danke, merk immer noni gross öbbis 😃
    Aber mied binni aau die meisti Ziht 😴
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum