Herzgeräusch

Toria

Hallo Zäme
Bi üsem Sohn (bald 5) hed mer Nebegrüsch bim Herz ghört. Luut Kia ned bedänklich aber mönds abkläre. Hed wer Erfahrig ond chan mi petz beruhige?

Sti

Mi Sohn het das mit 18 Monat ou kha. Si när bim Katdiolog gsi und äs isch alles tiptop. Är het mir gseit das gäbs bi Ching no viu, sig aber nur sehr säutä schlimm.

SHAYENNE

Mini Tochter het au es Nebegrüsch bim Härz wo au rächt lut isch. Es isch mit 2 Jährig abklärt worde. Isch alles guet und chan sich no verwachse oder es bliibt. Isch aber überhaupt nöd schlimm oder gföhrlich. Hoffe cha di so beruhige. Alles Gueti für eu 🍀

Toria

Danke üch vell mol🌷 Das duet guet zläse❤️

Tanja87

Hend beid Chind vo mier gha plus no starks schwitze während em trinke ade Brust. Sind bim Kardiologe gsi und beides mal gottlob alles guet gsii🙌🙌 ich dänk das gids hüüfig, da ja alles no ned zu 100% usgwachse isch bi de Geburt... Alles gueti euch, wird bestimmt au alles ok sii🌸🤗

Anni

Mini Tochter het das au gha. Aber de Arzt het gmeint das wird sich uswachse, si isch damals no sehr chli gsi.Oises nachbarsmeitli au, hets im gegesatz zu ois sogar sehr genau müsse abkläre. Aber au bi ihre ischs denn keis problem gsi. Ich glaub das gits würklich hüfig. Klar chans au mal es ernsts Problem si, aber ich glaub meistens nöd.