Abstand zwischen den Kindern

Mir reded gad über es zweits Chind und de „optimali“ Abstand zwüsched de Chinde. Was händ ihr für Erfahrige gmacht? Üsi erst wird ez denn jöhrig..

Kommentare

  • i glaub do gits kai richtig odr falsch. wie au öbis wome so nöd plane chan. i minre vorstellig sinds immer schön 2 johr gsi abr i han 3 FG ks und am schluss werdens jetzt 3 Johr si. i denk solang ihr bereit füres 2 Kind sind isch de abstand glich. gwüssi sind vorher gwüssi sind nocher bereit. i han 1 johr nöd chöne vordtelle zum es zweits zha erst mit 1 ume hani denkt jrtzt chönt meh mol wieder afange langsam unvorsichtig zsi
  • Also min Chline isch gli 19 Mönet, wenn euse zweite uf dWelt chunt ischer denn 26 mönet. Lese gerne mit 🙈
  • Mir hei knapp 4 Johr unterschied zwüsche üsne zwei und findes perfekt für üs. Dr gross het düregschlofe, isch troche gsi, isch selbstständig und het sini gspänli, cha selbstständig zum Grosi oder Nochberin übere laufe und allgemein vill helfe uf die chlini luege und sich selber beschäftige. De hani afangs s müüsli rächt guet chönne gniesse 🥰 und dur das er jetz i KiGa geit, bini au öbbe allei mit ihre.
    Es git aber kei generelle „perfekte“ Abstand. Ig bi eifach psychisch nid parat gsi für es zweits bis dr gross öbbe 2,5 isch gsi…ersch denne hani dr wunsch nacheme zweite Chind afo becho.
    Kenne einigi wo scho vorem 1. Geburtstag oder churz nachher für es zweits hei agfange üebe 🤷🏼‍♀️ ig selber chamer das für mi absolut nid vorstelle😅
  • Es git nid richtig oder falsch so nöcher chinder zeme sie het me meh arbeit isch aber zitnah mit allem fertig und sind selbständig

    Wens 4+ jahr undernand sie het me es super selbständigs chind sho fangt aber wieder bi null ah

    Ich ha zwische mine 2 5jahr unterschied es isch mega schön aber bi jetzt wieder gwollt ssw und mittlere und letzte wäret 17mönet unterschied weil ich nid wieder warte wott und neustart mache wott für mich stimmt beides viel wartet au bis zerste wenigstens troche ish 😊
  • mini girls hän 20mt abstand und mir findes super so. die gross isch nie iiversüchtig gseh wo die chli cho isch und jez isch die chli 1.5j und scho sit paar mt chönne si super zämme spiele (und stritte) will si ähnlichi interesse hän….
    baby 3 chunnt im 03/22 und het denn 22mt abstand… freu mi druff!
    aber ebe, s git kei richtig odr falsch… s muess für euch stimme und sobald s baby do isch findet me si wäg….
  • Danke für eui antworte! Ich glaub au, dass es weder guet planbar isch, no dass es richtig oder falsch git, aber han eifach mol chli d vor- und nochteil wölle ghöre. Ich fändes schön, wenns öppe zwei johr abstand hetted, min maa findets besser wenn s erste scho chli selbständiger isch, wie ich aber jetzt läse, hät beides sin reiz.
  • Ich finde 2 Jahre eigentlich immer optimal
  • Mir findet s artgerecht buech macht sinn und versuechet drum en 3 johres abstand öpe zha. Obs so wirrd usecho isch nonig sicher.
  • @Mayla Artgerecht - baby oder kleinkind?
    Wie begründet die das?
  • Ich ha 20 mönet unterschied. S'erste Jahr isch schlimm gsi inkl. Depressione. Es isch streng gsi vorallem will ich alleinerziehend mit Mann gsi bin und etz richtig alleinerziehend.
    Mittlerwiele sinds bald 6i & 4i. Es isch de Hammer. Sie spielet zemme und hend die gliche Interesse mis Meitli chunnt im Summer in KiGa. 😍 ich freu mich druf chli ziit für mich zha am morge und endlich en bessere hushalt zha 😅
  • @LoLa. S buech heisst geschwister als team oder im youtube het sie au en video (nicola schmidt). Sie seit dases frühener gar nöd mögli gsi wär so kurz ufenand kind zha, wil s erste no so sehr s mami brucht, wegem stille, wil au dnahrig für 2 chlini nöd uf eimol glanget het und den gohts halt no ums ghirnwachstum, dass dkinde ab 3 viel riifer sind, meh verstönd und au mol chönd warte wemer zit fürs baby brucht. Au bi kurzabstand seg vo natur her logisch das konkurrenz bestoht wege muettermilch etc. Sie erklärts sicher besser 😅
  • Das gids nö mir händ gseit 2 Johr währed ideal mitlerwile isch üse junior 4 und i bi nonig mol schwanger 😬😅🤭
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum