Gstresst und gnervt

Sternli

Isch au öber gstresst vo eui wenn öbis isch gönt ihr grad id Luft und sind gnervt, händ ihr mir Tipps wie me da wieder anebringt das me nüm so gstresst und gnervt isch, danke für Tipps

snowangel

Mir hilft spaziere und music lose... Bi au schnell vo 0 uf 100...
Sofort drüberd rede macht mich nur no me hässig...

•Elefäntli•

Ich gohn id Kinesologie und akupunktur i liebs und es hilft mir extrem 🙏🏻

minggi

Ich versueche regelmässig für mich sport z mache. Mier hilft das sehr

Sti

Machä regelmässig Meditation u chönnt nüme ohni.

mona92

hesch pausene für dich allei?

Sternli

Nöd viel bi immer überall dra händ no e gschäft , den wenn da nöd isch, isch da und da, sött lerne mal echli zrugschalte

mona92

Also ich merk dasi mich mega unter druck setzte und riisigi erwartige ah mich ha, weni die biz abeschrubä gahts mer grad besse

conni

I mache Yoga das hiuft mir scho sehr u versueche immer mal Zyt für mi ussezhole. Was nit immer eifach isch. Aber bim Yoga cha mini chlini Muus debi si. Meistens spiut sie näbedranne.

Nihan

Han das au s erschtmal gha, will ich mit de aktuelle Situation total überforderet gsi bi…
Mir hend Zeller Entspannigstablette(Pflanzlich) gholfe zum obe abe cho..und eifach Affirmatione uf Youtube lose und eimal meh ziit für sich selber schaffe, au wenns nöd grad eifach isch🙏🏻 Viel Erfolg und alles Gueti🥰

Dana

Was mir amig hilft sind Atemüebige sogenannti Pranayamas usem Yoga. Ich bin au Phasewiis mega mega gstresst und den suech ich mer es stills Plätzli und atme bewusst ii und uus (machi amel so 10-15min) und versueche de Atem au wahrzneh. Yoga isch au für mich en mega Usgliich. Aber bewusst schnuufä gaht so hüüfig vergesse, meistens schnuufemer ebe sehr flach oder teilwiis au gar nöd ohni das mers merked.. Tüüf und bewusst atme hilft enorm, find ich!