Fruchtwasser oder Urin?

Hallo ihr liebe

Ich befinde mich i de 37ssw.
Hüt hani müesse nüsse und es isgh wasser abegloffe nöd ganz viel aber han müesse de Bode putze. Chas nöd ischätze isch es Urin oder Fruchtwasser? würdet ihr au no 1 Tag abwarte und luege was passiert?

Kommentare

  • Halli hallo. Ich würd jetzt mal uf urin tippe. Beckebode wird ja doch rächt belastet. Fruchtwassers isch farb und gruchslos. Würd ez glaib mal abwarte...
    gerdaina
  • Hey Gerdaina
    Isch sit denn nomol öbbis cho?
    Grundsätzlich chasch scho abwarte. Wenn öfters öbbis chunnt söttsch es go zeige. Falls es Fruchtwasser isch wirdsch regelmässig überwacht wäge de Gfohr vomene Infekt.
    Ha 2mol Blosesprung gha aber kei Wehe. Isch eimol 2 und einisch 3 Däg no gange bis dKids uf de Wält gsi sind. Aber i bi im Spital unter beobachtig gsi.

    Alles Gueti für dini Geburt 🍀
    gerdaina
  • @JaMa88
    Bis jetzt isch nüt meh cho. ich denke ich warte ap. ich würs sicher merke, wenn ich is spital sött oder?🥰
  • Lüt doch en beatr schnäll im Spital oder sr Hebamme ah ☺️ di chönne das besser ihschätze ☺️🍀
  • I ha au emol en blosesprung gha. Merksches sofort went dra schmöcksch/riechsch 😅! Isch würkli fruchtig und nöd eklig. Bi mir hen 2h spöter den wehe agfange und paar stund spöter isch s baby do gsi..
  • Ah jo es git au so ph streife zum teste.. da machets au im spitol 😊
  • Es git vo ELANEE pH-Test vaginal die sind super. Die würdet der grad azeige obs Fruchtwasser oder Usfluss isch. Aber i de Schwangerschft isch viel wässrige Usfluss oft normal. Ich has aber glich mit dene Streife testet🤣
  • Han das au mal gha
    Bin unsicher gxi und gange go zeige.
    Mini fa het denn en test gmacht mit dene Streife aber het gmeint, s nöchst mal slipilag ine und denn luege, wenns süsslich schmöckt und liecht rosa isch is fruchtwasser, aber wenn die unsicher fühlsch chasch ja mal alüte und nafröge nimmt dir niemert übel
    Oder ebe mit Streife us de Apothek teste...
    Alles gueti dir🤗
  • Würs unbedingt go zeige, bi mir isch denn nämli ä wuche Fruchtwasser usglofe, ohni, dass ichs gmerkt han. Han ide 41ssw Halsweh und Hueste gha und ha gmeint, ich schwitz und bin nümme ganz dicht, wegem Druck bim Huste. Han denn nach es paar Tag id Kontrolle müsse, ded hät mer gseh, dass es Fruchtwasser isch. Han denn gad müsse is Spital, d‘Wehe sind nüm vo selber cho, han den müsse Ileite. Bin denn drum nur no am CT-Grät ghanged.
  • Wünsche dir und dim Baby alles gueti🤗🌞 lieber einisch meh go zeige, jede hät Verständnis defür.
  • @gerdaina Wie sFränzeli gschriebe het merkt mes nit immer, vorallem wenn dFruchtblose nur en Riss het. Bim erste Chind han is grad gmerkt, bim zweite bini am Afang nit sicher gsi.
    Aber wenn bis jetzt gar nüt me cho isch, denn wirds warschiinlich kei Fruchtwasser si.

    Wend di unsicher fühlsch würd i churz alüte unds go zeige. Wie die andere gschriebe händ mache si denn churz en Test. Denn weisch wora dasd bisch.
  • @gerdaina Und wie gohts dir? Bischs go zeige oder bisch villicht scho am kuschle?
  • @JaMa88
    Bin hüt zum Frauearzt will ich immer sgfühl gha han bin ganz nass . Aber ich han kei fruchtwasser verlore🙈zum glück susch hetets müeswe ileite.
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum