Wie oft stillt ihr noch mit 12 Monaten?

enelaa94

Mis Baby wird i 2 Wuche 1. Ich stille Sie no eigentlich mind.6 mal am Tag. Ide Nacht hani ufghört zelle🤣🤣Egal ob Brei oder Fingerfood sie isst nie so viel das Sie wür satt werde. Sie probiert scho immer wieder chli öppis. aber ja sehr schnell verlürt Sie s'Interesse und schmeist umenand. Chan mer öpper Hoffnig mache und vonere ähnliche Situation verzelle?🤣Ich hoffe sie isst bald echli meh, ich stille sie so lang sies brucht. Aber tagsdure möchti scho chli flexiber si..

Juno

Hey, min chline wird au grad 1, da ischs tupf genau glich.🤗
Er isst bi eus immer mit, aso Zmorge Zmittag Znacht und zwüsched dure bütemer au Frücht und Brot und so ah. Aber er trinkt au no recht vill. Da ich 2.5 täg schaffe pumpi ab, er trinkt denn us de fläsche, was es chli eifacher macht, bzw mich flexibler.
Bi mir sind aktuell t nächt echt chli vill, er nucklet gfühlt nonstop so abm 2...sicher eifach ä Phase
Bin überzüg, dass die sich eifach genau das holed wos bruched mine isch emel total zfride und fit.

minggi

Hallo, ich chan dier fu mim erste sohn brichte. Er het nie brei wellä, sondern het den grad vom tisch gässe ab ca 7mt. Immer sehr wenig. Ich han drum au nu sehr viel gstillt am tag und i de nacht. Churz vor siim erste geburi hani en positive ss test gha. Sies ess und trinkverhalte immernu glich. Ich han den gmerkt dases für mich so nimmä stimmt, au chli weg de ss. Han den fu eim tag ufe ander komplett abgstillt. Er het den am morge und abig en schoppe becho, ide nacht nur wasser. Es het ihm plötzlich glänget und de am morge hemmer nach 3 wuche den wägglah. Er het den au ahgfange chli meh z ässe.... die chli jetzt 8mt isst au kei brei und wird au sehr viel gstillt. Mal luege wes mit ihre wiiter gaht. Mit eis hani mr aber gseit wetti den langsam abstille, will ich min körper den gern mal wieder für mich hätti...

Joyce

Bi eus ischs au so gsie und au jetzt mit 18 mönet stillemer no recht viel. Ide nacht no öpe 2 mal, de tag dur wenn ich dihei bin no ca. 5x. Wenn sie ide kita/bim Papi isch, brucht sie kein schoppe (scho sit jährig nüm). Sie isst ihri feinschmecker portione und isch fit und vital🤷‍♀️ cha sust sehr s buech/hörbuech 'kinder verstehen, born to be wild' vom kiA Herbert Renz Polster empfehle

SHAYENNE

Mit jährig ha ich no am morgä, mängisch binere spate namittagskrise, am abig vorem is bett gha und eimal i de nacht gstillt. Er isch allerdings en sehr guete ässer xi und het dur de tag gnueg becho vom tisch.

enelaa94

Tuet guet z'lese
das es au anderne eso gaht. Wür ebe so gern au appumpe und mal ide Fläsche geh, aber sie akzeptiert leider eifach keini

KeBe

Bi mim grosse isch es genau glich gsi! Mir hend vo afang ah blw gmacht und er het zwar immer alles probiert, aber s meiste isch denn glich am bode glandet😅. dementsprechend hani ihn au no sehr viel gstillt. aber es isch mit de ziit besser worde und je meh er denn wükli gesse het, desto weniger hani ihn müsse stille. d zunge koordination muess halt au zerst trainiert werde, drum isch das völlig normal. mach der kein druck!
weg de fläsche, händer scho usprobiert, dass es ihre öpper anderst git und du nöd ume bisch? und isch es frisch abpumpti milch oder uftauti? s igfrüre und uftaue chan ebe bi gwüssne fraue zumene ranzige gschmack vode milch füehre, vilicht stört sie de gschmack.

AmBir

Mini isch 13 mönet alt und bi eus isches leider exakt gliich!

Füxli

mit 12 Mönet machets nomel en krasse entwickligsschub und hebd drum au en grosse stillbedarf. aktuell stillemer no zum ischlofe und ufwache. stillkind isch 19 mönet alt

enelaa94

@AmBir Oh das isch müehsam🙈Nimt sie denn au kei appumpti MuMi us de Fläsche? das findi ebe schad. das mini nie richtig usere fläsche trinkt

AmBir

Au kei milch us de fläsche.. sie spielt nur mitm schoppä. Aber ich red mir immer ih, au sie wird irgendwenn esse

enelaa94

@AmBir Hoffe das mit spötistens 2 besser wird🤣het nie denkt dasi überhaupt stille oder nur ca 2,3 Monet&jetzt bini sho bald 1 Jahr voll dra