Wunsch dasi Stille chanđŸ™đŸ»đŸ™đŸ»

Gits eich iiirgebdöbis womer ide Schwangerschaft defĂŒr mache chan - dases mitem Stille den klappt?

Vilicht eh doofi Frag aber wer weiss😅

Danke❀

Kommentare

  • bearbeitet 1. 03. 2019, 23:10
    Schwierig.Positiv sii,aber ou uf alli EventualitÀte gfasst sii, falls es nid so isch.

    ps:Nilla isch hĂŒt jĂ€hrig worde u ha hĂŒt nach 365 TĂ€g pumpschöppele abgstillt.
  • Positiv denke. Und im Spital denn Hilf hole, wenns ned klappt. Und sich ned abwimmle la. Dra bliibe, wenns Frage hesch und Problem uftauche wĂŒred. Stillberaterinne ibezieh..😊Chunt sicher guet 🍀
  • Genau positiv si, sich aber nit voll druf verstiifa. Findes schön, dass du gĂ€ra stilla wĂŒrsch. Aber wenns denn halt nit so kunnt, isch es doch au ok. Mini Gross het noch dr Geburt ufd Neo mĂŒassa, well sie unterzuckeret gsi isch. Nach 4 TĂ€g weg vor Neo und denn no 6 TĂ€g uf dr Kinderstation. Sie het recht a Suugverwirrig kah und i han 10 Wucha nu mit StillhĂŒatli könna stilla. Denn hets klappt und i han sie bis 15 Mönet gstillt. Und dia Klii jetzt no lĂ€nger! 🙈😊 Kunnt bestimmt guat. đŸ€â€ïž
  • Im vorhinein chamer nöd viel mache, aber ein/zwei tipps wĂ€nns baby da isch:
    vo ahfang ah so viel wie möglich stille > han mini chli di erst nacht nonstop dra gha, das fĂŒhrt zumne schnĂ€lle und weniger schmerzhafte milchischuss.
    - silberhĂŒetli fĂŒr uf brustwarze > han praktisch kei schmerze ghađŸ‘ŒđŸ»
    - glaub a dich und diis baby, verlang À stillberaterin wÀnn der unsicher bisch
    - versuech zlerne im ligge stille da chasch di au sÀlber am beste erholÀ
  • Vertrau uf din Körper! DĂ€ isch fĂŒr gnau das gmacht😊 positiv dĂ€nke und eifach uf dich zuecho loh! Ich han 3 Chind und alli gstillt. Ohni Problem.. 14Mt, 8 Mt und ez au wieder 13 Mönet. Ich z.b han Stilltee trunke und vorher druf gluegt dasi kai Tees trinke wo abstillendi wirkig hend ( salbei, pfefferminz..). Entspannt bliibe und e schöni ss erlĂ€be hĂ€lfed sicher au😊
  • Danke viel malđŸ™đŸ»đŸ™đŸ»Ich bi sehr positivđŸ˜đŸ€— bi so happy dasi schwanger si derf. WĂŒrsmer trotzdem sehr wĂŒnsche❀Han bide hebamme uswahl scho gluege dass sie stillberaterin isch😍 wet au ambulant gebĂ€re will sie mir den wĂŒrkli helfe bzw mich unterstĂŒtze chan.
    Demfall - chunt guetđŸ˜đŸ€—đŸ‘đŸ»
  • @ALOHA Ich fĂŒr mich han mich is Thema iglĂ€se und bin froh gsi, s‘einte oder andere scho mol ghört z‘ha. Alles andere hĂ€nd dir die andere scho uf de Weg gĂ€h.

    Dini Gschicht find ich so so schön, fiebere richtig mitâ˜ș
  • @twilly das isch eh gueti idee. Chönt den au 1-2 bĂŒecher dezue kaufe und chli leseđŸ‘đŸ»Danke dir viel mal - so herzigđŸ˜â€ïž
  • WĂŒrd mecv au scho vorher ilese... mer esch gseit worde da esh ned nötig, will e de Klinik denn Stibe chont... ond prompt esch be mer erst meh wie 24 h noch de Geburt eini cho ond de han e h e schwere Start gha... ond vell TrĂ€ne, aber has gschafft ond stille mittlerwiile lĂ€nger wie 3 Johr ond das be 2 Chend... etz ben ech met em 3. schwanger
  • Wer seit eim zB scho, dass es Phase gitt, wo sBaby non-stop/wörkli non-stop will trinke🙈
    Ich han nur 2 BĂŒecher gha:
    - Baby erstes Jahr (Vivian Weigert). So vell gueti Infos und ned ĂŒberlade. Mer chas au guet fĂŒrenĂ€h zum churz öpis Naluege. Ich glaube da drin han ich gnueg Infos gfunde wĂ€gem Stille.
    -Schwangerschaft Tag fĂŒr Tag

    Ah, ich bin sogar inen Stillvorbereitigskurs im Spital🙊 Hed mir jetzt aber ned wörkli öpis brocht, da ich scho sBuech gha ha.
  • ah dich und dini urfunktion als mueter und stillendi frau glaube! d‘natur hĂ€t eus brĂŒscht geh dĂ€mit mir eusi chind chönd stille.
    es git sehr viel alti ammemÀrli wie zbsp:
    ‱ kohl, zwieble, knobli & co mached blĂ€hige bim baby - falsch!! muetermilch wird us bluet hergstellt und nöd us dim mageinhalt😉‱ böterliwasser git buchweh - nöö siehe oben
    ‱ pfĂ€ffermĂŒnz wirkt milchreduzierend - falsch! er wird in gwĂŒsse kulture sogar zur milchbildig trunke. er wirkt aber gfĂ€ssverĂ€ngend und CHAN drum en milchstau begĂŒnstige, muess aber ĂŒberhaupt nöd. mir hĂ€t er weder eis no s‘ander bewĂŒrkt und ich ha sehr gern pfĂ€ffermĂŒnz tee trunke.

    paar facts:
    ‱ knobli, zwieble, vanille verĂ€nderet s‘aroma vo de mumi. kind trinked gern milch wo nach was schmöckt
    ‱ je abwĂ€chsligsriicher du ide ss issisch umso gwöhnter isch sich s‘chind an gschmack
    ‱ stille nach bedarf ischs bescht wod chasch mache zum milchbilde
    ‱ bockshornklee kps sind nöd z’underschĂ€tze und chönd ganz bösi nĂ€bewĂŒrkige ha!! nur in begleitig vonre stillberaterin ine!
    ‱ kk zahlt 3stillberatige
    ‱ clusterfeeding isch ganz normal und ghört dĂ€zue...
    ‱ salbei wirkt erwiese milchreduzierend. bi gwĂŒssne langet sehr wenig. ich ha wĂ€rend ere gripp ca 3tag lang 1tasse salbeitee trunke und ha ganz normal wiitergstillt und ha kein rĂŒckgang bemerkt. salbei verĂ€nderet de gschmack vo mumi und cha dezue fĂŒehre dass nĂŒm schön trunke wird und drum milch zruggaht
  • @Mirj intressant woher weisch du das reso. vu wellere Quelle?
  • SchlĂŒss dich doch de FB Gruppe „Stillen Schweiz“ aa. Deht chasch scho bitz mitlese und wenn s Baby da isch Frage fröge
  • @MamaBird han kei facebook😅 aber merci
  • Ich han mich mit dem thema ide schwangerschaft 0 befasst 😅 und es isch so guet glofe, grad woner frisch uf dwelt cho isch, hĂ€t er aadoggt. Und ich still ihn jetzt na (19 mönet alt) han bis 13 mönet voll gstillt will er nĂŒt anders hĂ€t welle bzw zerst mösse lerne. Ich luege nach wie vor eifach dasi kei pfeffermĂŒnz zu mit nimm (allg alles was s stille cha beitrĂ€chtige) aber zuscht han ich mir im traum nieeemals usgmaalet das ich jemals so lang dörf und chan stille. Will demit sĂ€ge, mach dir nöd zfest gedanke. Es chunnt so wies muess. đŸ€—
  • @Mirj wau danke viel mal fĂŒr die infos. Isch ja spannend😳 das mitm kohl etc hends minre schwe immer under dnase griebe. Will die chli so blĂ€hige gha het. Han ned gwĂŒsst das d mm us bluet hergstellt wird😳
  • Danke @rosa. Machmer schochli gedanke😅 wet kei pumi ge😬
  • @ALOHA klaar, das han ich au nöd welle. Aber mach dir eifach kein druck.
  • Nenei. Het ja chöne sii das öber DIE idee gha hetđŸ˜đŸ€—
  • @Adriana mis wĂŒsse hani alles us de fb gruppe „stillen schweiz“. det hĂ€t mal Ă€ stillberaterin en text postet wo viel vo dene infos drin gsi sind und au vom lĂ€se vo kommentĂ€r uf gwĂŒssi frage. leider dunkt mich d‘gruppe zur ziit nĂŒm soo informativ wie no vor 2h. det sind Ă€cht viel facts und ammemĂ€rli ufklĂ€rt worde. ich ha viel au nöd gwĂŒsst! stille isch kei hĂ€xerei will ebe mir ja fĂŒr das brĂŒscht hĂ€nd und dĂ€nn söts ja au nöd so kompliziert sie😊
    blĂ€hige hĂ€nd scho mit de mumi ztue - nur halt nöd mit dim mageinhalt. dĂ€ baby mage/darm muen sich as nahrig verdaue gwöhne. hĂ€t das jetzt 9mt lönd mĂŒese und plötzlich muens schaffe?! wie gahts eus nachere MDG? mir chönd au nur wenig Ă€sse ufs mal Ă€sse, dĂ€fĂŒr immer wieder will halt alles nochli gschwĂ€cht isch..
  • 771511a0-3cfe-11e9-82fd-7bf8f4d93ab3.jpeg das foti zeigt zbsp au wieso dass babys am ahfang so oft mĂŒnd gstillt werde. ihres mĂ€gli isch munzig chlii
  • ach so alles klar..
    ui jo das mit de milchmengi am fang dass soooooo wenig trinkt ufzmol hani au nöd gwĂŒsst..spannenf
  • Mirj schrieb: »
    ïżŒ das foti zeigt zbsp au wieso dass babys am ahfang so oft mĂŒnd gstillt werde. ihres mĂ€gli isch munzig chlii

    @Mirj Han sogar mal glese das die erste 3 Tag de Mage nur so gross wie en Erbse ischâ˜ș
  • hallo zĂ€mme, bi jetz au do agmeldet âœ‹đŸœ 😅...
    isch scho viles gseit worde. ich persönlich ha dr stillstart schwierig gfunde, has mer eifacher vorgstellt. ha wahnsinnigi schmerze gha. eifach, dass des weisch, es cha am afang e challenge si, aber es lohnt sich.
    mir hett no s “handbuch der stillenden mutter” gholfe, bi an stilltreffe vo der lll (la leche liga, hani super gfunde, chas alles froge und isch gratis) gange und ha mi au inndr fb gruppe stillen schweiz schlau gmacht. und de blog glĂ€se:
    https://www.stillkinder.de/category/stillen/
  • @Sue☀; herzlich willkommeđŸ€— und danke fĂŒr dis feedback. Vor dem hani ebe chli schiess, wills ned nur es ahdogge isch und zĂ€gg funktioniert alles. Aber ich wirdmer bĂŒecher kaufe und mich ihlese. Und suscht hani ja mini hebamme😍De blog luegi mir au ahđŸ‘ŒđŸ» merciii
  • Jedes Kind isch halt au anders. Mini Gross het as verkĂŒrzts ZungabĂ€ndli und denn kanns es au geh, dass Sie schwierigkeita mitem Vakuumufbau hend. Sie isch au so klii gsi bir Geburt (2720g). Mini Klii isch grad dagega en rechta Mocka gsi (3790g) und het echt Kraft kah und suuga könna wia en Weltmeischter. Well i no kein Milchischuss kah han, het sie miar wia Blöösli gsooga uf dr Brustwarza, au echt schmerzhaft. Hends im Spitol anschiinend no nia kah! đŸ€šđŸ˜• fĂŒr mi isch es aber zschönschta gsi zum Stilla und hoffa, dass es das fĂŒr di au si wird! 🍀
  • @Mirj spannend! Demfall verzichti nĂŒme uf pfefferminz-getrĂ€nk! 😅🙈 und zum salbeitee; wĂŒrkli freiwillig trinkt dĂ€ glaub eh niemer😂🙈
  • Ich han vor de erste Geburt mal mit de Hebamme es Stillgspröch gfĂŒehrt. Han das super gfunde. So mal Grundinfos zum Thema was machi wie und wenn. Mir het das mega ghulfe.
    Auch halt so Themene wie vorher wĂ€rme, nachher ChĂŒele, Quarkwickel, Brust massiere oder uusstriche ect. Das chamer alles vorher schomal aluege. Es chunt nach de Geburt scho gnueg neuis dezue. 😅
    Ich han extra ChĂŒel/WĂ€rmepads fĂŒrd Brust.
    So um de Geburtstermin lohnt sich sust au zum Quark dihei zha fĂŒr en Quarkwickel.
    SilberhĂŒetli, ZinnhĂŒetli oder so Sache bruchsch ned. Das chasch nach de Geburt mal vo dinere Hebamme uslehne zum probiere. Mir heds zum biespiel gar nĂŒt bracht. Ich han am beste uf MultiMam Pads reagiert. Aber ebe das sind den Sache wod nach de Geburt musch usprobiere. 😊 Guet isch vilicht zwĂŒsse was es ĂŒberhaupt alles git. 😅
  • Danke viel mal ihr liebe❀❀
  • @JuNa probiersches mal. mer sötts ja sowieso nöd literwis trinke, aber mal Ă€ tasse oder en iistee gaht guet! ÀÀm hmm also ich trink seehr gern salbei tee🙈 warm pur oder chalt mit zitronesaft😋😅
  • Positiv si, nöd zu fest verstiefe mitem gedanke „ich MUESS stille chöne“ oder „ich WILL um jede priis stille“ denn klappt das scho. Ich bin fest der meinig dasses din körper merkt wenn du dier en zu grosse stress machsch. Chunnt alles guet 👍â˜ș
  • Ja, sicher voll gueti Ihstellig und eh guete Wille, han ich au kah, het trotzdem nĂŒt gnĂŒtzt đŸ€„đŸ™„đŸ˜„ kei angst so schlimm isch pumi nöd, sie werdet au so gross 😉 offe sii und nöd zverstiife wie alli scho seget...
  • @Bawa jaa aber stille isch so viel eifacher😅 und minre meinig nah immerna sbeschte fĂŒrs baby😍 ich lahmi eifach mal ĂŒberrascheđŸ˜…đŸ‘ŒđŸ»
  • Aso ich han gar nie dra denkt dases da git nöd stille. Ich han min Sohn damals lang chöne stille und jetzt stilli mini Tochter au weder. Ich han au nie öpis glĂ€se. FĂŒr mich isch ganz klar gsi dasi sicher stille und dases sowieso funktioniert.
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner NĂ€he austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum