Arbeitstätigkeit während Schwangerschaftszeit

Hallöchen zusammen

Wie lange habt ihr 100% gearbeitet ? War das eine stehende Tätigkeit oder Büro ?

Musstet ihr vorher reduzieren?
Wenn ja was waren die Gründe und in welcher Schwangerschaftswoche ?

Wann habt ihr ein Zeugnis vor der Entbindung vom Frauenarzt bekommen?

o:)

Bin gespannt auf die Antworten....

Kommentare

  • Seit der 31ssw von 100% auf 50% reduziert aufgrund verkürzung Gebärmutterhals, bin jetz 37ssw und arbeite noch diese 50%. Wenn ich nicht mehr „kann“ soll ich mich melden bei der Ärztin, spätestens ab ET will sie mich 100% krank schreiben.
    Ach ja, arbeite im Büro...
  • Hallo Maryon

    Ich habe bis W 32 100% gearbeitet. Stehende Tätigkeit als Filialleiterin.
    W 32-36 50% und dann krankgeschrieben bis Geburt.
    Eine Empfehlung meiner Frauenärztin bei gesunden Frauen mit stehender Tätigkeit. Und genauso umgesetzt. Hat mit sehr gut getan der letzte Monat noch zu Hause zu verbringen.

  • Ich han bim erste chind ca. ab de 28 ssw 50% und ab de 34 ssw 100%. Han en z höche bleutdruck gha, schlechti Bluetwert und schlussendlich heter müesse vorane cho weg de cholestase. Gefühlt bini aber recht lang top fit gsi, abgseh devo dasi weg de cholestase geg de schluss nüm ha chöne schlafe. Eifach immer en rise stress im büro, de ganz Tag sitze und weni han wele pünktlich gah hani immer es schlechts gwüsse gha und ich bin jede Tag meh im Rückstand gsi. Bin glich so froh gsi um die 50% und die 100%🙈 Bim zweite hani nöd gschafft.
  • I ha bis zur 37ssw gschaftt und de ufghört wäge frühzeitigem Blosesprung, cho esch er 37 +3. I hät bis 38 ssw gschaffet und e noch 2 Woche Ferie gha. Schaffe em Spital uf de Endoskopie als Pflegefachfrau.
  • Ich bi dipl. pflegefachfrau ufere spitalabteilig. Ich ha bis gester in dr 23.ssw normal also 100% gschafft. Do ich abr am donnschdigoobe e kreislaufkolaps ka ha, darf ich ab em Mittwuch nume no 50% schaffe.
    Es isch mir eigendli immer guet gange, abr us sicherheitsgründ het mi fa gfunde mir löhns jez bi 50%
  • Als ich schwanger war, war ich in einem Daily Spa in der Massage tätig. Da ich die ganze Zeit stehen musste und mich nicht bei Badarf ausruhen konnte, da ja eine Bahandlung 60 oder 90 Min dauerte, hat mich meine Ärztin im 5. Monat zu 50% und im 6. Monat zu 100% krank geschrieben
  • ich schaff 50%, im büro, ha scho ei kind , und ab negst wuche (37. ssw.) bini chrank gschriebe. ha eifachk dr fa aglütte und gseit, mag jetz nüm... vor allem chani nüm schlofe.
  • Also gschaffet hani bis am letschte tag... (bis am fritig und am sunntig isch er cho) han aber die letschte 3 wuche na 50% gschaffet. Han aber kei problematischi schwangerschaft gah oder so. Den gsehts ja wieder andersch us. I mim job üeb ich beides us. Also sowohl mal stah aber au wieder büro.
  • Bim 1. Chind ab de 28. SSW komplett chrankgschriebe gsi weg vorziitige Wehe. Bim 2te hani bis 10d vorem KS no 60% gschaffed (also mis volle Pensum) & bi denn chrankgschriebe worde weg Ischias Beschwerde. Sust hetti bis zum Schluss gmacht. Schaffe im Büro
  • @Evi i welen Spitol schaffsch wenni derf froge?
  • Han bis ET 100% gschaffet, im Büro und teils aneme Empfang. Mier isches immer super gange und ich het nöd welle dihei bliebe. Wenn mer Beschwerde het aber lieber eimal zviel reduziere als zwenig 👍
  • ide 1. ss vor 5 Jahre 100% ab de 26. ssw chrank gschriebe gsi wege verkürzte gmh und nachher isch no ss-vergiftig dezue cho. han nur no dörfe ligge und bin fast die ganz zit stationär im spital gsi.

    i dere ss sit 19. ssw 50% chrank gschriebe wege vorzitige wehe und wieder risiko uf ss-vergiftig. und sit 32. ssw 100% chrank gschriebe wege verkürzte gbh. dörf dasmal aber wenigstens dehei umeligge und nöd im spital.
  • I schaffe au als Dipl. Pflegefachfrau im Spitol. Ha ab de 29. SSW nu no 50 % gschaffed wili scho rech Kontraktione gha ha und sBaby de Chopf scho uh wit une gha hät. Defür denn bis 5 Täg vor Geburtd gschaffed🙈
  • @Sabel89
    bi mir isch ähnlich..i han sit de 25 ssw kontraktione..sitre wuche hani u viel kontraktione..aber nöd schmerzhaft..i han afangs jan mi 50% krank schriebe lo (v.a. welli nüm möge han und ich extrem viel kopfweh ka han) sit do viel besser..schaffe au als pflegfachfrau..derfi froge i welte wuche du denn gebore hrsch? i hoff ebe dass es biz früener chunt..mag echt bald mol nüme..
  • Ich han bis 3 Wuche vorem Termin 50% gschaffet. Bin als Pflegefachfrau bide Spitex tätig. Han denn ufghört will das ewige i und usstige is Auto und die huufe Stägetritt bi de Kliente wahnsinnig asträngend worde sind😉🙈 au will die meiste Kliente kei Pflegebett hend und halt immer allei underwegs bisch. ( bim erste Vind hani no 70% bis 1 Wuche vor Termin gschaffet aber im Altersheim. Dert hed halt d Infrastruktur und d Hilf vo Teamkolleginne vieles erliechteret😉)
  • Ich han e gueti ss gha und bis am schluss chöne im büro schaffe (1 tag hani home office gmacht). Es isch dänn am letschte arbetstag ade sitzig scho losgange, bin diräkt vom büro is geburtshuus und nach 3 h isch er scho uf de wält gsi. 🙈 Er isch bi 38 2 cho, s hett niemert demit grächnet gha, bim erste chind. Eigentlich hetti gern na es paar entspannti täg dihei gha... S nächst mal schaffi glaubs dänn nüm so lang. 😜
  • @Adriana da tönt würkli uh ähnlich wie bi mir🙈 hät din Frauearzt di nöd vo sich us chrank schriebe loh? I ha genau ide Wuche 39+0 gebore. Bi gad „froh“ gsi wili Termin am 26.12.18 gha hetti und sie so gad no schön vorde Wiehnacht cho isch🙈 i wellere Wuche bisch jetzte? Da chani guet nohvollziäh. Mir isches au so gange gegde Schluss. Schaffsch au imene Spitol?
  • @Sabel89
    Jo i wür ebe scho gern ez no die 50% so lang wie möglich wiiter schaffe. Jo i schaff im Spitol uf de Gastro (Endoskopie). I bin ez ide 35 SSW. Gester hani extrem hüfigi Kontraktione ka hüt wieder kli besser aber tfndenziell nämeds scho zue. Und gester glaub au serste mol Senkwehe gspürt..jo i bin u gspannt wie lang mini Geduld no uf Prob gstellt wird. 38.SSW fändi super wenn sie denn scho chämt. 😊
  • @Adriana Ahh kuul😃 i schaff ufde Ortho. Bisch du au vode Ostschwiz? Jo voll da isch scho super so goht zit mega schnell verbi wennd no schaffsch. I wär zwar froh gsi wenni no paar Täg meh gha hetti vorde Geburt aber mini Fraueärztin hettmi denn am Schluss afach niä wölle 100% chrankschriebe🙈 jo am Schluss isches echt e Geduldsprob. Vor allem wennd weisch jede Tag chönntis losgoh.
  • @Sabel89
    wohne und schaffe in Winti ursprünglich bini in Altstätte ufgwachse..Ohje denn schaff im Schichtbetrieb? I han vor 2 Johr vur Viszeralchirurgie uf dEndo gwechslet. Rehelmässigi Arbetszite bin so happy. Jo genau das isch so schaff ez immer jewils de Vormittag und de Nomi hani frei. Mir würs geaue devor jetzt scho zu 100%krank gschriebe zwerde. Aber ehrlich gseit weissi au nöd wie langi so no ka wiiter schaffe v.a. mit dene Kontraktione..
  • Ich ha glaub glygg mit mim fa... dä wurd mi scho syyt endi dezember krank schriebe🙈
    Bis jez hani mi immer gwehrt ka und jez darfi eifach nume no 50% schaffe. Und ich bi ehrlich gsait no froh... ich schaff au ufere abteilig im spital und gwüssi nehme nyd so rücksicht... die meiste im team luege mega toll, abr mini chefin interessierts mängmol nyd so hani s gfyhl...
    jez gniessi die zyyt am nomidaag dehaime😉
  • @Adriana
    Ahh schön☺️i schaffe in St. Galle. Jo bzw.nüme würkli. Bi no Bruefsbildnerin und schaff dur da eigentli nur im Früehdienst und mehrheitlich under de Wuche. Und nochem MU denn praktisch nuno als Bruefsbildnerin. Jo regelmässigi Arbetszite sind mega viel wert😅 i ha de Nachtdienst ghasst🙈 jo genau so hanis au gha. Immer am Nomi frei. Aber am Mittag bini amel nudelfertig gsi und zersch hei go schlofe😂 jo i denk du merksch denn scho wenns nüme goht und denn isch wichtig dass uf din Körper losisch denn cha nüt schief goh😃
  • @Jeaninne Da isch bi mir au so gsi. I hett guet no chöne 100% schaffe aber sie hät denn au no gmeint Lüt ide Pfleg mached meistens meh als sötted drum loht sie diä sowieso früehner chrank schriebe. Zersch hani mi chli doof gfühlt aber nochher hani denn au gseit schlussendli seitee au niemerd danke wenn was passiert und denn hanis au mega gnosse😂
  • @Sabel89 jooo sie verbanne mi jez au ins büro. Abr ich ka und will die 50% no schaffe und saag scho wenns nyd goht. Abr joo, ebe d nomidääg dehai sin scho recht gmietlich😉😊
  • Genialer Artikel und einfach „tragisch“

    Jo es isch würkli tragisch. Han 19 täg vor de Geburt ufghört schaffe und has uf mini chöste müesse mache. Ich han immerhin no s‘glück ka, dass mini chefe mir da bewilliget hend. Gitt jo söttigi wo den au bi unbezahlt eh dummi schnorre hend 😤
  • @lunapiena hesch de müesse Ferie näh? Het di Gyn kes Arztzügnis chönne usstelle? Ja am meischte närve d‘Sprüch so à la: „mini Frau het bis am Tag vor Geburt gschaffet“ 👏🏻👏🏻👏🏻
  • @schildchrötlimel nei würkli unbezahlt do ich im Stundelohn gschaffet han 🙃Ich han zum Glück sehr viel verständnis ka vo mine arbeitsgspänli. Die sind eher überrascht gsi dasi so lang schaffet han wills ebe anderst kennet.
    Nei mini FÄ hett mi nöd wölle chrank schriebe. Vor 34+0 macht sies nöd weg de Versicherige wo blöd tüend 🤷🏻‍♀️🙄Mich stresst vorallem de Pokalkampf under de Frau 🙄 die einte sind sogar stolz wenns no wehe veratmet hend während de Arbeitsziit 🤦🏻‍♀️
  • lunapiena schrieb: »
    die einte sind sogar stolz wenns no wehe veratmet hend während de Arbeitsziit 🤦🏻‍♀️

    😂😂😂😂 herrrlich. Kopfkino😅
  • @lunapiena hesch de müesse Ferie näh? Het di Gyn kes Arztzügnis chönne usstelle? Ja am meischte närve d‘Sprüch so à la: „mini Frau het bis am Tag vor Geburt gschaffet“ 👏🏻👏🏻👏🏻

    ja ja de spruch kanni au hahahahah :o:s
  • 1. SS: ab de 34. Wuche 100% krankgschribe wege vorzitige Wehe und verchürztem Gbmh

    2. SS: 60% Usgangslag und 1 Chind deheime, ab de 28. Wuche reduziert uf 30% weg de Rüggeschmerze und ab 36 Wuche zu 100% krank gschribe, will das bi mim FA immer so gmacht wird 1 Monet vor ET damit mer no "zur Rueh" chund
  • @Mina wau coole FA
  • Mini FÄ het mi ab morn zu 100% arbetsunfähig gschribe. Iz blibe no genau 3 Wuche bis zur Geburt. Sie het gmeint: schone schone u schone

    Versuechs miteme 3.5 jährige Wirbuwind 🙈
  • Mini FÄ het mi ab morn zu 100% arbetsunfähig gschribe. Iz blibe no genau 3 Wuche bis zur Geburt. Sie het gmeint: schone schone u schone

    Versuechs miteme 3.5 jährige Wirbuwind 🙈

    3 wuche vorher findi au total ok :) shcliesslich sett frau au no zit chöne ha für sich vor de Geburt :) und es wird ja eh müehsam körperlich und au mitem buch.
  • Ja bi mir isch es denn eifach scho losgange!🙈
  • Hatte jemand von euch wahrend der SS Sympheseschmerzen / Sympheselockerung und war mal krankgeschrieben? Wenn ja wie lange habt ihr nicht mehr gearbeitet und habt ihr danach reduziert?
  • Ja die hani scho rächt frühe gha sind ganz unagnähmi schmerzä😣 sind bi mir vorallem bi gwüsse bewegige gsi und vo demher hani guet nochli im büro chöne schaffe..gege de schliss hanis de au sust gha und bim laufe ischs ganz blöd gsi🙈😩 willi denn so komisch gloffe bi willis ha wele schone isch min ganz fuess unds glänk richtig ahgschwulle weg de fählbelastig.. bi denn 4wuche vor termin chrank gschriebe worde..wäret de geburt hani aber kei schmerze gha und nacher au niemeh
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum