Tops & Flops der Babyausstattung

AdminAdmin

408

bearbeitet 3. 03. 2019, 12:44 in Allgemeine Themen
Hallo alle,

Hier ein Thema rund um Nützliches und weniger Nützliches bei der Babyausstattung.

Was habt ihr gekauft, dass sich als besonders sinnvoll und hilreich erwiesen hat? Was hat es nicht wirklich gebracht?
Was würdet ihr auf jeden Fall empfehlen und was eher nicht.

Ich glaube das wären spannende Infos für alle die so manche Besorgungen noch vor sich haben.

Liebe Grüße,
Admin
«1

Kommentare

  • Oh ja super 👍
  • Oh jaaa. Seehr spannend🤗😍 chani mi gad vorbereite für oise chli wurm
  • Es isch mega schwirig, wills eifach extrem uf s Chind druf a chunt.🙈 Bim 1. isch s Dondolo gold wert gsi, bin zweite hanis nöd eimal brucht.
    Sterilisator isch für ois en absolut unnötige chauf gsi. Han mich zur totale Stillfanatikerin entwickled.😂
    Babybjörnwippe hend beidi chind leider nöd gern gha... debi schwärmes so vil devo.
    Beidi Trip trap sind unumgänglich, au mit Babyschale. 👍 Natürlich au mit Babysitz und Tischli. Bin erste hani kein Sicherheitsgurt gha, bim zweite ischs nöd ohni gange.
    Laufgitter hani bim 1. nie brucht, jetz bim zweite ischs perfekt 👻
    Hmm... was gits no 🤔
  • Meine Favoriten:
    - TripTrap mit Babyschale
    - Bugaboo
    - Babybay mit Matratze von Träumeland
    - Odenwälder Ganzjahresschlafsäcke ab Geburt
    - Dwinguler Spielmatte
    - MAM Schoppenflaschen (einfache Reinigung, da aufschraubbar)
    - Kirschkernkissen o.ä.

    Richtige Flops gab es nicht wirklich. Der Schoppenwärmer hat mich aber genervt, das ging gefühlt ewig, v.a. nachts mit Baby auf dem Arm🙄 Die Rettung war ein Wasserkocher mit Temperatureinstellung, so war das Wasser perfekt und der Schoppen ruckzuck parat.

    Weniger ist am Anfang aber wirklich mehr. Erst schauen, was das Baby und ihr wirklich braucht. Ausleihen ist auch eine super Möglichkeit, zu testen, ob ihr etwas wirklich benötigt.
  • bearbeitet 3. 03. 2019, 15:24
    Bei uns ein Must:

    • Babybay
    • Babyschlafsack
    • Babybjörn (gibt sonst neu in der Ikea eine billige Variante)
    • Dondolo mit Motor (beides ausgeliehen)
    • Sterilisation für die Mikrowelle (am Anfang für Nuggis, später für Fläschchen)
    Bei den Babykleidchen hatten wir zu viel und zu unpraktisches! Es reichen:
    • Wickelbodys
    • Strumpfhosen
    • Stoffhöschen
    • Pullover (am besten auch zum Wickeln)
    • Wollwalk (zb von Disana)

    Neben den schon genannten Sachen find ich am Anfang ein gutes Tragetuch (zb Moby Wrap) enorm wichtig und danach eine gute Babytrage. Da würde ich im Vorfeld noch nichts kaufen sondern zusammen mit dem
    Baby eine Trageberatung machen. So haben wir die perfekte Trage gefunden. 😊

    Kinderwagen haben wir bei beiden Kindern praktisch nicht gebraucht (sie wollten nur getragen werden)
  • Top: Kirschkernkissen
    Tripp Trapp
    Zahnungsring und -gel

    Flop: Flaschenwärmer (braucht zu lange)
    Sterilisator
  • bei uns;

    Top:

    - Tragtuch/ Ringsling ( Trageberatung!! )
    - guter robuster Kinderwagen ( Lufträder! )
    - Triptrap new born set
    - Laufgitter
    - Stillkissen
    - Sabberlätzchen ( Kötzlikinder 🤣)
    - Thermobecher Breiwarmhalter

    Flop/ Bzw. wurde bei uns nie gebraucht

    - Flaschenwärmer ( geht viel zu lange 🙈)
    - Hängematte
    - Wippe mit Motor
    - Beistellbett
    - sterilisator
    - so Breimaschinen 🙈
  • Bim 1. Kind

    FlopBreiwärmer (da stillchind)
    Sterilisator („)Laufgitter
    Schlafsack (hasst er)

    TopBabybjörn wippe
    Tripp trapp
    Tragtuech (je port mon bebe)
    Traghilf fr hübsch
    Schlafsack mit füess
    Stillchüssi (!!!) scho während de ss
    Silberhüettli (wundi nippel, vom stille)

  • Absoluter Flop:
    -Babyhängematte, sie hets ghasst
    -Schoppewärmer viel zlang🙈

    Zu Glück beider nur usglehnt ka.

    Top:
    -Newborn-Schale Tripp Trapp
    -Stubewage
    - IKEA Mobile uf dum Wickeltisch

    Würd eu säge am Afang isch weniger meh, eu bi dä Kleider.
  • Top:
    Dondolo....üsi rettig
    Laufgitter
    TripTrap
    Lillydoo windle

    Flop:
    Stubewage för 2 mönet... gschider hätti vo afang ah nur slaufgitter met madraze kauft :) ...wasi de au gmacht ha aber ebe stubewage wörd ech pers. Nöm chaufe

    Alli schoppefläsche...het nüd welle wösse vo dene stille ez bald 2 jahr🤣

  • Top
    Dondolo (mini Rettig)
    Laufgitter
    Tripp Trapp
    Stillkissen Poppy!!
    Thermos Flasche da leider Flaschenbaby
    Schoppenwärmer für die Nacht damit tee bereits warm ist läuft bei uns fast 24h und somit schoppen immer griffbereit mit Tee
    MAM Schoppen

    Flop
    Babywiege
    Beistellbett (schläft seit Anfang im eigenen Bett und Zimmer)
    Sterilisator
  • aso i han letschti grad irgendweo im Netz glese, dass Fläsche und Nuggis sterilisiere eh veraltet isch und mes sit em 2013 eigentlich nüm empfiehlt. Normal uswäsche isch völlig usreichend. De Wasserkocher mit Temperaturistellig isch zwor tür aber de lohnt sich glaub..het min Brüeder au. Und i glaub u viel Sache chame Alternative sueche. Ich find die ganz Babybranche verdammt tüür und Geldmacherei...fangt bi chline Sache a..z. b chasch der die 10 Franke spare bim Thermometer für dBadwanne chasch jo au en normale Fieberthermometer ne und sWasser messe oder eifach de Innehandglenktest mache. Seinzig was mit Neu kauft hend oder kaufed, isch de KIWA und noch de Geburt gömmer id Trageberotig, dünd paar dehai teste und kaufed denn e Noii Trage.
  • @Adriana ich denke autositz isch au schlau wemeren neu kauft. Isch ja logisch schriebet bim inserat immer all: unfallfrei😅🤦🏼‍♀️
  • @ALOHA jo das mue au chli jede selber wüsse..mir hend au en Secondhand vu Tutti kauft..
  • So isches👍🏻👌🏻
  • ALOHA schrieb: »
    ich denke autositz isch au schlau wemeren neu kauft. Isch ja logisch schriebet bim inserat immer all: unfallfrei😅🤦🏼‍♀️

    Ich wür ufjedefall en neue chaufe! Du weisch NIE was passiert esch met dene. Und wen den was passiert ( was zu 99% ja eh ned passiert) aber wenn doch? Jah den machsch der ewig vorwürf 🤷🏽‍♀️ Unter anderem en Grund warum eusi 2.5Jöhrig immer na Rückwärts fahrt 🙈
  • @LoSo das machemer au😅 wür nie en bruchte autositz kaufe - hend das miteme kolleg mal besproche wo bim TCS schafft.
    Danke diir fürs feedback.
  • Bi eusnisch de Tripp Trapp en absolute Flop gsi. Beidi hend dBabyschale ghasst😂 ha en grad wiiterverschenkt. Und da mir bi beidne nur de Stuehl so bruched ohni es Babyset etc. Tuets au eine vo Hauck oder so falls mer kein Tripp Trapp hett.
    Und sust au so di gnannte Sache.
    Babybjörn Wippe isch goldwert. Wenni monatlich mini Nägel gan go mache, nimmi sie immer mit. 😄
  • Stubenwagen war bei uns super, sowie Kiwa wurde immer gebraucht
    Getragen wurde sie gar nicht gerne.
    Sterilisatior braucht es nicht auskochen reicht völlig
    Brei Kocher unnötig geht genau so gut mit Gemüse kochen/dämpfen und pürieren
    Wir haben keinen einzigen Nuggi gebraucht alle wurden ausgespuckt

  • Aso Triptrap wär bi mim Sohn nie gange. Erstens finden viel ztüür und zweitens het er mir scho eine fast umgrüehrt. 🤦‍♀️ Sie sind nämli ned so standfest und gheied recht schnell geg hindere. Han jetzt Sonen normale Baby/Chinderstuel. Isch zudem no viel billiger. 😅
    Autositz würi au umbedingt neu chaufe. Und ned eifach gad MaxiCosi will mer Marke kennt. Finde gad bi Babys 3-punkt Gurte es Nogo.
    Statt es Laufgitter oder es Stubebett hani jetzt bim zweite gad es Reisebettli kauft. Das chani für mehreri Sache bruche. Bin erste Kind hanis unnötig gfunde.
    Tragehilf resp. Trageberatig ganz wichtig. 🤗
  • Aja ganz wichtig: es git extra Spiegel für im Auto ad Kopfstützi ane damit mer gseht was Baby macht. 😊😎
  • Avenira schrieb: »
    Aso Triptrap wär bi mim Sohn nie gange. Erstens finden viel ztüür und zweitens het er mir scho eine fast umgrüehrt. 🤦‍♀️ Sie sind nämli ned so standfest und gheied recht schnell geg hindere. Han jetzt Sonen normale Baby/Chinderstuel. Isch zudem no viel billiger. 😅Autositz würi au umbedingt neu chaufe. Und ned eifach gad MaxiCosi will mer Marke kennt. Finde gad bi Babys 3-punkt Gurte es Nogo.
    Statt es Laufgitter oder es Stubebett hani jetzt bim zweite gad es Reisebettli kauft. Das chani für mehreri Sache bruche. Bin erste Kind hanis unnötig gfunde.
    Tragehilf resp. Trageberatig ganz wichtig. 🤗

    @Avenira, welle autositz chasch empfehle?☺️
  • Bi eus isch au bi beidne de klassischi Maxi Cosi ned gange. Di Gross hett en es Jahr gha, aber bide Chliine hemer en neue Sitz kauft, will sie wie am Spiess gschroue hett. Mir hend de GB Vaya i-size kauft. Choschted zwar viel, aber mer cha en bis 4i bruche.
    Di Grossi hemer mit jährig vorwärts fahre lah und siit denn liebt sie Auto fahre.
  • @nanu14 ich bin fan vo de Britax Römer i-size Schale. 😊 aber git sicher no anderi wo guet sind. Verstah eifach ned wiso all de MaxiCosi so toll finded mit nur 3 punkt Gurte und meistens eme ned so tolle sicherheits ergäbniss bim tcs. Klar chan ja au ned so guet si mit 3punkt. 😅
  • Mir hend ois jetzt für de kiddy i-size entschiede. Wilmer ide ferie ame die 8-10h fahret. Bi dem chamer ide liegeposition fahre, perfekt für de rugge.@Avenira das mitem maxicosi verstahni au ned - nurscho wemer gseht wie schlecht kinde drin lieget würs für mich nie ih frag cho.
  • Top: tragetuch/trage
    Tripp trapp inkl babyaufsatz
    Babybjörn-wippe
    Stubenwagen
    Croozer inkl hängematte

    Flop: hängematte
    Schoppen/breiwärmer
    Windeleimer

  • ••Favorite ~ Babybay Beistellbett inkl. Gitter für Stubenwagen am Tag
    ~ Babybjörnwippe will ich sie überall cha ohni problem mittrege, bad, kuchi ect.
    ~ Sterilisator wege bequemlichkeit.
    ~ Tragetuech isch bi eus a und o.
    ~ Tripp Trapp Newborn
    ~ Isofix Station
    ~ wie Avenira seit. de spiegel fürs auto, wenn mer allei unterwegs isch isch de gold wert me muess sich ned umtreie.
    ~ Kokosöl zum bade (muesch nacher nümme icreme)

    FLOP~ Babyphone ( Wohnung)
  • Topolino schrieb: »
    Top: tragetuch/trage
    Tripp trapp inkl babyaufsatz
    Babybjörn-wippe
    Stubenwagen
    Croozer inkl hängematte

    Flop: hängematte
    Schoppen/breiwärmer
    Windeleimer

    wo sind denn d windle gschmisse worde? in normale chübl? :/
  • Top:
    - luemai
    - babyphone mit kamera (susch wäri 100000000 mal vergebens gange und het ihn wahrschinli no gweckt)
    - tripptrapp
    - lillydoo windle
    -babybay

    Flop:
    - flaschewärmer (heten nie gno)
    - wippe (nie brucht)
    - schlafsack (vo afang ah ghasst)
  • -Babybjörn das beste!
    -stillküssi top
    -sterilisator top für chlini spilzüg/greifling sowie für nuggis, trinkflesche, schoppe etc.
    -Mam schoppe super!
    -schoppenwärmer ein scheiss
    -wasserkocher mit temp.istellig super
    -schlafsack top
    -wippe mit motor flop
  • Maryon schrieb: »
    wo sind denn d windle gschmisse worde? in normale chübl? 😕

    mir dünds ines säckli und i chübel. stinkt nüt
  • solangs gstillt werded stinkts jo nonig oder?
  • Maryon schrieb: »
    wo sind denn d windle gschmisse worde? in normale chübl? 😕

    Nei händ bim fenster/hinderem huus en kline kübel ufgstellt und immer direkt dört inetue und am obig id tonne so sinds grad weg und de gstank händ mir ned im huus👍
  • Adriana schrieb: »
    solangs gstillt werded stinkts jo nonig oder?

    aso mini wird voll gstilt und es stiiinkt! 🤣🤣 Aber im chübel schmökd me nüt 🤷🏽‍♀️
  • Achtung gröschte flop ever: en babybadewanneständer!!!
  • Top:
    - Triptrap mit Babyschale
    - Wippe
    - Nuggi
    - Isofix für Maxicosi

    Flop:
    - Windeleimer
    - Breikocher
    -Sterilisator
  • Oh was au en suuper flog gsi isch:
    De Babyisatz für d Babybadwanne 😂 Nöd eimal brucht
  • het öbert vu oi sbaby im lavabo badet?
  • Wie ksets miteme Laufgitter us? Ab wann isch de sinnvoll und wie sind da dure euri Meinige? Ha ghört das seg scho na lässig für es vlt. 2, 3 Mönät alts und ufwärts? det hend mir als Eltere au d Sicherheit und s cha chrabble spiele mit de Plüsch..meh chan ja au en spielboge inetue...und het eifach so d Sicherheit anstelle wenn mers eifach i de ganz wohnig laht..was mer ja ned sell..und wenn mer am choche isch oder so isch das sicher au na praktisch und sicher?
  • @Maryon ich has bide erste Tochter gha und has super gfunde. Ha au mal in Rueh chöne dusche und gwüsst sie cha nirgends ane. Oder au mit de Chatze will sie nie det ine sind. Jetz bide zweite hemer leider kei Platz meh gha ide Wohnig.
  • @Adriana jo miar händ na ir erschta ziit im lavabo badet. Er isch soo munzig xie. Nachher de aber imnä badwännli mit badewannaständer- üsem rück ds liäb😉
  • @Maryon bim erste hämmer s laufgitter no öpe die brucht, bim 2. no sehr selte und jetz ide 3. ss hanis wiitergeh... es het mer zvel platz weg gno und ech has lieber eifach ide wohnig am bode ufde matte gha oder so. 😊Wösst jetz au ned wieso mer das ned sött mache? 🤔
  • @Farfalla
    ich chamer so es laufgitter absolut nöd vorstelle..das chunt mer vor wie es tierchäfig..seged jo scho viel es seg halt praktisch wennd mol schnell was erledige muesch aber..nee..denn hanis halt chli strenger..
  • Ich fende sloufgetter super! Ha jetzt das statt emene stobewage scho set de gebort. Si macht ou gärn de mettagsschlof denne. Denn hani no de vorteil dasses ned so chaut esch wie diräkt ofem bode (händ es auts huus ohni bodeheizig). För mech topp!
  • @Adriana
    Ebe ech be au kei fan meh vom laufgitter. Aber verstoh ned was d maryon meint das mer s chind ned sött ide ganze wohnig ha? Det chumi ned drus 😂🙈
  • Adriana schrieb: »
    @Farfalla
    ich chamer so es laufgitter absolut nöd vorstelle..das chunt mer vor wie es tierchäfig..seged jo scho viel es seg halt praktisch wennd mol schnell was erledige muesch aber..nee..denn hanis halt chli strenger..

    Gsehs wie du. Das isch für mich au es tierkäfig. Hinter gitter
  • Nei also sorry es Laufgitter isch sicher kein Chäfig, mer chas au übertriebe, denn isch jedes Gitterbett au en Chäfig.🤷🏻‍♀️
  • mrspfeffer schrieb: »
    Nei also sorry es Laufgitter isch sicher kein Chäfig, mer chas au übertriebe, denn isch jedes Gitterbett au en Chäfig.🤷🏻‍♀️

    😂 👍 Mir ischs au lieber di chli isch churz im kaugitter als unbewacht d wohnig am usenand neh werend ich dusche.
  • @Anni haha ja absolut 😅 als ob mer s Chind stundelang det drin laht und weggaht oder so🥳
  • wer weiss villicht änderet sich mini meinig no wenn denn di chli do isch i glaub ez chani no nöd gross mitrede ohni chind..aber ich kenn so wenig lüüt wo es laufgitter hend..und ohni muess es jo au go
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum