Baby Passfoto für ID in Zürich

Lally · 13. 03. 2019, 08:43

Hallo zusammen, weiss jemand von euch, wo man in Zürich günstige Passfotos für Babies machen kann? Habe Mal etwas im Internet geforscht aber die meisten Fotografen nehmen erst Kinder ab 1 Jahr oder sind massiv überteuert. Wir planen bereits im Juli nach Italien zu fahren und benötigen daher nach der Geburt im April ziemlich bald einen Pass/ eine ID.

Danke für eure Tipps.

mrspfeffer · 13. 03. 2019, 08:55

Also im Passbüro macheds ja automatisch sFoti.

JuNa · 13. 03. 2019, 09:17

Ich han d‘Fotene für dä Chind ihri ID‘s sälber gmacht und per Mail chöne ufs Iwohnerkontrollamt schicke. Tip top gange und het kein Rappe kosted😉😊

Anni · 13. 03. 2019, 09:32

Stadt Züri hends bi ois bi beidne au gseit mer münds für d ID selber bringe. Für de Pass wers doch es speziells, da muess mers doch döt mache 🤔Mir hend für d ID selber gmacht. Eifach uf de Tisch uf es wisses Tuech lege. 🙂 Oder vor d Wand hebe, je nah alter.

ALOHA · 13. 03. 2019, 09:34

Anni schrieb: »

Stadt Züri hends bi ois bi beidne au gseit mer münds für d ID selber bringe. Für de Pass wers doch es speziells, da muess mers doch döt mache 🤔Mir hend für d ID selber gmacht. Eifach uf de Tisch uf es wisses Tuech lege. 🙂 Oder vor d Wand hebe, je nah alter.

Gnau so hendses minre schwe au gseit. Wiises tuech und auge müssed offe si. Rescht isch egal😅 sie het es nuschi gno, uf de bode da zägg gmacht und per mail gschickt👍🏻

mrspfeffer · 13. 03. 2019, 09:34

Ja stimmt ID muess mer selber bringe und chas direkt bide Gmeind mache lah (in Züri ischs so)

Avenira · 13. 03. 2019, 11:31

Ich mach Fotis au für de Pass immer selber. Bin eimal tüür ukm Fotogeaph und den ischs ned guet gsi. 🙄😂 Mache es Foti und duens nocher mit em Fotoschop passend bearbeite. Grössi, Hintergrund ect. Siit do passts immer.
Chind ufes wiises Nuschi lege, Handy füreneh und knipse. 🤗 Min Sohn het bereits mit 2 Wuche sini ID übercho will mir gad ade Grenze wohned.