April 2019 Babys 🌸

Gänseblümchen · 17. 03. 2019, 23:09

Ja bi mir geits ono 14 tag🙈🙈🙈vilech geits ja o ender los was meinsch schildchrötlimel?

schildchrötlimel · 17. 03. 2019, 23:13

Hmmm.... i hoffes nid 🙈. Si holes eh scho 11 Tag vorem ET. U wenns wie plant am 11.04. chunnt, de isch für mi 3.5 jährig Zwärg gsorget... früecher chämti chli i Stress 😬

Du wärsch froh?

Gänseblümchen · 17. 03. 2019, 23:28

I weises nid weni mi aluege scho😂🤪🤪aber nei plante ks isch scho guet, de chame gad plane. O we die hebammene mi wei bekehre u meine i söu normal gebäre, u ig finde löt mi i rueh.
I ha nid fiu parat gmacht füre chli ha o nid mau klinik täsche packt🙈🙈🙈

schildchrötlimel · 17. 03. 2019, 23:33

Auso es Köfferli (wirkli es munzigs 😂) hani parat. U mi Zwärg wird a däm Tag ir KITA si. Üsi Familiene wohne rächt wit wäg u vo däm här wärs rächt stressig, churzfristig öpis z‘organisiere 🙈

Gänseblümchen · 17. 03. 2019, 23:37

Es chlises köfferli😂😂😂Si 11 tag nid hennä früeh zum ne hole? I ha drum o 11 täg vorem termin🤔🤔

schildchrötlimel · 17. 03. 2019, 23:41

Mini Gyne het gmeint, mir sige super im Timing... abr das seit si äuä nur, us „schlächtem Gwüsse“ 🙈. Planet wär ursprünglich 4 Tag vor ET gsi.... u när het sie im Nachhinein entschiede, denn i d‘Ferie z‘gah 😳😳😳. Iz holt sie‘s 1 Wuche früecher....

jara · 18. 03. 2019, 00:16

Bi mir verschwindet s wasser au nümme und ET isch am 11.04. bald hend mers alli gschafft🎉au wenn mer nachher viel weniger schlof händ, ischs vellech ohni riiise buch wider bez bequemer zum legge😍🎉

@Gänseblümchen ischs de dis 1. kind und wieso machsch en KS? 😁 je nöcher d geburt chunnt, desto meh hani angst vor de natürliche geburt😬

claudinicky · 18. 03. 2019, 09:05

Plante KS am 18.04.19 wege Beckeendlag.

Gänseblümchen · 18. 03. 2019, 09:09

@schildchrötlimelIsch bi mire o so si het o gad ferie abem 5 april🙈🙈🙈drum isch er bi mir o 11 tag vorhär a gsetzt.

@jaraNei es isch mis 2 te wunder,bir erschte geburt hani 28 std ka u den e geburtsstop den hets e notkaiserschnitt gä. Drum wot bi fa u ig nüme riskiere. Uda zbaby scho zimlech gross isch isch isch dfrag öbs würklech uf normalem wäg würd ga.

Sabrina86 · 18. 03. 2019, 16:23

mag au definitiv nüme....🙈 grippele au sitere wuche umenand.... zerst de darm, den sehr starks schluckweh und jetzt sit 4 täg sehr hartnäckige hueste... di chli drückt warschindli au no uf d blase und drum lauf ich wortwörtlich us bi jedere hueste attacke... chans ned stüre.... und das isch mir sehr unagnehm... hmmm... bi mir gads scho no es momentli, ET wer de 26.4 aber sie dörf au früehner cho....🙊🙈 bim erste wunder hani das garned gha.... bin so gern schwanger gsiii....😬

schildchrötlimel · 18. 03. 2019, 18:27

Schaffet ir no? Wenn ja, aus was?

schaai · 18. 03. 2019, 18:38

50% pflegfachfrau..han am do. nögscht kontrolle mol luege obi chli früener ufhör

claudinicky · 18. 03. 2019, 18:52

Hoi @schildchrötlimel schaffe au na 50% im Büro mal luege wie lang han no en monet...
und du?

schildchrötlimel · 18. 03. 2019, 19:06

I bi ab nächschtem MO zu 100% chrank gschribe. De blibe no genau 2.5 Wuche bis zum KS. Bi Bürogummi.

Bylla · 18. 03. 2019, 21:46

I getrau mi fast nöd ine z‘schriebe. Bi mir isches s‘dritte Chind und mir gohts tip top. Han zwor mega Chrampfadere im Vaginalbereich wo meeeega unagnehm sind und weh tüend. Trotzdem schaff ich no mini 30% im Kispi zu 100%. Lueg de Chind dihei, mach de Huushalt und mag au no Stall mache vo mine Ross. Zuesätzlich hani jetzt sit zwei Wuche agfange naihe... 😂🙈 also wer chli shoppe will zum ziitvertribe, dörf sich bi mir melde 😉

Bylla · 18. 03. 2019, 21:47

Pumphösli

Bylla · 18. 03. 2019, 21:47

Für Mädels

Bylla · 18. 03. 2019, 21:48

für Boys

schildchrötlimel · 18. 03. 2019, 22:17

@Bylla di Pumphösli si ja 😍. Was choschtet eis? Machsch Set (Hösli & Beanie)?

Bylla · 18. 03. 2019, 22:22

Gell ich finds au cool, ich chan guet es Set mache. Wär 20.- pro Stuck. Aso chunt no drufa ob es Wendebeanie möchtsch oder es „eifachs“ mit Bündli? Es eifachs wär 18.-
Was müesstisch für e Grössi ha? Und wprsch de Stoff wölle oder en andere?

Bylla · 18. 03. 2019, 22:23

Dörfsch mir gern schriebe uf 079 938 98 05

schildchrötlimel · 18. 03. 2019, 22:25

Auso 20.- für es Hösli & es Beanie zäme?

Bylla · 18. 03. 2019, 22:26

Zämä 40.-

schildchrötlimel · 18. 03. 2019, 22:29

Würsch mir süsch mau es Mail mit de Stoffuswahle schicke? Wär 👌🏻

mel@sensemail.ch

Merci ☺️

schaai · 20. 03. 2019, 12:06

soo..morn hani die letscht kontrolle. bin u gspannt..und ich glaub ich lohn mich ez au zu 100% krank schriebe..mag nüme..und bim schaffe bini zum teil au nur noch dekoration

schildchrötlimel · 20. 03. 2019, 18:31

36 SSW u s‘BB macht 2.7 kg. Bi üch?

schaai · 20. 03. 2019, 18:48

ich han morn kontrolle 😍

schaai · 20. 03. 2019, 18:52

2.7..bin gspannt wie schwer üsi isch..

jara · 20. 03. 2019, 19:27

Ich bi ab morn ide 38. ssw und hüt ischer 3kg gsi😁 @Adriana chas dir sehr empfehle ufhöre z schaffe. Ich gniess die zit so... chasch jede tag mache was d willsch, chli käffele etc oder eifach mal gar nüt mache😍👍🏻 das hend mir nachher niemeh😁

schaai · 21. 03. 2019, 10:29

so..die kleine wird jetzt 36 1 auf 2700g geschätzt und am ET 3500...🙈

schaai · 21. 03. 2019, 12:40

@schildchrötlimel wenn hesch du ET? aso i froh mi ez grad..ich bin 36 1 und sgwicht ez bi 2700. und gyn seit das gschätzte gwicht am et also 17.4 bi 3500 isch. wie chan die ez no i 4 wuche 800 gr zuene?? das isch u huere viel..und ez nämeds jo wüchentl. ca nur no 90 gr zue

schildchrötlimel · 21. 03. 2019, 13:33

@Adriana de eigentlich ET wär 22.04. Ha de plant KS am 11.04. (hüt i 3 Wuche 😱). Geschter bini SSW 35+2 gsi u s‘BB wird uf 2700 gr gschätzt. Mini FÄ het aber kei witeri Gwichtsprognose gmacht.

Gröipschi · 21. 03. 2019, 14:18

@Adriana mis baby isch ir 35. ssw uf 2800g gschetzt worde, ir 38. ssw uf 3400 u ä wuche schpöter uf 4000g! u är isch tatsächlech 3 täg schpöter mit knapp 4kg uf d wäut cho. het ouso gäge schluss wahnsinnig zuegleit, 600g i eire wuche 😳
sorry dasi do i öie chat ineschribe, aber due aube chli mitläse 😊

schaai · 21. 03. 2019, 14:31

oh nei 😯

Gänseblümchen · 21. 03. 2019, 20:38

I ha morn mi letscht termin bi gspannt wie schwer er isch,
Mini mus isch ir erschte schwangerschaft uf 4 kilo gschetzt worde und wo si uf dwelt isch cho isch si 3240 gsie.

schaai · 21. 03. 2019, 20:51

@Gänseblümchen ah sicher??!! ui do hend die sich jo gröber verschätzt..das beruhigt mi 😁

Gänseblümchen · 21. 03. 2019, 21:29

Ja dr chli wird sicher morn o um di 3-3,5 kilo si oder sogar 4 aber das si aus schetzige mach dr kener sorge.

schildchrötlimel · 22. 03. 2019, 11:10

@Yulia es ist ziemlich unnötig und aufdringlich (meine Meinung) in jeder Gruppe Werbung zu machen und Userinnen direkt anzuschreiben. Eröffne doch selber ein Thema. Merci.

Tanja87 · 22. 03. 2019, 11:17

Fraue.. das mit de Gwichtsagabe isch oft ned richtig.. min FA hed mis erste chund uf mind. 4 kg bi de Geburt vorhergseid... er isch 3100g gsii🤔 und die chliini hed d FA gseid sie wird keni 3 kg si.. und sie isch 3150g gsii.. verlönd euch ned z fest uf die schätzige☺️

Principessa · 22. 03. 2019, 12:49

Ich ha gester de termin au becho.. i weniger wie 2 wuche endli. 😍

schildchrötlimel · 22. 03. 2019, 12:58

@Principessa hesch au e KS? Wenn isch es sowit?

Gänseblümchen · 22. 03. 2019, 15:50

So mi ks isch iz defintiv ife 1 april gsetzt worde.🙈🙈

schildchrötlimel · 22. 03. 2019, 16:05

@Gänseblümchen 👌🏻✊🏻🐞

Gänseblümchen · 22. 03. 2019, 18:13

U bi dir schildchrötlimel duesch di iz gad bim ks la ungerbinde?

schildchrötlimel · 22. 03. 2019, 18:41

Ja; u mi Maa tuet sich de im Summer au lah Vasektomiere 😂 (schnippschnappschnäbiab)

Gänseblümchen · 22. 03. 2019, 19:49

Meinsch dopplet gnäiht het besser?😂😂😂

schildchrötlimel · 22. 03. 2019, 21:44

Ja. Zero Risiko 😬

Gänseblümchen · 22. 03. 2019, 21:54

Sehr guet👍👍👍i ha das äbe o gad hüt besproche mit dr fa. Weisch du das gad wie koschte sie vo kk zahlt?

schildchrötlimel · 22. 03. 2019, 22:08

Auso mir müesses säuber zahle. Mi Igriff choschtet 700.- (isch billiger wöus grad währendem KS gmacht wird). Wird nid vor KK übernoh. Ma wüssemer noni, wiuviu das es wird choschte.

Tara · 23. 03. 2019, 12:48

Machas au grad bim ks, i glauba mini kk übernimmt aswieviel....
Gsehmer de🙈😉

April 2019 Babys 🌸

Kommentare

Hey & Hallo im Forum!

Quick-Links

Kategorien

Alles zu Schwangerschaft, Geburt & Baby

Triff Mamas und Papas in:

Verpasse keine Neuigkeiten:

Entdecke unsere Aktionen: