April 2019 Babys 🌸

Principessa · 23. 03. 2019, 13:13

Derf ich fräge welli variante ihr gwählt hend? Ich ha die mit em verschweisse gwählt,

schildchrötlimel · 23. 03. 2019, 13:55

Was gits de für Variantene? Glaube bi mir wird au „glötet“. Abr bi gar nid vor e Wahl gsteut worde.

Tara · 23. 03. 2019, 14:18

Aso i bi no nüt gfröget worda....han am 2.4 am nomi en termin im spitol wegm ks....denka das wird den zur sproch cho🤷‍♀️

Gänseblümchen · 23. 03. 2019, 20:54

Bi mir wärde deileiter veräzt.

schildchrötlimel · 24. 03. 2019, 20:43

So, SSW 37 u iz chunnt Hardcore Sodbrenne 🤮. Seeeehr unsexy!

Gänseblümchen · 24. 03. 2019, 20:51

Ou isch das es azeiche das dgeburt los geit?

Bylla · 24. 03. 2019, 20:53

Grad no was usprobiert fürs Babygirl

schildchrötlimel · 24. 03. 2019, 21:04

@Gänseblümchen meinsch s‘Sodbrenne? I hoffes nid 😱

schildchrötlimel · 24. 03. 2019, 21:04

@Bylla das isch ja ❤️allerliebscht!

Bylla · 24. 03. 2019, 21:07

@schildchrötlimel danke viel mol

Gänseblümchen · 24. 03. 2019, 21:34

Hei chöme gad ganz hufe aprilbabys im märz uf dwelt🙈🙈🙈I weis nid chönt sie, i ha o ir nacht uf müese u ha mega 💩💩💩

schildchrötlimel · 24. 03. 2019, 21:36

@Gänseblümchen auso i bätte, dass es sich bis am 11.04. still hautet 🙏🏻😬

Gänseblümchen · 24. 03. 2019, 21:37

Bi mir darfs los ga git glich ks😂😂😂Wisomiesch bätte?

schildchrötlimel · 24. 03. 2019, 21:38

Wenns iz würd cho, wärs scho chli früeh 😳 (mi offiziell ET isch ja eigentli de 22.04.). Drum bätte, abwarte u Tee trinke 😉

Gänseblümchen · 24. 03. 2019, 21:48

Ah ja klar guet ja den söus no dine blibe🙏🙏🙏🙏Aber süsch wie geits dr?

schildchrötlimel · 24. 03. 2019, 21:49

Da gits nur 1 Antwort: 🐋😭

schildchrötlimel · 24. 03. 2019, 21:49

U bi üch aues 👌🏻?

Gänseblümchen · 24. 03. 2019, 21:53

Bi mir o🐳🐳🐳 me wal aus du😂😂😂

schaai · 24. 03. 2019, 21:53

i wär au parat..werd die wuche afange wehetee trinke..

schildchrötlimel · 24. 03. 2019, 21:58

@Adriana wott Dir ke Illusione näh, aber s‘BB chunnt denn, wenns parat isch 🙈. Ha ir 1te SS (vor fasch 4 Jahr) fasch aui „Zaubertrickli“ usprobiert mit de Hoffnig, dass es früecher chunnt - ausser Spesen nix gewesen - isch ufe Tag genau am ET cho 😬🙈😂

schaai · 24. 03. 2019, 22:00

@schildchrötlimel ich weiss 😂 aber nützt nüt so schads nüt..chan nöd dümli dreie bin so e ungeduldigs menschechind 😅 und ich han e biz hoffnig dass früener chunt willi so viel kontraktione han (üebigswehe)
wauu denn körsch zu dene 5% wos am ET überchömed

schildchrötlimel · 24. 03. 2019, 22:03

@Adriana ja das stimmt 😂. Ha dennzumau au nüm möge (isch no Hitzesummer 15 gsi 😬) u i cha Dir zu 100% nahfühle.

Ja isch e „Pünktliche“ gsi mi Zwärg 😉. Dismau gits e plante KS 11 Tag vor ET 🤷‍♀️

Tara · 25. 03. 2019, 11:43

Heyy zämä....
Isch eu au hien und wieder mal chötzlig?
Wenn jo....nochdem iar was gmacht händ?

schildchrötlimel · 25. 03. 2019, 11:47

@Tara i bi vori ir Stadt gsi u is Manor ine gange. Dusse vou chaut u dinne mit de Jagge 🔥. Ha fasch a Bode 🤮 u sofort use müesse 😬. Richtigi Schweiss-Usbrüch gha.

jara · 25. 03. 2019, 12:45

Ich ha chli e komischi frag 😄 sitt es paar täg hani wie muskelkater det unde ( also zwüsche de bei).. merkes vorallem weni ustah vom legge..kennt das öpper? Esch das normal?

schaai · 25. 03. 2019, 13:21

zviel bümslät 🤗😁😂

Bylla · 25. 03. 2019, 13:38

@jara das han ich letscht Wuche gha. D‘Hebamme meint das sich alles vorbereitet und lockeret. Bi mir isches aktuell wieder weg.

Sabrina86 · 25. 03. 2019, 14:16

han ich letsti au gha.... hed sich so ufgschwulle und komisch a gfühlt....🙈 wie gots euch.... am morge gots mir amigs cheibe guet, aber am obe hani s gfühl es verjagt mi jetzt den grad...🐳 und blose isch en katastrophe, muess nonstop ufs wc, und wenn i hueste ja super... laufe jetzt mit tena lady ume....🙈🙊 gwöhn mi so weder chli ad wuchebettbinde(surfbretter)😜

schaai · 25. 03. 2019, 17:11

@Sabrina86 ohje 😅 ohje..
i han morn min letschte Arbeitsmorge..blose isch uuuu schlimm es druckt permanent uf blose..ich chan nöd länger wie 15 min. amstuck laufe..denn mussi wieder sitze..

jara · 25. 03. 2019, 19:26

Ah guet de beni beruhigt, danke fürs antworte😄

Ich ha s gfühl ich mue vell weniger ufs klo als vor paar wuche.. vellech ischer jo bi mir wider ufe statt abe grutscht😂

Boah aber denket ihr au jede tag öbs ächt höt los gaht? Und hend ihr au schiss?😅😇boah ich hoff eifach s goht ned alles kabutt...

jara · 25. 03. 2019, 19:27

Ah guet de beni beruhigt, danke fürs antworte😄

Ich ha s gfühl ich mue vell weniger ufs klo als vor paar wuche.. vellech ischer jo bi mir wider ufe statt abe grutscht😂

Boah aber denket ihr au jede tag öbs ächt höt los gaht? Und hend ihr au schiss?😅😇boah ich hoff eifach s goht ned alles kabutt...

schaai · 25. 03. 2019, 20:53

Ich binnüberhaupt nöd nervöd..aber ich glaub wenni denn mol konkreti azeiche han denn werdi scho chli nervös..i bin min körper tgl uf azeiche am beobachte 😅

schaai · 25. 03. 2019, 23:50

hend ihr im moment au so extrem warm? ich halts mengisch fast nöd us..schwitze stark v.a. ide nacht..mer schlofed bi offnem fenster..ich bin sus eher en gfrörli..aber im moment u schlimm!!

Tara · 26. 03. 2019, 08:18

Nei, aso mit dr wärmi hanis guat. I gohn ir nacht gfühlti 1000 mol ufs klo. (Guat, dr tag dür sinds au ni unbedingt viel weniger🤪)
De hani ir rechta lischta/oberschenkel...weiss gar nit recht wo🙈plötzlich wiä näs brenna, so 2-3 sekunda lang, mängisch nur as paar mol mängisch über längeri ziit, han de in dem bein 0 kraft meh, eifach grad wenns brennt. Chömmendr drus?🙈Und mina schwangerschafts-schnupfa....omg bin i froh wenn där weg isch🥳🥳🥳Wasser hani auno überall😫Aber sust bini eigentlich uhh gera schwanger🥰🤷‍♀️🤣😂😂🤣🤣

schildchrötlimel · 26. 03. 2019, 11:07

@Adriana i ha Geschter 3x s‘Oberteil gwächslet wöui so gschwitzt ha 😬

Auso bi de froh, wenns verbi isch; bi ganz offiziell nid gärn schwanger 😬

Tara · 26. 03. 2019, 11:42

@schildchrötlimel mina ma sait immer : wia chama säga schwanger sie isch schön??? Ma chann niana hie ohni das ma ständig ufs klo muass, vom gutschi chund ma au nüm allei ufa....den das wasser überall....er sei sooo froh wenns poppi öppa do sei😂😂

schildchrötlimel · 26. 03. 2019, 11:49

@Tara di Maa het aues verstande 👌🏻😂. Er het soooo rächt 👍🏻

Tara · 26. 03. 2019, 12:44

😂😂😂😂Letscht sunntig bim spatziera bin mr vorcho wia en hund.....praktisch hinter jeda baum🤪🤣🤣

schaai · 26. 03. 2019, 13:26

@schildchrötlimel jo ich bin aso definitiv au nöd gern schwanger..
ich glaub min partner isch au froh wehh die ss und das gejommer vorbi isch 🤣

__Yamila__ · 26. 03. 2019, 16:01

ich bin froh wenn ich wider chan richtig sache uflupfe und normal gschwindigkeit laufe😆 chume mir vor wie e dicki ente 🙈🙈 bin gar nid gern so igschrenkt😆 @Adriana schwitze tue ich au wahnsinnig. dfenster sind fast alli offe und am maa sin kommentar isch“mir händ den nonig summer“😊😊

claudinicky · 26. 03. 2019, 17:51

@Adriana ich ha au vorallem ide nacht extrem warm... -.- aber cha nid bi offenem fenster schlafe sust bini krank nacher🙈

schildchrötlimel · 26. 03. 2019, 21:37

Countdown 1️⃣6️⃣

U bi üch?

Gänseblümchen · 26. 03. 2019, 21:41

Countdown 6️⃣

schildchrötlimel · 26. 03. 2019, 21:43

@Gänseblümchen scho chli nervös?

Gänseblümchen · 26. 03. 2019, 21:50

Nei eigentlech nid, ha hüt afa dspital täsche packt. Bi momentan no tiefe entspannt😂😂😂U du schidchrötlimel?

schildchrötlimel · 26. 03. 2019, 21:53

@Gänseblümchen mou mi stresst de Gedanke, dass si mir widr i di glichi Narbe schniide 😬😬😬. U haut di erschti „chrüppuziit“ nachm KS 😏

Gänseblümchen · 26. 03. 2019, 21:56

Hesch de nid so e schöni narbe?
Mini isch so schön cho mi gseht fasch nüd. U ja das stresst mi o chli 6 wuche nüd lüpfe u mache.

schildchrötlimel · 26. 03. 2019, 21:57

Mou ebe; sie isch mega guet verheilt u me gseht si fasch nüm - drum stressts mi, dass si widr ufgschnitte wird 😭

Gänseblümchen · 26. 03. 2019, 21:58

Aha sorry fautsch verstande.
Wird bi dir o rundum um dnarbe gschnitte?

schildchrötlimel · 26. 03. 2019, 22:00

Öhmm 🤔🤔🤔. Nö glaubs widr genau de glichi Schnitt. Mini FÄ het emu nüt vo rundume schnide erwähnt. Haut eifach, dass mis Tattoo es 2ts mau „agschnitte“ wird 😬😂

April 2019 Babys 🌸

Kommentare

Deine Erfahrung fehlt noch

Hey & Hallo im Forum!

Quick-Links

Kategorien

Alles zu Schwangerschaft, Geburt & Baby

Triff Mamas und Papas in:

Verpasse keine Neuigkeiten:

Entdecke unsere Aktionen: