Schlafmangel BABYALARM😬😴😅🙏🏻

Mamiiiis. Mich nimts ja wunder😅😅 wili jetzt scho weiss dasi ABARTIG ufd welt chume wenn de chli da isch betreffend em schlafmangel.

Wie stönd ihr das dure?😂 ich gah zum glück nacher ned go schaffe. Dh cha immer mitschlafe wener schlaft - aber das gaht ja sicher au ned immer.

Jetzt na schlafe was das zeug hält oooooder schomal de körper uf schlafentzug den vorbereite🤷🏼‍♀️😂?

Bin scho erscht ide 19. wuche aber das machtmer am meischte sorge😅 mich nimts eifach wunder wie ihr das schaffet😍

Kommentare

  • ouso i ha nie ä schlofmangu gha 🤷‍♀️ mi bueb isch düre tag sehr aschträngend gsi, isch es schreibaby gsi u het ohni problem 7h am stück chönne gränne u schreie. aber ir nacht bini vo afang a nie meh aus 1-2 mou uf. mir 4 mönet het är düre gschlofe.
  • nume zum zeige, es baby heisst nid unbedingt schlofmangu 😉
  • Ja nid izscho druf isteuä! U schlaf soviu ds chasch izä!! I ha niä komplizierti bebes ga was schlafä ageit... si maximau 2 mau ir nacht cho zum trinkä( guet beides schoppä bebes) u hei o scho früä de mau dürägschlafä... klar het phasä gä wosi öfter si cho u o mau lenger wach si gsi... i würd dr nid z viu gedankä machä vilech wird di büebu o ganz ä pflegeliächtä super schläfer 😀 u wenn nid machsches wi du gschribä hesch u duäsch am tag schlafä bim 1. Hesch dr luxus ds ds meistens no chasch...
  • Schlafe wens baby schlaft hani au emmer ghört😂😂😂 mine schlaft nur max 30min am stück dure tag. Nix mit mitschlafe. Me gwlhnt sich dra 🤷‍♀️
  • würd mal au nöd devo usgoh das schlofmangel hesch....ich ha zwilling und die hend beidi vo ahhfang ahh duregschloofe ide nacht...ha mir am ahhfang sogar möse en wecker stelle das ich ufstoh und sie wecke...damiti sie stille cha...und s het sich nacher au so schön ihhglebt...ich denk wends eifach uf di zuecho lohsch...denn chunnt da scho guet...und wens mittagschlaf machet, denn nutzi da au und mach es schlööfli ;) min maa isch det dure nöd so en pinkelige...:P er seit ich söll d ziit nutze zum schloofe...de huushalt chan au er mal mache xD
    Er het mer sogar wele helfe mit shöppele...nume leider hends beidi nume wele gstillt werde...also isch nix anders übrig bliebe...ich ha eifach immer denn gschloofe wenn sie gschloofe hend...und am ahhfang schloofets no recht viel...xD git ja au nöd viel z tue als baby...etz wos scho 1,5 Jahr sind und umenand rennet xD etz bini amel richtig erschöpft^^
  • Din körper wird sich an rhythmus vom baby gwöhne. Ich han amigs all 2-3 h müse stille ide nacht woni scho wider gschaffet han, und bin de tag dur erstunlich fit gsi. Ha mi amigs au drüber gwunderet. 😉
  • heisst ja nid das au schlagmangel häsch 🙈🤷🏻‍♀️

    Ich han zB nie Schlafmangel gha 😄😄 zwei Babys wo viel gschlofe händ .. und süsch eifach immer au schlofe wenns baby schloft dir nid zviel vorneh mim Hushalt 🙂👍🏻mach dir kei Sorge weg dem
  • Danke oii🤗🤗Es git na kinde wo dureschlafet😳👌🏻😅 De hend bi mir im umfeld eifach all schlechti schlöfer dehei😅 düendmer ame richtig leid😴😴😴
  • Also bi mine 2 Chind sind die erste zwei,drü Nächt unruhig gsi wos früsch uf d Welt cho sind. (Isch halt alles neu und sie müend sich a die grossi Welt apasse) aber nacher hend sie wirkli guet gschlafe ide Nacht. De Sohnemann hani am Afang au müesse wecke zum stille... und die chliini chund 1 mal zwüsche 2-4 je nachdem wenn sie am Abig igschlafe isch☺️

    Was bi mine zwei aber gsi isch, sie hend oft ned guet in Schlaf gfunde. Tag und Nacht🤔 cha mängisch bis zu 1,5 stund gah😓
  • Ich wür mich nöd uf schlafmangel istelle, sondern das eifach neh wies chunnt. Mit eme baby chasch nüm so viel plane, muesches eifach hineh wies isch. Vorschlafe isch sicher guet wennd das chasch. Mier hend glück gha dass eusi tochter scho nach öpe 3.5 wuche würklich duregschlafe het (12 stunde!). Aso es heisst nöd immer dass miteme baby nöd zu schlaf chunnsch 😊
  • Mini 1. tochter hed mit 6 woche döregschlafe. Und mini 2.(ez de 7.woche) machts au scho sehr gued. Ich gs vill nach em mittag go häre ligge wenn beidi schlafid.
    Ich wörd der as härz legge,egal wie das d geburt verlauft, osteopathie zmache. De chönd d babys d geburt au chli besser"verarbeite" und allfälligi spannige chönd sich löse. Bi üs hed das sicher zumene grosse teil mitgholfe das beidi gued schlofid.
    Es chond scho gued, du läbsch dich drii.
  • Ich han jetz sit 3 jahr nüm chöne dure schlafe. Mängosch sind d nächt chli besser und i anderne brüelt di chli 5-8mal. Ich chan jetz nöd behaubte das mer sich dra gwöhnt... ich finds ächt sträng. Aber de schlafmangel an sich merki nöd. Han eifach weniger nerve. 😏 mit zwei chamer au am tag hald nüm usruebe. Aber mer wachst da dri und d chind gebed eim au meh energie. Falls en guete schlöfer hesch( es chan sich immer endere)gnüses und went en schlechte hesch, umbedingt mit de asprüch abe fahre. 😬 au wenns schwirig isch...
  • I ha o nid gross schlafmangel gha, am afang isch si 1-2 mau ir nacht cho u mit 2mt het si meistens düregschlafe.
  • Auso ig ha nie schlafmangel gha, mini beide hei ab geburt bis 10wuche einisch pro nacht ä schoppe gha um di 2ihr nacht u ab 9-10 wuche nähr düre pfuset vom 7/8ti am abe bis 6/7 am morge🤷‍♀️... ig würd mi ah gar nüt gwöhne us nähr eifach so näh wies chunnt!
  • Also mini chli isch jetzt 10wuche alt sie chunnt am 10 en schoppe über und den schlaft sie bis am 4ri oder 5i chunnt den en schoppe über und schlaft den nomal bis am 7ni oder 8ti.
  • da alli so schöns positivs schriebed..... mags üch ja allne gönne, aber es ged au anderi chind. han 2 exemplar devo. ond da hed alles usprobiere nüd gnötzt - mer muesses eifach akzeptiere ond de zuestand so näh wies wird si.

    als bald-mami vomne 1. chind macht mer sich vel gedanke im vorus, aber glaub mer, es chund eh alles anderst als du der vorstellsch - ond au vel vorsätz wirsch ned chönne ihalte. lasses eifach uf dech zuecho.
  • @livjona ich bi irgendwie au wit und breit die Einzig gsi wo es Chind gha het wo mer die letscht Energie gno het. Ha mi nach 6 Monet so uspumpet gfühlt. Ha nömm gwüsst wie ich das uhalte chan.
    Alli säget immer so lieb "gang ga schlafe wenn s Baby schlaft"... ähm 😅😅😅😅 so härzig 🤦🏼‍♀️ 😂😂😂🤣
  • @Tessi so gahts mine kolleginne ebe au😳 die sind all fix und fertig und machet mir immer angscht😂 ich wird es biiiiiescht weni min nerveschlaf ned ha😬😬
  • Ich han au immer gmeint dasi ohni ned cha funktioniere da ich en langschläfer bi..und es hend mi au immer all usglachet wills mir au immer angst gmacht hend und gseit hend ich chöme de schono uf d wält..aber es gaht imfall tiptop☺️ und mine isch au all 2-3h cho..nix vo dureschlafe😅
  • @ALOHA nei also angscht mache la muesch der ned.
    Es gaht immer irgendwie.
    Im Nachhinein dänki "wie hani das nur gschafft?!".
    Mini Koleginne hend immer gseit "also mine schlaft locker 6 Stund am Stück und dine?"
    Naja...
    MINE isch jetzt knapp zwei und schlaft sit er 1 isch eigentli dure (ussert die übliche Verdächtige wie Zahne, krank oder so).
    Mine Koleginne ihri schlafet aber nömm dure und chömid immer no 1-2 Mal ide Nacht 🥳🥳
  • @ALOHA falls du stillsch, hälfed Hormon, Schlofmangel z‘überstoh😊

    Ich glaub, durchschlofendi Babys sind wörkli ned de Regelfall🤷🏼‍♀️
  • @twilly scho nöd :) aber schreibabies sind au nöd zwingend de regelfall...mir hend au immer alli gseit da wird so hart...da isch sicher so ahhstrengend und schlooflosi nächt--> seget mir d lüüt sogar jetzt no uf de strooss...

    ich ha so angst gha dasi das nöd packe^^für nüt...wel mini sind mega ruhig und ahhgnehm gsi...streng ischs trotzdem...aber statt dasi da ha chönne gnüsse...hani immer angst gha das mini chind gstorbe sind - wels ebe soviel schloofet und ruhig sind...was ja nöd normal isch...da hani immer denkt "ohh wa isch wenn de plötzlichi kindstod ihhtrette isch"...ich denks sogar etz mengmal...und verwütsche mich selber wie ich is zimmer schliiche und überprüefe obs no schnuufet...i glaub da isch nöd viel besser^^

    am beste kei stress mache etz ;) s chunnt alles guet...egal obs ruhig sii wird oder nöd....xD streng wirds so oder so...
  • @Pinny Klar, Schreibabies au ned. Mer muess die Baby-/Chliichind-Phase au ned beschönige. I de Regel änderet sSchlofverhalte x-mol. Und ja, es isch sträng und mängisch schluchts extrem, mehrmals müesse uf und sigs nur zum de Nuggi gäh.
    Ich bin zB öpper, wo lang brucht zum weder ischlofe und andersch als min Sohn kei Frühufsteherin - Jackpot🤪 Ich han zB i de Nächt fascht nie uf dUhr gluegt, demit ich mich ned ab de Uhrziit nerve. Das hed scho gholfe☺️ Ich glaube, mer setts wörkli eifach näh, wie dPhase grad isch und allefalls Hilf ifordere vom Partner zum e Nacht übernäh oder am Weekend chönne naschlofe.

    Das isch verständlich, dass es dir Angscht gmacht hed. Ha am Afang au sehr Angscht gha und mehrmals de Schnuf kontrolliert und übereglangt im Babybay. Und wenn die Chline denn no bsunders ruhig sind und mit dinere Vorgschicht, völlig verständlich.
  • twilly schrieb: »
    @ALOHA falls du stillsch, hälfed Hormon, Schlofmangel z‘überstoh😊

    Aja? Was de körper leischtet isch scho mega spannend😳 mini hormon etz lueget jetzt demfall dasi gaaaaanz viel schlaf ha - drum bini immer müed😬😴 ohni mittagsschlaf gaht nixmeh😅
  • Ich glaub ohni die Hormon wäri vorher scho zäme klappt 😅😅Die sind super. Woni ufghört han stille hani d Umstellig guet gmerkt
  • Ich wörd eifach jetzt uf din Körper lose und mache, was dir guet tuet.
  • Die Hormon sorged deför au för es richtigs Mombrain😂 Beängschtigend gsi för mich😊
  • @twilly meinsch wegem "alles was ned mit dim Kind ztue het wird vergässe"?

    Ich ha das soooo erschreckend gfunde. Mi Ma muess mir immer wieder säge "Schatz i dim Kopf isch jetzt eifach üses Chind und alles Unwichtige wird halt ned gspeicheret"... wo er recht het, het er rächt. Ha früehcher alles im Chopf gha.. jetzt hanis ufem Notitzzettel 😂🤣😂
  • @Tessi Genau das😂 Ich han eifach ghofft, es goht weder weg. Aber jo: Lischte sind mini Rettig im Alltag.
  • Nach de Schwangerschaftsdemenz chund d Stilldemenz 😂😂🙈
  • Ich denke au de körper passt sich ah.aber was ich froh gsi wär het mer das öpert vorher gseit und heti mi druf igstellt isch gsi, mini chli het super gschlafe wenn sie gschlafe het aber bis sie gschlafe het isch teilwies horror gsi.wo sie agfange hed de schlaf ufd nacht usbreite und ich denn agfange ha mit schlafritual und bettziit hets viel nächt geh woni mit ihre 2-3h hinundher gmacht han bis sie endlich igschlafe isch.ha das als extrem astrengendi ziit empfunde. Aber au mit 5wuche scho duregschlafe😴😊
  • Ich finds super machsch der Gedanke drüber - aber mach der ned z vil! 🤣

    Mit de Hormon gahts eh immer irgendwie. Und das was der vor nimmsch klappd eh ned eso. Eifach druf zue cho lah... Und ned öppis welle erzwinge wie, er muess jez allei schlafe oder muess JEZT schlafe. Ich han jez bim 2. gmerkt, wenis easy nime und eifach so akzeptiere wies gad isch, nüt wot ändere, denn esch alles entspannt. 🖖🏼🙈
  • und sogar jez bim 2.
    schlaf ich wenn bedi schlafed... klapped tiptop und weni met bedne im Bett ligge am Mittag 🤣👌🏼
  • Schlofmangel hani erscht bim 2. kind gha. Bim 1. cha me sich no apasse-bim 2. goht das nüm so easy 😬
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum