Stillen - Ja oder nein?

ally · 22. 06. 2019, 18:48

Ich wird im oktober mami und weiss eifach nöd ob i stille söll. Ha mi ziemlich sicher sho degeg entschieden aber stosse überall uf entsetze. Ha eif vill ghört das si negativi erfahrige gmacht hend.
Wie ish das bi eu so?

chlini-90 · 22. 06. 2019, 19:02

Ich habe mir damals gar kein gedanken gemacht
Habe dann Gestillt aber konnte nicht lange da meine kleine eine Faule Trinkerin war.
Ich würde auf dein Bauchgefühl hören und dir nichr rein reden lasse
wenn du nicht möchtes dann ist es so.
Jeder soll es für sich entscheiden.

und Egal wie du es machst es ist nie Recht jeder hat immer was zu motzen
Höre auf dich. Werde es beim 2 kind wieder so mache

Shira · 22. 06. 2019, 19:17

Klar, stille esch natürlich/ d Natur. Mer Mänsche mached eus im Vorfäld vell z vell Gedanken dröber ond losed zfescht of eusi mitmänsche. Klar esch d Tierwält öberläbt nid ohni s stille wenn de Mänsch ned ihgrieft. Mer händ d Chance eusi nachkomme au mit hilfsmittel dorezbringe. Zumindescht ih de höttige Ziit.
Ih wörd der vorschlah alles wasd ghört hesch eb positiv oder negativ uszblände, d Gebort uf di zuecho lah ond denn eifach mol de Natur ere Lauf zlah sprich dies Baby molä ahtzetze ond die dr bi uf kein Fall stresse loh. Au wenn dies Chind en halbstond suged oder nuggeled. Au kei Angst ha das es zwenig nahrig bechond etc.
Probiers eifach zerscht us und entscheid denne. Aber bedänke probiere gaht nid ih einisch und es esch erlediged probiers eh paar täg. Gib eu ziit tue gschieder de psuech kontrolliert verbie cho lah anstatt dich wägem stille Stresse zlah.

Ja es esch jetzt eher ufs stille usgleit aber wasi demit wet säge, du weisch erscht ebs da öpis för de isch oder ned wenn dus intensiv usprobiert hesch und nid vom ghöre säge was anderi gseit händ, erfahre händ etc.

Wönsche der alles gueti ond gueti rueh uf dim findigs Wäg

Mary Lou · 22. 06. 2019, 19:39

Stillä wär halt scho ds Beschtä.
Aber wes für di nid stimmt wird dis Chind ou mit Pumi zfridä sii.
Ig a dirä Stell würds Bebe nach dr Geburt aasetzä, dass zumindscht no vor Vormilch überchunnt, ha mir la sägä dert sigä viel Sachä drin wo ds Immunsystem vom Bebe stärkä. Chasch ja de immer no ufhörä wes für di nid stimmt.
I sälber bi scho pro stillä. Sälber hani aber ou „numä“ 4Monet gstillt. Am Aafang isch äs ächt happig gsii, ha mi düräbissä, när isch uh guet gangä. Nach 4 Mönet isch ä Bruschtschimpfphasä cho. Mini Chlii hett brüelet u d‘Bruscht verweigeret, äs Riesätheater. Irgendwenn hani nüme mögä u mi Maa isch ga Pumi choufä. Äs isch hert gsii für mi zum ufhörä, aber äs isch üs nächer besser gangä.
Mach eifach was für di stimmt u lah di nid beirrä u bis sälbschtbewusst gueg, dä Lüt z‘sägä äs gieng si nüt aa, we si zviel wei wüssä.

Pinny · 22. 06. 2019, 20:29

😊ich ha mini twins voll gstillt...jetzt sinds 20mönet alt und trinket no 1 mal an tag vode brust...ich finds halt eifach mega praktisch 🙈🤣ich bi eini wo oft alles packt - aber denn glich öpis vom packte/paratgmachte dehei vergisst...ziemli oft vergissi zum bispiel de shoppe 🤣da ischs natürli hammer das ich sie stille...somit gits au kei gschrei wenni nöd alles debi ha...und zudem ischs finanziell au super

...aber ich find, jede sölls so mache wie er wött

ich loh mir allgemein vo niemmertem driirede!!! Und ich red au niemmert anderem drii...💁‍♀️isch doch nöd mis chind

mach das was du s gfühl hesch isch guet für di

Snuggles · 22. 06. 2019, 20:43

Finde jede muss für sich entscheide und gaht die andere nüt a wie mer sich entscheidet und wür nöd lose wenn öpert dir vorwürf macht😊
Ich selber bin pro stille und han nöd ufgeh wos am afang nöd het welle klappe und han au extra im vorfeld e hebamma gsuecht wo stillberaterin isch. Findes für mich eifach praktischer und eifach,mer hets immer debie,muss nüt wärme oder abmässe.au ide nacht mussmer nöd ufstah und zerst no paratmache und denn isches erstno gratis😉

Würd dir au empfehle mal usprobiere wenn nöd sicher bisch und denn merksch glaub sehr schnell obs öpis für dich isch. Lah dich eifach nöd vom umfeld unter druck setze es isch ganz alei dini entscheidig und din körper.

Wünsch dir alles gueti für dini schwangerschaft und dich und dis baby🍀🍀

schildchrötlimel · 22. 06. 2019, 20:51

Dänke au, s‘muess jedes Mami für sich säuber entscheide. I bi es Schoppe-Mami. Wie bim Stille gits au bir Pumi Vor- u. Nachteile. I gniesses z.B., dass au mi Maa ir Nacht de Schoppe cha gäh 😉. U i weiss au immer, wieviu mis Baby trinkt. Was haut müehsam isch, isch, weme irgendwo häre geit; haut immer s‘ganze Material mitnäh. Aber me gwöhnt sich dra 😎

Los uf Dis Buuchgfühl 🙂

Jenny · 22. 06. 2019, 22:24

Hallo ally, ich han mir während de ss kei gedanke gmacht, hans eifach druff ab cho la. Han es früheli ga, vill kämpft zum stille chöne und ich würdes immer wieder mache. Jetzt bim zweite stilli au wieder. Für mich stimmts eifach, es isch wunderschön und unglaublich praktisch❤️ ich wüsst nöd mal wie mer en schoppe zuebereitet oder weiss wieviel sie müend, dörfed ha. Ich denke für mich zum bispiel isches au vill stress freier☺️Laha uf dich zue cho, nimms tag für tag und wenns für dich nöd stimmt oder ned klappet, isch doch keis problem denn gits schöppeli😍 gnüss dini schwangerschaft no ganz fest

Avenira · 22. 06. 2019, 23:11

Bin erste hani gstillt und gschöppelet. Isch chli kompliziert und stressig gsi... han halt au ned wüki gwüsst wie wo was... Bim zweite hami ned stresse lah und gfunde ich probiers eifach. Wens ned gaht hani schnell abgstillt. Und siehe da: nach de Geburt het sie zwar 10 stund dure gschlafe und trotzdem hani schnell gnueg Milch gha. Mir hend e super Stillbeziehig. Finds so viel eifacher gad ide Nacht weni ned no extra muss en Schoppe mache, sprich kei Stege laufe. Au zum weggah, nur Windle mitneh. Sust hesch ja alles debi. Spontan länger irgendwo blibe? Keis Problem, Brüst sind debi. 😅 Ich bin mit Stille viel freier und spontaner. Aja und mini Muus schlaft dure siit sie 2 Mönet isch. Klar gits immer wieder Phasene wo sie meh chunt.
Für mich bedütet stille viel meh freiheit. Schoppe wäsche, sterilisiere, parat mache ect. Alles fallt weg. 😍 Klar gsünder isches sicher au für Bebe.
Mach wies für dich stimmt. Lahn dir vo niemertem drirede. Du musch dich wohlfühle. Ich han z.B. vo afang a Pumi, Schoppe ect. dihei gha dasi jederziit het chöne umstelle. Has aber nie brucht. 😅

Caramel · 23. 06. 2019, 00:09

Ich ha mich eigentlich eu gähs stille entschide i der SS, weils für mich nit gstumme het der Gedanke.
Ha mich den la uberrede und es glich probiert und isch dä schlimmschti start für mich is Mami si gsi. Äs het für mich so nit gstumme, het eu nit klappt, ha das so bereuht das ich mich ha la uberrede.
Los eifach uf dies Gfühl und Handle der nah, den das isch die beschti Entscheidig, wo für dich und dies Schätzi wird stimme.

Mieni Tochter isch niä richtig gstillt worde und het weder Allergie nu isch sie ubermässig viel Krank, isch eifach äs Gsunds Meitli😉

LoSo · 23. 06. 2019, 03:33

Für mech esch das gar kei Frag womer sich muss stelle, ish für mich selbstverständlich xi dasi mis Chind stille, das ghört für mich zum Mami si dezue.
Und den eschs na am eifachste und günstigste 🙈

Ohana · 23. 06. 2019, 08:23

Ig ha mis 1. Bebe nur 1 wuchä gstiut wöus überhoupt nid klappet het u z 2. När garnid.... trotzdäm würdi dr ratä di nid z fest la verunsichärä vo so ussagä unds eifach z pobiärä, cha ja sii dses bi dir wunderbar funktioniert u de isches sehr praktisch, du hesch geng aues drbii u es chostet nüt. U wes haut de nid klappet isches ja o nid schlimm... i hätt o sooo gärn gstiuet bim 1. U bi de mega trurig gsi hets nid klappet! Aber si wärdä o so gross

mariechäfer · 23. 06. 2019, 09:43

Ich ha bi de erste mit allne mittel versuechd dstille,sie hed sich überhaupt nid derfür interessiert gha,nach 3m mit 3brustentzündige,riss wo nie gheilt sind,pumpe und stille mit hüedli hani ufge und die ganz situation isch viel entspannter worde…
Bim zweite etztig hanis versuechd und nachre wuche ufge,immerhin heder dafangsmilch über dsprütze becho ka aber es isch so au viel entspannter und i han mer scho viel weniger en druck gmachd we bim erste,i mun sege i hedi sehr gern gstillt es weri so viel eifacher,aber i merk grad sehr das es entspannts mami au es entspannts chind git😉I würds a dinere stell au probiere aber kei grossi gschicht drus mache wenns dich nid stimmt für dich,au schoppechind werdid gross und sind gsund😉

massa2 · 23. 06. 2019, 13:20

I ha gstillt, lang gstillt, sehr lang gstillt.... so lang, dass i scho weder komisch agluegt worde bin....
Egal wie me sich entscheidet, ergendöpper weiss es sowieso besser.... mach Di nöd verruckt und mach GENAU das wo du für richtig haltisch ❤️

💞Moni💞 · 23. 06. 2019, 14:48

La di nid vo andere la verunsichere u la drirede. Es usch dini entscheidig u es geit niemer öpois a. I ha eigentluch wöue stille, ha aber ke miuchischuss gha u da mini tochter e früehgeburt mit 2400g isch gsi u si nach paarmau asetze nume no grännet u nid zoge het, isch für mi schnäu klar gsi, dass i ufhöre z stille dürezstiere. I mim umfäud het mi nie öpper wäge däm verurteilt. Schlussändlich ischs ja o so, geits em mami guet u i sch nid gstresst, geits am baby guet.

sabi81 · 23. 06. 2019, 20:41

Ig ha scho mit 20gi gseit ig wirde nid stille u ds het sich ou nid gändert wo ig mit 34 ds erste chind becho ha🤔! Finge es mues für jedi selber stimme u es mami wo nume uf druck vo andere stillt und so immer unger stress isch, isch weder am mami no am kind dienet! La di nid la verunsichere... los uf dis buchgfühl... ig ha immer gnue schoppepulver drbi gha u so hani immer spontan ou lenger nöime chönne si u sterilisiere vom schoppe wird föllig überbewärtet.. bim zwöite chind hani nie öbis sterilisiert..🤷‍♀️ mi maa het ou mau ihr nacht chönne dr schoppe gäh u ig ha ohni theater ou mau ällei weg chönne ohni das d madame deheime ä schrei ahfall het gha wü me ke schoppe gno het🤪

Lorina · 23. 06. 2019, 21:54

Für mi isch au immer klar gsi i werde nia stille, wo i denn noch eme sekundäre ks mis chind chum selber versorge han chöne, hens mi überredet z stille. das hani wenigstens chöne ohni dass i han müesse s bett verloh. es het vu afang a super funktioniert und i has ganz gege minere erwartig ganz schön gfunde. noch öbbe 10 täg hani e entzündig übercho. mini hebamme het mi nid so würklich ernst gno obwohl si stillberoterin isch. schlussendlich bini im spitol glandet und es isch mit verdacht uf en tumor biopsiert worde. es isch glücklicherwis nur es entzündig gsi. bis i dia aber komplett los worde bin isch es 9 mönet gange. immer wieder hens ultraschschall untersüech gmacht. bis endlich alles weg gsi isch. stille hani notürlich nüme dörfe. i glaub i würs es zweits mol nüme probiere welle und zit mit em baby stress und sorgefreier gnüsse welle. will abgseh fu de schmerze isch dia zit wo mer nid gwüsst hen öbs en tumor isch, sehr belastend gsi.

fuchs · 24. 06. 2019, 09:38

Uch ahn mich scho vor de geburt degege entschiede. Haner au vieles müesse alose. Aber das esch ner egal😂 ich ben nie a die völligu erschöpfig grate weli mit mim maa han chöne abwechsle. Han au viel usglich gha weli eifach weg han chöne 🙈 das send mini gründ gsi ubd ich bereues kei sekunde. Ben es usglichnigs glücklichs mami :-) er esch erzte 8 monat alt ubd es gaht ehm super.

Tessi · 24. 06. 2019, 22:23

Hmm, warum hesch di de jetzt scho degäge entschiede weni darf frage?

Ich find das muess jede selber für sich entscheide. Das chan niemert anders für dich.

Ich selber han 11 Monet gstillt und freu mi scho druf, dasis wieder chan mache 😃Hoffe es klappt.
Mir isches bim erschte Kind schnurz egal gsi öbi chan stille oder ned.
Denn isch er ufd Welt cho und ich hans uuumbedingt welle 🙈 ha mi richtig verbisse und au en schwäre Start gha. Aber s het klappet 😃

fuchs · 25. 06. 2019, 11:58

Wdddddd

Avenira · 26. 06. 2019, 21:19

@fuchs nur wil mer stillt heisst das ja ned das mer ned chan schlafe und total erschöpft isch deswege... 🤷‍♀️ aso find das isch ken Grund ned stille. Find ide Nacht Schoppe mache viel astrengender. 😂 Und trotz dasi voll Stille chani au mal go rite und min Maa luegt de Chline. 🤷‍♀️

Shira · 26. 06. 2019, 22:19

@fuchs, wahrschiendli hes ned so gmeint aber chond chli so öbere als ob stellendi mamis erschöpft ond usglaugt send ond ned stellendi voll grelaxt.
Ih ha dr älter dörfe stille und ben vel weniger erschöpft gsi als bi de Tochter wo sie nach drei Mönet gar nöm het welle ahdocke ond ih zom Schoppe ha müässe griefe.

LoSo · 26. 06. 2019, 23:19

@fuchs Ich stille voll und ben au es usglichnigs,glücklichs Mami. Erschöpft beni au ned ... 🤪🤪✌🏼

fuchs · 27. 06. 2019, 19:58

Es git gstillti kinder wo guet schlafe und es git gstillti kinder wo schlöcht schlafe... gebau so wie be de shoppe kinder.

Ich han demit gmeint, wenn mer en schlächte schlöfer het wo die gabzi ziit agsetzt werde will, dass esch de asträngend. De maa chanem brust ja ned gö😂
Ich kenne halt so einigi wo e sone erschöpfigs spirale gheit send wegem stille, aber genau so kenni welchi wo stille und sehr gueti schlöfer hend 😊

Ich ben zb au scho em januar 3 tag ga ski fahre. Das wär net vollstille ned gabge (30. oktover ufd wält cho)

Und werum alli emmer sgfühl hend shoppe mache gächi so lang😅 5 sekunde gaht das

Und met eusem sohn chame ned e eim zimmer schlafe😂😂 also hätti zum stille au emmer müesse ufstah.

So jetzt wüsseders wienis gmeint han 😂

Ah und ich bruche sehr viel schlaf. Weni all 3h ufmuess macht mech das scho mega fertig. Esch vll au na en veralagigs sach

sabi81 · 27. 06. 2019, 20:23

Gsehs wie d frou fuchs😅 u ig kenne viu wo keni 2h weg hei chönne wü süsch terror isch gsi deheime! U ig ha nach 9mt ss ume mi körper für mi wöue u nid no milchbar spiele! U wege dessi hani mini girls nid weniger gärn! Hei ou ä innigi zyt bim schöppele ohni das si mir ar brustwarze hanget🤷‍♀️🤪

lunapiena · 27. 06. 2019, 23:13

Hetti gwüsst wie mini Brüst nochem stille usgseh hend hetti nöd gstillt 🤭
Ich han mini Chind gstillt wills s‘beste isch. Aber würkli gern hanis nöd gmacht. Has tod langwillig gfunde & ha mi extreeem igschränkt gfühlt.

fuchs · 28. 06. 2019, 06:36

@lunapiena siw gsend au ohni stille nüme glich wie vorherne us 😭

Shira · 28. 06. 2019, 07:13

Jo aso das hätti jetzt au gseit die verändered sech mitere schwangerschaft so oder so und nor will mer nid stillt gönds ned glich schön weder zrug wies gwachse sind. Also damals woni grad mol drei monet ha chönä stille sinds au ned grad riesig blobe. Aber woni de vierti bes zo 9mönet ha chönä stelle hani jetzt nach vier johr immerno zwei Chörbli nommere grösser wie vorher und das obwohl s foifte au mit drei mönet d bruscht verweigered gha het. Also ich cha nüt nochteiligs säge 🤷‍♀️

nanu14 · 28. 06. 2019, 09:37

Ich han min sohn bis 1.5 voll gstillt, er isch jetzt 2.5 und stillen no, sit 7 wuche tandem. Es isch eifach praktisch und s natürlichste. Und genauso viel wie du ghört hesch wo negativi erfahrige gmacht hend, gits viel wo sehr positivi erfahrige gmacht hend. Ich würd d entscheidig ned anhand vode erfahrig vo anderne fälle.

lunapiena · 28. 06. 2019, 09:57

Ich has zum glück operiert 😊Also i de Schwangerschaft hend sich mini nöd veränderet & sogar mini Hebamme hett gmeint stille goht nöd spurlos a de Brüst verbi 🤷🏻‍♀️

fuchs · 28. 06. 2019, 18:27

Mini sind au grösser als vor de ss aber vieeel schlafer

fuchs · 28. 06. 2019, 18:27

Werde sie en 1-2 jahr au operiere

schildchrötlimel · 28. 06. 2019, 19:04

Was versteht ihr unter operieren? Mit Implantaten à la Pam???

lunapiena · 28. 06. 2019, 19:09

Haha neiii. Han sie nur wieder zur Ursprungsgrössi vergrösseret 😍

fuchs · 28. 06. 2019, 19:10

Vll au bitz vergeössere ja. Aber natürlich. Es get sooooo viel verschiedeni sillikon küssis

LoSo · 28. 06. 2019, 19:20

ich wird mini irgwndwenn verchlinere lah 🙈🙈

schildchrötlimel · 28. 06. 2019, 19:30

Aber mit Eigenfett oder Implantaten?

lunapiena · 28. 06. 2019, 19:46

Ich han Implantat. Ich will dass sie stönd 🤪

fuchs · 28. 06. 2019, 22:00

Werde au met implantat mache. Eigefett brengt ned werkli viel, baut sich wieder ab

Snuggles · 28. 06. 2019, 23:08

Und ich hoffe mini zwei werded nachem stille mal es bitz chliner sii🤪

fuchs · 29. 06. 2019, 23:07

Wosch mer chli abgä😂

hermine · 30. 06. 2019, 06:47

Für mich ish stille nie in frag cho. Und bereus au ned. Das wär nüt für mich

Saco87 · 12. 09. 2019, 21:50

Bi chli schockiert über die Meiste do innä wie sie übers Stille dänkä und es scho im Vorus vertüüfle. Au wenn Schoppekind gsund werde isch doch dä Entscheid Mami zwerde au dämit cerbunde es Beschte für zKind zmache, also Stille. Das hät än Grund warum dNatur das sich so usdänkt hät. Pulvermilch git am Kind nöd anähernd die Nährstoffe mit, kei Antikörper usw. Ich stille voll und jo amigs ischs sträng wil er Brust au als Beruhigig brucht aber trotzdem gits nüt schönners, nätürlichers und gsünders. Finds eifach schad, dass so viel Fraue hützutag so dänkät und vorallem a sich a erster Stell und nöd as Kind. Jo Brüst verändere sich aber mä hät sich halt fürs Baby entschiede und do ghört halt au alles däzue.

fuchs · 13. 09. 2019, 11:48

Ich finde das ICH genau so wichtig bin wie mis chind. Mir muesses guet ga demits mim sohn chan guet ga.
Es esch dich jedi frau anderst.
Dnatur het sich na vieles usdenkt und de fortschritt het anderes möglich gmacht.

Jedem das seine 🤷‍♀️

lunapiena · 13. 09. 2019, 20:15

@fuchs danke 🙏🏻

sabi81 · 13. 09. 2019, 21:05

@saco87 mini chind, beides schoppechind hei sehr es guets immunsystem u si sehr sehr säute chrank🤷‍♀️🤦🏼‍♀️! U wes mi aus mami stresst, de stressts ou ds chind! D natur het no mängs anders vorgseh.. u me macht fortschritte ih vielne bereiche! Verurteilsch ou öber wo ä ks macht wege bel? Oder no schlimmer ä wunsch KS? Wü d natur ä natürlichi geburt vorgseht? genau so hardcore stillerinne maches dene wo am zwifle si zum verleide.... me isch doch kes schlechters mami nume wü me dr schoppe bevorzugt! Gloub da het niemer ds recht über öber so ga ds urteile! U mini chind stöh ih vilne sache ah erster stelle! Aber nid ih auem u scho gar nid um jede pris! Wes mir schlecht geit, wirds am chind nid besser ga!!! U ds het nüt drmit ztüä öb me sich für chind entschiede het u ds haut drzue ghört🤦🏼‍♀️

TiMay · 13. 09. 2019, 21:21

Bravo @sabi81 👏 gued gschrebe.

Caramel · 13. 09. 2019, 21:44

Bravo @sabi81 und @fuchs super gschriebe. Mu ka doch nit pauschal säge ich wärde Mami aso wird gstillt, susch wird meh nit Mami.

schildchrötlimel · 13. 09. 2019, 21:51

@fuchs @sabi81 merci 👍🏻

Ha mir lang überleit, Geschter e Kommentar z‘verfasse aber has de lah si; bi z‘müed um immer um di gliche Themene, wo soooo überflüssig si, z‘liire. Velech eifach widr mau aune Hardcores hie uf dere Wäut: mir läbe im 2019 u dörfe i üsne Breitegrade zum guete Glück für üse Bedürfnis istah ✌🏻

LoSo · 13. 09. 2019, 21:53

Saco87 schrieb: »

Bi chli schockiert über die Meiste do innä wie sie übers Stille dänkä und es scho im Vorus vertüüfle. Au wenn Schoppekind gsund werde isch doch dä Entscheid Mami zwerde au dämit cerbunde es Beschte für zKind zmache, also Stille. Das hät än Grund warum dNatur das sich so usdänkt hät. Pulvermilch git am Kind nöd anähernd die Nährstoffe mit, kei Antikörper usw. Ich stille voll und jo amigs ischs sträng wil er Brust au als Beruhigig brucht aber trotzdem gits nüt schönners, nätürlichers und gsünders. Finds eifach schad, dass so viel Fraue hützutag so dänkät und vorallem a sich a erster Stell und nöd as Kind. Jo Brüst verändere sich aber mä hät sich halt fürs Baby entschiede und do ghört halt au alles däzue.

Ich bin da ganz bi dier! ✌🏼

Was aber NED heisst das ich die verurteile wo shoppe gänd. ICH chans ned nachevollzie das wen mer stille CHAN dasmes den ned machd.
Das muss jedes Mami aber für sich entscheide und gaht niemer anders öpis ah.
Sabi81: Jezt de stillende Mamis schuld gä, wenn es Mami sich schlächd fühlt wo ned stillt fendi au ned richtig. Fakt isch halt das stille s gsündischte esch fürs Chind. Was aber ned heisst das Pumi schlächd isch und die Chind ned au gross werded.

Tanja87 · 13. 09. 2019, 22:27

Wies die meiste scho gschriebe hend... Was für eim als Mami guet isch egal ob stille oder ned chund im endeffekt am chline z guet. Und die sind für eus Mamis ja s wichtigste❤️

Stillen - Ja oder nein?

Kommentare

Deine Erfahrung fehlt noch

Hey & Hallo im Forum!

Quick-Links

Kategorien

Alles zu Schwangerschaft, Geburt & Baby

Triff Mamas und Papas in:

Verpasse keine Neuigkeiten:

Entdecke unsere Aktionen: