Mit 23 Mutter werden?

Mit 23 Mutter werden, findet ier das ok oder zfrüeh?
«1

Kommentare

  • Ich bin mit 20 s‘erst mol Mami worde & s‘zweite mol mit 22.
    Wieso sött nöd ok sieh ? 🤗
  • mini best kollegin isch sogar mit 22i mami worde.. ich finde es chunt uf de charakter und istellig druff ah.. meh cha au 30i si und no nüt
    vo de welt verstoh.. darum halti nüt vom alter 😊 jede mensch isch anderscht und wemer bereit isch uf eh „umstellig“ und de wille het isch alles möglich egal wie jung/alt😌

    okee mit 14i fändis scho übertriebe 😂 aber so ab 19i why not 🤷🏼‍♀️
  • bin au mit 22 Mami worde und würds ned andersch mache😄
  • Bin drum mit 18 Schwanger gsie und leider mösse abtribe. (Ungwollt schwanger).
    & jetzt hani de richtig partner und es passt und er wünscht sichs au. 😍
  • Ih bi met 16/17 s erschtmol Mami worde 🤷‍♀️ ond nach de zweite schwangerschaft en langi Pause gha. Bi de 3. Schwangerschaft beni 36gi gsi ond es esch vel ahsträngender jetzt als damals 🙈.
  • krass Shira, soooo jung 🙈
    aber sicher au mega cool 😍 eso es jungs Mami z ha.
    Bewundere so jungi Mamis, das esch ned eifach!
  • Wenn alles passt? Why not... 😃👍🏻
  • Danke für die tolle nochrichte. Freu mich druf wens bald ii schlod 😍
  • Ech be met 23ti s‘erschte mol Mami worde ond es esch super gsi so.
    Klar, am Afang esches so no speziell gsi, all Kollegine send i Usgang, nome ech be deheime gsi met mim Sohn.
    Sie send ame vorem Usgang zo mer cho ässe, so hani glich öppis vo ehne gha ☺️
  • serste mal schwanger gewollt mit 20 worde mami den mit 21 und jetzt bini aktuell 23 und ide 9 wuche schwanger und wirds den mit 24i becho😊 ich segs mal so, es het vor und nachteil, was du au mit 30i hesch. Ich würs wieder eso mache😊👍🏼
  • @lunapiena das isch echt en super artikel, danke.
  • Ich bi mit 22gi mami worde und has no kei sekunde bereut. Wenn mer parat isch, isch doch s alter nur e zahl ☺️
  • Es het absolut nüt mitem alter ztue!
    Sondern wie du uf dine bei stohsch und ob du dir bewusst bisch das de viel verpasse wirsch vorallem in de erste ziit! Wie wit bisch bereit zruck zstecke denn wenn e baby erst mol do isch denn hesches. Es isch nit immer eifach und es kostet viel geduld und nerve du muesch wüsse ob du dich bereit fühlsch, do ka dir keine sage jo das goht oder es isch zfrühe.
    Ich ka vo mir sage ich bi 18 gsi bim erste und au wenni unbedingt ha welle mami werde muessi erlich sage ich bi damals zjung gsi mit 25 bini mit 3 kinder elei do gstande dä stress wünschi niemertdem drum überlegs dir guet me weiss nie was zuekunft bringt.
    Das isch e entscheidig wo du mit dim partner treffe muesch.
    Aber sicher isch wenn du dir jetzt scho so gedanke drüber machsch denki wärde dir das au ane griege denn wichtig isch das me so e entscheidig nit eifach liechtfertig trifft.
    Ich wünsche euch aber sicher alles gueti und viel glück und vilicht läse mir jo scho bald über dini ss
  • Für mich rund um 20 s Alter gsi zum umereise und z Labe läbe...drum wärie nie parat gsi für es chind...da bini ehrlich. Mir ischs reise eifach so wichtig und ich cha nuet welle verpasse. Etz hank viel vu dr Welt scho gse und fühlt mi bereit Mami z werde. Bi mit 28gi knapp 29gi Mami worde etz vor 3 Mönat und isch etz schönst uf dere Welt ❤☉🏠👨‍👩‍👧
    Mer muess sichs aber guet übrlegge und luege das mer riif isch und sich dere schöne aber au strenge Herusforderig cha stelle
  • S Alter isch doch nur en Zahl. Wenn alles stimmt, finanziell, s Umfeld und Maa und Frau gnueg riif resp. Verantwortungsbewusst sind staht de Familieplanig nüt im Weg Miner Meinig nah.

    lalaloca
  • @maryon
    Ganz dinere meinig ich find au das wär de besti wäg so wies du gmacht hesch sehr rief und überlegt
  • @crazymum danke vielmal. I bi au scgu zimli früeh mit schu 22gi 23gi riif gnueg ksi und überleid und ha d Sache immer gnau aglueget ob s i mis Läba passt und ob ich dem gwachse würd werde und ich bi froh hani na 6, 7 Jahr gwartet und mis Labe glabt und bereue dadure nuet huet und ha au ned sege dasi was verpasst ha. S reise machemer de glich au na mit ihrä au wenns andrst isch au das gaht em lebe und mer cha und mue sich de au choene arrangiere. En Usflug allei oder au Zit für sich und Zweisamkeit aber def au ned z kurz cho findi und es cha au mal drine ligge mal churz weg z gah ohni s chind wenns guet bi dr grosseltere cha sie und die mit ihre chend sache untrneh. Wichtig au dass chind ned nume uf s Mami fixiert isch. So mache mir s de au und mer finde das au uh wichtig so für üs
  • Nüt för unguet aber das tönr bi eu als ob mer mit Chind/ Familie den keis Läbe meh het „ha mis läbe gläbt“.
    Ich cha au mit Chind mis läbe läbe d Wält endecke ond kännelerne cha da mit deChi d fast no besser wie eh leige will die ganz anderscht interessiert ah die Sach here gönd ond anderi froge stelled.
    Ich persönlich finde nid das mer unbedingt mue alles „eh leige“ erläbt ha mer grad so guet alles au mit familie erläbe.
  • fuchsfuchs

    251

    bearbeitet 27. 08. 2019, 14:28
    Wechtig esch vorallem das der en stabili beziehig füered und au scho chli länger zämme sind. Ich chans nur vo mir behaupte, aber es stellt beziehig extreeeeeeem ufd prob und viele schittere drane. Also überleg der au gabz guet öb euchi beziehug scho riif gnueg für dä schritt isch und din partner sech gebau so engagiere wird wie du dich



    @Shira

    Ich finde au me chan als familie dsache ned so erläbe wieme sie als par eleige erläbe chan. Scho nume ferie sind kei erholig meh😂 me chan nüme eifach am pool gammle oder wildi usflüg plane, zämme ga tauche, am obe eis übere durst drinke, bis id puppe abtanze ach es geht na soooo viel meeeeeh



    Unternähmige sind mit kinder eifach anderst, ja sie send schön, aber au asträngend.
  • @Shira
    Familie ischs grössti aber es isch au mal schön und guet churzi Zit mal Abstand z neh und au zweite choene Zit gnüsse. I rede ned vo 1 Wuche allei id Ferie gah oder so....da isch aber halt jeder ander Meinig und da isch au guet so
  • Aso ih trink kei alk mue ned bes morge am drei uf de piste sie ond zwei Woche täglich am Strand/ Pool legge esch total öde do dreii ab. Ih de Ferie wetti was erläbe ond gseh ond das esch au ohni Chind ahsträngend also spelts mer au kei rolle das grad mit de Chind z machä.

    Mol als paar in usgang chamer au mit chind ganz guet, jo klar mer mue chli plane ond chan oft nid spontan eifach goh aber hei das esch so es mikrigs übel 🤷‍♀️.

    Wie gseit es tönt eifach als ob s läbe met chind verbie esch ond mer mit chind nüt meh cha machä/ erläbe und das findi chli gar schad. Tönt eher so das Chind en chlotz am bei sind ond spelverderber förs eigeti läbe eigeti bedörfniss.
  • Es goht eher do drum ich kenne stephie nit persönlich jede mensch isch andersch ich sage nur das me sich bewusst si muess das me nochher e grossi verantwortig het was au es zruggstecke zwüsche ine erforderet ich ka mir zum biespiel nit eifach e wucheend trip mache oder wenn kollege alli gönd go party mache mol spontan sage jo voll kumm mit
    Me ka nümm eifache esse wemmer grad hunger het und uf was me grad lust het denn es ghört au de zue das me e richtigi tagesstruktur het me isst mitenand me muess koche und das jede tag abwechsligrichi ernährig
    Es het e grund wieso me 18 bis 25 jährigi als jugentlicherwachsene bezeichnet in dem alter het me oft no demit ztue sich im erwachseneläbe zrecht finde und gniesst die freiheite womer mit 18 griegt tobt sich us ect.
    Und das söll au so si gwüssne isch das gar nit wichtig aber drum sagi das söll me sich eifach bewusst si dass das denn nüm goht und das isch nunmal so
    Das heisst aber nit das me mit kinder nüt erlebe ka im gegeteil aber es isch nit sglich

  • Wie alt sind denn dini kidis wenni froge darf shira
  • Ich bin mit 27 Mutter geworden, heute bin ich 31. und ich ertappe mich schon dabei, wie ich viele Sachen noch gerne machen würde, die mit 2 Kindern nun nicht mehr so einfach sind. Aber ich habe viel Verständnis und Unterstützung von meinem Partner, habe auch viel „Ich-Zeit“, mache weiterhin Sport und gehe ca. 1x pro Monat in Ausgang (aber dann richtig 😃) und 1x pro Jahr verreise ich auch ohne Kids für ein paar Tage. Aber gell, wenn der Kinderwunsch gross ist, was will man da gross machen?
  • @crazymum 1x 23j, 2x 22j, 1x 4,5j ond 1x 2j
    Muetter worde mit 16ni, 18ni, 36gi ond 39gi 🤷‍♀️
  • @shira du hesch nie sgfühl ka was verpasst zha?
    Oder hesch eifach sone tolli familie wo di stark unterstützt het dases dir an nix het müesse fähle?
    Ich weiss eifach vo mir ich bi mit 18 1×mami worde und mit 19 2× ohni familiäri unterstützig und das isch scho nit eifach gsi vorallem denn nach de trennig mit 25 elei mit 3 kinder do stoh isch heftigi arbet.
    Ich liebe mini kinder über alles und ich würd keins vo ihne her geh aber ich weiss nit obi wirklich alles nomol genau glich mache würd. Du scho?
    Ich ha wirklich vor jeder muetter de grösst respekt wo so frühe mami wird und das alles au packt. Es isch unbestritte de schönst aber au de härtisti job.
    Übrigens cool so e grossi familie seht me hüt nüm oft
  • Esch doch au jede anderst. Manchi chöne met party mache und usgang etc ned viel afange und gönd voll uf e erer rolle als mami. Wenn me so öber esch, de chame guet so früeh mami werde. Aber ich han au jetzt na ab und zue müeh und ich ben 28ig. Weli halt eifach gern uf dr löitsch ben met mine fründe und das gaht nunmal mit kind ned, aber han zum glück en maa wo guet luegt. Aber ben de am nöchste tag halt oft no ko und met kind chan me sech ja de ned eifach nur uf couch pflanze und tv gugge ;-)
  • Ja das kenni drum nur no reduzierte usgang, so voll ein dure geh würd glaub nüm go ich wär klinisch tot am negste tag 🤪
    Ich bi zwar nit de Diskothekegänger nie gsi aber in basel hemer au gnueg anders vorallem an de fasnacht dört vermissi die freiheit am meiste sunst eigentlich nüm ich bi gern für mini Familie do

  • Wenns nur de nöchsti tag wäri😂 be mer haltet das de mindst 3 tag a😂😂😂
  • @crazymum, hmm hätti vellecht scho gha die onterstötzig wenni gfroged gha hätti hani aber so guet wie nie. Ok wo de alt usgraschtet esch, do send d zwilling ca jährig gsi, hani im mami ahglüte ond den esch d gamilie schnäll bi mer gstande aber sost hani sie praktisch nie ah und ihgfordered. Was selli verpasst ha? Weiss jo ned was? Vellecht wärids nor schlächti sache gsi woni met dem läbeslauf ned ha müässe erläbe. Wer weiss da scho was wäri gsie wenn? Nei wörd nöm alles glich machä wenni wöst wies uschond ih wörd mer nämli nöm de maa damals ah mi häre loh sonder wördi um mini ersti grossi Liebi/ schuelliebi kämpfe. Jedoch was wäri gsi wenns genau so abgloffe wäri? Hetti denn min jetztig Maa känne glehrt? Wördi denn jetzt au so es tolls läbe dörfe füäre wie jetzt? Klar es eh leige mit drei Chind ned eifach gsi ond mer händ ned in saus und braus gläbt aber das bruchid d chend au gar ned. Trotz allem händs nie uf schuelusflög oder Lager müässe verzichte. Wie vel Familie schaffid beidi 100% ond chönd sech fast nüt leiste. Alleierziehend bisch nid automatisch am A...
    Mer cha sech nie secher sie eb jetzt för das oder desses de rechtig ziitponkt esch ond eb en Fröndschaft/ partnerschaft das oder desses öberstaht. Git en huufe wo vorher 10johr zäme gsi send, s traumpaar gsi send und wärend de schwangerschaft oder den au 5johr nach em erste chind usenander gönd. Es cha nach 3mönet beziehig alles öberstah und bi anderne nach 20 johr chorz nach de gebort en trännig.

    Wie au immer es mue för eim sälber stimme unabhängig vom alter denn wenn wie wo was weisch immer erscht wens machsch 🤷‍♀️.
    Han eifach die ussage so krass gfonde ohni Chend = läbe, mit Chind = niemert und dem stimm ich für mich jetzt eifach nid zue 😊
  • Um himmelswille ich würd nie behaupte das slebe verbi isch wenn me kinder griegt.
    Ich ha sogar e sehr schöns lebe mit mine 4 kids und mim partner.
    Aber alli rede nur vo de schöne site vom muetter si aber es git nun mal zwei site und die darf me nit vergässe vorallem wenn me sich no usläbe möcht uf e art wos mit kinder nit möglich isch findi wichtig wemer au das guet bedenkt ob me wirklich parat isch, gwüssi sind das früher anderi spöter und zwüsche ine überschniede sich die wünsch und vorstellige drum immer uf beidi site luege.
    Da me nie weiss was zuekunft bringt sagi das so krass well jedi mama sött sich vorher überlege wäri physisch und psychisch im stand das au elei zschaffe ohni partner es goht so schnell und den stoht me elei do mit kinder, denn kasch dir kei nervezämebruch erlaube du muesch stark si und si könne tröste nit si smami aber zum ufe punkt ko wenn de nit mol dies läbe um kinder ume plane kasch wells dir no zwichtig isch dini freiheite könne zgniesse denn wirsch wenn de elei do stohsch uf dwelt ko und drum die ussage denn wenn de e baby hesch isch das wohl immer an oberste stell nüm seigene.
    Stimmsch mir do zue?
  • Ja klar mue mer mit Chind organisiere bevor mer was cha machä striiti gar nid ab aber wägedem esch s läbe nid verbie wie die eint oder ander obe gschrebe het. Mer cha denno freiheite ha beziehigswiis muess me ha. Denn mer esch nid nome Mami mer esch au ich.
    Klar mue mer nachere trännig starch sie aber au do weiss mers vorher nid wie mer druf reagiert wenn eim de partner verloht und us wellne Grönd. De chas eim de Bode total onder de Füässe wegriese ond mer fallt trotz allem innes tüfs loch inne.

    Mer cha nie öperem säge mach das oder mach desses will ich das oder jens wäg dem verpasst han.
    Wenn es mami frogt selli trotz Chind goge schaffe denn wörd ich säge nei gang ned du als Mami verpassisch enorm vel vo de Chind wenn sie abgisch denn ich ha das so erläbt chind mit ond ohni schaffe z erläbe. Du wörsch jetzt zb säge gang uf jedefall go schaffe das git dr abstand, rueh ond Energie.
    Egal um was es goht mer cha nor emmer vo sech verzelle aber nid säge mach das so oder so 🤷‍♀️.

    Es sell au kei diskusion dröberd geh ha nor mis empfinde öber gwössi ussage gmacht das es sich för mich extrem negativ list. Ned meh und ned weniger 😊.
  • Ja ebe da hemer kernussag ja scho. Sie muess das für sich wüsse. Wel ebe jede mensch anderst isch. Sie het jetzt eusi erfahrige und meinige ghört und chan drus uselese, dass es für jede anderst esch.
    Ich zb chönnt ned ohni schaffe und ohni regelmässig wäg ga und ja mer gönd nächst jahr au 1 wuche elleige ed ferie ubd euse sohn esch ber oma.
    Au wend mer nur eis kind, well mer ebe na extrem viel ziit für eus elleige bruche.

    Du shira besch demnach genau sgegeteil vo mer. Und vll esch dstephi genau so en typ wie du, für die mami und familie eifach überallem staht und rechtig drine chan ufga.

    Ich liebe min sohn sicher gebau so sehr wie du dini kinder liebsch. Aber mini freiheit und ziit elleige met mim maa liebi genau soo. Mer fallts oft schwer zruggstecke ubd met 23 wär ich sicher nid bereit gsi, ha ame jetzt na sgfühl dases zfrüeh gsi esch.
    Aber ich denke die gedanke hätti au na met 40 gha
  • Also ich wünsche es mir auch, und bin 22, meiner Meinung nach ist es super, habe meinen Traummann gefunden und wir wollen es beide, vorallem weil er auch schon 30 geworden ist. Denke es hängt auch mit meiner Mentalität etwas zusammen (Balkan), wollte schon immer jung Kinder bekommen. Meine Mam hat mich mit 20 bekommen und es ist so schön eine 42-jährige Mam zu haben in meinem Alter, sowie auch eine 62-jährige Omi, welche hoffentlich nächstes Jahr ihren ersten Urenkel oder -enkelin bekommt.
  • Ich wird i paar Täg mit minere grad mal 20 Jahr, zweifachi muetter. Klar hani Angst vorem mami sie. Aber jetzt mal ganz ehrlich wenn mer zum erste mal Mami wird den het mer doch immer wenigstens es bizeli Angst egal ob mit 20 oder 30. Ich ha e grossi Familie wo mich und min Maa garantiert unterstütze wird. Abgseh davo wenn mini Söhn 18ni sind bin ich erst 38, de chöntmer sogar zemme in Usgang 😂. Mis mami het mich au erst mit 22 becho und ich find das absolut cool, ich bi mit Ihre au scho x mal in Usgang gsi und au allei id Ferie🤷‍♀️
  • Hallo Stephie, ich habe auch vor nun schwanger zu werden( dann bin ich auch 23/24) Bist du nun schon schwanger? Wie schnell hat es geklappt.?🙂
  • Ben Met 22gi serscht Moll Mami worde zwar ungeplant aber mini Tochter Esch sbeschte wo mehr passiert esch jetzt Met 24 werdi 2. Moll Mami
  • Ich werb sehr gern mit 20 scho Mami worde wie mis Mami😊 het bi mir aber i dem Moment ned selle sii. Aber ich finds absolut ok
  • @Mommytobe Nein noch nicht, haben vor 2 Monet abgesetzt. Sind im 2 ÜZ, momentan pendelt sich mein Zyklus noch ein. Warte seit 33 Tagen auf meine Periode 🙈
  • @stephie bei mir ging es genau gleich , meine frauenärztin hat mir dafür frauenmantel tropfen verschrieben, welche den rythmus regulieren sollten und die Beschwerden bei der Mens vermindern sollte. Also bei der Mens hat es mir gar nichts geholfen, jedoch habe ich seit 3 monaten wieder regelmässigen Zyklus. ☺️
  • Ah super imput danke @Mommytobe
  • Ha gsee das das frauenmantelkraut au als tee ged, würd das au helfe? @Mommytobe
  • @stephie ich denkes scho, han eifach tropfe mit ehm wasser igno 2x am tag aber denke tee gaht sicher au:-)
  • Ich han immer gseit mit 30i woti dr chinderwunsch abschlossä ha 🤷‍♀️ wär gern frühner Mami wordä ... aber de druck da ide schwiizbdas grad wider go schaffe muesch wenn de mah ned gnueg verdient .. ich ha ned wele mini chinder id chrippä due ... also bini erscht jetzt mit 27i te mal Mami wordä 🤗 chan jetzt aber dihei blibe und zit mit ihre gnüssä ...
  • ich bin jezt 27gi und bim 3.kind schwanger! erstmal bini mit 24mami gewollt worde, ich bin eifach immer scho uf familie fixiert gsi und han mir gseit mit 30 wötti denn mit kind abgscholle ah und lebe denn au mit min maaa gnüsse, gits evtl. no es 4te kind bis denn wer weiss😉 derum mach das wo dier am beste zueseit und los uf niemerd wenn du parat bisch denn los... gits nöd schöners als mami sii🥰
  • @Vane😊; ja so hani das eigentlich au welle ha wie du 😂 jetzt bini 27i und ha fängs 1... den muessi ja grad Gass geh 🤣😂👌
  • Bin im juni au mit no 22i s‘erst mal Mami worde und finds super es jungs mami zsi ☺️ denk mer mag au no viel meh und wenn mer bereit isch het das ja nüt mit em Alter ztue 🤷🏽‍♀️ Fehler macht mer immer ob jung oder alt, d‘hauptsach isch doch mer fühlt sich bereit und macht alles was ih eim sinere Macht staht für sis chind 🤗
  • Top ihstellig aber ih de meischte fäll hed mehrs wäg de hötige Gesellschaft Ned eifacher als Jungs Mami
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum