Baselland

13

Kommentare

  • Unses Müsli isch am 19.6.13 uf dWelt cho. Sie isch aso scho e 1/2Johr alt, Zyt lauft eso schnell... :O
  • Jö. Ich kas kum erwarte, bis es endlich sowit isch!!
  • Das glaub i. I ha gfunde, dass zyt in de ss mega schnell gloffe isch, usser in de letschte wuchene wen me nüm mag warte.
  • Jo, Du seisch es.
    Ka wirklich nüm warte.
    Und es macht bim laufe au so weh in dr Liste:-(
    Aber denn sagi mir immer wieder: jetzt hesch so lang gwartet. Uf die paar Dag kunnts au nüm drufah.
    Hmm, abwarte und Tee trinke ;-)
    Vo wo bisch Du, wenni dörf froge?
    Glg :-)
  • Ohh cool nomol öber meh :)

    Viel geduld bay_girl ;) wie wirds den heisse weni froge dörf?
  • Genau und chli bädele und entspanne. ;-)
    Mir wohne im moment no in möhlin zügle aber februar/märz uf hellikon. I bin aber in buebedorf ufgwachse.
  • Hen uns grad entschide morn ins Sole uno zhoh. E bitz entspanne, wie Du gseit hesch ;-)
    Und dHebamme het gmeint, es könnti si, dass es Wehe aregt vo dr Wärmi. Do hetti jo au nüt drgege. :-)
    Ah Buebedorf kenni.

    @Tatoo Kim-Victoria heisst unseri Prinzessin.

    Freu mi mega uf unsers Wunder :-)

  • Mir gön hüt au ins sole uno bruch chli erholig vo unserem müsli. ;-)
    I bi bis churz vor dr geburt immer wieder gange, duet mega guet.
    Villicht wirds no e 2013 prinzessin ;-)
    Schöne name :-D
  • Hihi, gosch au.
    Jo. Erhole undrelaxe ka me jo wirklich guet dort.

    Wie heisst denn Di Müsli?
    Schaffsch Du no nebebi, oder bisch Du daheim?
    Glg :-)
  • Jo und vor allem sind mir in 10min döte ;-)Sie heisst Leonie Jasmin.
    I schaffe sitem November 40%.
    Du, gosch nachher wieder go schaffe odr blibsch dihei?
  • Jo, dass isch nit schlecht...
    Mir hen e bitz witer vo Hinde füre. :-)
    Oh, au e schöne Name.
    Mim Maa gfallt ebbe Leonie nit.
    Sunst wers füri au e Option gsi.

    Mir hens ufteilt.
    Ich schaff 50-60% in ere Arztpraxis und er schafft ca 50% denn könne mir beidi luege.
    Und sini Chefin hett sogar gseit, dass er sie kaitneh zum go schaffe. :-)
    So viel zur Theorie.
    Jetzt mien mir no luege wies verhebt in dr Praxis. ;-)

    Glg
  • Und wie ischs im sole uno gsi?
    Mir hend wieder umkehrt, het viel zviel lüt gha.
    Wo schaffsch inere praxis? I bin au mpa :-)
    Mi maa schafft 100% im usedienst als servicetechniker, das isch nid so eifach...
    Theorie und praxis isch amigs e riise unterschiid ;-)
    Lg
  • ;-) hihi mir hen au wieder umgkehrt. Het sooo viel Lüt ka.

    Ah, bisch au Mpa. Ich ha Fage glehrt und schaff jetzt als Mpa in Basel in dr Ultraschall Praxis. Die mache dort nur pränatali Untersuechige Ultraschall und Fruchtwasser oder Plazentauntersuechige. Macht echt Spass :-)
    Und wo schaffsch denn Du?

    Jo, das glaubi, dass es in dr Praxis anderst usgseht.
    Darum bini emol gspannt wie dass alles so wird-zu dritt. :-)

    Jetzt mache mir no e gmietliche Obe.

    Wünsch Dir au e entspannte Obe mit Dim Maa. :-)

    Glg
  • Mir si de witer ins aqua basilea ;-)
    Ah i glaub in dere praxis isch erst grat e kollegin gsi für fruchtwasserpunktion.
    I schaffe zrhyfelde in de reha bimene orthopäd.

    Gniessets no zu zwoit. Es isch e schöni zyt zu dritt abr au ahsträngend.

    Messi, mir sind bi de schwiegereltere...
    E schöns wuchenend
    Lg
  • Mir versueches Morn am Morge nomol.
    Villicht hen mir jo denn mehr Glück.
    Mol luege...

    Uf dr einte Site versueche mir jetzt no die Zit zgniesse, aber uf dr andere Site könne mirs kum abwarte, bis sie kunnt ;-)
    Merci, Dir au e schöns Wuchenänd.
    Bi k.o. Gang emol go schlofe.

    Glg
  • Guete morge
    Viel glück bim zwoite versuech hüte bim sole uno. Mir gönd mit de leonie hüt ins aqua basilea :-)

    Lg
  • Merci ;-)
    Euch au viel Spass im Aqua Basilea :-)
  • bearbeitet 30. 12. 2013, 18:37
    So, Sole uno hen mir hinter uns.
    Hett wieder viel Lüt ka. Aber wenn mir denn emol dine gsi sind isch gange.
    Ine hetts nit so viel Lüt ka, will sie d Gäste Azahl begrenzt hend.
    Isch echt schön und entspannend gsi. :-)
    Jetzt bini voll k.o.

    Und bi euch?

    Liebi Griessli und e schöne Obe.
  • Vo wo hend dr miese ahstoh? Jo si hend dahzahl gäst immer begrenzt, sust ligsch jo nur ufenand umme.
    Bi uns isch tip top gsi. Hend 4std glöst gha und dleonie isch die ganz zyt zfride und begeisteret gsi, nachher drfür voll k.o.
    Hoff si schloft znacht emol meh ;-)

    Lg
  • Sin ab dr letzte Stäge unte agstande. Hen Glück kha, dass e Päärli uns bi sich uf dr Höhi astoh loh hend. :-)
    Hett sich aber glohnt, swarte.

    Noch 4h isch sie sicher so k.o. Dass sie mehr schloft-hoffi zumindest für euch.

    Morn hani wieder CTG bim FA.
    Mol luege was er meint.
    Bi soooo ungeduldig... ;-)

    Schlof guet.
    Lg
  • Vo döt her gohts amigs no rassig.

    Si isch scho k.o.gsi, abr si het immr sgfühl si chöni öpis verpasse... si chunt znacht im moment all 2std.

    Viel glück bim FA. Schribsch de waser gmeint het ;-)
    Gosch ins unispital für dgeburt?

    Lg
  • Oh, alli 2std. Denn wirds nit langwillig...
    Jo, meld mi denn. :-)

    Mir hen uns fürs Bethesda entschiede. Ich ha friener ebbe dort gschafft, drum kennis guet.
    Und jetzt wo alles so neu isch hen mir gseit, gön mir dort ane.
    Und s cooli isch, dass es dort Familiezimmer git. Hoff es isch denn au eins frei :-)
    Denn könne mir zu dritt sie in dene Däg.

    Wo hesch du gebore?
    Und isch di Müsli am Termin oder friener/spöter ko?

    Gglg :-)
  • Das isch eso. Isch abr nüd zu dene nächt womer am ahfang gha hend...
    Ah ok, im bethesda bin i jetzte no nie gsi.
    I bin zrhyfelde gsi, het döt au e familiezimmer, hends abr nid brucht do mi ma erst fetie gno het won i hei cho bin.
    DLeonie isch 9täg zfrüeh cho miteme plante kaiserschnitt, do si BEL gsi isch. Abr am morge woni ins spital han miese han i scho all 5min wehe gha und dhebamme het mer de gseit, dass de muettermund scho 6cm offe sig. Mir hets bis döt ahne nid so weh gmacht und hans somit au nid als "richtigi"wehe ihgstueft, ha 3wuche vorher immr wieder senkwehe gha.
    Vo dem her, wer si sowiso an dem tag uf dwelt cho :-)

    Lg
  • Bi in Rhyfelde bim Dr. Deckers gsi, bevor ich dr FA gwächslet ha.

    Jo, wenn de scho Wehe kha hesch, denn hett sie jo selber entschide, wenn sie ko will.

    Uf Freinächt kani mi au scho istelle :-)
    Freu mi druf...
    Im Moment no zumimdest;-)


    Bi gspannt, was er hüt seit- wies usgseht.

    Lg
  • Er het mir de KS gmacht. Bisch nid zfriede gsi mitem?

    Am ahfang han i dfreinächt besser vertreit als jetzte. Hänkt efang ah...

    Selber merksch no nüd? Wenn isch de termin?

    Gglg
  • Ha viel erlebt mit ihm.
    Ha ebbe scho 3 Eileiterschwangerschafte und 1 Abbort ka.
    Darum hani denn gfunde, es isch guet neu azfo.

    Ha immer wieder so Üebigswehe und e harte Buch. Und dr Muettermund isch schiins fingerdurchlässig. Sunst gspür i aber no nüt.

    Ha grad e Tel beko. :-(
    Dr Fa Termin isch ufe Fritig verschobe worde. Stinkt mir voll. Aber was solls. Villicht isch sie jo denn scho do. Wer weiss?!

    Das glaubi, dass es mit dr Zit ahängt, wenn de nit kasch richtig schlofe.
    Hesch du gstillt?
    Ich ha, wenn alles guet klappt vor 6Monet zstille.

    Glg
  • Ah, dr Et hani am 10. januar.
    Aber ebbe so wie er gseit het, könnt sie jede Moment ko....
  • Ou ok, duet mer leid. I hans guet gha mit ihm.

    Oh nee, so gemein. Jetzt muesch no solang warte. Wer weiss, villicht wird si jo es silvester oder neujohr prinzessin ;-)

    Jo i han gstillt, bzw i still immr no, do unses müsli de shoppe komplett verweigeret. Abr sit si 4 1/2mönet isch bechunt si zum zmittag breili über und sit öpe 3-4wuche am nomi no e fruchtbreili.
    Si het ihre komplett eigeni sture grind :-p

    Glg
  • Hihi, sie weiss was sie will!
    Finds cool, wenn sie ihre eigene Kopf hend.
    Emol luege wie d Kim denn tickt. :-)

    Ich hoffs ganz fest, dass sie e Neujohrsprinzessin wird.
    Aber me ka nur warte und warte....
    Und ich darf jo no gar nit so ungeduldig si. Bi jo nit emol überem Datum...

    Ich has au nit schlecht ka mit ihm.
    Aber noch dem allem hani gseit, isch e wechsel nit schlecht und au zue öberem wo vom Weg her nöcher isch.
    Bi ebbe durch e Kollegin zue ihm ko.
    Jetzt hani in Münchestein eine gfunde wos echt passt :-)

    Mol luege, wie denn das bi uns wird so mit stille und so.
    Ebbe mind. 6 Monet hani mir vorgnoh.
    Und bim schaffe hen mir sone Milchpumpi kauft woni denn ka abpumpe ;-)

    Mi Chefin findets scho lustig. Aber hett gseit dass sigi kei Problem.

    Glg
  • Jäjo si het im Buch scho de eigeni Kopf gha ;-)

    Jo das verstand i, dass de en wechsel hesch welle. Rhyfelde isch für di scho nid grat e katzesprung. I han mini FA in Gälterkinde, mit ihre hanis guet.

    Mol luege öp Kim de 6Mönet akzeptiert odr nid ;-)

    I gang übere Mittag heime zum Milch abpumpe und wenn mis Mami hüetet, blibt si extra do damit i se chan stille.
    Wie lang blibsch dihei? 14wuche?
    Schaffsch abr jetzte scho nüme, odr?

    Guet nacht

    Glg
  • Jo, blib 14 Wuche daheim und denn gangi wieder go schaffe.
    Emol luege, wie das alles so lauft.

    Cool, dass di Mami no ka hiete.
    Mini hett nit welle, dassir sie fix iplane... Na ja. :-(

    Jo, dr Wechsel isch wirklich guet gsi vom Fa.

    Bi hüt irgendwie dr ganzi Obe so bervös. Weiss gar nit warum.
    Villicht isch das e Zeiche :-) hihi
    Und dKim isch au ultra aktiv. Gli kunnt sie grad direkt so us em Buch ;-)

    Schlof guet.
    Lg
  • Schaffe dueni nüm jetzt.
    Ha scho zimli frieh miesse langsam mache, will sich dr Gebärmuetterhals scho Endi 20 wuche uf 2cm verkürzt hett und mini Chefin Angst ka hett, dass es e Früehgeburt git.
    Isch echt cool e Chefin zha, wo so voll vom Fach isch!! ;-)

    Glg
  • Ah ok. Jo das isch cool.
    I hans mit mim damalige chef nid so toll gha. Er het alles vo mir verlangt, trotz i zimli ruggeproblem gha han wegeme autounfall und de het er au no verlangt dass i duen röntge...
    FA het mi de 2 1/2 mönet vor de geburt chrank gschriebe.
  • Ah ok. Bi uns hüetet mis mami 1tag und 1tag mi schwiegermuetter, si maches no gern. Und dleonie wird verwöhnt ;-)

    I bin froh chan i amigs go schaffe. Numme dihei si mitm chind chönt i glaub nid...

    Und no alles ruhig odr het sich dKim entschiede?
    Gglg
  • Oh je, nei do hani wirklich Glück mit minere Chefin.
    Im Moment isch alles ruhig...
    Gestr zobe isch sie mega aktiv gsi. Ha scho denkt dass könnti öbis bedüte...
    Na ja, witer warte.
    Ka mir nonig so vorstelle, wie das wird mit Baby und schaffe und allem. Aber e mol luege.
    Cool, wenns Mami und Schwiegermami könne luege.
    Mim Maa sini Eltere lebe ebbe nüm. Ubd mini Muetter schafft mega viel...


    Glg :-)
  • Will si doch no warte, si het jo au no zyt. Und am 31.12 geburi ha isch au doof, isch me immer die letschti... ;-)

    Mis mami schafft au 70%, sie wünscht eifach immer de mentig frei.

    Lg
  • Wer weiss, villicht kunnt sie jo hüt Znacht oder so ;-)

    Jo, ich denk es isch au e Frog vom Wille. Also zumindest bi mim Mami. Wieviel sie denn Kontakt will und so.
    Aber villicht änderet sie ihri Meinig, Istellig denn no wenn d Kim do isch und sie sie gseht. :-)

    Glg
  • Wer weiss ;-)

    Ohje, so schad :'(
    I bin würkli froh, dass bedi grosis vo de leonie kontakt wei und freud an ihre hend au wenn si se hüete.

    Glg ;-)
  • Das glaubi :-)
    Find das au schön und hoff dass das bi uns au so kunnt.

    Glg
  • Muesch ere villicht chli zyt geh.

    Wünsch euch en guete rutsch und e guets neus. Bis negst johr ;-)

    Glg
  • Jo. :-)
    Merci vielmol dass wünsch ich Dir au!
    E super guete Start ins neui Johr.

    Bis nöggst Johr. :-)
  • Hoi baby_girl
    Wie gohts? Guet überegrutscht?
    Hesch fb?
  • Hoi Du!
    Unser Wunder isch gestr am 11.37 noch 5,5h Geburt ufd Welt ko!!!!!
    50cm lang und 3640gr achwer!
    Es isch eifach dr Hammer!

    Jo ha Fb. Andrea Wehrle-Oehl dass bim ich :-)

    Wie gohts bi Dir/euch?

    Gglg :-)
  • Hey gratuliere ganz härzlich. :-D
    Am 1.1 odr 2.1?
    Goht no 5,5std. Alles guet gange?

    Ha di irgendwie nid gfunde. Villicht findsch du mich ;-)
    Melanie Schlienger-Börlin

    Uns gohts sowit guet. Euch?

    Gglg :-)
  • Merci vielmol.
    Am 2.1 um 11.37 uhr.
    Sin jetzt grad uf em Heimweg.
    Isch alles so guet gange au bi ihre, dass mir scho hen könne heim. :-)
    Ich schigg Dir dr Link wo Du direkt zue mim Profil kunnsch.
    Ha Di ebbe au nit gfunde unter dim Name.
    https://m.facebook.com/profile.php?id=1469267584&__user=1552540478

    Liebi Griessli :-)
  • Hoi zämme 😃
    Ish no öbbr vo Basel-Land Do?
    Wird im Juli s erst mol Mami und wär schön wenn mr öbbr zum ustushe het😊Mäldet euch ☺️
  • Hoi fabienne91
    Bi us dornach vo wo besch de du?
  • Hoi Sterndli bin vo Lause 😊 wie wiht bish denn du und wie alt bish? Freut mi sehr het Mol öbbr geantwortet 😃
  • Nalan83Nalan83

    668

    bearbeitet 9. 01. 2020, 11:19
    halli hallo...!ich bi vo kaiseraugst...isch zwar kanton aargau 🤣aber ich find eher isch baselland...! i ha hüt 20.ssw fertig und chume in 21.ssw 😍..! wüsset ihr scho s‘gschlecht?
  • Hey nalan 😊
    seh ich genauso mit Kaiseraugst 😂 so schöön, nei ich weiss es noni, bin erst in de 12te
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum