Bremgarten AG

Chunt öper vo Bremgarte AG? Chönt mir öper chli verzelle wies döt so isch ? öv? und läde? 🙂 überlegen üs dete here ziehe aber bin nonid so überzoge 🙂

Kommentare

  • Ned vo bremgarte aber ganz ide nöchi. D öv isch super, hesch en zug entweder uf wohle oder uf dietike sowie en schnellbus über d autobahn uf züri. Läde hets würkli alles mögliche und ganz e herzigi altstadt
  • Danke dir 🤗 häts döt au eh Fluss oder Park? Tönt scho mal guet 😀👍🏻 weiss no nid ob mir de Schritt wenn goh ..den hani wieder niemert und muess mi neu orientiere 🙈
  • sArA91 schrieb: »
    Chunt öper vo Bremgarte AG? Chönt mir öper chli verzelle wies döt so isch ? öv? und läde? 🙂 überlegen üs dete here ziehe aber bin nonid so überzoge 🙂

    Wür det nurscho hiizieh wegem schöne wiehnachtsmärt😅😍 suscht hani kei ahnig😬
  • @ALOHA do häsch recht de isch schön😍😄
  • Jaa es het en fluss, isch uh schön zum spaziere. Und de wiehnachtsmärt isch echt hammer😂😂😍. Es het es paar da wo us de region sind
  • bim jojo hets e mega tolle spelpi met tierli.

    migros / denner / coop send zemmli nöch binenand (au de mc esch grad det). e c&a kids hets grad onde i de migros enne. sösch kenn mi nid us
  • Und visavis vom jojo isch Badi. Die isch au super.
  • Mir ziehnd im juni uf berike (ganz i de nöchi vo bremgarte) ich cha dini unsicherheit durchus verstah, bin am afang au sehr skeptisch gsi, aber inzwüsche freu ich mich sehr!!
    Und bremgarte isch uh schön, nur scho das altstädtli😍
    Und hey, chöntet dänn ja zäme "neu" si😂
  • mir wüssen ebe no nid gnau wo im AG 😄🙂 jo das wär echt toll😃 bin ebe noh skeptisch wills noh witer weg isch vo mine Eltere und ich gar niemert meh han.. jetzt hani erst so tolli Nachberine kenneglernt den scho wieder weg 🙈😄
  • Verstah dich vollkomme... Mir sind au wiiter weg vo mine eltere (demendsprächend händs au toibelet😂)
    Mir händ lang hi und her überleit und händ dänn schlussändlich müsse säge, für eus als familie isches im allgemeine en mehnutze, dass mer vorallem au meh familieziit händ... Min ma schafft ebe in wide und chönt so nur scho am mittag immer hei cho!!

  • jo mine schaft neu in zufikon 🙂 vorher wo er noh s luzern gschaft hät hät er am mittag au heichöne das vermisst er jetzt sehr 🙂mal luege möchten den ebe nüme zügle wenn de gross im Chindi isch 🙂 weiss öper echt obs döt im Chindi nid nur die einzige schwizer wären?? (han nüd gege usländer aber das wär bi üs jetzt de fall)
  • Ich wohne in Zufikon 🤗 in Bremgarten gibt es wirklich alles was man braucht. Möchte hier nicht mehr weg 😉
  • @sArA91das chani der dänn im august säge😂 dänn chunt euse gross in chindsgi.
  • Wohne au in zufike🤗und bremgarte isch wükli super😍
  • Wie isch den Muri??
  • @sArA91 sinder eu scho chli einig wos eu herezieht??
  • oh danke liebi Bibi 🙂fürs nahfroge jo momentan blibemer im kanton luzern aber göhnd evtl ufs wenn mir zuesag vor wohnig händ uf hofdere den sind mir au chli nöchher bi bremgarte 🤣🙂
  • ufs land ...🤣
  • Dänn druck ich eu ganz fescht de dume, dass es mit de wohnig klappet🍀✊
  • danke vielmol 🙂😀und eu guets zügle✊🏻
  • so jetzt staht wieder bremgarte in ussicht🤣 wenn mir üs nur mol entscheide chönd 🤣🤣🤣 (ich han NÜD gege usländer echt!) nur da wo mir wohnen wär er de einzig schwizer im chindi wär das in Bremgarte au de fall ???? blödi frog soorryyy
  • Chunt druf a, wo in Bremgarte :) imene Eifamiliehuusquartier hets eher meh Schwiizer bim Kapuzinerhügel zum Bispell hets eher meh Uusländer... aber ganz elei als Schwiizer bisch i de Regel nöd. D'Schuel luegt, dass es, wenn emmer möglich, guet uusgliche isch.
  • Hmh sind hüt goh d wohnig goh ahluege in Bremgarte imene nezw Quartier grad bim Turm an de Reuss sie gfallt mir guet gegend au aber ich weiss au nid 😢😢bin mir so fremd vorchoh de Gedanke dra das ich den niemert meh kenne und ich Gegend au nid kenne 😢😢ich weiss nid ob mir das wage söllen und vorallem weiss ich nid wies isch wegem Chindi.. isch de Chindi dete guet? häts scho eh paar schwizer??🙂

    und eigentlich han ich jo ufs Land welle nid in eh stadt 🙂🙈
  • Hello @sArA91 also i chume vo mellige das isch 4 dörfer witer zieh aber i zwei wuche uf nesselnbach den sends nor no 2 dörfer🙈 han e 1 monatigi tochter und wör dir gern eusi gägend zeige i be i dem eggli grossworde und ich wörd nid weg wölle bremgarte fendi es wunderschöns plätzli und d rüss gad nevedra esch eifach wunderschöö.. leider chani dir betreffend chindi nüt verzelle aber du besch vo vremgarte so schnell öberall .. ubd ebe i wör der au gern bistabd leiste☺️ weiss ned eb der das was gholfe het aber ha denkt geb mal min senf derzue🥰
  • Für mi wär so eh Neustart eifach schwierig oder stelle mi eifach blöd ah .. Aber alli mini Kollegine wiit weg .. Han niemert dete u d Gegend kenni au nid 🙈
  • Ich weiss sehr guet wies dir gaht. Mir sind ja endi mai nach berike zoge... Ha da zwar mini cousine, aber sie muss natürlich schaffe... Fühl mich oft einsam, aber han, grad dur das app, es wundervolls mami mit ihrne 3 jungs därfe kännelerne! Sie sind so toll...
    Du wirsch bestimmt schnäll öper kännelerne und au d'umgäbig schnäll känne
  • Ich weiss au wie es dir gaht bin uf Widen zoge vor 2 Wuche muess aber säge fühl mich mega wohl i de Wohnig und Umgäbig han au scho dörfe eis Mami kännelerne! Chumt alles guet positiv dänke und süsch chasch dich bi mir mälde bin immer froh döfe öpper kännelerne 😊
  • Ich bi mir eifach so Fremd vorchoh 😢 so allei ich weiss nid ob ich de schritt söll wage .. vorallem han ich ufs Land welle und nid in eh stadt 🤷🏻‍♀️ und ich kenne dete nüt .. Im KT Luzern würi vieles scho kenne 🤷🏻‍♀️ wieso sind die entscheid immer so schwierig😢
  • I de nöchi vo bremgarte gehts sicher au schöni ländlichi gmeinde? 😊
    Ech ben zerscht vo luzern uf wohle zoge und den uf bettwil. Han weder in wohle no do in bettwil öpper kennt. Aber wo die liebe halt hinfällt...
  • i be au vom luzernische is seetal zoge, niemert kennt. dör d‘chind hani jez uh vel gueti kontäkt doh. ond mini bisherige kollege hend sech „verabschedet“ (dor wegzog, de hürot ond di letschte wos chind geh het). es veränderet sech alles im läbe, aber es esch guet so wies jez esch.
  • Danke eu🤗 jetzt händ mir eh wohnig in Muri und Jonen gseh wo mir gfallt was würen ihr bevorzuge wege Chindi/spielgruppe und ichaufe bin uf de öv ahgwisse Muri oder Jonen ? häts in jonen läde?
  • Muri esch sehr schön, Jonen kenni ned. Muri hets alles zum ichaufe, sprich Migros, grosse Coop, zwei Chleiderläde, Baby-Lade (haupts. Bruchti Chleider und Sache), Papeterie, Coiffeur usw. Den hetts sicher Kita's, Spielgruppe und Chindi, chani aber ned beurteile. ÖV chani au ned beurteile, weiss nur Züg fahret glaubs 2x i de Stund rechtig Lenzburg und Rotkreuz. Mer gfallt Muri, vorallem Muri Moos, muesch mal google, falls es ned kennsch. Und ech wohne i de nöcho 😝
  • Ah ja, Denner und Dosebach hets au no. Und vellecht au meh als zwei Chleiderläde. Und minere Meinig nach en schöni Badi, mit Bushaltestell. Aber ebe, weiss ned wie Büs fahret, bin mitm Auto unterwegs..
  • wohne au in muri und mir findets super... finds sehr zentral, bütet alles... viel spielplätz, coop, migros, denner, lidl, mehreri tankstelle shop, kaffi, bäckereie, kitas, schöni Badi, s murimoos... hend au zwei kind 2 1/2 und 5mönet.... isch ländlich und drum wemer viel richtig züri/zug/luzern wet isch sicher es auto vo vorteil...🤷🏻‍♀️
  • @Sabrina86 besch per Zuefall alligs au am Nuggi z'Morge? 🙈
  • nuggizmorge...????🤔 tönt spannend, kennes ned....
  • 96db4920-e080-11e9-83c9-97fffc602e02.jpeg
    Send scho zweimal gsi und fendes no super. Vorallem well ich kei anderi Mamis kenne und die Chli so in Kontakt mit anderne Chind chund ((:
  • cooli Sach 👍🏻😃
  • @mischmiisch und @Sabrina86

    Mir händ eh neu Überbauig gseh in Muri nöchi Bhf .. wüssen ihr echt ob de Chindi da nöch isch ? und eu gfallts dete würkli? Isches nid ehner Stadt mässig? 🙂🤗
  • Ech weiss leider überhaupt ned, wo es en Chindi het in Muri. Aber ech persönlich fende ned, dass es eher Stadtmässig esch. Vellecht het das aber au demet z'tue, dass ech vo Luzern Stadt chomme 😅🙈
  • Es häd in Muri 3 Chindi! Wenns die Überbauig isch won ich meine de isch es ned wiet! Also eigentli isch es nie wiit in Muri, wills wie gschriebe 3 Chindi häd...
  • 🥳 es isch definitiv mir ziehed uf Muri 🙂 freue mi mega au wenn ich niemert kenne und alles neu isch .. mini kollegine wit weg sind.. entlich meh uf em Land🥳🙌🏻
  • Suuper, uf wenn züglet ehr den?Vellecht luegsch den mal bim Nuggi z'Morge verbi 😊
  • März 🙂 ja werdi mache mini chind sind den zwar scho 3,5 und 1 🙂
  • Es sind alli chind bis zum Chindergarte willkomme 😊
    Und i de Ferie au die ältere 🙃
  • Gratuliere zom Entscheid, hesch ja lang hin - und här öberleid welli Richtig dass es sell si. Muesch luege, ganz en früsche Afang chan au sehr guet si - esch en Chance neuii Lüüt könne z‘lehre ond ned am Alte fest z‘hebe. Alles Gueti 💛
  • jaa isch echt lang gange über es johr händ üs das ganze gnau müesse überlege und jetzt hoffi es klappt und finde anderi mamis wo chli glich sind wie ich 🤗🤗
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum