Wallisellen / Dübendorf 🙋🏽‍♀️🙋🏽‍♀️🙋🏽‍♀️

Hoi Mamiis🙋‍♀️❣️

¿Gits da mamis oder werdendi mamis i de umgebig Walliselle / Dübendorf?
Mis erstes baby sis ET isch 28.5.20 😍
amc07
«1

Kommentare

  • Hallo 😊. Ich chume vo Volketswil und bin letscht august zum erschte mal mami worde 😍
  • Dübiii 😊
  • Salii zemme 😁
    Cooor das gaht ja 😁 isch nöd wiit
    Zorro bisch du scho mami oder wirsch mami?
  • Wie laufts denn bi dir ide schwangerschaft 😊?
  • Au vo dübii😬@Zorro Wie alt sind/isch dini/dis chind?
  • Schwangerschaft lauft guet bis jetzt, zwar viel müedigkeit und rucke/rippe schmerze.. Hend ihr au so komische rippe schmerze kah? Wie gahts eu oder wie isch es eu gange i de ss?
    Ich wohne in dübedorf abm 1. März 😁
  • Mir hend beidi au immer in rippebige druckt..platzmangel halt😅 aa denn gseht mer sich ev mal ide müettereberatig😬
  • Ohh bi dir au? Aber finds no chli zfrüeh ich bi erst 22 ssw. Und sbaby chunt nonig dethi.. 😅 Ha sgfühl isch will sich mini organe jetzt verschiebet und Platz machet.. Also ja kei ahnig 😂

    Müetterberatig? Wenn isch das denn?
  • Aja das isch natürlich möglich🤔 ja mer chan dete sini chind mässe und wäge lah und je nach bedarf chasch au es beratigsgspräch mache..dini frage stelle..chasch aber au eifach gah zum anderi mamis zträffe und damit d chind biz chönd zäme spiele..alles unverbindlich und sehr gmüetlich findi..isch jewils am zistig und dunnstig nami vom 13:30-16:30 im Familiezentrum grad bim migros
  • Woow guet zwüsse ha Nonie davo ghört, da chumi denn sehr gern hii 😍

  • Rippeschmerze han ich glaubs kei gha oder ich hans wieder vergesse 🙃. Müed bin ich au gsi, vorallem im erschte trimester. Müettereberatig isch sehr praktisch 👍.
  • Mangoo wie alt sind denn dini chind 😊?
  • Mini sind 22mt und 4mt🥰 di chlii isch warschindli nu biz jünger wie dini☺️

    Wo bisch denn ez dihei Yul?
  • Ich bin jetzt no in Walliselle, aber han am mentig ahgfange zügle.. Abm 28 februar bini denn 100% zdübii 😁
    Wie alt sind ihr wenni fröge derf? Ich bi jetzt am 18te dez. 26 gworde
  • Demfall chasch gmüetlich zügle? Ich wird im märz 35gi
  • Ich bi 32..aa ok ja demfall guets zügle🍀
  • Ja chab zum glück gmüetlich zügle ohne stress 😏 sind ihr eig am schaffe?
  • Ich han im moment no unbezahlt und fange denn im April wieder a mit 30%. Han aber scho chli angscht denn de chlii abzghe 🙈. Und du bisch no voll am schaffe?
  • Ohh verstahni.. Ich han extrem angst Chind i de kita oder tagesmuetter oder so abzgeh, deswege wird ich die erst 2 jahre nld schaffe.. Han das mitem fründ abgmacht und er findets ebe au guet so.. Schaffe tueni eig jetzt 30% als Reinigung bis endi januar.. Ich bi aber eig usglernti malerin finds aber nöd so toll mitem babybuch uf de baustell 😁😂
    Ich wür nur mineri muetter sbaby abgeh aber sie wohnt ebe chli wit weg.. Und sbaby jedesmal gohole und wieder bringe wör soo müehsam und tür..
  • Bi eus werded d grosseltere hüete, will ich leider kei fixi täg zum schaffe überchume 😐. Bin gspannt wie das usechunnt 🙈. Das isch aber au schön wenn du zwei jahr chasch dehei bliebe 👍. Und ab endi monet bisch denn scho dehei? Mitem babybuuch uf de boustell isch sicher nöd grad ideal 🙃. Aber bi de reinigungsmittel muesch nöd au vorsichtig si 🤔?
  • Oh das isch schön bi de grosseltere, so chasch ohni sorge gah und weisch sbaby isch in gueti händ ❤️😍
    Ja Reinigungs mittel woni benutze sind ok und chume au nöd in hutkontakt mitdem Zum Glück mite maschine woni swasser und bitzli mittel ine leere 😁.. Denn putzts de bode vo allei..
    Im moment bini bim rav ahgmeldet, findes krass das Rav mich bis 7te schwangerschafts monat uf de baustell schickt.. Findes überhaupt nöd okay..
    Bi froh das temporär Büros Verständnis dafür händ dass das nöd gaht..
  • Aa super das iscb scho viel wet wenn kei stress hesch bim zügle👍🏼 dörfsch e nüm viel lupfe und umeträge😉
    Ui krass bis im 7.mt spinnet die😱 ich bi au malerin ha mi aber umschuele lah vor 5 jahr und fange im märz wieder 40% bi minere arbetsstell woni scho vor de ss gschaffet ha a als spital/arzt sekretärin
  • Ah häsch du guet gmacht, wür mega gern wechsle aber isch schwierig ohni usbildig.. 😏
    Wo häsch denn dini lehr als malerin gmacht ka?
  • Hey ladies dörf I mi däzuä gselle? 🙃 Chumä nämli au us dr nöchi.. vo Nänikon 🙂, bin 35 und dr ET isch am 26.06. und isch mis ersti baby und natürli freuen mir üs riesig 🙃 lg Gaby
  • Hallo Gaby. Nänike isch vo mir us ja fascht um de egge 🙃. Wie gahts dir bis jetzt ide schwangerschaft? Liebs grüessli Corinne
  • Hee, cooor... 🙃
    Mega schön, schribsch... 🙂
    Mir gohts recht guät i dä ss. Ha praktisch kei beschwerde ka bis etz- mängisch chli Ischias beschwerde... Ha chli meh zuägnoh 😜
    Glg
  • Hoffentli wird nöd no schlimmer mitem ischias ✊. Das han ich zum glück nöd so gha, nume geg de schluss bitzli, aber denn tuet eh alles weh 😅. Wird denn au no meh gwicht dezue cho, s chline schätzeli muess au wachse 🥰. Wüsseder scho wases wird?
  • Hallo Lavanda freut mich dasses dir guet gaht i de ss 💖
    Han hüt chli sorge ka ha sbaby nöd so gspürt.. Aber jetz woni im bett liege gahts los.. Uff..
    Bi mir wirds en bueb 😍❤️ und bi euu?
  • Hey ladies, mir wend nid wüssä was es wird... Aber i bi scho gspannt wie en bogä 🙃 I spür s baby leider no nid... Bi etz bi 18 4... Hoffe aber au das is bald dörf gspürä 😍
  • Ohh, isch au schön sich überasche lah, bisch zum erste mal schwanger?
  • Ich han au en bueb 😍. Chan mir vorstelle dassd scho gspannt bisch 🙃, ich het das glaubs nöd usghalte 🙈. Hoffe für dich dassd s baby glii derfsch gspüre ✊. Weiss gar nüm wenns bi mir s erscht mal gsi isch 🤔. Am afang hani nöd gwüsst öb das jetzt de mage isch oder s baby 😅, aber isch uu schön ♥️
  • yep, bi s erst mol schwanger... 😍 I denk mängisch au "söll I glich d Ärztin frögä? " und denn denk i wieder "nei! Starch bliibe" 🤣🤣jo genau cooor... Voll!! I ha ebe letschti au s gfühl ka etz han is gespürt... Und denn denkt OK... Wohl eher dä magä... Isch nix meh gsi nocher. Hend ihr nochem erst mol spüre denn s baby jede tag gespürt?
  • Ich hoffe bliibsch starch bis am schluss 😅. Am afang isches scho sehr speziell s gspüre. Ich glaubs han ihn scho jede tag gspürt mal meh mal weniger. Es het aber täg geh wo ich chli im stress gsi bin und denn hani ihn erscht gspürt woni zur rueh cho bin. Luschtig isch denn wenns de hitzgi hend 🥰
  • Ich bi am afang mega paranoia gsi 😏😅 ha ab de 17ti gwüsst dass ich sbaby spür, abrr all hend gseit "das cha nöd sii du häsch vw plazenta und du bisch serste mal schwanger mimimi.."
    Ha aber gwüsst dasses sbaby isch..
    Wenn min buch schafft spürt sich das gaanz anderscht ah als das woni gfühlt han am afang.. So als würded paar seifiblase platze 🙊 aber has nöd jede tag gspürt... Und wie coor seit wenn ich stress ka han hani nix gmerkt aber sobald ich anegläge bi und film konzentriert gluegt han hani plötzlich wieder das platze gfüllt😂😁 jetzt reklamierts richtig wennich ihn zviel streichle(plage) 🤣😂
    Bi dir wirds nüme lang gah chuunt gli gli 😏😏 tuesch viel mitem baby rede mine reagiert immee druff... Wie alt bisch denn du? Ich bi 26gi
  • Jöööööö..... Sooooo schöööön 😍😍😍 freu mi scho 😍 kikiki.... Reklamationä usem Buuch... Fangt jo scho früäh a 🤣🤣🤣 no nid mol do... 🤣🤣
    Jo, Stress Han I im Moment zu genüge.. 😕 Aber bald Ferie *halleluja*
    Yep cooor I bliibe starch 🎉💪🤣
    Cooor du chunsch jo vo volki= hesch in uster entbundä? Und wo wetsch du yul entbindä?
    Wünsch eu ganz en tollä Tag 💐
  • Jaa hahah 😂😂❤️ freu mii wenn du es au derfsch spüre!
    Ich wür gern in Uster sbaby uf dwelt bringe und duu? Hüt abig fangi mit geburtsvorbereitungskurs ahh in uster 😁
  • Dir auu en schöne tag ✨🌸
  • Denn chasch ide ferie hoffentli chli entspanne und dich uf din buuch konzentriere 😊. Gönder weg ide ferie? Ja genau ich han z uster entbundä, isch cool mit de familieabteilig und natürli am nächschte 😊. Möchtisch au z uster? Wünsche eu au en schöne tag
  • Yul machsch d kürs wo amigs am abig sind? Chunnt din partner au mit? Ich han mit mim maa de intensivkurs gmacht gha, isch würkli no intressant und sie macheds super 😊
  • Ja cooor ich mache de wo jede mittwuch abig statt findet, bi mega nervös irgendwie 😁😂.. Nöchst mal derf de partner denn au mitcho
  • Nei, bliib do i dä Ferie.... Ha hüt übrigens es blöterle gespürt während dä teamsitzig... 😍
    I ha letscht johr ä elss z uster behandlä loh... Bi mässig happy gsi... Aber das Chan au a dä Umständ glegä ha... I wet uster glich go aluägä... am 5.3. Gömmer no zollikerberg go aluägä... Intensivkurs tönt ebe scho au super.. Isch dä es wuchenend lang gsi? Mit Partner?
  • Yul hetten mir üs vorher kenne glernt Wär I grad mit dir mitcho... Schade 😌
  • Da muesch nöd nervös sii 😊. Isch sehr informativ und chasch au alli frage stelle. D leiterinne sind mega liebi gsi 👍. Ich finds guet wenn de maa au debi isch, denn heter au grad chli e ahnig 😊. De intensivkurs isch fritig abig und de ganz samstig und det isch de maa denn halt bi allne themene debii. Aber alli manne wo dete gsi sind hends mega intressant gfunde. Ou so schöön hesches gspürt 😍, isch sicher s baby gsii 👶. Zollikerberg isch glaubs au guet, ich bin nume z uster gsi go luege will au mini schwö scho beidi chind dete übercho het und ebe han s nächschte welle ha 🙃
  • Ahhh schön häsch das spürt ja 😍😍😍 wär wükli hammer gsii lavanda hetemer chöne zemme gah...
    Hend ihr luscht Handy nr. Ustusche mir chöntet eus ja mal treffe wär glaubs mega cool 😁😁
  • Ja cooor söt wükli nöd nervls siii haha 🙊 ha das aber immer wenn öpis neus chunt
  • Vo mir us chömer gern d handynummere tüüschle. Und abmache wär cool. Han nanig so kontakt zu mamis/werdende mamis 🙃.
  • Yeahhhhh..... Das machämäääär.... 👍💪
  • Chönd eus d nr ja im privatchat schicke 🙃
  • Uu da het sich ja richtig ôpis ta👏🏼 schön lauft mal wieder echli öpis i dem forum/chat☺️ ha leider ned ziit gha ide letschte paar täg zum drii z luege da mini chind leider chrank gsi sind😫 aber es träffe tönt super weri also au debii👍🏼 gits scho e whatsapp gruppe..?
  • Ja es git einii, ich schrieb dir e privat Nachricht chasch mer ja dini nr schicke😍
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum