Milchpumpe 🍼🍼

Yul · 20. 02. 2020, 23:08

Sali zemme!

Ich wür gern e Milchpumpi chaufe, chan mich aber nöd entscheide.. (weiss nöd was dunterschied isch und was besser wär)
Ich interessiere mich im moment für die

Philips AVENT Ultra

Komfort

..

Was seget ihr zu dem? Welle bruchet ihr?

Elektrischi oder doch handpumpi? Einzel oder doch doppelt?

Danke scho mal im vorus für eui tipps ❤️

JennyHelin · 20. 02. 2020, 23:14

Ich ha eh Medela Freestyle gha .. bin zfride demit gsi ...
Han sie sogar zahlt becho vo de KKasse... würd zerscht das mal nafröge wie das wäri..
Und sust gits grad aktione im Babywalz uf Phillips 20%

JennyHelin · 20. 02. 2020, 23:14

Miette · 20. 02. 2020, 23:27

Heyhey. Ich würd nu warte mit chaufe. Wennt muesch pumpe, cha dier dini hebamma en pumpi bringe.
Ich ha mini eigendi kauft gha (vorgängig) und han denn mit der pumpi fa der hebamma agfange pumpe. Leider isch mer das system gar nit guet gange, denn hani erst mini usprobiert (ich han en medela freestyle) und mit dere is denn besser gange. Sie si nit grat günschtig, darum vili zersch zmodell fa der hebamma üsteste 😉

Miette · 20. 02. 2020, 23:29

Ah und mini KK het m 200.- a der pumpi uberno (si het glaubi 360.- choschtet mit chuelbeutel, ersatzteili, milchufbewahrigsbeutel, zuesatzfläschli)

Stöpseli · 21. 02. 2020, 00:04

i hät süsch die zum verchouffe für 50.- 😊. Si isch nur ca 2-3 wuche in gebruch gsi.

Moonpie87 · 21. 02. 2020, 06:43

Nöd jedi Pumpi isch für jedi Brust geignet...Grössi beachte 🤗

Juli88 · 21. 02. 2020, 12:50

Ich han en MAM 2in1 Einzelnilchpumpe. Bin super z'friede demit, well sie en Akku het und dur das mega handlich isch.
I wörd au erst spöter eini chaufe und zerst mal luege öb alles guet klappt.

Thea · 22. 02. 2020, 00:25

Ich han e Pumpi brucht gha, will mini Tochter 5 Wuche z früeh cho isch und z schwach gsi isch zum Trinke am Ahfang. Han die vollautomatisch vo Medela gha, usglehnt ide Apothek (chan mer nöd chaufe). Bi mir häts relativ guet funktioniert; ich han aber befründeti Mamis, bi dene isch bim Abpumpe meistens gar nix usecho. Also würd ich der au ahrate, zersch mal z luege, wies mit em Stille klappt und denn spöter dini Hebamme fröge, was sie dir empfehle chönt.. sie chan der denn au grad säge, weli Trichtergrössi dassd bruchsch.. das isch zimli wichtig, will mer sich dur en zchline Trichter e Brustentzündig cha hole, wenns blöd gaht.. oder wundi Brustwarze und das chan höllisch wehtue.

arijeta · 22. 02. 2020, 00:44

Ich han eini vo MAM 2in1 Einzelmilchpumpi und bi au zfriede mit dere. Han die au vo mine Hebamme becho. I wörd weni du wär warte, hesch ja schnell eini kauft.