Startseite› Kinderwunsch

Altersabstand

NessaNessa

233
in Kinderwunsch
Wie viel Abstand hend eui Chind? Würeders nomal so mache? Wen ja/nei wieso?

Kommentare

  • ElianoraElianora

    1
    27 Monate, finden es super, würden es genau so wieder machen.
  • sunny83sunny83

    192
    Mini wärdid fast 3 1/2johr Abstand ha...finds cool das min gross sehr selbständig esch i dem alter ond moss säge ech ha ehn so rechtig chöne gniesse ...die erste johr sind so intensiv....darom wörd ech das immer weder so mache.
  • passonitapassonita

    48
    Üsi hei 2 Johr und 7 Mönet Abstand. Bes jetzt (di Chli esch Ändi Juni uf d Wäut cho) fendi‘s super. Di Gross macht scho soo veles säuber und brucht z.B. au scho lang ke Chinderwage meh. Würde‘s weder so mache 😁
  • MangooMangoo

    339
    Mir händ immer en chline abstand wele. Sie sind ez 1.5j usenand und ich finds super. Klar es lauft de ganz tag öpis und ziit vergaht so schnell aber sie sind ez scho u herzig mitenand🥰
  • AnnicAnnic

    1
    Ich ha knapp 3 johr und jetz plani nomol eis den setteds öpe knapp 12 johr si zu de letschte🙈
  • AnDu88AnDu88

    786
    Mir hei grad knapp 4 johr unterschied wenn die chlini ufd Welt chunnt. Cha also noni ganz mitrede. Findes aber grad super eso. Dr gross isch troche tag und nacht, isch rächt selbstständig, cha sich mitteile/rede, duet vill hälfe und er versteit was so vor sich geit. Ig hamer immer gseit i wett nid zwei Wickelkinder und au das s erste duet düreschlofe 😅 vorauem wöu dr gross e sone schlächte schlöfer isch gsi. Aber es git nie dr perfekti Altersabstand wo für alli passt, jedi Familie isch halt individuell ❤️
  • MaryonMaryon

    335

    Symbol
    Hallo zame..hets da Mamis mit 4 Jahr Abstand und mir cha berzellle ob das fuer euch guet isch gsi oder ned und werums guet isch mitme grössere Abstand...mir hei e 1.5 Jährigi und ich wott Sie na gnüsse und ned gad wieder schwanger werde....aber i wuerd gern e zweits ha aber mit 4 jahr Abstand wenns zueloht unds klappet
  • livjonalivjona

    178
    3.5 Jahr Abstand. s‘1. Jahr esch super gsi, da de Grossi scho gnueg sälbständig gsi esch, Verständnis gha hed, ehn guet hesch chönne met ibezieh und well är aber au guet hed chönne met Papi oder Drittpersone hed chönne fort go en Usflug mache. Chum esch die Chli mobil worde met Laufe bzw. dass sie uf sini Spielsache hed chönne los, hed de Krach agfange. Sie sind jetzt 2 und 5.5 Jahr alt. Sie liebed sich, aber sie striited soooo vel. Bin mängisch fascht froh gahd de Grossi jetzt in Chindsgi 🤭
  • MaryonMaryon

    335

    Symbol
    Ah ja das toent super...also mir sind üsi meinig aber au eher vome grössere abstand 4 4.5 jahr atah...will ich mer ned cha vorstelle etz wieder schwanger z werde und 2 chlini z ha...mir wär das azstrengend....isch aber mini pers. Meinig gall....i find es git Vor und Nachteil mit jedem Unterschied. Hets na meh Mamis mit Inputs ??? Zume grössere Abstand und Erfahrige?
  • •Elefäntli••Elefäntli•

    626
    üsen Bueb wird dä Monet 3 wünsched üs sit 1.5 Johr ä Gschwüsterti für ihn aber leider wets nö klappe somit händ mir denn au en grössere abstand 😬 Teils chönd sich dä abstand gar nö usläse daher mir isches föllig egal aber ich han gseit wenn min Bueb 5 isch denn blibt är äs einzelkind 👍🏻
  • brixNZbrixNZ

    0
    Mir händ fascht 3 Jahr Abstand. Eusi chli isch jetzt 9 Mönet alt und bis jetzt findis super und cha mi villne mit grössere Abständ aschlüsse betreffend selbstständigkeit vom grössere. Nur 1 Chind wickle, nur 1 im Chinderwage, (fast) selber alegge, usw. Und s wichtigschte: dä Gross isch total verliebt i sini chli Schwö
  • Luki_ChristenLuki_Christen

    31
    3 Jahr isch uf jede Fau e guete Abstand. Wie gseit worde isch, me muess sech nid uf zwöi glichzitig konzentriere.
  • AnDu88AnDu88

    786
    Mir sind jetzt sit 5 wuche z zweite. De gross wird bald 4i und es klappet rächt guet. Er het verständnis, wenn mer underwägs si oder ufem Spielplatz muessi nid immer hinde ihm noche sii willer au scho selbständig isch, blickkontakt längt. Er geit allei ufs WC, leit sich meistens sälber a usw. Ig bi sehr froh heimer so lang gwartet mitem zweite.
    Er cha mir au vill hälfe, hälfe wickle, sache hole und wenn si brüelet geit är ihre de nuggi go gä wenn ig grad öbbis am mache bi. Er isch so härzig zu sinere chline schwöster und beschützt si jetz scho vor Fremde 😅 Klar mängisch muessi ihn au bitz brämse willer ständig wett küssli gä und hebele au willer sini chraft amigs nid so cha ischätze etc. De wird er amigs au verruckt uf mi. 😅
  • MaryonMaryon

    335

    Symbol
    @AnDu88 wow super. Das tönt ja sehr schön. Mir isch das au wichtig....dass es mir ned zu stressig werde würdi....mit chlinere abstand wäri eifach z überforderet.🙃
  • AnDu88AnDu88

    786
    @Maryon Ja wenni zrügg dänke und ig hätt es Baby wo mi gross no 2 isch gsi, wärs mir würklech zuu asträngend gsi. Mi gross isch i dem alter sooo en extreme wirbelwind gsi, ständig hesch müesse hindenoche si, er isch sehr gfüehlsstark het vill unteilti ufmerksamkeit brucht..het nid chönne still sitze und het eim sehr gforderet.

    Er het i dere zit bis jetzt e grossi entwicklig düregmacht.
    Klar es isch au jetz nid nur eifach mit zweine 😂 wenner ufmarksamkeit wett de machter eifach oft seich und lost au nid immer, was närve chostet 😄 ABER er versteit aues und cha guet kommuniziere und sich mitteile, was für mi sehr wichtig isch.
  • MaryonMaryon

    335

    Symbol
    @AnDu88 heee super würkli toll, dass das soooo guet klappet ;-) mir hend es super liebs Meiteli ruhig und eher e schüchi...aber i ha trotzdem so mini Bedanke und wär ebe eifach au z vell....für mi drum wenns klappet und s swell de werdemer au so ne Abstand ha. Jedes het so sini Gschichte...und jedes Bebeli isch anders und da isch au guet e so. I hoffe, dass mini dr au sl gwillt isch mit z helfe😂
  • JennyHelinJennyHelin

    488
    Also ... eigentlich hani immer eh chline abstand welle ... 😁 mini Geburt isch traumhaft gsi und mini chli Muuus 12.01.19 isch so eh supper ahfänger Baby gsi ... ich hans echt locker mit ihre gha.. jetzt fangt Sie so langsam ah 😅
    Trotze und ihre Charakter szeige voller Gas

    Jetzt hani dänkt was isch de wenn die richtig trotzphase chunt ??? Ich glaub ich wär de mit 2i chind überfordert 😒.

    Also hämmer gseit mir warted na bis sie so 3i isch und den started mer mitem 2te chind.
    Meh als 2i wänd mir eh ned und so hämmer für jedes chind die glich ziit.

    Und ich finde es au besser wenn den die Grösser chli cha hälfe und sie verstaht das das jetzt es Baby isch 🥰
Hey! Melde dich an oder registriere dich, um mitzureden.