Von LocalFamily zu BabyForum

13

Kommentare

  • Und weme dene vom baby forum schribt, das sie äs paar sache söue ändere, so das äs besser wird?
  • Also 11.- würd ich jetzt ämu Zahle.🤔 me geht so velll me Geld us für unnötigis Züg. Und so en Ustusch zwüsche de Mamis esch ja wohl Geld werd😏😀
  • Min Maa isch au Programmierer, er hät au gmeint meh muess soviel Zit investiere, do wirds den scho mol öpis choste.. Lieber s App wo scho existiert optimiere - evtl. Vorschläg do ine bringe wie @gorilla scho schriebt.
  • Auso es paar vo üs hei scho vor 2 Jahr rege Kontakt mit de Admins vo däm Forum hie gha u ganz viu „Vorschläg“ bracht. Sie zwar zur Kenntnis gnoh aber nid umgsetzt worde. Si wei nid e Kopie vom Local si. FYI 🤙🏻
  • Ja das stimmt @schildchrötlimel, mer fondet sich au nacheme zytli zrächt, jedoch isches nöd s gliche🤔Da ich vo programiere kei ahnig han, chönnti nöd das app( aso localfamily)öppert überne unds bestehende optimiere? Und erhlich ich würd au öppis zahle für es funktionierenders app, ich finds sehr wertvoll mich mit mamis usztusche und au nöd immer glicher meinig zsie
  • So simmer es vielfälltigs chlieses grüppli gsie, wär schad wänn das verlore gah würd
  • I würd wu lieber LocalFamily ha. Findes eifach vill übersichtlicher. Und i würd aso au öbis dra zahle. Bi scho sehr lang debi, wär schad wär das alles nüme. 😢
  • Bi mir goht au nüt me 😏 vermisses scho richtig
  • @Sabrina_E Hoi mini Lieb schön das au da bisch😘
  • Also am liebschte sguete alte sbeschte swissmom zrugg😍🥰😂😂😂
  • Ja @DaisySu das wäri schön🎉
  • @DaisySu ja du seisch es 🤣
  • @corina danke für de tipp, ich han scho denkt ich han mis passwort vergesse🙈 schön dass mier do eus glich chönnt ustusche. Het jo luter bekannti näme do 🙏
  • Hoffe doch sehr dases nume e Störig isch.... Wirde euch Fraue vermisse nach 6 Jahr 😪🙈
  • @DaisySu Jaaa das wäri de Obrhammer 😍👏🏻
  • ich vermisses au... s wär so schaad würdmers kommentarlos is Nirwana versänke 🥴
  • Ja aso ich hoffe au sehr das es nur irgend es problem isch wos chönd behebe🙈 chan ja nöd sii so ohni vorakündigung eifach es App abstelle. Wär mega schaad, bin au scho 4 Jahr debi und au weni nur wenigi persönlich känneglernt han, fehled eim die Fraue jetzt scho. Han immer gern mitgläse😉
  • Hiilfe.. Ich wirde wahnsinnig 😂
    Ich bi au bi LF (gsi) und ha mi jetzt vor paar täg da agmulde, will ja leider s lf nümm gaht.. Jetzt wird ich halbe wahnsinnig, will ich vo jedem Kommentar es Mail bechume.. Ha mi au scho wieder welle lösche da ine, aber cha mi ja nur abmelde und de chumi d mails glich wiiterhin über.. Ha bi de istellige bi de message de balke übere da, chum aber glich na d mails über.. Cha mi da öbber helfe??? Oder wini mis profil wieder cha lösche?
  • Wer würkli schad wenns gar nüme gah würd, han nämli mit zweine grad sehr interessanti theme ka im chat und natürli kei privati nummere zum kontakt ufneh. Ich wer uf jede fall au bereit zum was zahle, han mi immer gern ustuscht det.
  • @Tiffy Du chasches ine Einstellungen ändern. f2c62b70-5f09-11eb-92ba-5f81d5eadd1e.jpeg
  • @Mamsi Wänns bi de istellige nöd gaht schrieb doch im Admin de häts mir/eus vor ca 2j gmacht gha eifach @Admin
  • @Miette c60238a0-5f0d-11eb-92ba-5f81d5eadd1e.jpeg so gseht ja bi mir au us 🤷‍♀️ aber mails chömed glich...
  • @Tiffy Häsch evtl. die Gruppe zu Favorite igfüegt? Da hani z‘erst au gmacht und denn bi jedem Kommentar es Mail übercho. Wonis wieder us dä Favorite use tue ha isch da weg gsi mit dene Mails. Jetzt gohni halt da wo mich interessiert bi dä allgemeine Theme go sueche.
  • @ELA🦎; jaa genau das hani gmacht.. De nimmis mal use.. Danke eu vielmal 🙏🤗
  • AdminAdmin

    408

    bearbeitet 25. 01. 2021, 17:31
    Hallo alle,

    Wir haben @Tanja-Shane leider sperren müssen. Zum einen sind WhatsApp und Telegram (mal abgesehen das letzteres super unsicher ist) hier verboten und dann auch hat sie die Gruppen nur gemacht um dann nachher ihre Sachen zu verkaufen, wie sie auch hier nur Werbung macht, statt sich aktiv einzubringen.

    Aber wir freuen uns über alle die hier zu uns kommen und bauen die Software gerne, wenn es passt, auch zu euren Wünschen aus. Aber lasst es mal ein paar Tage wirken, es funktioniert mit etwas Gewöhnung sehr gut.

    Wir haben schon einmal ganz viele SwissMoms-Fans hier begrüßen dürfen und viele fanden es recht nett hier. :)

    Liebe Grüsse,
    Admin
  • i vermisses au scho... au weni öeistens nur mitgläse han. mini beschäftigung i de mittagspause isch wäg🙈😆 das do findi nöd verglichbar, will au alli überall chöne mitläse... hoffe, si behebe d problem bim lf wieder...
  • Uiii han ja e mega Sach usglöst mit mim Post hie🙈😬 Es isch eifach scho nümm z‘gliche wie LF... vermisses😔
  • Nei es isch würkli nüme sgliche. 🤦🏼‍♀️
  • Schade, dass ihr da alli müend negativ über das app schriebe. Findi gägeüber de admins da ned sehr nett. Bin zwar stilli läserin, aber das find i ned e schöni art. Ihr müend eu da ja ned ustusche, wänn ihr das ned wänd.
  • I säge nur dases nid sgliche isch. Sie isch nid schlächt. Aber ebe...🤷🏼‍♀️Mir gwöhnt sich halt schnell a öbis und wens den neu isch muessmer sich wieder neu orientiere, das isch mängisch doof.
  • Hellooooo 🙈
  • Mir tusche üs hie nid us sonder hei e Ort gsuecht womer üs wider finde 😂😂 es isch haut anders und wasme kennt duetme sich schwer z ändere. Das hie wird meistens so us überbrüggig agseh 🤔 und ja d Admins würde scho apassige vornäh aber i dänke si wei ke Kopie wo Local si
  • @Schmuusi find ich au.. 🙄🤦‍♀️
  • @Schmuusi bi dinere meinig 💪🏻
  • @Schmuusi Muen der da au recht geh🙇‍♀️
  • Ke Angst, sobaud Local wider geit gömer aui wider übere 😅
  • Gsehs genau wie du Nagalii.... Mir sind nume hie zum eusi LF-Fraue wieder zfinde. Sobald mir wieder euses gwohnte hei simer wieder weg...😁😆🤣
  • I ha kei angst 🙄 findes eifach ned fair de admins gägenüber, sowas macht mer ned. Mer muess au ned erwähne, dass s‘andere besser isch, denn fragi mi, warum ihr denn trotzdem da ine chömet, au wänn s‘andere ned lauft. I bi halt sehr e korrekti person und das isch i mine auge ned richtig. Und nei i wet niemert agriffe.
  • Wells kei angere Ort gid.... 😉 Mer daf doch ehrlich si o säge wenn eim öpis nid zue seid. De chamer sich ja na verbessere😉
  • Das derf mer uf alli fäll säge, finde eifach d‘art und wiis ned korrekt und über das app go lästere a dem ort find i ned richtig. Schriebet doch gad direkt de admins
  • Isch doch nid lästere wenn mer seid das s'App nid toll isch o unübersichtlich.... Isch eifach en Meinig.🤷‍♀️
  • So ich ha mich mal dur das App „kämpft“ und muss säge es isch gar nöd so schlecht oder unübersichtlich wie viel schriebet 😊 Ich bin frühner bi Swisamom gsi denn bi LocalFamily und während de SS hani das BabyForum na abeglade, bin aber lieber bi LF gsi will mir det de Chatverlauf passt hät und ich nöd i de Themene ha müsse go Sache sueche aber wiederum isch halt immer wieder s’gliche gfraget worde und meistens hät mer halt d’Frag gar nüm gfunde kah wenn eim dem selber Mals gliche interessiert hät 🙈. Ich find Struktur nach Themene nöd schlecht, vermiss aber d‘Ihstiegersiete mit allne Bieträg scho au wo mer eifach mal „Guete Morge“hät chönne wünsche. Evtl wär das öpis zum Ihbaue 😊
  • Es isch o ke schlächti App! Si isch guet aber eifach anders und die wo sich Local gwöhnt si finde haut die besser 🤷🏻‍♀️ itz simer chli hie und luege wies witergeit 😇🍀🌴
  • Ha scho dänkt bi mir stimmt öpis nid bi Lf😅hoffe dases gli wieder goht🙏🏼🙏🏼🙏🏼
  • AdminAdmin

    408

    bearbeitet 25. 01. 2021, 19:55
    @Blevita: Nicht ganz das was du suchst, aber hier lässt sich die Ansicht etwas anpassen um mehr über den Inhalt des Themas zu erfahren. Da klappen die Themen den Text vom ersten Post etwas aus.

    d0a0c3e0-5f3e-11eb-92ba-5f81d5eadd1e.jpeg
  • Also ich find BabyForum gut & finde es schade, dass es nicht mehr verwendet wurde! Finde es sehr übersichtlich. Schade nur, dass man häufig nur vereinzelte Antworten erhalten hat...
  • @Admin Danke für die rasche Rückmeldung 👍🏼
  • Ich finde Babyforum au guet und recht übersichtlich. Vorallem find ich cool das mer chan lese was eim gfallt. Ich han mich bi Local immer chli gnervt ab dene tuusige verchaufsposts, da chasch das aluege wenn wettsch und suscht lahsch es... und was ich au super find, isch das es azeigt wenns bimene Thema neui Kommentär git... bin halt meh im Local gsi will det au meh gloffe isch🤷🏻‍♀️
  • dörfemer den vlt. wüsse wer de admin isch? also wa füre person dehinter steckt? ☺️
    schribed ja doch viel über persönlichi sache. und wienmer gseht wirds glese vo de admins 👍🏼
  • I finges super, dass hie e @Admin u e @Admina si, wo sich um ihri User kümmere 💐. Hei scho paar Mails hin & her gschickt sitem 19i u immer prompt e Antwort becho. Chönnt sich Local e Schibe abschnide 😎

    @BIANCA.LJ Wenni mi nid tüsche üs Österrich
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum