Kinderwunsch & Fehlgeburt

Hallo zämä,

Wir haben schon lange den Kinderwunsch, hatten dan im Juni einen positiven SS Test. Anfang Juli einen Abgang.. hat jemand selbe Erfahrungen? Ich möchte mich gerne austauschen mit Menschen, die es wirklich verstehen.

Kommentare

  • Hallo TamaraNova. Tuet mir leid dass du die erfahrig ou hesch müesse mache🥺Ich han im Dezember positiv testet und im Januar hani en FG gah.
  • Ich han im sept. 2017 en positive test gmacht und im nov ischs weg gangä im november 2019 hani e gsundi und wunderbari tochter übercho! Nid ufgäh😳 und mir hets gholfä z wüsse das es cha klappä es chunt wenns ziit isch.. wenn nid denn hets müesse so sii.. au wenns de moment nid verstohsch..😢Mir hend 7 johr uf üses wunder gwartet.
  • Hallo TamaraNova
    Das tut mir unendlich leid! Nimm dir Ziit zum trure. Ich ha im April 18 positiv testet unds denn i de 6. SSW verlore. Im März 19 den wieder positiv testet und im Mai uf de Tag genau es Jahr später wieder verlore i de 12. SSW. Im Septempwr 19 positiv testet und jetzt isch oises Wunder 9 Wuche alt. Mir händ 5,5 Jahr gwartet, dank ICIS hätts klappet bim vierte Versuech 😊
  • Leider kommt es häufig vor und leider immer noch ein tabu thema.
    Es tut mir richtig leid das auch ihr diese erfahrung machen musstet.
    Ich habe zwei fehlgeburten hinter mir, doch zum glück ein gesundes kind und erneut schwanger im 5 Monat. Gibt nicht auf!
  • ich hatte 5 jahre auf unser Wunder gewartet...durch ICSI schwanger geworden. Zwillinge...in der 10. Woche MA gehabt. war das schlimmste, was mir passiert war. Hat mir den Boden unter den Füssen weggezogen. drei Monate später erneut schwanger. Mein Wunder (1 Jahr) liegt grad neben mir. Sie lässt mich alles vergessen was war. Und ich bin erneut schwanger (10. Woche)
  • nöd ufghä! sisch immer na äs tabu thema und wennt drüber redsch - was ich sehr wichtig find - merksch wie hüfig das es leider so chunnt.. han au ä fehlgeburt gha und jetzt dörfi mit mine zwei buebe 2 jährig und 5 mönät kuschle.. kopf hoch!
  • I han am Samstig mini Fehlgeburt ka in de 12 Wuche... Es isch für mi au meeega schlimm gsi... Es isch e uf und ab... Mir gebe au nit uf und hoffe dass es bald wieder klappe tuet... Es macht müed euri Erfahrig zlese...
  • Hej TamaraNova

    oh je, wie geht es dir heute?

    hatte am 30.12.19 auch eine FG (musste ich einleiten, da "missed abortion" in der 9. SSW. hab mich gefühlt wie eine Versagerin, weil ich nie jemand darüber hab reden hören. Ich fand das echt schlimm, dass dieses Thema nicht präsenter ist, vielleicht würde dies das Entsetzten mildern?! mein Frauenarzt meinte, ich solle am besten 3 Monate warten bevor wirs wieder versuchen, bin nun Anfang November dieses Jahres wieder schwanger geworden, nun in der 7. SSW aber weil ich nichts mehr spüre (alles gleich wie vor einem Jahr) , hab ich total Angst, dass wieder eine FG zum Jahreswechsel kommt. Hab darum nun ein Schweizer Forum gesucht und bin froh, bin ich gefühlt nicht mehr alleine🙏🏼
    danke an alle Frauen hier drin fürs Mitteilen!!
  • Hallo zämä, danke viu mau für eui Rückmeldige. Ig muess öich sege ds mr wider schwanger si & i de 16 SSW.
    Hei scho mehreri Sache hingerüs gha weu ds baby eh dicki nackefalti ufzeigt het , hei aber nächst wuche wieder eh kontrolle & mir hoffe ds aues gued chund. Nid ufgeh, es chund so wies muess!♥️
    lille_havfrue
  • Den hets be dir aber schnell wieder igschlage 😍
    I han Endi November en Abgang ka... I hoff dass es be mir au wieder bald klappt...
    Es wird bestimmt alles guet si.
    Druck dir ganz fest Dume 🍀
  • Hallo zusammen ich hatte 2017 eine FG probieren es immer wieder mal. Aber die panik das es wieder passiert ist algegenwärtig.
  • Hallo liebi Fraue
    Ich ha im Juli20 positiv testet u im August20 wieder verlore. D Grund isch gsi, dass mi KS-Narbe nid richtig guet vernäht isch gsi ide GM. Und ei Eileiter isch es bitzli verstopft gsi. Ha mi im Okt20 la operiere um alles wieder i.O. zbringe. U jetzt hoffi dass es bald wieder klappet.
  • @Kringel wenn het sich di Zyklus wieder ipendlet. Respektiv wenn hesch dini Täg wieder becho? 😃
  • Auso wonis verlore ha, hani ja stark blüetet u ner isch si immer wieder normal cho. Ich ha vom Arzt us 3 Mt müesse warte mit ss werde. U ner nach de Op au nomau 3 Mt warte
  • Ok i han Usschabig am 11.12 ka und wart sit den dass mini Täg chöme.. Me het mir au gseit dass es bis zu 3 Mönet chan go bis i wieder bluete tue... Starte dörf i aber scho sit Afangs Februar 😉🙂
  • @lachuli ich ha kei Usschabig gha. Mir hend d Körper selber la schaffe. Gat halt chli länger bis alles usblüetet isch, defür pendlet sich d Körper schneller wieder ih. So hets mi FA mir verzellt. U es isch würkli guet gange.

  • Ah ok... Ja e Usschabig tuet scho de ganz Zyklus durenand bringe...
    I bi immerno uf mini Bluetig am warte...
    Geduld und Ziet muess me an Körper gäh... 🥰
  • Aso i ha e usschabig ka im Okt genau 32 täg spöter wie susch au immer mini Täg wieder öber cho und sit do hanis au immer wieder regelmässig bi 31/33 täg Aber das han ich scho vorher immer ka. 😬
  • Oh schön 😍 ja be mir gohts echli länger.. Gemäss FA chas bis zu 3 Mönet cho.. I chan aber au in dere Ziet schwanger werde... Mol luege was passiere wird... 😉
  • Hey :) I woas, dass du dean Beitrag jetzt scho länger dinna hosch. Aba i mach im Moment grad genau des durch. Sogar scho zum zweiten Mol. Beides mol in da 6.SSW isches wegganga. Du kasch mia gern schrieba, i suach au kle Lüt zum mi ustauscha, Ratschläg hola etc.
    Liaba Gruass, CatMom
  • Hey CatMom
    I cha sehr mit fühle han letst johr im Okt. e FG ka aber kei komplikation ka d herztöndli hend leider nö tönt bim erste untersuech.

    Dörfi froge vowo du bisch?
  • I wohn im Rhintal in da Ostschwiz und du?
  • ah äbä has gad denkt i bi z altstätte ufgwachse wohn aber jetzt im TG 😉
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum