Baby 11 Monate ans eigene Bett gewöhnen

Hallo zäme. Wer het mier tipps das de chlii im eigete Bettli pfuset? Bis jetzt simmer erfolglos gsi. Er schreit, bisich den nah gibe...

Kommentare

  • Isch denn sis bettli i oiem zimmer nebet dim bett oder i sin eigete ganz elei..? Verstah mi ned falsch aber mir wennd doch au ned elei schlafe sondern mitem partner..oisi babys sind soo lang bi ois im buch gsi, immer a oisem herz 💗 sie bruchet no lang oisi nöchi und die sicherheit das ned elei sind..s urvertraue lahts bide meiste babys ned zue ohni mami/gsellschaft zschlafe..ev hesch mal chli ziit zum drüber z läse..usertdem veränderet sichs schlafverhalte dauernd..villicht is eifach no biz zfrüeh für ihn und spöter klappets plötzlich..mach der ned z viel druck sie werdet so schnell gross und wend nix meh vo ois wüsse😅
    snowangelMami2018vilo
  • Denke au so wie Mangoo 💞 ich has oft und viel verschiedenes versucht und es het nie klappt, ha denn schnell gemerkt er wet eifach nöd allei (und ich ha ehrlichgseit au nöd wüüükliohni ihn welle 🙈🙈) wenn er (22 mönet) mal e unruhigi Nacht hät und chli me umekickt tueni eifach zwei chüssi längst zwüsched Eus, da ich jetzt au schwanger bin.
    Schlafe tüemer beidi besser 🙈
    Aber falls unbedingt wetsch hoffi das öpert Gueti Tipps für dich het 🍀
  • Sies bett staht bi üs im zimmer. Ich merk eifach dases füf mich nime immer stimmt so. Ez ischer nid fit, ez gahts eh grad nid. Wie macheders de wenns mal uswärts schlafet? Wo schlafets den? Imne kinderbett?
  • Mier hend euse Sohn mit 6 Mönet as eigete Bettli gwöhnt im eigete Zimmer. Dete hemmer zersch d‘Mittagsschlöfli gmacht und denn de Abigschlaf. Mier hend das na mitre Zewidecki gmacht, so hemmer bim Reise öppis woner grad mitem eigete Bettli verbindet und so guet schlaft.
    Mit öppe 12 Mönet heter Schlafkrise gha und mer sind wieder länger bi ihm bliebe bim ischlafe. Nach de Krise isch denn das bliebe und damit er wieder elei het chöne ischlafe, hemmer denn es chlises Schlaftraining gmacht. Er isch en guete Schlöfer, er het nur ein Abig müäh gha und sither chaner wieder elei ischlafe und schlaft würkli guet dure. Wenns elei guet chönd ischlafe, chönds au ide Nacht wieder guet ischlafe wenns ufwached, so ischs bi ihm gsi. Aber wie gseit isch bis jetzt euses einzige Chind und en guete Schlöfer☺️Was mier eifach hend isch, dass mier beidi würkli schlecht schlafed, wenn er bi eus schlaft. Das isch darum bi eus vo afang a klar gsi, dass er sis eigete Bettli brucht und mier hend au kei Platz im
    Zimmer, hend chlini Zimmer. Mier hets ghulfe mitem andere Zimmer, da ich ab jedem nestle amel ufgwacht bin.
  • minggi schrieb: »
    Sies bett staht bi üs im zimmer. Ich merk eifach dases füf mich nime immer stimmt so. Ez ischer nid fit, ez gahts eh grad nid. Wie macheders de wenns mal uswärts schlafet? Wo schlafets den? Imne kinderbett?

    Da mini beide ca zweimal bis ez uswärts gschlafe hend und das immer bi mim mami bis ez hends dete beidi au dörfe i ihrem ehebett mit ihre schlafe und er isch is gäschtebett usgwiche😅 im sept dörfets denn s erstmal zude schwiegi wills erst denn platz hend weiss aber nonig wies sies denn macht🤷🏼‍♀️ warschindli glich😂
  • Min grosse het ab ca 6mt au im bettli i sim zimmer gschlafe gha bis de schub cho isch churz vor jährig ab denn isch fertig gsi🙈
  • Ja glaube das um jährig isch würkli e Schlafkriseziit! Vlt hilfts au das na durezstah und nachher zluege☺️
  • Ja sicher muesch halt chli abwäge mitem durestah..ich bi dazumal scho wieder schwanger gsi und bi um jedi minute schlaf froh gsi drum hani ihn denn halt zu mir is bett gnoh😅 denn hemer chöne durepfuuse🥰 und wo di chli den uf de welt gsi isch und e bi ois im zimmer gschlafe het, het er halt denn nüme wele eleige schlafe wasi au verstande han unds für mich voll ok gsi isch..wieso dörf di chli aber er ned..sicher gits nächt wo ned so toll sind aber für ois funktionierts bis ez guet so..ich denkes es isch wüki au es usprobiere und sin eigete weg finde oder kompromiss..er isch amigs au i sim bett igschlafe und ide zweite nachthelfti isch er denn zu ois überecho..ihr werdets sicher guet mache so wies für oi alli stimmt⭐️🌙
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum