Startseite› Geburt

PDA - Erfahrungen

•mom•of•a•girl••mom•of•a•girl•

4
in Geburt
Mich würde interessieren, welche Erfahrungen mit der PDA gemacht wurden. Hat die PDA gewirkt oder nicht (und warum)? Hattet ihr irgendwelche Folgeschäden?

Kommentare

  • Nalan83Nalan83

    669
    i ha emmer gseit ich will uf kei fall en PDA und en wassergeburt ha…tja…wos sowiit gsi isch hani umene PDA bettlet 🤣😅🙈….und beschti entscheidig gsi…es het sooooooo guet do …! aktuell bini in de 33ssw und wirdes definitiv weder mache, ohni PDA goht gar nüt…!
    bi mir eimol gstoche überhauptnet weh do, und es het grad gwürkt guet do…au kei folgeschäde gha oder so nacher …!
    •mom•of•a•girl•Nicole_89
  • Patricia1909Patricia1909

    1
    Ech au e PDA gha & ha au sehr gueti Erfahrige gmacht. Ha d Wehe glich no gspürt aber nöm so schmärzhaft gsi & ha so tiptop chönne metschaffe bide Gebort 😊 s Stäche esch au öberhaupt ned schlimm gsi. Aso ech cha werkli nor positiv vode PDA brechte 😊
  • SonnenblümchenSonnenblümchen

    169

    Symbol
    Ich han au eini gha aber seeeeehr schwach. Han nöd en grosse Unterschied gmerkt, han eigentlich ghofft ich chön namal choi entspanne und ev sogar schlafe will ich scho so lang wach gsi bin zu dem Ziitpunkt. Han also glich jedi Wehe na gmerkt und au super chöne presse. S‘Steche isch guet gange und ich han au kei Folgeschäde gha.
  • passonitapassonita

    48
    Eg ha ä PDA gha ber 1. Gebort. Be nach fascht 30 Stond Wehe so froh gsi dröber und ha när mau no chli chönne schlofe. Bem Presse hani när chuum Schmärze gha, ha aber guet chönne methäufe.
    Ber 2. Gebort si d Wehe no vöu heftiger gsi as ber erste; ha denn au ä PDA welle. Leider esch d Geburtsklinik übervoll gsi und d Ärzt hei kei Zyt gha um d PDA cho z legge 😩 und när wär’s luut Hebamme sowieso z spät gsi. Eg ha‘s as mega schlemm empfonde, ha die Schmärze fasch ned usghaute. Öisi Chli esch äs Stärneguckerli gsi, hei sie mer de när verzöut🙃
    Nicole_89
  • TheaThea

    4
    Ich han bi allne drü Geburte e PDA gha, und ich chans nur empfehle. De Vorteil isch au, dass wenn mer gnäht werde mues, mer kei Sprütze me brucht zur Betäubig.
    Folgeschäde gits kei - alles super.
    Ha vor 4 Wuche s dritte Chind entbunde und d Geburt isch ab de PDA wieder sehr entspannt gsi. 😊
  • GröipschiGröipschi

    148
    gueti, ha bir erschte geburt nach über 7h wehe eini verlangt. ha vom stich fasch nüd gschpürt u es het super gnützt, dasi mi ha chönne entspanne, u glich no gnue gschpürt, dasi ha chönne mithäufe. ha o keni fougeschäde.
    bir zwöite geburt het d zit nid glängt fürne pda 😅
  • fabefabe

    49
    Oh supper isch die Frag gstellt worde! Bin momentan ide 38 ssw und isch mini ersti schwangerschaft, und han so angst vo de PDA 😅🙈 ihr nemed mir grad chli t‘angst 😇Han nah wele fröge, bim steche tüends e lokali Betäubig mache (also so mitemene spray oder creme etc.) oder stecheds eifach drih? Und stecheds amigs wen e Wehe grad da isch?
  • Mimi89Mimi89

    0
    @fabe ich ha s steche kurz gmerkt,aber es isch nid schmerhaft gse. Sie steche nid während ere Wehe,das isch zgföhrlich. Sie düehn grad nachere wehe steche. Sie froge di ob jetz guet isch ubd dini hebamme seht falls es zunere wehe kunnt und stoppt denn. Du muesch de e katzebuckel mache,das hannu no müehsam gfunde mitem dicke buch😆bi mir het d pda leider nur ei site betäubt...
    fabe
  • Tanja87Tanja87

    791
    Ich hetti bi de erste Geburt au en PDA welle, hends leider nachem 5. Mal steche denn sii la🤔 es isch für mich die grösser Qual gsi, zwüsche de Wehe mit BD Manschette, Infusion, CTG Gurt, ruhig z liege und de Rügge chrümme damit sie hend "chönne stäche"

    Ha mir denn bi de 2. Geburt gseid, das wetti mier nümm a tue mit de PDA. Und es heds au würkli ned brucht. (han innerhalb vo 30 Minute nach Spitalitritt üsi Tochter i de Arme gha😅)

    Für mich isches also nüt, die PDA🤭
  • LyaaLyaa

    1
    Ich ha bi dä erschte geburt denkt jo sicher wetti eini aber ich has so ghasst dass ich mich nümme so ha chöne bewege wie ich ha welä und ha mir gschwore nie meh und bi dä nägschte geburt hani au keini meg gha und das isch die besti entscheidig gsi
  • KatrinRKatrinR

    26
    I ha au ah pda ka. Und nöd so gueti erfahrig gmacht

    S'stecha selber isch für mi dä horror gsi do sie im lige öppe 5 mol probiert hend und s'nöd gange isch, im sitze hen sies den gschafft, isch aber alles andere wie ahgnehm gsi.
    Schmerze sind den schnell weg gsi, ha d'wehe immer no gspürt au ufstoh chönne und ufs wc.
    Noch es paar stunde hät den d'wirkig no loh. Pda isch verrutscht gsi und sie hend nomol müsse stecha. Und den hens mer irgedwelche Mitel inne loh das i gar nünt meh gspürt han und vollig usergfecht gsezt gsi bin.
    I ha den au noch dä geburt ca. 4 wuche lang taubi zecha ka, sie hen sich immer kalt ahgfühlt und chrüsselat.
  • minggiminggi

    33
    Ich han ide ss minere Beleghebamme immer gseit ich wetti den gar kei schmerzmittel. Han irgendwie das eifach ohni sprütze und so welle umd vorallem hani ind wanne welle. Ich han den wirklich en wunderschöni geburt gha ohni irgendwelchi schmerzmedis. Die hets erst brucht wo d plazenta manuell het müesse glöst werde im OP. Aber all i mim umfeld wo pda gha hend hend das ohni komplikatione überstande. Alles gueti und e schööns geburtserlebniss wünschi dier🥰
  • Bibi83Bibi83

    1
    Ich ha 3 Chind, 3x KS, 3x PDA, 3x kei Problem. Weder bim legge, na bim würke und au kei „Folgeschäde“
  • MietteMiette

    531
    @Bibi83 Ich glaub du meinsch spinalanästhesie 😉. Bi plante KS mache sie meistens Spinalanästhesie. Me chan en KS aber au mit PDA mache. Isch aber meistens so, dass die denn no chli „ufgsprützt“ werde, da sie nit ganz glich wirke wie en spinalanästhesie.
    Bir spinalanästhesie wird eimalig es Medikament ine spinalkanal gsprützt, während bir PDA kontinuierlich es Medikament i de periduralrum lauft mittels pumpi. Au zsteche isch nit ganz glich. Aber bi beidne wird vorgängig e lokalanästhesie gmacht. 😉 nur grat eso zum differenziere.
    Zireael
  • birewegglibireweggli

    55
    2 mol pda, 2 mol nur uf de einte siete gwürkt, aber wörds glich weder mache und spotfolge keini
  • Bibi83Bibi83

    1
    @Miette 2x PDA, 1x Spinale.. stimmt.. ;-)
  • SchneewittliSchneewittli

    93
    I hätt di beide Ärztinne wo mir d PDA hei gleit am liebste umarmt und abknutscht, sone Erlösig isch die PDA gsi!😅Has o super erlebt, ab denn kener Schmerze meh gha, nur no dr Katheter hani gspürt🥴 U nachem KS bini superschnell wieder uf de Bei gsi, het auso aues super funktioniert u denke bi de allermeiste isches eso… Würd e nächsti Geburt sicher zersch ohni versueche, aber bi froh gits die Möglechkeit😌
    •mom•of•a•girl•JoyceLillyFee
  • JoyceJoyce

    9
    Meine Erfahrung mit PDA ist sehr gut. Nach 12h Wehen (1.Geburt) wollte ich die PDA. Das Stechen hat leider etwas gedauert, als dann aber der Oberarzt kam, hats geklappt. Ganz ehrlich: im Vergleich zu den Wehen.. ich habe das Stechen nicht als schmerzhaft empfunden. Das soll jetzt aber keine Angst vor den Wehen machen, sondern eher die Angst vor dem Stechen nehmen.
    Nach 10' hat die PDA gewirkt und es war wie der Himmel auf Erden. Von da an war alles super und die Geburt richtig toll. Auch das Schieben/Pressen war schön. Die Beine konnte ich noch tiptop bewegen, aber Schmerzen hatte ich keine. Allerdings musste ich an den Wehentropf, weil die Wehen nachgelassen haben. Ich bekam einen Knopf zum Drücken und die Medikamentengabe selbst zu steuern.
  • Eline22Eline22

    129
    Dörfi mal fröge die wo e PDA gha hend, hend ihr Geburtsverletzige gha?
  • GröipschiGröipschi

    148
    i ha ä dammschnitt gha (ohni wär sicher öpis grisse, bebe het ä chopfumfang vo 38cm gha). plus hets mer innerlech öpis grisse (äuä cervix), dasi när ä not-op ha brucht u mit dr ambulanz ines unispitau ha müesse.
    bim zwöite ohni pda hani ä dammriss gha.
  • JoyceJoyce

    9
    Zwei chlineri labieriss wo hend müese gnäht werde
  • TheaThea

    4
    Bi mir wie bide Joyce. Bi allne drü Geburte, au deht wo d PDA nöd gwürkt hät… au immer a de exakt gliche zwei Stelle 😁
  • SarahSaritaSarahSarita

    5
    Wollte ursprünglich auch alles meinen Körper regeln lassen, Wassergeburt, vielleicht ein bisschen Lachgas.. Nach 8 Stunden Wehen, davon 2 Stunden Wehensturm mit komplett verschlossenen Muttermund habe ich um die PDA gebettelt. Dann gings auch endlich einmal vorwärts. Laut Hebamme kommt es häufig vor, dass sich der Mumu nach der PDA zügiger öffnet. Hatte allerdings eine Einleitung.
    Die nächste Geburt mache ich auf jeden Fall mit PDA 🤞
  • Fabi88Fabi88

    340
    Die erst Geburt wege schlechte Herztöne und da ich üse halbi Sterngucker ha mösse drülle mit PDA zerscht nur 1 sitig gwürkt und den nomal möse nah richte lah aber ha chöne entspanne und glich super mithelfe. Bim zweite woni vor 8 wuche gebore ha heti unbedingt welle id Badwanne weni gwüsst het dasi da eh nid schaffe hetti PDA gno es Sternguckerchind mit 36 cm Chopfumfang isch recht schmerzhaft gsi. Ha bi beidne en Dammriss gha bim erste aber meh we bim zweite.
    •mom•of•a•girl•
  • JoliJoli

    11
    Ich ha nach paar Stund ide Badwanne denn au en PDA welle. S steche isch guet gange, aber es isch denn z spat gsi.. Ha d PDA zwar gha, aber sie hed nüd meh gnützt und churzi Ziit spöter isch üse Sohn da gsi.. Ha au trotz PDA en Dammriss gha.. Aber ha nie Spatfolge gha
    •mom•of•a•girl•
  • Nalan83Nalan83

    669
    vor zwei wuche hani mini zweiti entbindig gha…und weder en PDA has grad wele vo afang a, PDA isch min beschte kolleg gsi 🥰😅💪🏽….! obwohl ich en horror geburt gha ha mit not kaiserschnitt…aber was PDA abelangt alles super gange ,stäche gar net schmerzhaft gsi und het nach 20min. gwürkt…! nachfolge schäde au keini gha..
    •mom•of•a•girl•
Hey! Melde dich an oder registriere dich, um mitzureden.