Babyzimmer Ja oder Nein? 🤔

Kommentare

• AnDu88

  743

  4. 11. 2022, 16:59

  Mir hei eis gha, hamer sone uuuh huere stress gmacht mit däm… und schlussendlich nie brucht 🙈 isch meh nur es ufbewahrigs und Wickelzimmer gsi 😂 gspillt heter im Wohnzimmer i sim Spielecke und Junior het de sowieso bis 5i bi üs im Bett gschlofe. Ersch siteme Johr schloft er i sim Bett im Zimmer.
  Sini Schwöster het wäge dem no gar keis eigets Zimmer, guet wird si au nid ha solang mer i dere Wohnig si 😬 si wärde sech de wohl oder übel de e zitlang s Zimmer müesse teile. Si isch jetz 2 und schloft bi üs im Zimmer. Ihre Kleiderschrank teilt si mitem Brueder sowie d Spielsache au.
  
  I säge mol es chunnt druf a was du möchtisch, wenn der Familiebett weit und s chind bi üch söll schlofe, de bruchts das nid zwingend. E Wickeltisch wod kleider chasch dri due das längt den längstens.
  Wenn aber du möchtisch das s chind im eigene Zimmer schloft, denne bruchts das scho.

  
• Mayla

  4

  4. 11. 2022, 19:46

  Mir hend e zimmer gha, also eher leer, eifach für kleider und mit 16 mönet hemer de tochter e bett ufgstellt und sie het so freud dra gha, sie schloft sit den det drinne. Also e grosses bett, aber mit extra tüfem istieg. Spiele tüemer aber au neumet anderst.

  
• Eline22

  106

  4. 11. 2022, 20:53

  Mir hend es igrichtets zimmer gha bim erste und es isch den es halbs jahr nöd brucht worde 🙈 bis mir sie usquartiert hend. s zweite het drum keis zimmer becho, es schlaft no bi eus und bechunt erst eis wenn er uszieht bi eus. Es Baby brucht ja eigentlich nüt ussert es schlafplatz und en ecke zum wickle mit paar kleider.

  
• Miette

  529

  4. 11. 2022, 21:17

  Bi üs hets keis babyzimmer gä. Bim 1. hei mir en mini 3 Zi-Wohnig & kei Platz gha. Hett aber sehr gern es zimmer igrichtet. Han denn aber müesse merke, dass wirkli nit nötig isch. De gross isch den mit 6 mt. womer unzoge sie i sis eigend zimmer zoge. So hei wier bim 2. beschlosse, gar keis babyzimmer izrichte, erst we sie chli grösser isch. Üse wickeltisch isch im badzimmer 😉

  
• Zireael

  440

  5. 11. 2022, 19:06

  Ich han es Babyzimmer und würs wieder so mache. Es isch so schön gsi alles für die chlii uszueche🥰has gliebt ihzrichte. Jetzt isches es Abigritual alles i ihrem Zimmer abzdunkle und de Abig Tag abzschlüsse. Nacher gah ich mit ihre i mis Zimmer und den schlaft sie bie eus im Bistellbettli. Am Morge gömmer den wieder i ihres Zimmer go Wickle, wäsche churz Spiele und denn au is Wohnzimmer. Sie het all ihri Kleider und Spielsache det ine. Isch halt ihres Zimmer und so würis wieder mache🥰👍

  
• Medo

  71

  5. 11. 2022, 19:09

  Danke für die Tipps Mamis 🥰 wird au es zimmer mache aber nid extra für sie. Es wird mit unserem kleiderschrank zeme si. Uf ei sitte isch unsere Schrank. Uf de andere sitte wird ihres bettli und wickeltisch si. Wird den no e ständer hole für jäckli und so zügs🥰
• benuim

  1

  5. 11. 2022, 19:49

  im erste lebensjahr wird sowieso empfohle, dass s chind im gliche zimmer wie d eltere schlaft. mir hend au es babyzimmer gha vo afang ah aber euse sohn isch jetzt 20 mönet und schlaft immerno bi eus😊. es isch meh es wickelzimmer und ufbewahrigszimmer momentan. ich denk wenn er denn dezue bereit isch, wird er det schlafe, aber nonig jetzt.

  
• simi99

  167

  5. 11. 2022, 20:21

  Mir hend au zwei Babyzimmer sie schlafed sitem erschte Tag nach de Geburt alleige dede ihne beidi chinde und hend ihre schrank etc alles drine find das super! würs sofort nomal so mache sie schlafed au beid perfekt alleige sit tag eis für eus isch das viel wett gsi dasi ihri eigte vier wand hend

  
• Celeste

  136

  

  11. 11. 2022, 16:54

  mis erste han ich bis 1 bi ois im zimmer gha (bettli und wickeltisch), und denn es zimmerli für sie igrichtet. isch super gange! dasmal hämmer leider keis vörigs zimmer me, und teile chunt mitem teenager nöd in frag. es schlaft drum zersch mal bi ois, wickeltisch im büro, und denn luegemer witer 😊 mer würed nöchst jahr eh gern afange nacheme huus sueche, also stressts mich eigentlich nöd dass mer vorerst keis babyzimmerli händ.

  
• samyra

  31

  18. 11. 2022, 00:53

  Es isch schön s Zimmer vor dä Geburt ufzbaue und sich vorstelle wiä s Baby nacher dete schlaft. D Vorfreud isch schön 😊 aber in Würklichkeit bruchtmer das Zimmer im erschte Jahr nöt würkli. Also ich find natürli dä Kleiderschrank praktisch und dä Wickeltisch aber s Bett isch nonig brucht worde. Euse chli schlaft ime Bistellbett bi eus. Plant isch dass er nach sim einjährige Geburi i sis Zimmer wechslet aber han scho kört dass das nöt immer klappet 😀

  
• Groan

  207

  18. 11. 2022, 08:59

  Mier hends brucht zum Wickle und zum spiele, ab ca 6 Mönet het denn de Chli au dete gschlafe und sin Schrank isch det. Und ich han dete amel gstillt, vorallem ide Phasene, woner sich schnell het ablenke la oder ide Nacht woner scho dete gschlafe het. Bi eus ischs würkli brucht worde und has schön gfunde, isches für ihn igrichtet gsi und ned nane halbi Abstellchammere gsi. Aber denke das isch sehr individuell und au d‘Frag wie gross sind die andere Rüm womer het. Finde aber au, dasmers mitem ufwachse vom Chind paralell chan irichte. S‘Bettli dri, wemmer ihn denn wott drin schlafe la oder Spielsache oder so, wenns sowit sind.

  
• AnDu88

  743

  18. 11. 2022, 09:40

  @samyra 😂 jaaa ig ha vor mim erste Chind gseit nach 3 Mönet zügleter i sis Zimmer is eigene Bett, us 3 Mönet si de Schlussendlich 5 Jahr worde 😂😂

  
• Medo

  71

  18. 11. 2022, 09:51

  @AnDu88 Ish de chli immer no mit eu im zimmer? Wie ish es mit de Privatsphäre? 😂
• Medo

  71

  18. 11. 2022, 09:51

  Viele Dank für die Nachrichte und Tipps. Ich glaub ich wird au erst spöter sbettli irichte, Wickeltisch und Schrank länge im vorus. 🥰

  
• AnDu88

  743

  18. 11. 2022, 10:09

  @Medo Dr Gross isch de usem Familiebett uszoge wo üsi Chlini knapp 6 Mönet alt isch gsi… er isch denne öbbis um die 4,5 Jährig gsi. Und jo, jetz „wohnt“ die Chlini sit 2 Johr im grosse Bistellbett näbe üsem Bett. 😅
  
  Mi Maa und ig hei üsi Zit wenn d Chinder im Bett si… und zum Se* ha, het me au anderi Zimmer/Glägeheite 🤪
  Aber mi Maa und ig gniesses sehr die Chline bi üs im Bett zha, ig schlofe ruhiger und au die chlini schloft guet…de machsch d Auge uf und gsehsch die chline Fingerli, Füessli und das Ängelsgsichtli direkt nebe dir, ghörsch si schnuufe und weisch, alles isch guet ❤️ ir Nacht bechunnsch zwüschine no e Umarmig oder es kuschlet sich eifach sones chlises Mönschli fest a di häre 🥰 dr Gross chunnt jetz nümme jedi Nacht aber zwüschine chunnter am Morge glich no gärn cho kuschle oder wenn mi Maa ganz spät hei chunnt schloft er mit mir und dr Schwöster im Bett und mi Maa geit is Bett vom Gross, will er de au länger schloft am morge als mir.
  
  Und ehrlichgseit siti Mami bi hani sowieso praktisch kei privatsphäre me, cha sit 6 Johr nidemal me ellei ufs WC oder go Dusche/Bade, ha immer mi Fanclub drbi usser si schlofe grad🙈 guet jetz wärde si au älter und es besseret langsam 😮‍💨 hallelujah! 😂
  
  

  
• Medo

  71

  18. 11. 2022, 10:15

  @AnDu88 So süess wie du es beschriebe hesh🥹 Freue mi au sehr uf mis Wunderkind♥️

  
• melanieF

  13

  21. 11. 2022, 09:40

  @AnDu88. Ig würd mi mega interessiere wie dir z schlafzimmer ufbout heit mit em bett system. Üse sohn faht sech iz afa dräiä u mir hei angst das er us em bett gheit. U mir wüssä noni genau wie mer das wei plane dasmer es cha versperre.
  
  I hät der gärn privat gschribe aber findes ni use bi z wehni aktiv uf dere sitte.
  Würd mi über e rückmäudig mega fröiä. Lg
• snowangel

  860

  

  21. 11. 2022, 11:00

  Haha mir gahts haargeenau glich wie Andu88. Besser chanis nöd sege 🙏🤭
  
  Ich ha eifach min eigete zimmer und de Partner sis, aber es stimmt für eus eso sit afang ah. Und mini zwei schlafet bi mir 🥰 de chlinste im bistellbett und de grosse mit mir im Bett. Mis bett ha i eso zu de wand tah so das de grosse zwüsche wand und mir schlaft und de bistellbett graf anderi site nebet mir zum stille isches super. Er het au es eigenes Zimmer de grosse und schlaft bis 1 am morge i sim bett sit öpe 1 Monat und denn züglet er zu mir wenn er ufwacht. Aber i dem Zimmer wird me gwicklet und gspielt..
  Muess ihn leider langssm dragwöhne i sim Bett und zimmer zschlafe will die zwei chline sich gegesitig Wecket und das cha müehsam werde 🤭
  
  Aber wie Andu88 seit findis ese au mega lässig wenn auge ufmachsch und nebet dir Grad chline gsehsch schnuffe es isch echt beruhigend und du chasch schnell wieder ihschlafe. 🥰

  
• AnDu88

  743

  21. 11. 2022, 11:12

  @melanieF Hader uf dini PN zrügg gschribe Ha s Babybett ganz ade Wand a üsem Bett agränzend. Eso cha nid vill passiere.
  
  @snowangel ebe gell, jedi Familie machts andersch und schlussendlich muesses jede für sich entscheide. Es git keis richtig oder falsch. S wichtigste isch, dass jede zu sim schlaf chunnt.
  Früsch nach de Geburt vom zweite het dr Gross zwüsche Wand und Papi gschlofe und die chlini näbe mir, aber isch mit de Zit scho bitz äng worde eso, wäge dem heimer de gross de is Zimmer do und das het guet klappet. Und wie du seisch, am morge het de Gross oft die chlini extra gweckt, will er mit ihre het welle kuschle oder spiele. Er selber isch nie verwachet, si het chönne gränne und schreie… dä het gschlofe wie en Stei 😂

  
• snowangel

  860

  

  21. 11. 2022, 13:02

  Haha genauu stimmt de chline schreit amigs mega und de gross bechunt meistens nix über.. aber de grosse träumt so viel dass de chlinste verwachet 😱🤣
• minggi

  29

  21. 11. 2022, 13:49

  @melanieF das isch üs mal, passiert, de chli isch usem bett kugelet. Zum glück nid höch und ufe teppich. Fu denn ah hemer mit bettschutzgitter chli en hag gmacht gha. Mier hend ds gitterbett grad ah üsem gha und ei siite offe....