März Babys 2023 🌸🐛

Waschbär1993 · 10. 01. 2023, 21:37

Wer erwartet au im März 2023 sis chline Wunder?
Wie gotz eu sinder scho nervös bezüglich de Geburt? Hender scho alles igrichtet im Kinderzimmer und sind sowit parad?
Kliniktäsche hender au scho parad oder mol agfange Packe?
Name fürs chline händer au scho?
Freue mi uf Ustusch😊

ally · 10. 01. 2023, 23:10

Hallo
Ja ich han am 12.3 ET
Mir hend ja neumed scho e gruppe für märz mamis, deht laufts aber iwie nöd so🙈Kliniktasche noned asatzwiis packt😅Nervös ja, han mega angst vor de geburt. Ish mis 2 baby. Und name chömmer eus nöd einige😇

Waschbär1993 · 11. 01. 2023, 06:24

Ich ha am 20.3 ET usser es chunnt früehner wer weiss gell🤷🏼‍♀️Name hemmer scho simmer üs einig😅😊kliniktäsche hani mol agfange packe
Und nervosität isch bis ez no keini in sicht. Deheime isch au alles parad was me so brucht😊

Medo · 12. 01. 2023, 22:36

ET 19.03.💞

Kliniktasche noni packt machi denn endi Monat und kleider vo de chli werde au endi Monat gmacht.

Nervös sehrrrrrr!!!
Name hemer leider au nonig 🫠

Waschbär1993 · 13. 01. 2023, 07:37

@Medo Am 19.03 het min maa geburi usser üses chunnt au denn wer weiss gell😅Was gitz bi dir?
Bi üs gitz es Maitli en name hemmer au 🥰igrichtet isch sowit au alles fehlt nur no di chli.

Medo · 13. 01. 2023, 11:18

@Waschbär1993 am 16.3. ish mi geburtstag wer weiss vll chunt sie denn😂
Es meiteli.. mir hend 2 favorite näme aber schwanke sehr..

Mal so e frog nebebi.. ha mega die cellulite an de Bei becho und wasserilagerig hani au.. i hoff sehr das goht weg. Ha nonie cellulite an de bei kah🥲

Waschbär1993 · 13. 01. 2023, 11:56

@Medo Nei mir hend en name gfunde zum glück wo üs beidne gfallt😊😅wasserilagerige hani praktisch kei es bitzli schwangerschaftsstreife seb hani und zuegno hani au nöd mega viel ez wo afoch s‘chind wachst merksch das a gwicht zue gno hesch aber halt durs fruchtwasser und s‘chind…

irina11 · 13. 01. 2023, 16:13

Glückwunsch

1995 · 14. 01. 2023, 12:48

ET 13.3🥰
En Name hemer scho, aber ihgrichtet isch prsktisch nüd da mir jetzt no churzfristig umziehnd nächste Monet. Bin sehr nervös da mir jetzt alles no müend ändere und ob mir das au alles schaffet🙈🙈

Waschbär1993 · 26. 02. 2023, 20:16

Hoi wie gotz eu so?
Chönders au scho chum erwarte bis es endlich loos goht und ihr s‘chline döred i de arme halte🙊 mir chunnts vor als gotz no e ewigkeit….

ally · 27. 02. 2023, 10:19

Ja mir chönds au chuum erwarte. Es mega cools datum wär de 2.3.23😅🙈

Waschbär1993 · 27. 02. 2023, 14:08

@ally Wenn hesch denn du suss de ET?

ally · 27. 02. 2023, 14:10

Ich hetti am 12.3 termin😄

Waschbär1993 · 27. 02. 2023, 14:11

Ok ich am 20.03

Waschbär1993 · 27. 02. 2023, 14:12

Am donnstig muessi wieder id kontrolle mol luege was denn meinet denn sött me glaub no luege weg dene streptokokken und mol luege wie gross das es isch🙊🙈

Waschbär1993 · 27. 02. 2023, 14:12

Chasch du normal gebäre oder machsch en ks?

ally · 27. 02. 2023, 14:14

Ich wird normal gebäre. De abstrich hani scho gmacht. Min nögste termin wär am 10.3
Hoffe de muni nümm wahrneh😅

Waschbär1993 · 27. 02. 2023, 14:15

Ok nei i ha de abstrich nonig gha i denk de machets ez am 02.03

Medo · 28. 02. 2023, 01:34

Hello

Ich ha ET am 19.03.
Ha de Abstricz gmacht und leider positiv

Muess es eifach im Gebärsaal denn sege.
Ich chas au chum erwarte..

Waschbär1993 · 28. 02. 2023, 06:26

@Medo Chunnsch glaub öppis über wenn positiv bisch oder irgend tablette oder so?

Medo · 28. 02. 2023, 10:56

@Waschbär1993 Glaub aber im spital oder? Will Gynäkologin hät nüt gseit. Ha am 13.3. wieder en termin, falls die chli bis denn nid chunt natürlich🙈 denn wird sie mich sicher ufkläre

Waschbär1993 · 28. 02. 2023, 10:56

@MedoJo im spitol meini

Waschbär1993 · 28. 02. 2023, 10:57

Aber i glaub das isch jo nur e gfohr wenn me normal gebäre tuet wenn en ks machsch nöd muess mes denn glich au behandle?

Medo · 28. 02. 2023, 11:49

@Waschbär1993 Bi kaiserschnitt glaubi eher nid. Will de abstrich isch ya vo unte gno worde durch de Kanal wo baby dure muess. 🤷🏻‍♀️

ally · 13. 03. 2023, 10:51

So eusi chli het genau am ET 12.3. s licht vode welt erblickt. 🙈

Waschbär1993 · 13. 03. 2023, 10:54

Üsi am 05.03.23
Per Kaiserschnitt ET wär am 20.03.23 gsi

ally · 13. 03. 2023, 20:57

Ouh ich hoffe es ish alles guet bi euch🥹

Waschbär1993 · 13. 03. 2023, 21:25

@allyBi üs isch ales guet gange und sowit au alles guet🥰Bi dir au alles guet gange?

März Babys 2023 🌸🐛

Kommentare

Hey & Hallo im Forum!

Quick-Links

Kategorien

Alles zu Schwangerschaft, Geburt & Baby

Triff Mamas und Papas in:

Verpasse keine Neuigkeiten:

Entdecke unsere Aktionen: