Antibiotika Baby und Stillen

Kommentare

• Eline22

  129

  29. 09. 2023, 10:02

  Bisch de sicher dases kei sugverwirig isch dur de schoppe. I de nacht sinds meischtens so müed dases ned merked dases bruscht isch und trinked den. Wenn möchtisch witer stille würi zumere stillberaterin und regelmässig abpumpe suscht gaht d mikch schnell zrug.
• enelaa94

  145

  29. 09. 2023, 10:35

  Hmm . wür au säge Sugverwirig eifach so würets nöd dBrust ablehne. wür au zunre Stillberaterin falls no witerhik stille willsch
• Angii85

  57

  29. 09. 2023, 10:48

  Er hets scho nöd akzeptierrt bevor de shoppe is spiel cho isch
• Eline22

  129

  29. 09. 2023, 10:52

  Sit wen de? Scho immer oder erst sitem Antibiotika? Wieso muen er das neh?
  Evtl. Schmerze, zumgeband, soor de grund für d ablehnig
• Angii85

  57

  29. 09. 2023, 11:10

  Er het e bakterielli infektion und muss das neh.. und sit dem tag woners muss neh will er brust nöd de tag dure... ich has ein ganze tag durezoge ohni shoppe geh... aber irgendwie chanen ja nöd hungere lah...
  Und nei er het nüt degliche im muul, denke das hetti de arzt gseh...
  Mir mönnd abet no bis am mäntig antibiotika geh
• enelaa94

  145

  29. 09. 2023, 13:44

  @Angii85 Mer het ja 3 mal e Stillberatig zguet vode KK so viels mer isch. Wür evtl mal eini sueche
• Pallas

  3

  29. 09. 2023, 14:00

  Ich denk nöd das es e Sugverwirrig isch mit 4,5 Mönet. Ich ha aber i dem Alter au mal plötzlich müeh gha und sie het Brust nüm welle nach paar Täg hets wieder klappt.
• AnDu88

  786

  29. 09. 2023, 14:01

  Tipps wo bi üs gholfe hei bi dene Brustschimpf-Phase:
  - sitzend ufem Gymnastikball stille währenddem me fiin hüpft
  - s Baby uf de Wickelkommode stille (ich bi gstande und dr chli isch bi mir vorem buch gläge und het so trunke)
  - im dunkle stille, sitzend oder liegend
  - underem laufende Dampfabzug im Tragetuech stille
  
  Und i dene phasene isch bi üs dr tv zwüschedüre bitz meh gloffe füre grösser brüeder. Isch nur füre churze moment aber so hani mi vill besser chönne entspanne und mi ufs Bebe konzentriere.
  
  Alles gueti und gueti Besserig am chline ❤️
  
  PS: Falls es länger aduuret und/oder merksch er benimmt sich andersch, denne unbedingt mol no de Kinderarzt froge!
  
  

  
• Angii85

  57

  29. 09. 2023, 21:53

  Ville Dank eu allne
  
  Ja denke au isch meh en stillstreik.. er benimmt sich sus wie immer.
  Am sunntig chunnt eini vo de Stillberatig, de luegemer das mal ah.
  

  
• Eline22

  129

  30. 09. 2023, 10:40 bearbeitet 30. 09. 2023, 10:40

  Bi dere brustschipmfphase het bi eus nur stille im lige ghulfe. Oder chöntis sie dass das antibiotika bitter schmöckt oder so und du grad nach de gab gstillt hesch und so e verchnüpfig zu de brust endstande isch und drum abglehnt wird? Wäri jetzt no en gedanke vo mir.
• Angii85

  57

  30. 09. 2023, 13:31

  Cha ders nöd sege.. für d nase schmöckts süess.. aber denke es isch sicher gruusig und er vrrzieht au s gsicht wenners muss neh...
  Aber hanen nöd direkt denach gstillt...
  Im ligge gaht ab und zue aber nur wennner ganz fuul isch..