Erfahrung mit Clomifen

Kommentare

• Ela

  254

  12. 12. 2014, 17:16

  Schade, bini di einzig :-(
• didem1983

  167

  13. 12. 2014, 02:41

  Was isch das??
• Ela

  254

  13. 12. 2014, 11:12

  Das isch es medi wo de eisprung uslöst...
• nane90

  17

  4. 01. 2015, 18:08 bearbeitet 4. 01. 2015, 18:08

  Hallo Ela
  
  Wurde beim ersten Zyklus mit Clomifen schwanger. Baby ist nun 3 Monate alt
  ich wünsche dir viel Glück
• Ela

  254

  4. 01. 2015, 22:19

  Hei so schön het sich öper gmäldet :-) kuul hei, ich ha gad hüt de 2 zyklus mit clomi agfange.. Ich sprich emel druf a, ich hoff be dem alauf klappets
• Ela

  254

  4. 01. 2015, 23:03

  Bisch du lang dra gsi bis clomifen becho hesch?
• nane90

  17

  5. 01. 2015, 12:35

  ha vellech 2 monat d pille abgsetzt... de hanimi bir froueärztin gmäldet...ha scho lenger PCO diagnostiziert also hani grad e sprütze öbercho zum de Eisprung uslöse...s PCO schint relativ schwach zsi.. also hesch du ou eifach 1 sprötze öbercho? get gloub vo de awändig här onderschied.. be wörklech sehr öberascht gsi, be irgendwie ned devo usgange dases klappt
• Ela

  254

  5. 01. 2015, 14:20

  Ah oke nei bi mier isch alles usezoge worde, s heisst ja den imr , ja si sind ja na jung und blaaablaaa...
  Han jezt genau voremene jahr d pille abgsezt gha, und eich fasch nie mini täg becho, defür imr zwüschebluetige, bin mega verunsicheret gsi das was net stimmt met mier... Di erschte 7 mönet hets imr gheisse das da total normal isch und ebe ich seg ja na jung und seg alles in ornig, nach 8 odr 9 mönet ischs denn doch nüm soooo normal gsi fürd FA, ha denn min monschterzyklus vo fasch 100 täg met duphaston chöne abbräche, das het au klappet, abr nachr hani mini täg gliich wedr nüm becho, nach langem hin und her bini denn id kiwu überwese worde, ha denn en monet uf de termin müsse warte... Det het denn de arzt ohni untersuech au pco erwähnt, si wo de ultraschall gmacht het meint zwar eher net... Kei ahnig was gnau los isch, ich tipp uf e eirifigsstörig, was pco gnau isch weissi bis hüt net...
  Ufjedefall heter mer den clomifen als tablettene ge, 5 täg 2 tablettene, und han denn churz vorm eisprung müsse go luege obs follikel geh het, und sihe da, 1 grosse und en mittlere, und de isch au tatsächlich gumpet, das hani ja 9 täg nachm ES müsse go teschte, ich glaub das isch min erschte richtige ES gsi, das heisst ich sprich uf clomifen guet a, leidr hets be mier net bim erschte mal klappet, jezt bini ebe im 2 te versuech, negschte mentig muessi denn go luege obs follikel het!
  Ich muess gotseidank net sprütze, das muesch glaubs nur wens ei net vo sälber gumpe chan!
  
  Ui ez hani fasch es buech gschrebe!
  Hesch du eifach eimal müsse sprütze?so schön hets gad klappet ne dier, und au das so schnell ghandlet worde isch.
• nane90

  17

  6. 01. 2015, 00:42

  Ok, dönt scho bezli nach PCO, naj... das esch super wen s gumpet esch got secher nöm lang.. ou wen alles guet esch chas es zitli go bes schwanger wersch... aber so weisch uf jedefall das de eisprung gsi esch. sprütze esch ned schlimm gsi, d ärztin het das gmacht ond s esch jo nor einisch gsi, d eier si bi mir grift ond ned abgumpet.. mir hend gloub eifach wörklech mega glöck gha hets sofort klapt. Binere Bekannte hets ou par zyklene me brucht.. aber het de ou klappet hoffe werd positiv dasmou
• Ela

  254

  6. 01. 2015, 13:49

  Ah wow nur 1 mal sprütze, aha be eus isch gad umkehrt..
  
  Ja bi mega gspannt, si sind na am agklähre obi e kontrastmittelspüehlig muess mache, wett abr zersch wüsse ob die evt riifi follikel kaputt mache chan...
  
  Isch scho müehsam wens net eifach normal klappet...
  
  D hoffnig hani nani ufgeh
• nane90

  17

  6. 01. 2015, 22:49

  Jo das esch natürlech am schönschte wens eifach so klappet! naja chont scho guet, am beschte locker ahgo höt chamer vöu mache und vellecht gots plötzlech ganz schnäu! mini dume si drückt
• Ela

  254

  6. 01. 2015, 22:51

  Danke dier vill mal
• Ela

  254

  15. 01. 2015, 14:33

  Also es esch luut ärztin kei pco... Abr sie weiss au net wiso das mini eiriifig e störig het, seg alles in ornig, gelgkörperhormon und susch d hormone alles im grüene berich, muess ez mal na s insulin go teschte...
  Uf jedefall het min maa guets ergäbnis vo sine soldate, juheee... Mindischtens das isch guet...
• Ela

  254

  2. 02. 2015, 14:43

  Schwaaaaaaaaaaangeeeeeeeeeer!
  Chan clomifen wüki nur empfehle
• nane90

  17

  2. 02. 2015, 23:18

  Ooh so schön. Gratuliere!!! s fröit mi grad sehr! glg ond gniesses
• Ela

  254

  2. 02. 2015, 23:20

  Daaanke nane mega lieb
• nane90

  17

  2. 02. 2015, 23:29

  s werd e spannendi zit! För me het höt leider scho de Muetterschaftsurlaub gändet, ongloublech wie d zit lauft. Gniess d Schwangerschaft ond haut mi ufem loufende