Mai Baby’s 2020 😍❤️🍀

123468

Kommentare

  • Tja es geht. Muss liegen, damit mein Schatz noch etwas drin bleibt. Mach mir etwas Sorgen wegen der aktuellen Laage. Wahrscheinlich werde ich ja grad in der schlimmsten Zeit gebären. Die Spitäler sind im Kt Zürich bereits geschlossen für Besucher. Hat es Personal? Was wenn mein Mann krank wird oder ich genau zu dieser Zeit? Ich wünsche mir so sehr eine schöne normale Geburt. Mach mir etwas Sorgen. Wie geht ihr mit der Situation um?
  • Ich weis nume in Uster händs ide Familieabteilig zur ziit nur 5 zimmer offe wills zwenig Personal händ vo 10 zimmer. Ich hoffe bis am Mai isch lahg ächli besser.
  • ich hoffs auch dases bis im mai verbesseret. aber ich denkes chum..wird schlimmer denki...! ich wünsch mr au e normali geburt...im bedestha spital in basel..mau luege ..!!
  • Hoffe mer ds Beschte 🙏🍀.
    I merke o langsam, dass mir d Schaffe meh müeh macht. I schaffe ire Apotheke und mir hei no meh ds düe aus süsch. Zudem chunt, dass I Ja o scho Mami vore zwei jährige Tochter bi und somit ke Erholigsphasene meh ha. arbeite immer no die 50%.
    Wie geits öich so? Heit dir reduziert?
  • nei schaffe ono 80%... aber denke nüm lang, merkes scho... & di spezielli situation macht mr o chli zdänke ir schwangerschaft...
  • hey liebi mai- mamis
  • heit dir o chli sorge bezüglech corona & da bsuechsverbot(wo in DE sowit göh dass d vätere z.t. nüm i kreissaal dörfe...)
  • Jo das macht mir au mega angst
  • ja isch scho keis schöns gfühl.😥
  • Nei macht mi mega trurig chönnt immer brülle. Egal was isch gester wo lüt klatschet hent oder bi ikaufe usw. alli lüt möchet e grosse boge um eim grüsse nühme . Und jetzt noh im Gschäft Kurzarbeit macht mir alles chlie angst. Ha am Mittwoch noh min neu Vertrag unterschriebe für noch de Mutterschutz Urlaub.
  • hallo liebi bald mamis- wi geit öich so? wird langsam beschwärlech😂
  • und wieeee ich mag nümm😫...! ha fress attacke bis zum geht nicht mehr, 19kg zuegno, wasserilagerige a de füess vorallem gseh us wine elefant😆😫, schlofe chani au net guet, wache au bot uf muess ifs wc, de hani schmerze rügge schmerze mega, symphyse schmerze vorallem, im bett chani mi faschte met dreie i de nacht bim ufstoh hani mühe, kurzatmigkeit isch do 👀🙄 seli no ufzelle 😅...ich bi frog wenn mi schatz do isch gsund und munter und ich min körper wieder für mich ha...!! vorussichtlich chunts 10-14tag frühener het mr de arzt gseit gha ,also i het nüt degege ich hoffs 😅...entbindig währ normalerwis 28.5 !und wie gohts euch so ?😆
  • Mir gotz öbe glich. Ich ha momentan so fress attake uf schoggi🙈
  • ou ig o- isse soviu wi no nie u vorauem schoggi & zuuucker😱😂 D nächt si ou beschwärlech- 4-5x ufs klo, au 5min sitewechsu u sodbrönne... Heit dir ou immerno nur au 4 wuche FA termin? @Nalan83 a hand vo was cha si das säge dases früecher chunt?
  • also i bi vor 3 woche bem arzt gsi den heter ultraschall gmacht...und eifach wegem gwicht und grössi heter mr gseit es chunt vorussichtlich 10 -14 täg frühener denkt er. ha hüt weder e termin gha ctg heter gmacht, nöchtscht termin hani in 3wuche weder.
  • hm okay- ig ha ir 35ssw e termin gha u ersch 39ssw widr u no nie es ctg... dünktmi äbä chli komisch..🤷🏽‍♀️
  • Liege, liege, liege... aber hey ich ha die 36. Wuche geschafft!!💪🏻 Jetzt dörfs dänn cho...
  • ehr liebe, ech wönsche üch alles gueti, vel chraft, vorfreud und vorallem gueti gsundheit för die baldigi geburt.

    mis mai schätzi esch am 02.05.2018 ufd wält cho ond woni so de bitrag gseh han, esch mer doch grad chli wehmuet ufcho 😅🥰.

    möcheds guet 🖐🏻
  • hallo zämä- het öpper ou so extremi schmerze bide/näbde Rippi... ig has rechts u bi chli am verzwiifle... cha nur no sichtlech lige😔
  • Oh nei du armi. Auso i ha ender Unde bim Becki Schmerze. Osteopathie wär sicher guet oder Akkupunktur. Wenn hesch dr Termin? I hoffe es geit dr schnäu besser 🍀
  • osteo bini scho xi... ha iz no e termin fürd akupunktur gmacht... cha mir leidr niemer so recht sege wases isch... checke iz de nomau d leberwerte zur Sicherheit🤷🏽‍♀️ am
    7.5. isch dr Termin, vo dem her muessis evt, eifach ushaute u lige😕 Het osteo bi dir ghuuufe?
  • Ja Osteo und Akkupunktur het mir zum Glück sehr ghulfe. Wie geits öich andere? Sit dr nervös und am plange?
  • 617265c0-8a08-11ea-b014-7dc723d450af.jpegcha öper no 3 pack pampers 1 bruche?
  • ...bi langsam nervös ja... 1 wuche zum termin- U aues no zue u fest🧐
  • Das geit de plötzlich schnäu, muesch luege.
  • hoffes- mir si ready🥰🥰
  • vo mir us darfs jetzt scho chooooo mag so nümm😫😫....
  • Jo mage au nühme. Ha die nacht gfühl Clcha es got los. Schmerze sind nach ere Stund verschwunde gseh.
    Isch das normal wenn mir plötzlich so schmerze hei wie meh Täg bechunt?
  • @Würmli ha das di nacht o gha... nime ah si üebigs- odr senkwehe🥰🙏🏼
  • Wenn hend ihr de genaue ET? So komisch ich ha hüt nacht au so es zieh gspürt bi mir aber nöd ganz sicher gsi.. Min Termin isch am 28 Mai
  • @Würmlii ha das au ebe hüt i de nacht bis jetzt so sgfühl als würdi täg becho...und e druck😫...denke au sind glaub senk/üebigswehe so wie mommytobe30 seit👀...! i ha entbindigs termin eigentli 28.5 aber de arzt het gseit gha chunt vorussichtlich 10täg frühener sicher..mau luege👀, ich hoffs 🙏🏽..mag so nümm..!
  • ha 7.5. termin auso genau ihre wuche& bim letzte Arzttermin isch no aues zue und fest xi u z bebe hetsech no ni gsänkt gha- hoffe das xeht gli anders us🥰
  • Oh wow bi eu gahts glii los 😍 mal luege ich wär froh wenn mis baby erst Juni chunt 😅 han immerno hoffnig uf e lockerig und hoffe es chunt kei zweiti welle mit deri Corona krisse.. Ich denke sbaby isch eifach sicherer no i sim cocoon

  • bi üs darf dr vater mit ad geburt- dasch für mi zwichtigste🙏🏼🥰 si chöme wenn si wei, es isch mega spannend! Wet nur ni viu übere Termin, denke da wirdeni mega nervööös😱
  • Mine isch am 10.5.ET
    H
    A jetzt die ganz zyt e schwäre buch. Drückt richtig gäg abe.
  • bi eus in basel darf de vater au ad geburt und normal bsueche...für mi isch das au s‘wichtigschte..und sogar besser so..hesch kei läschtige bsuech vo anderne😄..schinz mag me gar kei bsuech empfoh nach de geburt..!
  • Im Kanton Luzern dörf de Vater au de bie sie . Bim Wochebett dörf är mich go bsuche zum glück
  • @Nalan83 das isch eso. Wo ich entbunde ha sin mini Schwiegereltere sogar 2 mol am tag cho. Bi 5 tag im spital gsse wäge Kaiserschnitt... ich wär froh chönnti jetzt gebäre,denn hät i mini rueh kha und hät mi voll und ganz um mis Kind chönne kümmere und i kenne lerne ohni dass de immer Kürbum di ume hesch.so isch es ämmel für mi gseh..bi minere nägschte Geburt dörf nur mi Maa jederzit cho. Alli andere dörfe s baby nach 2 wuche kenne lerne. Euch allne wünsch i viel Rueh,Energie und Kraft für die bevorstehendi Zit🥰🥰🥰
  • Ja ig bi o gad froh isch süsch es bsuechsverbot- de muessme gar ke usred ha weme nid mag😂👌 @Würmli de simer ja nöch binenand🥰🥰 Ufs WC muessi iz ou ständig... meh azeiche aber no ni würklech u du?
  • Ja bi mir derf de Partner nur bi de geburt debi sie..ich wär froh wenn er mich wennscho dürft bsueche und sich scho mal mitem baby verbinde.. Aber leider gaht das nid.. Ich find das so wichtig dass sbaby de Vater schmöckt und berüehrt und kennt..😊

    Und mini familie respektiert mini Entscheidige, wenni seg ich wet kei bsuech denn chömets au nöd.. Me muess lerne sini Grenze selber setze...



  • @mommytobe30Jo uf wc mussi au immer 😀 und ab und zue e steche ide Scheide🙈
  • Juhuu mir händs gschafft am 1.Mai! Livia May!😍😍😍😍 25 min. Fasch uf em Gang gebore 😬
  • wow @potztuusig gratuliere🥰😍😍😍
  • 💝 lechi Gratulation zu öire Livia May!!! Isch es dini erschti Geburt gsi? Wow mega schnell. Hoffe es isch de bi mir o so ☺️
  • gäu😂😂 heschdi speziell vorbereitet @potztuusig?
  • Nalan83Nalan83

    205

    bearbeitet 2. 05. 2020, 10:43
    gratulatioooon☺️🙏🏽🎉🎊🎈🎀 wow mega schnell...
  • Gratuliere🍀🥰
  • @potztuusig Herzliche Gratulation! ❤️😊🥰
  • Danke eui!!😍😍 Es isch mis 2. Kind. Ha ab Wuche 30 müesse liege, wäge drohender Frühgeburt. Ab Wuche 38 ha ich wieder afah bewege und nütmeh isch passiert. Wuche 39: Plötzlich us em Nüüt isch es losgange. Im Spital acho ha ich bereits Presswehe gha. Bi is Zimmer ine, ha mini Sache higschmisse und dänn nach 25 min isch sSchätzeli da gsi. Min Ma hätt’s verpasst, will er mini erschti Tochter hätt müesse uf em Parkplatz zum hüete übergeh. Wo er is Zimmer cho isch, isch sBaby scho uf de Matte gläge.
  • Ich säg eui schnäll isch scho ok. Aber es bizzeli meh Ziit zum ide Situation acho wär au no guet gsi. Ich ha nütme chöne entscheide, ha eifach müesse loslegen...
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum