Cytotec wirkt nicht - Erfahrungen?

Ich han ez min 3. Abort (8 Ssw.) und han am Mittwuch Abig 4 Tablette Cytotec vaginal gno. Will nüt passiert isch, hani hüt Mittag namal 4 Tablette gno. Bis ez isch wieder nüt passiert. Kennt das öpper? Bide letschte beide Mal isch d Bluetig innerhalb vo 3-4 Stunde da gsi. Bin verzwiiflet und möcht kei Curretage.
«1

Kommentare

  • Oh das tuet mer vo Herzä leid! 😔 ich druck dich fescht unbekannterwiis ! Ich cha leider nid viel helfe.. bi mir hend diä erste 2 Tablette do zum Glück gwirkt. Was seit dini FA / din FA .. därfsch no meh ne dävo? Ich hoffe du chunsch ume Curretage umä. Und chasch es Verarbeite .. 😔🙏🏻❤️
  • Hey, tuet mir unfassbarleid, ih weiss wie du dich fühlsch, han au 2 FG kah leider, bi mir het cytotec nid viel gholfe am schluss hani doch e curratage müesse mache.
  • Drücke dir witerhin 👍🏼
  • @Farfalla: Min Fa het mir drum namal 4 Stuck geh. Wirde am Mändig de alüte und fröge was er meint. Aber es duet sich gar nüt.. kei Bluetig, nüt.
  • @hane: hets bi dir beides mal nüt gnützt? min Fa meint ebe, dass mer hützutag nüme unbedingt Curretage wett mache, will das chan de Verklebige geh, wo de wieder Abort begünstige chönd. (bi mir vermuetets Verklebige nachem Kaiserschnitt plus Usschabig denah und drum d Fehlgeburte).
  • Jaa genau, bi mir jetzt ebe au, han vor 1 monet entbunde i de 18 ssw leider hets herzli nüme gschlage kah, und ha jetzt immer no e Koagel dine woni muess leider usschabig mache, ds het ebe au mit Kaiserschnitt ztue, het mini FA au gseit, kei ahnig, ufjedefall nützt cytotec au nüme bi mir…
  • @hane: oje, das duet mir sehr leid! viil kraft dir und dass gli alles dusse isch 🙏🏻❤️
  • hanehane

    111

    bearbeitet 26. 02. 2022, 15:30
    Jaa danke, dir au, hesch du dene 2 FG e usschabig kah oder hesch alles mit cytotec probiert? ❤️❤️
  • @hane: bide 1. isch nöd alles use mit cytotec und han denn no e usschabig gha, bim 2. isch alles use mit cytotec und ez bim 3. duet sich gar nüt. häsch du demfall au scho es chind und en kaiserschnitt gha?
    enelaa94
  • hanehane

    111

    bearbeitet 26. 02. 2022, 19:32
    Jaa genau 1. Kind Kasierschnitt
  • @hane: was säget bi dir de d ärzt? dass die fehlgeburte wegem kaiserschnitt chönd sii? bi mir hends ebe gmerkt, dass ich verklebige han und die hends welle löse.. bin de aber vor de op schwanger worde. ich hoffe, das isch de grund für d fehlgeburte. wirde ez de de igriff mache lah und hoffe, dasses denn guet chunnt.
  • Also cha mir irgendwie nid vorstelle, dass es wege kaiserschnitt isch, kenne so viel die hend 3 kinder mit kaiserschnitt kah und nie probleme, denke eher weniger, also hesch du mal e grossi kontrolle gmacht bzw, bluet abgno gluegt wege Gerinnungsstörige u so sache..?

    Het dini FA das mal erwähnt kah?
    jayfy0413
  • @Bindli hoi liebs, das tutmer leid z ghöre. fühle mit dir, ich han jetzt au grad e FG. ich han letschte samstig 1 tablette mifegyne übercho (eig abtriebigspille - dass sich alles sött löse) und denn 48h spöter also am mäntig am morge 2x 200mg Cytotec oral und am Namittag namal 2x200mg oral.
    ich hans au vaginal welle (anschienend weniger Nebewirkige) und mini FA het aber gseit oral wirks besser.
    bi mir hets nachere halb stund scho agfange mit chli übelkeit und durchfall und nach max. 1.5h hani denn chrämpf gha und di erst bluetig het igsetzt. Drum vlt chasches probiere oral izneh?
    am fritig hani di erst ultraschall kontrolle gha und es gseht eig guet us, fast alles dusse nur no 1 bluetkoagel steckt no fest. drum hani jetzt grad namal 1x200mg gno, ez mal luege ob de letscht no usechunt 🙌 wünschder alles alles Gueti 🤗
  • @hane: muess villicht no erwähne, dassi en Not-Kaiserschnitt gha han und sie hend müesse Plazenta usechratze und ich han sehr viil Bluet verlore.. ich han e Vollnarkose gha, wills um mis Überläbe gange isch. Drum denki, dass sie so schnell gmacht hend und drum villicht nöd alles suuber gmacht hend.. bin inere Kiwu-Klinik, da ich ez 3 Abort und au scho öppe 3 Biochemischi SS gha han (das au erscht sitem Kaiserschnitt). Sie hend suscht alles scho teschtet..
  • @Lauraannah: duet mir au leid weg dinere FG. Ich han bide letschte 2 mal au zerscht Mifegyne becho. Und glaub au einisch müese oral neh. Ich lüte morn mim Fa ah und duen luege was er meint.. isch eifach belastend, dasses immer no i mir ine isch und dezue ane düend mir Brüscht immer no mega weh und sind prall.. ich han ebe nach de vaginale Innah au mega Durchfall und Schüttelfrost becho.. und mit 8 Tablette sött sich doch scho öppis due.
  • Ouhhh jaa, da isch dini gschicht biz anders @Bindli tuet mir mega leid für di würklich..
  • Hey @Bindli hesch dire FA ahglühte? Het sie öpis gseit weg de cytotec?
  • @hane: ja, es isch es mega züüg. Sie wend mir die Myfegine (woni suscht amigs gha han) eifach nöd geh und Cytotec wends mir au nüme geh. Sie wend e Curettage mache, aber ich wett nöd. Min Fa het selber gseit, e Curettage chan de wieder e Fehlgeburt begünstige binere nägschte Ss. Ez hani hüt namal es Gspröch und de muessi halt mache was sie säget. Wenn häsch du dini Usschabig?
  • hanehane

    111

    bearbeitet 1. 03. 2022, 11:09
    Also da glaubi eher weniger, das me wieder bim nöchste 🤰🏻 Wieder e FG het, das hani vo mire FA nie khört.
    Ich hans gester gmacht ha nüme chöne warte ehrlich gseit. Hans hinter mir welle ha. Ha meg viel no reste kah het mi mega gwunderet…
  • @hane: aso ich chume nüme um e Curettage ume. Sie het mir ez aber gseit, es seget eher d Usschabige nach de Geburt s Problem wege de Fehlgeburte nacher. Und ich han ja nach de Geburt e Usschabig gha. Das wür au Sinn mache. Und isch alles guet gange? Ich wetts au endli hinder mir ha.. han sie am
    fritig. und wie gatz dir psychisch?
  • Jaa alles tip top gsi imfall. Mega schnell gange alles 👍🏼 Bin nach 2h wieder hei gange. Psychisch geits mir guet.

    Ja chunt scho gued nur positiv denke. Ja ih weiss au nid jede seit öpis anders weg de FG obs würkli wege usschabig isch, also wens nid anders geit mit de tabllette de gits ja ke anderi lösig… ussert e usschabig zmache, ih meine die Ärzt mache das Routineihgriff fast jede Tag, hend sie mit so sache ztue, ha no nie khört, das es ah dem liegt…
  • Hey @Bindli wie geits dir so?
    Bisch nervös wege morn?
  • @hane: mir gatz guet. han hüt s gspröch gha und “freu” mich druf, wenns endli dusse isch.. nervös bini nöd. han mich au psychisch wieder zimli guet gfange. nach de nägschte periode wirdi die nägscht operation ha, de düends verklebige löse.. muesch mal
    asherman-syndrom google, wahrschindli hani e liechti form devo.. häsch du die 2 fehlgeburte au ez nach de geburt vo dim chind gha?
  • Ah super, freut mi?und hesches hinter dir? Isch alles guet gloffe? @Bindli

    Jaa genau..
  • @hane: ich has guet überstande. hüt morge hets uf eimal ah blüete, isch aber leider nöd usecho. hend denn glich d op welle mache und hend zum glück praktisch nur müesse suuge und wenig chratze. bin froh, hanis endli überstande 🙏🏻was meint denn din fa, dass e 2 abort gha häsch? machets abklärige?
  • Jaa sie mache abklärige muess de endi april bluet go abneh viel, ah das freut mi super, hesch den jetz no blüetige? Hend sie gseit kah wie lang das de nach de op hesh?@Bindli
  • @hane: es blüetet ez no bitz, aber han kei schmerze. sie hend gseit es sött ez immer weniger blüete. wie isches bi dir?
    bi mir hends au alles durecheckt und au spermiogramm gmacht und de isch ebe no gebärmuetterspiegelig agstande, die hends nöd richtig chönne mache, wege de verklebige und de hetti en op-termin gha und bin de “blöderwies” gad schwanger worde. nägscht munet wird das gmacht und erhoffe mir viil devo, will suscht alles guet isch.. würd a dinere stell au uf das bestah. bin ja siteme halbe jahr inere kiwu-klinik (wege de abort) und die erscht kiwu-klinik het mir hormon welle geh und nie gross abklärt. ez bini ame andere ort und die machets super und dete gatz endli vorwärts.
  • Ah super, ih ha au ke schmerze kah und blüetige sind weniger worde fast nix nur no chlei bim abwüsche, also wie hend sie die verklebige gseh bi dir im ultraschall oder wie?
  • @hane: ich blüete ez scho praktisch nüme. bin sehr zfriide isches so gange.
    sie hend welle e gebärmuetterspiegelig ohni narkose mache mit biopsie (ghört bi dere kiwu-klinik zude abklärige dezue). de isch er mit dem grät nöd id gebärmuetter cho und het gmerkt, dass alles verwachse isch, was en grund für fehlgeburte chan sii. Ez machets das operativ alles weg plus biopsie, dete chönds gse, öb ich e chronischi entzündig vode gebärmuetter han, was au wieder zu fehlgeburte chan füehre. Das gsends im Ultraschall nöd. Bisch de du au inere Kiwu-Klinik eze?
  • Ech ha 4 verlore ond bim letscht mou mösse go uschratze wells vo jedem abort räschte gha hed, vell glöck🙏
  • Also wie jedesmau reste geh het? @buendu Hesch du demfall 3 mau mit tablette probiert und de letzt mit uschratzig? Und dört hend sie gseh das no reste kah hesh vo de anderne fehlgeburte?
  • @Bindli Nei bini nid imfau, mache zerst mau bluet untersuechige was da mau chunt, ah super das nüme blüetisch, hoffes chunt aues guet bi dir mit nächst OP, drucke dir dume 👍🏼
  • @Lauraannah Hey, und bi dir isch dr blutkoagel weg gange?
  • @hane hey, ja bin am Mittwuch ide Kontrolle gsi und gseht alles guet us. muss uf all fäll kei usschabig mache🙏 Bini sehr froh. han eifach immer no bluetige. hoffe das find au bald mal es endi :-) wie gahts dir?
    Ramona92
  • Ah super, das freut mi🙌🏼 mir geits guet han am mändig ja usschabig kah, alles guet gange zum Glück. Han mega viel no Reste kah leider… aber jetzt isch aues guet.
  • freut mich z ghöre dass bi dir au alles guet gange isch 🙏♥️
    jetzt wieder füreluege & wiiter gahts 🤗🤗
  • @hane ech ha be allne 4 mösse med tablette, 2 mou sogar en zweute alauf med tablette, noch 3 fehlgeborte werd mer jo afe ontersuecht, be den wärend de ontersuechige schwanger worde ond weder verlore,si hend den selber gmeint das med dene tablette nie suuber weg esch ond hend das ganze mol welle rechtig usechratze ond reinige ond ez beni i de 32ssw
  • ich blüete sit geschter abig wieder meh.. han geschter chli viil gmacht und han s gfühl sött mich meh schone. bin au sehr sehr müed 😌
  • Ouh jaa würd imfall nix mache, han 1 wuche lang nüt gmacht han mi nur gschont, blüete darfsch ja chlei eifach nid stärker als dmens darf nid sie.
  • Bisch tee am trinke @Bindli
  • @hane: ich han mich hüt sehr gschont.. am morge isches besser gsi mit blüete und ez gege de abig wieder meh. ich bin ebe au suscht no am chränkle und die op het mich gad chli mitgno.. körperlich und psychisch! wie gatz dir psychisch? wie alt isch dis 1. chind? ja, trinke ez himbeerblättertee und nimme no en spagyrik-spray. hani nach de letschte curettage scho gmacht und han denn d mens pünktlich becho. nimmsch du au öppis?
  • Mine isch 3 worde und wie alt isch dis kind?
    Ah scho, ih nime nix imfau, han letzt mau au nix gno und mini mens isch pünktlech cho, was isch das für ne spray? @Bindli
  • Also hend sie dir das im spital gseit was de söllsch neh oder hesch du eifach welle?
  • @hane: mini wird im juni 3.. und langsam fangts mich ah stresse wegem altersabstand. häsch das au? het 3.5 jahr gad perfekt gfunde..
    nei, im spital hend sie mir nüt empfohle. nimme en spagyrik spray wo rubus idaeus heisst.. hoffe sehr, dass mini periode pünktlich chunnt und denn die ander op hinder mich chan bringe.
  • Jaa voll ich weiss, ich füehle di, wär gad perfekt gsi ja, aha so okey, hesch no blüetige? Ih ha jetzt brune usfluss, endlech verbi, wot nur das mini mens chunt, han letzt mal nach 2 e halb wuche scho dmens becho nach usschabig, hoffes dasmal au.
  • @hane: d bluetige sind endli chli weniger, aber immer no ume. das wer ja super, wenn d mens so schnell chunnt. wenn dörfet ihr wieder afange hibble?
  • Hend sie dir gseit ka nach wie viel wuche wiedrr nachkontrolle sie nach usschabig?

    Ja sobald mens wieder chunt imfall mach 3 zyklus. Und ihr?
  • @hane: ich muess inere wuche id kontrolle.. und du?
    ich muess nach de nägschte mens no die nägscht op mache und de dörfet mir wahrschindli wieder afange.. aso ich rechne ez mit 2 mens abwarte. han eifach sooo angscht, dasses wieder passiert. wie gasch du demit um? häsch ja dis baby zimli spat verlore 😢
  • Ich lühte hüt mini FA ah, wenn ich söll cho, jaa ebe weg dem hani au chlei angst will ih halt so spät verlore ha, aber denke nid das ich wieder will schwanger werde, lah mir zit :)
  • Hey wie geits dir @Bindli
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum