Schwanger werden

allyally

210

bearbeitet 12. 04. 2022, 20:19 in Schwangerschaft
Was könnt ihr empfehlen, das man schneller oder einfach besser schwanger wird?

Folsäure, magnesium, sport etc.

Was sind so eure tipps?

Kommentare

  • Ich bi vor paar mönet au in diner Situation gsi und ha angst gha es klappt nid. Ha denn nachm gspröch mit mim Arzt müesse igseh, das es nid schneller goht, wenn me sich Druck macht. Sondern das me d Natur eifach mues mache loh und chli Geduld ha. Nachdem mir mini Ärztin das gseit het und mir uns dr Druck gno hend, hets im neggste Zyklus klappt.

    Ich ha scho vor dr Schwangerschaft Folsäure gno und mir s Flo App abe glade.

    Viel Glück für euch - mir hoffe es klappt bald und ihr hend denn eures Wunder in de Händ :)
  • Hallo @ally . Da isch wohrschinli bi jedem andersch 🙈. I ha scho ghört himbeerblättertee bis zum eisprung und noher frauemantelkrauttee.. 🤷‍♀️ da mit sport würi nöd übertriebe, dass de körper scho gstresst isch, vorallem wasmer nöd gwöhnt isch, den eher go spaziere. Wünsch eu viel erfolg 😊🍀
  • also i hans mol scho recht hilfrich gfunde sin körper und de Zyklus zkenne. so hani aigentlich immer gwüsst wen öbe mini fruchtbare täg sind. den wasi wichtig find idch nöd nu den zherzle. und an de fruchtbaretäg nöd ständig herzle. wualität vo de soermie lot no wen meh ständig den hetzlet. qualität isch am beste wen me all 2-3 täg herzlet. zudem het mini FA mir grote mol vegan zernäre. i han sbr vorallem uf Fleisch verzichtet. bi den Schwanger worde. öbs de grund gsi isch…kai ahnig. und zlest empfeli Temperatur messe. den waisch öb au würkli en ES ka hesch. i han hochdosiert Folsüri gno Vitamin C/E und D
  • i vlaube en trik i dem sinn gets ned. mi frauearzt het gmeint 1 johr seg so bez "normal" aber jo wenn me de wonsch het esches extrem lang. besch uf jedefall ned alleige, mer ond vell andere gohts au so
  • Bim erste baby ish es ebe grad „passiert“.
    Also mir hend eig no keis kind welle, denn hemmer nöd ufpasst, und zack schwanger. Bin 19i gsi😅
    Und jetzt wennd mir s 2 und es will nöd klappe😅😃 und zum glück weiss i schomal wenn min es ish und wenn mini fruchtbare tag🙊
  • Mini fraueärztin het ihri patientine amigs zwei wuche ide ferie gachickt mitem partner☺️ det hesch kei stress und gherzlet wird ja sowieso meh als dihei so zwunge😜
  • Ich bin erst schwanger worde, wenni de ES nimme trackt ha kah.
    Wieder mal richtig bi go fäste und nüm dra denkt han und denn is diräkt gange.
    Und min FA het z gliche gseiht Temepratur und Ovu Test bewürke vilfach z gägeteil :)
  • Ich bi leider erstnach 2 Jahr schwanger worde und ha dank em Tempi messe und Ovus gmerkt das öbbis i mim Zyklus nöd stimmt. Bin den nach ca6Mönet zum FA die het nüt gfunde, denn nach 1Jahr zum Spezialist de het e Gelbkörperschwächi festgstellt. Mir hend au immer all gseit la die nöd stresse was mi meh gstresst het oder ich söll ufhöre schaffe etc🤣 Jetzt weissi au weni 1 Jahr id Ferie gange wär Tee bis as endi trunke het,hets au nöd klappt. Jetzt bini 32ssw mit Künstlich Befruchtig🥳
  • dörf i froge was de ufgrund vo de ovus und tempi messe gmerkt hesch? @zireael
  • Also ich wurde nach 2.5 jahren erst schwanger als ich mich auf nichts mehr konzentriert habe sondern normal gelebt habe ohne an ss zu denken🙈
    Mamelo
  • @Mamelo Nachdem mir de ES azeigt worde isch hani ca 8-11Täg später Mens übercho. Lut Zyklusmonitoring hani zwar en korrekte Eisprung gha aber sProgesteron isch i de zweite Zyklushälfti zkurz gsi. Da hetti laaanglang chöne umepröble. Isch sicher e usnahm. I de Kiwu hani natürlich au extreme stress gha mit all Termine etc. Bi aber trotz dem stress schwanger worde☺️
  • @Zireael: hetti dir Utrogestan ällei denn nöd glanget?
  • @Bindli Ich han zesrt 1x200mg gha das isch zwenig gsi, denn Prolutegt Progesteron Sprütze aber ha jedesmal Bluetige gha. Den hemmer uf 3x200mg gwechslet höchstdosis den isches blibe.
    Schlussentlich isch Gelbkörperschwächi es azeiche gsi en ander Grund hends nöd gfunde🤷‍♀️ Nur IUI und GVNP hets nöd klappt trotz Utro. Ha den au nüm welle länge umepröble evtl hetti au eifach länger Ziit brucht.
  • @Zireael: ich han ebe au trotz Utrogestan no Bluetige am Afang vode Ss. Han ez die 2. Fehlgeburt gha mit dene Bluetige. Demfall chas sii, dass mer mit Gelbkörperschwächi schwanger wird und de früeh wieder verlürt? Wie hends das bi dir gmerkt?
  • Bi mir isches zwar e Missed Abortion gsi zweimal.. und han glese, dasses denn nöd mitere Gelbkörperschwächi zämehangt. Ich han nur immer Bluetige, ab Eisprung bis ca. de Ss-Test positiv isch.. und das trotz Utrogestan.
    Lauraannah
  • @Bindli Ja es isch am schluss mega schwer zum säge a was es glege isch😔 Min Arzt het gmeint das es eher en Gendefekt bim Embryo gsi isch, ich bin halt det au scho 35/36 gsi.

    Aber ja wen die 2 ZH zu churz isch, chas guet si das mers immer wieder verlührt. Mini FA hets nöd gmerkt sie het churz abem ES Bluet gno det isch den de Progesteronwert super gsi. Erst bim Spetziallist hens mehrmals Bluet gno und det isches den usecho. Ha am 16ZT ES gha und 8Täg später Mens.

    Hends dir den e erklährig geh warum du Bluetige hesch ab ES? oder evtl müesstisch au meh Utro neh? Wür das susch mal bimene Sperzialist/Kiwu abklähre la. Für mich sind all die Abgäng und das ungwüsse ganz schlimm gsi. Aber i de Kiwu hani mi serstmal verstande gfühlt.
  • Ha den bis i di 13ssw Utrogestan gno und Asperin für Plazenta durchbluetig und hochdosierts Magnesium vom Arzt.
  • @Zireael: ich bin inere Kiwu-Klinik. Han am Dunnschtig e Op gha, will mini Gebärmutter Verklebige gha het und das chan au zu Fehlgeburte füehre. Han aber au ab Eisprung Bluetige und das hends nanig abklärt, eifach de normal Hormonstatus gmacht und de isch guet. Und ja die 2. Zyklushälfti isch ohni Utrogestan nur 10 Täg. Ich wirdes erscht namal wiiter versueche, wenn ich en Grund han. Ich han Panik devo, dasses wieder passiert. Mir het e Ärztin inere andere Kiwu-Klinik gseit, dass mini Follikelrifig villicht schlecht isch isch und ich Hormon bruche ide 1. Zyklushälfti. Aber es sind halt so Ussage, „es chan siii“.. ich wett wükli Gründ ghöre.
    Aber wasi nöd verstah.. du häsch e GKS und de klappets mitere künstliche Befruchtig? Warum das? Mit Hormon ide 1. Zyklushälfti häsches denn au scho probiert gha?
    Ich han mis Chind vor 2.5 Jahr ohni Problem im 3. Zyklus becho.. aso au zerscht e Abort (Windei).. und ez so es Theater, ich verstahs eifach nöd 😢
  • @Bindli Also mir isch erklärt worde das meistens binere GKS au e Follikel rifigsstörig isch i de 1ZH. Heisst min Follikel isch zlangsam grift und zfrüeh gsprunge.

    Ich han so ca 6 Mönet probiert mit 1ZH Menopur (LH/FSh) und den mint Ovitrelle usglöst. 3xGVNP und 3xIUI.

    Bi de Künstliche Befruchtig hani 21 Folikel gha 14 Befruchtige und ca 8 hends zum Embryo gschaft. 21Follikel wäred ja ca 2 Jahr i eim Zyklus wen mer 1 Follikel pro Monat het.

    Sproblem isch das dir niemert cha sege ob dini Eizelle guet sind oder was falsch gaht bi de Verschmelzig.. Gen defekt unriffi Eizelle etc, das gsesch erst bi de Künstlichebefruchtig. De Gendefekt vom Embryo därf mer erst lut Gesetz nach 3 FG untersueche was aber nur bi de Künstlichebefruchtig gat.

    Ich ha au eifach die Ziit nüm gha mit 36 längerwelle zwarte, jetzt hani na Eizelle ihfrohre und ha na Ziit fürs 2 te chind. Für mich isches eifach de eifacher unbelastendiri Weg gsi. Eifach zwüsse das schomal klappe chan. Au i de Kiwu hends halt nanig alli möglichkeite zum sege warum es nöd klappt wen Spermie, Eileiter AHMwert etc alles guet sind.
  • @Bindli Aber e Eileterverkäbig wen die glöst worde isch isch das ja scho recht es guets Zeiche☺️
  • @Zireael: merci für dini Infos.. das ghöri ez s erscht Mal. Ich han immer gmeint, wenn s Ei schön wachst, denn isch alles guet.. demfall isch das nöd so. Sie seget mir zwar, ich heg gueti Chance zum es zweits becho.. aber ich bin langsam au ungeduldig und mini Nerve machet nümr so mit.
    Ich han kei verklebti Eileiter gha.. ich han Verklebige/Verwachsige ide Gebärmutter gha. Bi minere Geburt hends d Plazenta müesse usschabe und dur das sind wahrschindli die Verklebige entstande. Ich wirde au immer zimli schnell schwanger.. scho öppe 5 biochemischi Schwangerschafte gha und zuesätzlich 3 Abort. Häsch denn du d Abort nach de künstliche Befruchtig gha? Und 14 Befruchtige häsch gha? Wo häsch du das alles gmacht?
  • @Bindli ich han au erst det erfahre das nöd jede Follikel e eizelle drin het. Eizelle gsesch du nöd im US mer gseht nur de Follike. Also en LH astieg oder Positive Ovu seit zwar öbbis pber de Folikel us aber nöd obs Ei im Folikel het oder nöd.

    Ja mir isch das au so ergange mit ungeduld und Nerve. Drum hetti das gar müme so witer mache welle, aber min Traum nie welle ufgeh. Und nacher de Transfer isch echt es Kinderspiel da weisch sehr schnell obs klappt oder nöd.

    Ja genau 14 Befruchtige und davo sind 8 is Endstadium Blastozyste cho und die sind den igfrohre worde. De dritti Kryotransfer het den klappt 2 davo sind au Biochemisch gsi.
  • @Zireael e spannendi unterhaltig zum mitlese. ich bin eher neu i dere materie. ich han ez di letschte 3-4 täg ovu vo clearblue gmacht, di letschte 2 täg sogar morge und abig aber immer negativ. hüt bim FA US isch de follikel bi 23mm gsi (ZT14), aber müüüsst ez denn platze (Eisprung). chan mir öpert erkläre warum denn de ovu immer negativ isch? ich chum nöd so drus 😉 gherzlet hemer trotzdem und hoffnig dasses klappt hani au😊
    mari91Zireael
  • so gnau weissi da au ned aber wenn jo de eisprung nonig gsi esch esches jo korrekt das de ovu nonig azeigt het. cha jo theoretisch si das er morn morge azeigt ond 24h spoter esch di eisprung.
    uf all fäll wönsch i der gaaaanz vell glöck!
  • @Mamelo danke für d antwort, jo hesch recht, viellicht bin ich eifach zungeduldig🙈 es stoht ebe zeigt die 2 fruchtbaren tage an. und de follikel hüt gem FA isch aig so guet wie ready dasser chönt platze (falls en ES statt findet)
    letscht monet hani ebe keine gha, drum machimer gad chli zviel Gedanke 😅
    das eibläsli/follikel vom letschte monet höcklet ebe immerna um de linki eileiter. aber gem FA sött de de jetztig ES nöd störe, de chunt au links. es muss eifach platze und bi 23mm sötts ja ez denn losgah. und dur das, dass immerno negativ isch de ovu, hani schiss dasses de monet au nöd platzt.
    aber ich han natürlich das vergesse d FA fröge bim termin 🙈🙈
  • mega spannend das da so ge au dördsch aluege bem frauearzt! mine esch do leider ned so kooperativ de loht mi no bez warte...
    i hoffe fescht för di das de ovu morn positiv azeigt
  • @Lauraannah: ich han letschti au Ovus gmacht wo all negativ gsi sind.. de Fa het mir denn de Eisprung bestätigt. Drum wirdi kei meh mache 😅
  • scho komisch@lauraannah het de Fa de en erklärig deför gha? eifach verpasst?
  • @Bindli jo das hani ebe au scho vermehrt glese und ghört 🙈 bi mir hends im dezember ebe 2 mal positiv azeigt und bin denn au würklich schwanger worde nach eim zyklus. drum hets mich ez so verunsicheret warums immer negativ azeigt 😅 ich machs ez aber na fertig und probiers di negste zwei täg na obs doch mal na azeigt 😉@Mamelo ja es chan si dass min hormonhushalt no durenand isch. es isch ez min 1. zyklus noch de fehlgeburt ende februar. drum hoffi fest, dassi de monet ez nach de 1. richtige mens wieder en ES han🙌 und dass schnell wieder klappt♥️
  • @Zireael: han hüt no mite Kiwu gredet. Gelbkörperschwäche duet mer nüme teschte, wills anschinend nöd ussagekräftig seg. Wenn mer e Gks het, denn müess mer ide 1. Zyklushälfti öppis mache.. ich mach ez das und hoffe, dassi scho de kommendi Zyklus chan afange. Häsch du de oft Kontrolle gha mite Hormon neh?
  • toi toi toi.
    i werde au wiiterhin, zumindest i dem zyklus, temoeratur messe ond ovus mache
  • @Lauraannah mach dir kei grossi Gedanke. Ich han wüki am gliche Tag teschtet wie de Fa teschtet het und ich han 100% denn de Eisprung gha, bin denn au schwanger worde. Isches dini 1. Fehlgeburt gsi? Druck dir au d Dumme, dasses schnell wieder klappet 🙏🏻❤️
  • @Bindli Mini FA het mier genau zglichi verzellt. Sie het gmeint, me tue eifach luege, dass die 1. helfti vom zyklus „gipuscht“ wird.
  • @Mamelo hanmer au überleit tempi messe aber es git so günstigi und mega türi. Aber was isch de unterschied?
    @Bindli jo isch mini ersti FG und au mini ersti ss gsi. missed abort ide 8ssw. danke für di nette wort, ich probier positiv zdenke 😊 chan denn i 2 wuche am strand teste obs klappt het🏝
  • also es git vom ergebnis her kai unterschied öb tür oder günstig bim messe. theoretisch chasch en normale termometer neh und jede morge vorem ufstoh messe und dini tempi kurve imne app tracke. dezue no din zervixschleim beobachte und den hesch scho en guete überblick über din zyklus. vorallem wen tempi stiegt nochem ES hesch klar de indiz das en ES ka hesch. i han lang tempi gmesse und so es guets körpergfühl übercho. betreffen FG chani dir nofühle. i han 2 ka abr han das wunder nomel törfe erlebe
    ally
  • @Lauraannah
    weisses ned. get secher dettig wo no automatisch uf en app oder so öberträge. i ha en stinknormale för um die 20.--. ond misse oral.
    muess säge am afang het mi recht gstresst met dem messe. de ovus stresse mi null aber d tempi scho recht. mettlerwile sägi mer alles was es brucht esch es ei wo befruchtet werd ond dem esch da zemli glich, ob, wenn, was und wie i messe teste oder wa au emmer.
    i hoffe so fest das es ischloht🙏

  • danke eu vielmal 👍😊
  • @Lauraannah Nach minere 1. Fehlgeburt isch mis Chind entstande.. das hend ganz viil. Bim nächschte Mal chunnts bestimmt guet 🙏🏻
    Lauraannah
  • @Bindl ja also GKS allei isches ebe meistens nöd es isch meistens e Follikelriefigstörig i de 1 ZH so hends mer das au erklährt. Darum hani im 1ZH müese Hormonsprütze und den mit Ovitrelle uslöse.
    Meistens isches so abgloffe
    ZT3 kontrolle Medikamente besprechig
    ZT10 Follikel TV grössi bestimme
    Evtl hends der den gseit wen Uslöse
    Also öbbe 3x hani müesse ga für IUI oder GVNP
    Bi de Icsi isches öbbe ähnlich viellicht 1 Termin meh
  • 0b39bac0-ba9c-11ec-9ee0-dfa2cce69d48.jpegIch han da susch na öbbis zum Thema negative Ovulationstest. Es chani sie und das staht au bi CB das die z.T negativ chönd sie will sie erst abeme höche LH Wert azeiget drum macht mer die am Morge. Es isch eigentlich glich wie bi de SS tests 10er 20er und höcher.
  • Ha na öbbis weg de negative Obus ufeglade, chönt sie dass das de Grund isch warums trotz ES negativ blibet. Evtl zeiget CB eu nöd a wils erst abere bestimmte LH stärki azeiget evtl müesst mer au 10ner Ovus ne.. ähnlich woe bi de SStests.
  • Oh jetzt hanis 2 mal igeh willis ersti mal nöd gseh han🤦‍♀️🤣
  • @Zireael Danke vielmal 👍😊 chan eu i 2 wuche sege obs klappt het 😅👶🏻
  • @Lauraannah Umbedingt viel viel Glück🍀🍀🍀🥰
    Lauraannah
  • Mir sind jetzt au wieder im nögste monat zum probiere.
    Es hani am 22 april
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum