Plötzlich in Frau verliebt 🫣

Liebi Fraue
Es ischmer echt mega unangnehm und bin megamässig verwirrt und poste drum lieber mal anonym🫣
Weiss au ehrlichgseit garnöd wasi mer vo dem post erhoffe. Getrau mich aber nöd mit öpertem drüber rede und musses eifach mal loswerde.

Churz zur vorgschicht, han mich trennt vo mim gwalttätige partner womer es chind zemme hend , wohne jetzt allei mit mim chind und bin jetzt grad im Grichtsverfahre.

Jetzt ischs so dass ich mich extrem zu minere Awältin hizoge fühl. Chans mer garnöd erchläre wiso, ha nonie e frau gha vorher und wer au nöd umbedingt in frag cho bis jetzt.
Es isch aber echt komisch irgendwie chanis nöd beschriebe, bim erste treffe scho hani s gfühl gha wow. Chan nöd ufhöre a sie denke, denk sie isch e traumfrau und so sache. Wie liebi uf de erst blick, han nonie soöpis gha oder gfühlt echt komisch bin voll verwirrt und überwältiget vo dene gfühl.
Ich weiss echt nöd wieni demit söll umgah oder woher das chunt.
Bin suscht eigentlich eher öpert wo nöd soschnell gfühl entwicklet und viel ziit bruch aber da fühlt sichs irgendwie wiene verbindig a.

Natürli hani sie nöd druf agsproch will mir zmitzt im verfahre sind und sie echt en guete job macht.
Wüsst aber nöd obi mich suscht getraue würd sie druf azspreche will ich ja au nöd weiss wie sie zu dem thema staht.
Und ich natürli angst han vor de reaktion.

Ach fraue ich bin eifach total verwirrt🫣🫣

Danke fürs lese vo dem wirre züg😅

Kommentare

  • Hey

    Naja sie hilft dir dur e schweri ziit, was mängisch bim mensch sones gfühl vo „wow“ uslöse cha.
    I denke würkli merke ob bi dir würkli es anders „wow“ ume isch, tuesch wenn eues arbetsverhältnis beendet isch.

    Denn wöri dir aber rote, wenn die gfühl no so starch sind, dem noche z goh. Es git nüt wofür du di scheme müesstisch, absolut gar nüt!!

    Viel Chraft
    Glöö
  • Wo die liebe hinfällt 🥰 isch doch e schöni sach, trotz dineri Situation no so schöns gspüre..

    Ich wür au mal abwarte bis arbeit erledigt isch und wenn immeeno so fühlsch denn würi mal mit ihre offe drüber rede.

    Ich verstah dini gfühl sehr guet, ha au mal mit min ex e schwierigi situation ka und bezihig beendet, da hani e frau kenneglernt und ebefalls wooow. denkt.. ha mer aber au gseit dass isch sicher e phase versueche Kontakt vermiede und anderi lüt treffe, sehrwahrschinli bini nur neugierig... aber es het siche nie gänderet ka und ha mit ihre offe drüber gredet.. mir hend zemme es zitli spaß ka bissi erfahre han sie macht das mit gaaanz vieli Mensche.. 🥲😅 ich ha me welle aber gmerkt dass sie das sicher nöd eso gseht... Sie isch me ao de free soul typ gsi🥲😅 isch denn zur kei bezihig cho.

    Aber dank die erfahrig weissi dass du eifach nöd chasch uswähle wer dis herz liebe chan. 🙌

  • Tuen bitte kei angst ha uf dini gfühl, du weisch nie was morn passiert.. oder dich denn frögsch man, was wär passiert hättis ihre gseit.. 😊 .. eifach offe rede, de richtige Zeitpunkt wirsch du denn scho selber usefinde.. 🍀
  • Chan s nöd au sii dass sie für dich grad halt und sicherheit bedütet und dich das sehr ahzieht? Also dass es nöd wüki um sie gaht sondern eher drum, für was sie staht?
    Chönt mer vorstelle, dassd nachem verfahre meh weisch..
    Wünsche dier viel chraft!⭐
    Glöö
  • Ganz spontan hätte ich jetzt gesagt, dass Du nach dieser schwierigen Zeit mit Deinem Mann - und der Gewalt die Du erfahren musstest - nun in Deiner Anwältin einen Engel gefunden hast. Endlich Hilfe für Dich, Aufmerksamkeit, jemand der Dich anhört und für Dich kämpft - und Du vielleicht zuviel in dieses Wohlgefühl hinein interpretierst. Damit will ich nicht abstreiten, dass Du Gefühle für eine Frau entwickeln kannst und dass diese zu leugnen sind. Ich würde jetzt einfach mal abwarten bis das Verfahren durch ist. Einfach mal durchatmen und Dich auf Dich selbst und Dein Kind konzentrieren, Euch was Gutes tun und Ruhe finden. Ich wünsche Dir alles Gute und hoffe, Deine Gefühle zeigen Dir den Weg - es ist nie falsch zu seinen Gefühlen zu stehen. Nur manchmal ist es vielleicht der falsche Zeitpunkt. Wenn Du zufrieden mit ihrer Arbeit bist und Dich gut beraten fühlst, würde ich an Eurem Anwalt-Mandat Verhältnis aktuell nichts versuchen zu „ändern“.
    passonita
  • Ja genau, das isch mir au als ersts durch de chopf. Dass die gfühl daher chömed, will sie mir hilft und für mich da isch, was ich lang nöd gha han.
    Bin echt total verwirrt.
    Han denkt wenns so wäri würded die gfühl vo selber wieder weg gah aber jetzt ischs doch scho es ziitli😅
    Hoffe ehrlichgseit au chli druf, dass wenns ganze verfahre abgschlosse isch, dass ich denn merke woher die gfühl sind.
    Sie isch halt echt wunderschön und extrem inteligent und han au denkt dass evt. au genau die inteligenz und d art wie sie denkt mich azieht, dass isch für mich nämlich bide partnerwahl immer öpis sehr wichtigs gsi.

    Han ehrlichgseit voläufig garniemert vor gha kenne z lerne sondern nur mich uf mich und mis chind z konzentriere. Drum bini echt grad au nome verwirrt🙈

    Denk au wenns verfahre verbie isch und die gfühl witer bestönd, wirdis ihre denn au offe sege weni mich denn getrau.

    Danke eui uf jedefall fürs lese und eui gedanke😊
    snowangelFabiiii
  • Nur so nebebi ich glaub solang sie dini awältin ish dörf sie au nid druf igah shüsh müesst sie zemme arbeit mit dir wie beende weil meh nid ine liebes beziehig dörf si aber kenn mich da zwenig mit us wen zfriede mit ihrem schaffe bish würdi da solang no alles am laufe ish nid ine gretsche
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum