Schlafrhythmus 16 Monate Kind

liora

Hei Zämä

S endlose Thema Schlof 🙈

Mengisch chanis locker gseh. Abo i Moment bini wido voller Zwiefel obs guet so isch wies isch.. Vlt het nebert Luscht sini Erfahrig mit mir zteile..

Zu üsere Situation. Mini Tochter isch bald 16 Mönet alt. Und sie schlof im Moment am Tag mol so mol so.

Heisst mengisch schloft si serscht mol scho am 10.00 denn chas si das si bis am 19.00 nüme mag schlofe.. odo si schloft vlt so 15.00 nomol.. den giz täg wo si ersch am 12.00 mag schlofe und det giz es den das si am 17.00 nomol mag schlofe.. da hemo ez abo chli ufghört mache wel den sind döbih elends lang gsi. und si nöd würkli fit.. eher quengelig underwegs.. aso im durchschnitt got si zwüsched 19.00 und 20.00 is bett.. abo es git täg wens total andersch isch das si entweder scho am 18.00 is bett got odo ersch am 21.00..

dedur das mir afach chli uf si lueged wie si zwäg isch und da jede tag chli andersch isch, hemer wie nöd so en feschte schlofrhythmus.. abo ich lies überall das de so wichtig isch.. da veunsicheret mi so.. und au das si mengisch 2 mol schloft.. mengisch nur eimol.. mengisch nume e halb stund am stuck.. mengisch 1 1/2h..

brucht si me füehrig i dem? chani do nöd ganz voll ere zuetraue das si sich da so nimmt wie sis brucht.. täglich chli andosch? odo hani vlt afach en blinde Fleck und gseh öpis nö?

Sorry i weiss die Ziet got vebi und im nochhinein werd i denke, wieso hani mir um sowas Gedanke gmacht.. abo ez isch hald eso.. 🙈

So nur scho mol sufschrieb het chli guet tue.. vlt wot mir jo öper sini gedanke dezue mitteile.. odo wies bi eu lauft..

_SARAH_

Hallo aso bi uns isch das sehr ähnlich. Mi Sohn isch zwar erscht 14. Monet alt aber ich bi au grad am usefinde, ob er no ei oder zwei Schlöfli am Dag brucht. Ha au gläse, dass e Rhythmus wichtig isch, vor allem au damit dKinder zNacht entspannt könne schlofe. Aber ich ka dä Rhythmus nid duresetze. Mängmol ka er eifach nid ischlofe. Und oft isch er scho no am morge so um die 10ni mied. Aber am Nomitag denn nüm. Drfür wird er zobe natürlich friehner mied. Eigentlich goht er au zwüsche 19:00 und 20:00 Uhr ins Bett und wacht am 7ni uf. Aso zwüschedure natürlich au no amigs😉 vo dureschlofe zräum ich no!

liora

Hallo liebi Sarah. Ach da tuet guets ghöre. Bi eus ischs ziemli exakt genau glich 🙈 bin froh ischs nöd nur bi eus so..

LillyFee

Also ob das korrekt isch wasi machi, chani leider nit sega🤷🏼‍♀️sber wier hei sit min sohn 6 monat alt isch dr glich rhythmus.
das beditet aber au dass wier üs recht strikt dra höte und nit wägeme playdate oder susch unnötigem züg der ändere.

a het vor- und nachteile halt ☺️

ich han früäh em morge de schöaf gstriche, so dass es es guets mittagsschlafji macht☺️ will susch heder nur so 30-45 min pro tagschlaf kah. sisch schwierig gsi ich em agfang aber ets passts

also zum rhythmus:
Ufstah: 7.30-8.30
Mittagsschlaf: 12:30- max 15.00 ( susch wecki)
Abend: 18:30- 7:30

wasi nu wichtiger findi isch au immer z ritual wie ins bett gaht. mir hend immer genau dr gloch ablauf mit
Abends z.b Ufrume, Windelwechsel, Pyjama, Zähputze, Shoppe
Er kennt das genau und weiss den au was isch

Ob das guet isch oder nit🤷🏼‍♀️

aenderli

Aso mini Beide sind i de zwüscheziit 5.5 & 4i aber ich mag mich na guet ad babyziit erinnere.
Ich finde en Rhythmus und Struktur isch bim Schlaf extrem wichtig fürd chind (wie für eus ja eigentli au😉). Eusi Chli hett mit 2 scho kei Mittagsschlaf meh gmacht, de Grösser mit 16 Mönet na 1 Mittagsschlaf (11i-12/12:30).
Am Abig isch am 19:00 Schlafensziit und sie hend denn bis am 6i sicher gschlafe. Beidi Chind hend bi eus sehr schnell duregschlafe, das isch es Glück.

Mir isch de Rhythmus immer sehr wichtig gsi und mir hend uf vieles verzichtet (am Abig mit de Chind weg, Playdates über de Mittag etc.) Es hett eus e Ziit lang recht iigschränkt aber schlussendlich hetts de Chind vill bracht und eus schlussendlich au will mir uf die Ziite hend chöne vertraue, ich findes mega asträngend wenns jede tag anderscht isch… Wos na chliner gsi sind hanis am spahte Namittag/Abig am 5i halt im Auto gweckt und nid schlafe lah, da bini recht strikt gsi. Aber ich bin klar de Meinig mer muess das de Chind biibringe mitm Rhythmus.

Vill Glück!

michellebabe

Hey Zämä,

Chind chönd unregelmässig schlofe, und das isch normal. Jedes Chind isch anders und brucht unterschiedlich vil Schlof.

Achte uf die Bedürfnis vo dim Chind und lueg, dass es genüe Schlof cha ha. Es cha helfe, es Schlof-Tagebuech z'führe, um en Rhythmus z'entdecke, wo für di Tochter passt.

Mach di nöd z'verückt, wenns mol andersch isch. Hauptsach isch, dass si sich wohl fühlt.

Groan

Hey zäme
Eus heten Rhythmus au sehr ghulfe es schlafed beidi (inzwüsche) sehr guet. Hend aber eus sochli spontanität bhalte, dass sie entweder dehei im Bettli oder denn im Chinderwage gschlafe hend. So hemmer am Mittag und am Abig au mal chöne weg si und trotzdem hemmer plus minus de Rhythmus gha. Aso Rhythmus heisst für mich dass sie ungfähr innerhalb de gliche Stund amel ischlafed (am Mittag chli meh Varierig, am Abig chli gnauer). Aber es het au zu eus als Familie passt. Ich merke dass d‘Chind denne au müäd werded und s‘ischlafe ned so schwierig isch. Sie hend aber au ihri Phasene😅

Mier het de Übergang zum Mittagsschlaf au ghulfe, wil sie wieder länger am Stuck gschlafe hend. Han aber immer so um die 10ni chli müsse überbrücke mit kuschle und Büächli aluege und chli öppis esse, dases denne namal glanget het bis ca am 11:30. Die Phase gaht aber denne wieder verbi, wenn sie sichs wieder gwöhnt sind und besser möged warte bis am Mittag.