Muetmachendi PCOS-Erfahrigsreis: Wie ich trotz Diagnose min Kinderwunsch erfüllt ha

Surri

Hallo zäme

Ich möcht hüt mini Gschicht mit euch teile – i de Hoffnig, dass sie villicht de eint oder andere Frau da inne es bitzeli Muet macht.
Vor emne Zytli han ich d Diagnos PCOS übercho – e Diagnose wo mir im erschte Moment komplett de Bode unter de Füess wägzoge het, will ich mir scho immer vo Härze es Chind gwünscht han. Gliichziitig isch es aber au es Stückli Erliechterig gsi, ändlech z’wüsse, was mit mim Körper loos isch und wieso s schwanger werde nöd eifach so klappet.

Min Wäg isch recht lang und sehr emotional gsi: unregelmässigi, extrem langi Zykle, viel negativi Test, Frust, Hoffnig, Träne und s'Gfühl, dass alli andere „einfach so“ schwanger wärde, während mee sälber ide Luft hanged. Irgendwenn sind denn die erschte Undersuechige cho – Bluetwert, Ultraschall – und schlussändlich d PCOS-Diagnose, zum Glück bi ere Ärztin, wo sälber betroffe isch und mir zeigt het, dass Kinderwunsch und PCOS sich nöd usschliessed.

Therapeutisch het bi mir alles mit Metformin agfange, spöter isch no Letrozol dezue cho. Dezue het’s wöchentlichi Ultraschall-Kontrolle geh, zum luege, öb sich e Follikel entwickled – e richtigi Achterbahnfahrt zwüsche Hoffnig und Enttüschig. Langi Zyt isch gar nüt gange, bis denn ändlech dä Moment cho isch: es riifsFollikel, de Eisprung het mit ere Spritze chönne usglöst werde, und mir händ s erschte Mal döffe spüre, wie üse Wonsch nöcher chunnt.

Die Zyt isch körperlich und seelisch extrem astrengend gsi: Näbewirkige vo de Medis, s ständigi Warte, die finanzielli Belastige und d'Angscht, dass es villicht nie chönnt klappe. Und trotz allem het sich jede einzelne Schritt glohnt – hüt döff ich üses Wunderchind im Arm halte und ich bi unterdesse soger nomol schwanger, öppis, wo ich mir früehner fasch nöd hätt chönne vorstelle.

Will ich mich i dere Phase oft einsam und nöd verstande gfühlt han, han ich mini ganzi Reis mit PCOS, Kinderwunsch, Behandlig, Schwangerschaft, Geburt und die erschti Zyt mit üsem Baby imne Buech ufgschriebe. Es isch kei medizinische Ratgeber, sondern es sehr persönlechs Erfahrigsbuech – mit allne Ängscht, Zwiefel, Träne, aber au mit de Lichtblick, de Liebi und em unglaubliche Stune drüber, was de eigeti Körper am Ändu doch alles cha.

Wenn du sälber PCOS hesch oder din Kinderwunsch grad richtig uf d'Prob gstellt wird, möcht ich dir säge: Du bisch nöd allei, dini Gfühl sind richtig, und es isch völlig ok, gliichziitig z’hoffe und z'zwiefle. Villicht cha dir mini Gschicht es bitzeli Trost und Hoffnig gä und der zeige, dass es sich lohnt, witerzgo – au wenn de Wäg länger und steiniger isch, als mer sichs gwünscht hett.

Als chline Muetmacher leg ich dir drum mis Buech as Herz, falls du s Gfühl hesch, dir tät e ehrlechi, offeni Erfahrigsstimm guet:

«PCOS – und plötzlich klopft das Wunder an- Wie ich trotz aller Diagnosen Mama wurde.»

Fühlet euch fescht drückt, Alli, wo grad mitte i dere Kinderwunsch-Reis stönd – ihr sind viel stärcher, als ihr meinid!

Liebi Grüessli 🤗