Wie bringe ich mein Baby zum Wasser oder Tee trinken?

Hallo Zämä
Mi 5. Monate aute Sohn wet i gärn lehre bibringe Wasser oder Tee ds trinke aber är wot gar nid so rächt bis uf e paar schlück. Het mir öber e guete Tipp oder wie heit dir das gmacht?

Kommentare

  • Hallo,
    Es chunnt drufa, we du zb voll Stillsch, (bi Fläschenahrig Hani ke Ahnig-wie das ish) bruchts nid unbediengt scho iz Wasser. Auso bi mim Sohn Hani bis er 9 Monate alt ish gsi, nur gstillt. Ohni zusätzlich Wasser zge. Er het drum o au 2std. Trunke. Und er het gnue Flüssigkeit gha.

    Aber evtl hei ja hie no anderi Tipps.
  • Mini Tochter isch jetz 5mt alt und zude biichost gibi ihre e bitz wasser usem becherli und nid usem schoppe. Eso nimmt si gärn 2-3 chlini chlini schlückli.
    Aber es brucht i dem alter eigentlech nid wasser
  • Ups zfrüeh gschickt...

    I dem alter bruchts no nid zwingend wasser und ig persönlich bi kei Fan vo Tee für Babys 😅 wasser (ab biikoststart paar chlini schlückli) oder MuMi/PuMi länge vollkomme um de flüssikgkeitsbedarf z decke :-)
  • dNiere sind nanig so usgrift... und mer sött sie ned überlaschte ... so chlini schlück iscj keis problem hät mer min Arzt gseit abet lieber ned .. solang de chind gnueg nassi windlä hät müesse sie nanig Trinke ..

    Durch Milchnahrig (stillä oder au Pre) chömedts gnueg wasser über.
    Au bi de Biikost sötz gnueg si ...


  • Ich habe es bei meiner geschaft, ich dem ich mit der Flasche gespielt habe.Irgenndwann hat sie dan auch davon getrunken.Ich hab auch so getan als wen ich selbst trinken würde.
  • Mer sett idem alter no kei wasser/tee geh, isch nöd guet für d niere, dänk dis chin bechunnt wohl no schoppe oder wird gstillt, das reicht voll us und im brei häts au gnueg flüssigkeit
  • Mini Chinderärztin het gseit i chön mit Wasser und Tee afa.
  • Ich ha de Baby Tee vo Holle, min Sohn trinkt de sit 5 Monet und lieb de. Häsch au so was scho probiert? Oder direkt miteme Becher? Ich ha en Trinklernschoppe vo MAM.
  • Also han minem chli eifach immer ebizli wasser (im becher zu de mahlzite) abote. Er het nie wirklo vil gno. Erst denn mit 11 mt. Heder denn richtig trunke. Mier chöme aber aktuell (jetzt 13 mt. Alt) max. Uf 350 ml pro Tag.
  • 86427d30-5ff6-11eb-92ba-5f81d5eadd1e.jpeg mir isches dazumal so gseit worde, solang kei festi nahrig (aso no schoppe und brei) sägs nöd guet, will zviel wasser zunere wasservergiftig cho chan, ich han erst wasser geh gha so mit 11-12mt
  • I chan dr eifach us Erfahrung säga, dass d Kinderärzte nit immer dia besta Ernährungsexperten sind 🙈😬

    Wasser oder Tee gisch wenn mit Brei/ Beikost afangsch

    Mina 8mt isst siit 2mt brei und nimmt nochem Brei 2-3 schlück Wasser aber a chlina Schoppa nimmt er noh
    I lohn ihm das au denn sie wüssten was sie bruuchen

    Mit 5mt ohni Beikost würd i pers bim stilla/ schoppa blieba
    Sust amol zur Mübe wenn a guati häsch 😊
  • I vertroue mire vou und ganz!!
    Mi Chlin isst scho sit das är 4 Mönet isch Brei wie e grosse. Mir isch o klar das ich ihn ids nid mit Wasser und Tee zueschütte. I ga na däm was mir mini Chinderärztin seit u da si haut o nid aui dr glich Meinig.
  •  corina corina

    270

    bearbeitet 26. 01. 2021, 20:24
    Wänn din chline eh nöd so rächt wott, dänn seit er dir ja das er noni würkli parat defür isch. Wänn s gfühl häsch er müessti meh neh, dänn besprichs doch nomal mit dinere kia und viellicht hät sie ja su no en tip
  • Är nimmt immer e paar Schlück we igs ihm abiete aber är cha warschinli dä anders Gschmack nid richtig iortne🤷🏻‍♀️ I bi sehr dankbar für au die Tipps woni hie ha übercho u i wirde ihn sicher nid überforder mit däm u gibe ihm so viu Zyt wie är brucht u due nüd erzwinge😊 I ha eifach mau dänkt i wöu frage wie das dir das heit gmacht😊
  • I ha o früeh Wasser abote. Si het mit 5,5 Mönet ke Shoppe meh gno und nur no Brei und mini KiÄ und mini Hebamme hei o beidi o gseit i söu afah wenig Wasser oder Tee z gäh. 👍 si nimmt o eifach es paar Schlück zum ässe und denn isch guet ☺️
  • @Nagalii U ja da hesch ja fasch müesse gäh das sie nid zweni flüssigkeit het😬
  • So isches wüu nur im Brei längt eifach nid. Klar si het no nassi Windle gha aber naja...eher füecht aus nass. Los uf dis Gfühl, und haut alles im Mass 🤷🏻‍♀️☺️👍
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum