Babybaden

Wie oft badet ihr euer Baby in der Woche?

Kommentare

  • Jedi mami macht das total anderscht.. zbsp 1x i de wuche.
    Ich han mine sit dgeburt all zweitäg badet mit 2 teelöffeli Olivenöl ( hani eso vo de hebamme Empfhole becho) Zwüsche dure eifach mitem nasse nushi de fudibereich 😁 jetzt mit 20 mönet bademer ihn jedetag er liebts und mir badet ihn als ritual vorem schlafe, mir findet es isch en super Abschluss vom tag eso, er wird automatisch müed nachem bade. 🥰
    Jetzt Ischer
  • Also Baby hani mini öppe al 2 bis 3 Täg mit MuMi badet... aber de ab öppe 1 Jährig Täglich. Wie hüt au na mit 3 ... sie liebts aber dHaare dueni nur l 2-3 Täg mit shampoo wäsche.
  • Jetzt chunt die bad-mom 🙈. Wier hei üse sohn als baby all 2 wuche badet (max.). Und das mit Mumi. Üsi hebamme het immer gseit, babys nit zhuufig bade, nur abstaube 😉. Jetzt ischer 2 jährig & geit 1x iner wuche mim papa ga tusche. Natürli wener jetzt sehr dreckig isch, de tuemer scho meh tusche.
    Muess derzue sege, dass üse chli absolut kei problem mit der hut het. Au creme tue mier nur seehr selte.
  • 😁 bad mom
    @Miette
    Also mini mami het mini schwöster damals au sehr wenig badet nur mitem nushi sfüdli suberet und mini sis isch hüt 17ni kerngsund 😁 bisch also sicher kei badmom 🥰

  • sit baby 2x pro Wuche inkl. Haarwäsche oder nach Bedarf🤣 (jetzt sinds 4 und 6). im Summer sinds ja eh immer dusse barfuess am sändele und mache und tue und deht isch denn de Bedarf jede Tag am Abig schnell abdusche und 2x pro wuche richtig bade mit haarwäsche🤣
  • Ig ha mini Chinder als Bebe die erste paar Mönet nur öbbe all 10-14 täg badet. Mi Sohn het bade ghasst und es isch meh e tortur gsi als öbbis anders 😂🙈 Nachher wosi mobiler si worde und hei afo ässe, heimer langsam afo steigere.
    Hüt bade si 2x pro Wuche (5j + 1,5j).
  • Bis jährig 1x i de Wuche, ab jährig 2x i de wuche (wird jetzt dänn 2,5J)
  • Sit geburt einisch ir wuche. U sit si grösser si no einisch ir wuche dusche ohni haar wäschä
  • so und jetzt chum i…als Bebe jede obig als ritual badet. aifach zum müed werde und guet schlofe. isch super gsi. das hemer den bis sicher 2/2.5 gmacht. jrtzt badeter no 1/2 mol ir Woche. mol Bad mol Duschi 😅😂
  • Euses Baby all 3-4 Täg aber nur well sie sooo viel Gütscht und mers mitem Lumpe wie nid so suuber bringt. Die 3 jährig 1-2x ide Wuche ussert es kappet mitem bisle nid den duschet sie mengisch au all Tag oder sogar mehrmals😅
  • Mir badet au nur all 10 Täg oder so. Die Gross han i einisch i de Wuche.
  • Mier badet auch 1x ide wuche, usser es het en windelexplosion gäh🤣 denn au mal dezwüschet
  • Mini tochter (10mönet) 1x ide wuche.
    Min sohn 4i, 2-3x ide wuche.
  • Füxli schrieb: »
    so und jetzt chum i…als Bebe jede obig als ritual badet. aifach zum müed werde und guet schlofe. isch super gsi. das hemer den bis sicher 2/2.5 gmacht. jrtzt badeter no 1/2 mol ir Woche. mol Bad mol Duschi 😅😂

    Mir badet au jede Tag. Er liebts und es isch e super Obetritual.
    Er isch jetzt 3 Mönet alt.
  • Mir bädelet eusi Tochter all 2-3 Tag, muss aber au dazue sege, eusi Chly hät enorm starche Reflux und Gütschlet übermässig. Sie würd mer nachere Wuchä so starch süürele dases unagnehm würd werde.
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum