Geburtsberichte

124»

Kommentare

  • @Fabi88 ou nei wiso den..? guet es git au sehr viel lüt wo gueti erfahrige hend mit kaiserschnitt..!
  • @Nalan83 will er in BEL lieht und weg minere Medizinische Vorgschicht dörfis denn nid spontan gebäre. Ha evt nöchst wuche no e üseri Wendig
  • Gern teil i mis Geburtserlebnis au mit eui, isch jedoch leider kei eifachi Geburt gsi.
    Bi 40 4 hät bi mir d'Geburt müsse igleitet werda will i zwenig Fruchtwasser ka han. I ha am 5i am Nami in spitol müsse und döt hens mi ima Zimmer iquartiert. Es isch ctg gschrieba worde bluetdruck gmessa worde und en zuegang gleit worde, das alles hät ah Hebammeschüelerin gmacht wo leider no gar kei erfahrig ka hät und dementsprechend nöd hät chönne. Das hät mi nervlich zimlich fertig gmacht do i au mit der ileitig nöd klar cho bin. Noch dena untersuechiga hemer ganz lang müsse warte will niemert zit ka hät.
    am 10i am obig isches den endlich witers gange. Da i en Geburtsrifa befund ka han hens mer Fruchtblose göffnet. Nochem öffne hend direkt die ersta Wehe ahgfange. Es isch den namal ctg gmacht worde und noch dem alles guet gsi isch hens min Ma haigschickt, und i hetti sölle schlofe. Mit schlofe isch leider nöd viel gsi d'wehe sind den all 15min cho und i has scho müsse veratme so schmerzhaft sins gsi. Nachtschwöster hät mer den mol no es Schmerzmittel brocht, meh hät sie nöd gmacht. I ha den ghoft das die Nacht schnell verbi got und min Ma bald wieder bi mir sie chann. Am Morge den bi 40 5 hani no eh rundi go laufe müessa und am 10i isches den in Kreißsaal gange wo i as CTG cho bin und dä Wehetropf über cho han. Wegem ctg hani leider nöd id Wanne chönne und die ganz Geburt uf em Bett sie müsse d'wehe hend den ganz heftig igsezt, i ha ganz schlimmi schmerza i dä liste und em rucke becho. Afangs hanis mit em Lachgas veratmet irgedswenn hani den ah pda wella. Pda lega isch leider für mi persönlich ganz schlimm gsi do sie 6 mol Stecha hend müessa bis sie dure cho sind. Zum glück sind den aber noher d'weheschmerza weg gsi und i ha aber immer no chönne selber ufstoh und ufs WC. Der MM hät sich den au recht schnell geöffnet. Leider sind den mit dä zit Wehe wieder schlimmer worde und pda hät nünt meh gnüzt. I ha den fast 1h uf d'anesischtä müsse warte, die hend den festgstellt das pda verrutscht isch und nomol neu gleit werda muess. I ha den gad en nervazemmabruch ka wo i das ghört han, ha den troz allem zuegstumme zums nomol mache. Am obig am 7ni isch den der MM ganz offe gsi und i ha chönne ahfange presse, leider hani dur pda gar nünt meh gspürt und au d'hebamme hät mi nöd würkli unterstützt und gseit wenn i pressa muess. Isch den au gar nüme vorwärts gange und s'köpfli isch nüme tüfer is becki cho. I ha d'hebamme mehrmals gfroget ob er fallsch im becki isch und i au darum so festi schmerza ka han. Sie hend da aber nöd per ultraschall wela untersuecha und bim taste hens nünt gspürt. Mir hend den witers versucht zum i dä wehe z'pressa und mit dä zit isch den dä schmerz au wieder sehr stark do gsi. Aber au noch 2h isch immer alles no glich wit gsi. Und i weiss nüme wieviel mol sie mi i dera zit vaginal untersuecht hend ufjedafall ganz viel mol.
    Am 11i isch den endlich schicht wechsel gsi und die neue Hebamme hät mi Vaginal untersuecht und gad fest gstellt das s'köpfli schräg im becki ahstoht und so nöd use cha cho. Sie hät den d'ärztin gholt und au die isch der gliche meinig gsi und hät üs über dä Kaiserschnitt ufklärt. Mir hend den nomol 1,5h müsse warte bis mer in op hend chönne. Und so isch üse chli ma den bi 40 6 bi sekundärer Sektion uf d'welt cho.
    D'geburt isch etz 3 mönet und sie beschäftigt mi immer no.
    snowangelNalan83Schneewittli
  • @KatrinR danke für din bitrag…oye du armi..aber so wie ich liese hesch bez viel pech gha mit hebamme und hebammeschüelerin. i mein wo de schichtwechsel gsi isch het die anderi hebamme ja grad gseh was sach isch und reagiert….die anderi isch demfau unfähig gsi jo…!
  • @Nalan83 jo viel pech und halt au viel unwüsse miner site und ha mi wie au zwenig getraut zum was sega. I hett jo au chönne sega das i ah andei hebamme mag. Oder gad au d'art vom ileite isch gar nöd optimal gsi hät mir den mini hebamme gseit.
    Und unfähig.. Sie hät scho gmerkt das es nüme vorwärts got und hät mit umlagera versucht zum no was erreiche. Aber finds eifach au schad, das nie klar gseit worde isch wie der stand isch und das es evtl uf en Kaiserschnitt uselauft. Obwohl i mermahls gfrogt han.
  • Ohh zum Glück ish aber alles guet gange mit dene ganze strapaze und das sie dich nomol hai gschickt hend verstani au nid so ganz wünsche dir aber eh schöni zit mit bebe und erholig
  • So ich getrau mich etz au mal und schriibä mal ine wie's mir bi de Geburt ergangä isch.
    ET: 27.8.21 gsii, genau am 00:20 hani en vorziitigä Blasesprung gha, nachdem ich de halb Abig imä Putzwahn verbracht han😅

    Sind den in Spital gfahrä und den händs mi nach de Befund wieder heigschickt (Muetermund 0cm göffnet&kei Wehe).12h spöter bini namal i de Kontrolle gsii, namal sgliichä. Mini Beleghebamme, het mer den es Weheöl mitgeh und s'Rezept für de Wehecocktail und mich wieder heigschickt. Am Namittag hani den s'Öl igriibä und es halbs Glesli vo dem Cocktail trunkä und den sind Wehe losgangä, churz vor 23:00 hani so starch Wehe gha dasi de hei id Badwanne bin. Spöter im Spital hends mer gseit es het sicv nüd tah und ich sell wieder hei.. Han den interveniert, will ich so starch Wehe gha han, dasis de hei vermuetli nöd usghaltä het..

    Bin über Nacht bliibä und am nächste Tag, hani müäsä ileite, will sich min Muetermund nöd hät chönä öffnä. Mit em ileite het mer den gmerkt das eusere Chlynä ihri Herztön bi jedere Wehe weniger werdet und hät den entschiide nümä mitem Cytotec izleite sondern mich am Wehetropf azschlüssä.

    Ich han den chönä id Badwanne, glaube das de Moment so ziemlich de gsii isch womer am meiste igfahrä isch.. Bin total apathisch det ineglege, will ich vor Luuter Wehe nümä han mögä. Han nümä mögä rede. Uf das abä hani mit minere Hebamme abgmacht e PDA z'setze, will ich sust nümä het mögä presse, wenns so wiit gsii wär.

    Mit der PDA hani endli chly chönä dureschnuufä und dösä. 12 Stund spöter isch min Muetermund mit Wehetropf und PDA nur 5cm göffnet gsii. Herztön vo eusre Chlynä sind ständig abegangä sobalds e Wehe cho isch.

    Nach 2 Ultraschall und wiitere 2 Stund wartä, hämer den Entschiidä en Kaiserschnitt zmachä, es isch kein Notfall gsii abed'Öffnig vom Muetermund isch so langsam gsii und mer hät nöd genau gwüsst wieso.

    Ich bin innert 15 min in Ops gschobä wordä, han glaub nanie so brüällt, willi na nie i mim Lebe en operative Igriff gha han.😅

    Eusi chly isch den am 29.8.22 churz nachem 12ii ufd Welt cho.🥰. Mer hät den gseh, dass sie Nabelschnur um de Kopf umä gha hät und deshalb die Herztön immer so abe sind. Hauptsach gsund und munter.😊

    so das wär mal so zämägfasst sgröbstä😊☀️

    wünschä eu en schönä Tag.




    Nalan83Mamelosamira. Miette
  • Gits öppis neus ? 🙌😀😀
  • Mine schriebi eui glii
    samira. Nalan83
  • Geburtsbericht

    Vorsicht TW und langer Bericht

    ET war der 10.7 da meine erste Geburt 2019 aus medizinischen Gründen früh eingeleitet wurde war ich noch nervöser wann und wie es los geht. ET 2 war ich bei meinem Gynäkologen unser Sohn wurde immer eher zierlich geschätzt und diesesmal sogar wieder etwas leichter. ET 5 war ich dann in der Klinik zur Voruntersuchung und Abklärung wie es weiter geht, ich hatte am Abend vorher schon zu meinem Mann gesagt das ich nun eingeleitet werden möchte. Leider war kein Gebärsaal frei also wurde ich nach einer Eipollösung mit Wehentee und öl nach Hause geschickt bis zum nächsten Morgen. Am 16.7 um 10.00 Uhr waren wir wieder im Krankenhaus man hatte am Tag davor schon entschieden keinen Wehencocktail zu versuchen da ich eine chronische Darmerkrankung habe. Um 13 Uhr hatte die Ärztin endlich Zeit und mir wurde ein Ballonkatheter gelegt bei der letzten Geburt war es weniger schmerzhaft, bald kamen auch schon die ersten Wehen ich hatte Hoffnung das meine Söhne nun beide an einem 16ten zur Welt kommen der Grosse wurde am 16.10 geboren. Da die Herztöne immer wieder schlecht waren durften wir nicht mehr spazieren und ich wünschte mir eine Wassergeburt aber alle Wannen waren besetzt. Am späteren Nachmittag musste ich bereits Wehen veratmen und um 18.00 Uhr ist beim Telefonat mit meiner Freundin die Fruchtblase geplatzt, ab da hatte ich immer wieder das Gefühl der Ballon müsse jetzt rausfallen. Zur Nachtschicht war ich schon etwas erschöpft und wünschte etwas zum schlafen das pflanzliche half gar nichts und das nächste Medikament machte mich zwar bedusselt jedoch hatte ich trotzdem alle 2 Minuten wehen. Ich verstanden einfach nicht wieso der Muttermund trotz Wehen nicht aufging und der Ballon immer noch so fest sass, gegen morgens um 5 Uhr wurde mit jeder Wehe die Herztöne schlechter. Ca um 6 Uhr entschied man die Wehen zu hemen und den Ballon zu ziehen, bei der anschließenden Muttermundkontrolle war die Hebamme sehr erstaunt der Mumu war doch schon 5 cm offen vermutlich war der Ballon irgendwie verkeilt. Wir wissen das unser Sohn ein Sternengucker ist jedoch hatte die Hebamme das Gefühl er wäre überstreckt, eine Ärztin kam zum Ultraschall und gab Entwarnung die Geburt konnte weiter gehen. Der erste Schock über die Diskussion wegen eines Kaiserschnitt war schnell vergessen, ich begab mich in den Vierfüssler nach ca 4 Wehen hatte ich das Gefühl zu pressen legte mich auf den Rücken Mumu 9 cm offen. Nach 3 oder 4 weiteren Wehen war mein Sohn Eliano um 6.44 Uhr geboren. Er hatte 2x die Nabelschnur um den Hals und das Fruchtwasser war grün, leider schrie er nicht und war ganz blau. Sofort wurde er auf den Wickeltisch genommen und Sauerstoff gegeben wenig später waren alle Ärzte von der Neonatologie da und übernahmen ihn. Er brauchte etwas Atemunterstützung mit zusätzlichem Druck in die Lunge, ich durfte kurz mit ihm kuscheln und dann wurde er auf die Neo gebracht wo er zum Glück nur 1 Nacht bleiben musste. Nun sind wir schon 2 Wochen zu Hause und ich bin überglücklich nun ein gesundes vollgestilltes Baby zu haben alles ganz anders als beim Grossen.
    SchneewittlisnowangelNalan83MameloHasenmomofgilrs
  • Oh wow, aber soo schön häsch derfe und chöne normal gebäre 🥰🙏 Gratuliere nomal vo ganz herze und gnüsset eue chline Eliano 💚


  • so toll danke für din bericht @Fabi88..! ❤️schön das ihr deheime sind und euch guet goht..😊…happy end! @snowangel verzellsch dine au mau 😎😊…bi scho gspannt druf..!
  • @snowangel ja bi au froh isch am Schluss alles guet gange.
    snowangel
  • @Nalan83 danke, er isch übrigens 2850 Gramm genau we gschätzt und 49 cm miteme Chopfumfang vo 36 cm
  • So bi mir wär de ET am 21.7 gsii, im spital hends mir denn aber gseit min Becki seg zchli und min Kaiserschnitt narbe chönt ufrisse



    Also hemer denn en gplante Kaiserschnitt plant für de 19.7.


    Am 6.7 01:40 morge bini all halbstund ufgwacht willi buch weh ka han, ha mir nüt debi denkt und immer wieder versuecht ihzschlafe.

    Am morge bini mit min Partner no paar termine go erledige und ich han immerno die schubwiesi buchweh kah und immer ähnlicher wie wehe... Also hani denn ahgfange zit abstand messe vo dene "wehe" 😂 sie sind all 7-12 minute cho.. ha mer denn gseit "ja easy, das sind sicher nur chli senkwehe gaht scho verbi... Es wär no bitz früeh damit du chunsch chline ma"



    Bi denn am Namittag mit min erste Sohn und min Partner id badi.. ha no bitz gsünnelet.. bitz mitem sohn plantscht und alles no mit dene "senkwehe" aber es isch immer bitz stärker gworde so dass ich für die 45 sekunde mich nüme ha chöne bewege... Ha denn a min partner gseit.. "finds chli komischi wehe, erinnert mich a de erst Geburtswehe " und han au bitz im Gruppechat im whatsapp gschriebe und all hend gseit ja lüt doch am Spital ah und seg bscheid .. dete hani denn mitem app scho ahgfange ka

    6ecd1460-150f-11ed-a28a-a7b2ae37391f.jpeg

    dwehe messe und sie sind ca. All 6 minute cho

    Aber ich has nöd welle wahrha und bi nomal is wasser bitz go schwümme 🥲🤭

    Dwehe sind immerno da und immer bitz intensiver gsi... Am abig denn hani denn am partner gseit : "jetzt werdet wehe langsam unahgnehm.. tüemer mal znacht esse denn lüt mal am spital ah.."

    Nachem znacht esse hani ahglütet und erklärt, sie hend mir denn gseit ich söll mal wärmeküssi ufm buch lege und warm bade und bitz here liege, en dafalgan trinke, entspanne und denn in 2 stunde alüte und nomal bscheid geh.... Nach 1 stund hani mini Mami ahglütet und gseit sie söll doch scho mal cho damit sie mit eusem erste sohn bliebt.

    Nach 2 stunde hani am spital ahglütet und gseit wehe sind immerno da und bitz stärker...


    Im spital acho am 22:10 bini denn grad ctg und am 23:00 glaub.. hani e kautablette becho zum weheberuhige so zsege zum luege ob Geburt ahgfange het oder es wieder ufhört.



    Dwehe sind am 00 aber no stärker worde.. da hani sie fascht müesse afange veramte..



    Denn hends entschiede de Kaiserschnitt zmache und de chline ma hole.. sie hend mir erklärt wie und was genau gmacht wird risiko vomene Kaiserschnitt etc etc.. het alles bitz angst gmacht, hets lieber nöd ghört 😂

    (Bim erste sohn hani die erklärige ebe nöd übercho)


    min puls isch uf 135 dobe gsi willi so ufgregt gsi bin und nöd ha chöne glaube dasses wieder so wit isch....


    Min partner het mite Ärztin gspässlet über de morphim und anderi drögerli wos da hend 😂🤭 ich ha nöd alles ufgno was gredet hend, ich ha nur gwüsst de scheiss katheter wird jetzt ine tah!


    Denn hends mich abe bracht und und und..weiss alles nüme genau was passiert isch ich ha so zittert und mir isch chotzübel gsi vor nervosität, mir isch alles ufecho was mir de Arzt erklärt het was gmacht wird etc etc... Und ich ha diesmal... Keiii ahnig wiso.. so angst ka dass ich spüre wenn er ufschnide tuet.. 😶 de kopf het mal wieder szenarie dure gmacht...


    Aber zum de chline usehole... das gerüüüttle, hani chli weniger stark ka in erinnerig 🤭😂


    Min partner chan kei Bluet gseh also het er vo use zuegluegt 🥰 und ich ha natürlich wie am spiess ghüllt will dass weiss nur Gott wiso.... und de Arzt het nebet mir mini hand ghebt und wieder mit min partner gspässlet.. "jaaa Herr ***** ich ersetzte sie da ganz churz, sie chönd ja nöd ine cho" ghüllt und glacht hani und halb müesse chotze.. gueti Kombination 🤭😂


    Und endlich! Am 1:35 Morge 7.7.22 isch euse chline Maël Isaiah uf dwelt cho mit 3070 gramm und 51 cm! Er het wieder soo süeßlich gschmöckt wie euse erste Sohn. Das sind die schönschtei duft wonich jemals gschmöckt han ,🥰❤️

    6f0a9290-150f-11ed-a28a-a7b2ae37391f.jpeg



    Es isch alles so schöön gsi diesmal, ich han mich me Unterstützt gfühlt diesmal vo de Ärzt und swuchebett isch ebefalls sehr sehr ahgnehm gsi, nachem 2 tag mini bereits wieder go spaziere und bin echt stolz druff was mir fraue so mit eusem körper schaffet!! 🥰🙏


    Chönt no me schriebe 😂 aber babyforum stürzt no ab wenni so witer mache.

    MameloSchneewittliMedoSami97selin
  • So schön 😍 😍 tolli Geburt hesch ka. I han au e plante Kaiserschnitt bin jo gspannt obs be mir au vorher los goht... Wobi min Kaiserschnitt jetzt 10 Täg vor ET plant isch... 😉
    Jetzt sind Ihr schön am kuschle 🥰
    snowangel
  • lachuli schrieb: »
    So schön 😍 😍 tolli Geburt hesch ka. I han au e plante Kaiserschnitt bin jo gspannt obs be mir au vorher los goht... Wobi min Kaiserschnitt jetzt 10 Täg vor ET plant isch... 😉
    Jetzt sind Ihr schön am kuschle 🥰

    Wenn häsch denn dinnee ? 😍

    Jaa mir kushlet gaaanz viel 😍❤️ de geosse het au freud am brbe
  • gugus 👀
  • 👀😅…..
  • 😂
    meiner bleibt mir 🤭
    Nalan83
  • Mine isch au sehr schlimm. würdi au niemrem verzelle
    Nalan83
  • schaad …aber verstohni natürli…❤️…
  • Nalan83Nalan83

    668

    bearbeitet 5. 10. 2022, 20:23
    so jetzt gits vo mir en geburtsbericht..! Achtung Traumatisch…für die wo kei negative bricht wend lese.

    ha unbedingt en normali geburt wele , wel die erschti geburt horror gsi isch mit kaiserschnitt. paar täg vorher hend mr mitm arzt gredet gha wie mr ileite, er het gseit wel ich scho in kaiserschnitt gha ha wet ers natürlich ileite also keini tablette und so wel den wehesturm heftig isch und stärker was net so guet isch. also het er gseit mer maches miteme ballonkatheter. 26.9 MO hani müesse in spital uf die achti go ileite, ha mini sache packt und sind den mit mim ma in spital.
    uf die halbi elfi hend si mr en ballonkatheter igsetzt, und gseit jo das goht meischtens jetzt 12h de neme mir das wegg oder es gheit vo elei use und langsam wehe fönd a…ha denkt easy bi den i mis zimmer mi ma het mi verabschided ha den gseit schlof richtig us so das fit besch morn..beuche di ganz 😊. am 2:45 hets plötzli agfange mit wehe also nach 4h scho, boaaaa bi grad miteme schmerz verwache grad all drei vier minute en wehe gha…ha ufe knopf druckt hebamme si cho hend mi in kreissaal brocht. natürli a de blöde ctg agschlosse gseh dasi wehe ha di ganz zyt, ha mi ma grad aglüte gseit er sel cho ( i ha 1h schlof gha und mi ma 2h) , i dere zwüsche zyt isch mini fruchtblose platzt, wehe emmer no konstand, ha gseit ich will en pda wenn bechumi si…si het gluegt mumu 4cm hend si grad aglütde und de liebe herr isch den pda cho legge…het überhaupt net weh do alles ok..bi den froh gsi…! wehe sind ushaltbarer gsi ha dörfe all 20min. uf de knopf drucke und weder en dosis z‘becho und i ha das usgnützt jedes mau wenn 20min ume gsi sind isch en grüene knopf glüchtet ha grad deuf druckt oder mi ma. uf die nüni isch mau de oberarzt cho nachm baby zluege mumu esch 9cm offe gsi aber isch nümm vorwerts gange, er het gseh dases en sterngugger esch und het manuel mit de hand sin kopf körper dreit so daser uf sitte gluegt het,vo dem hani au nüt gspürt alles no ok gsi. nach einehalbstd. escher weder cho luege stand emmer no glich de heter gseit jetzt müend mr vorwerts luege mache, het mau wele de stresshormon oder wie me dem au seit luege vo mim baby ,das luege si a in dem si bez bluet näme vom kopf😩👀, tönt hart aber ischs net ..! und den hets agfange während er das gmacht het und fertig gsi isch hani schmerzen des todes gha…i ha afe schreie sie am spiess…ES RISST ES RISST ES DUET WEH…und alli so voll verwundert was plötzli los isch…!! i ha nur gseit es risst es duet so weh ich stirb, arzt hebamme alli hend gseit nei si sterbe net esch alles okey düend si atme wo duets weh herztön vom baby isch guet ihre puls au…i ha den net chöne rede kei luft becho ha halb müesse erbreche esch net gange ha met halber stimm emmer weder gseit ich stirb es risst ich gspürs…mi ma isch halb am kolabliere und gseit es stemmt öpis netmache si öpis….nacheme zytli entlich …den hend si gseh okey do stemmt was net not kaiserschnitt hop am schluss sind ergentwie 15persone im ruum gsi…
    den esches schnell gange sind in OP saal und hend si grad afe schnide mache ha den bez was gspürt aua aua gseit hend si mr nomau en dosis gsprützt und bi den so halb wegg gsi ( ha kei vollnarkose gha). und denne bini in ufwachruum mi ma isch scho am kuschle gsi mit eusem schatzt ehm esches guet gange. ha ehn den dörfe grad stille und in arm näh…wo pda nochegloh het den weder mega schmerze gha und ha den morfium becho paarmau…ha so schmerze gha und den au no nachwehe woni gar net kennt ha vo de erschte geburt mega schmerzhaft.spöter simer is normale zimmer cho hend en familiezimmer gha, mi
    ma het mr gholfe i ha die ganzi zyt nach schmerzmedis verlangt, nöchschte tag isch den dr arzt cho und alli andere…und gseit das ich recht gha ha und mini alti kaiserschnittnarbe am risse gsi isch und hend si so halbe entschuldigt bi mir wel si mr grad net glaubt hend …well halt die anderi faktore okey gsi sind hend si gmeint ich due panik schiebe und so aber jo patientin het eigentli emmer recht heter den gmeint mer hend bez spoht ghandlet. also woni gschroue ha es risst es risst hani recht gha..!
    ufstoh esch au no so schlimm gsi am nöchschte tag laufe esch gar net gange, do hani bis hüt mühe gha ganz schlimm sit hüt chani bez besser laufe also mach ei wuche erscht…in dere wuche hani emmer schmerze gha be emmer no medis am näh volli dosis…aber sit hüt zum glück besser laufe..! bi am 6.tag hei gange so nebebi…aber ha emmer öper bi mir ohni hilf goht gar nüt. also für mich isch alles sehr traumatisch gsi…und im moment lidi au no uter babyblues…ich hoff es goht bald e mol ufwärts..!sorry cha si dasi bez durenan gschrebe ha😅…!
    ende gut alles gut wichtigschte esch dases mim babyboy guet goht und ehm gohts super..!🙏🏽

    mi schatz isch mit 4450g und 55cm ufd welt cho…
    ZireaelJuli88Schneewittlidixi90samira. Nalan83Sami97
  • Jo da esch med ohne. Duet mer leid das die erfahrig hesch müsse mache. I hoff fescht er chönet da ufarbeite❤️🍀
    Nalan83
  • Danke für di bricht Nalan83🙏🏼Mir duets guet brichte vo traumatische geburte ds läse, wöuis selber o sehr sehr schlimm erlebt ha. De het me nid ds gfüehl dass aui rundume nur troumgeburte hei😨I bi nach paar mönet zure hebamme gange wo uf emotionali ersthilf spezialisiert isch, das het mir guet tah über aues ds rede und so ds gschehne chli besser chönne verstah und ufdsarbeite.
    Me isch haut de schnäu im alltag mit baby drine u klar isches ds wichtigste dass es am chline schatz guet geit, aber mir mamis si genauso wichtig🤗I ha denn eifach üsserlech funktioniert, aber innerlech bini immer no traumatisiert im spital gsi u ha lang nid chönne vorwärtsgah.
    I wünsche dir sehr, dass du gli us däm babyblues use chunsch und di richtige lüt um di fingsch zum drüber rede😘
    Und super vo dim maa wiener für di kämpft het und igstande isch, trotz sire panik, wünsche nech nur ds allerbeste als familie♥️
  • danke 🙏🏽❤️ @Mamelo @Schneewittli ich rede sehr oft drüber über geburt wies abgloffe isch au im spital hani viel gredet mit hebammene ärzt jedi jede het gseit cha mi jederzyt melde zum rede oder weni froge ha ect..! und deheime redi au drüber mit mim ma und süscht mit familie…bi do recht offe…passiert isch passiert und me
    muess füre luege…und drüber rede duet guet…i cha mi an jedi sekunde ablauf erinnere ! muess au ame brüele weni weder drüber nochedenke rede aber immer wie weniger..! @Schneewittli hoffe dir gohts jetzt guet 🙏🏽😊❤️ das au alles hesch chöne verarbeite..!
    Schneewittli
  • Das isch super we du so offe chasch si und vo aune site es offnigs ohr hesch, das isch sicher sehr hilfrich😃Es geit mr besser als no afangs jahr, aber merke immer wieder we ds thema ufchunnt oder mi irgendöpis dra erinneret oder triggeret, dasses doch no i mir schlummeret u sehr weh duet. Gah nächst wuche no zure andere therapeutin wo chli e andere asatz het als d hebamme u hoffe dassi dermit no einisch meh mi friede mitem ganze cha finde.😇
  • Was mi ono gfragt ha, i ha gmeint weme 1 jahr wartet nachem kaiserschnitt mit schwanger werde, dass när eich innerlech aues sowit verheilt sött si, dass d gfahr sehr sehr gring isch, dass di alti narbe während de wehe ufrisst🫢De chönt das auso jedere passiere wo nachem ks e normali geburt versuecht oder heisis irgendwie chönne begründe wieso das grad dir passiert isch?
  • Nalan83Nalan83

    668

    bearbeitet 6. 10. 2022, 01:47
    ich hoff du chasch abschliesse und din friede finde😊..!

    nei si heis net begründet cha jederi passiere…ich schätz eifach das mis bindegwäb warschinli net guet isch oder so kei ahnig..aber e gueti frog da chönti mai froge..denn min letschte kaiserschnitt isch zweiehalbjohr här im mai 20 hani entbunde gha.
    fals ich es dritts möcht muessi dasmau en kaiserschnitt mache hets gheisse uf jedefall…aber bi mir chunt es dritts net in frog 😅…familienplanung ist zu ende..!
    Schneewittlimalin_
  • @Nalan83 han grad din Geburtsbericht glese. Gott sei Dank händ Sie uf di glose...
    Wenns grisse hätt wärs jo meega schlimm gsi. Schön gohts dim Baby guet.
    I hoff du hesch di sowit vo de Geburt chönne erhole. Han scho öfters ghört dass Nachwehe bim 2 Kind heftiger sind...
    Hoff dass mitem Babyblue besser wird.... 🍀🍀🍀🍀
    I muess au no min Bricht schriebe...
  • I chum jetzt zu mim Geburtsbericht.
    Am 26.08 isch es sowit gsi. I han e plante Kaiserschnitt ka do mis Kind sich nit dreiht het.
    I bin als erstes dra cho 🥰
    Am 06h30 hämer im Spital 🏨 muesse si. Döt simer vo de Hebamme empfange worde sie het uns uf OP vorbereitet. Zerscht bin ich ans CTG cho.. Isch unufällig gsi den isch nomol Ultraschall gmacht worde zum gseh wie's Kind liegt. Er het sich immer nonit dreiht. Ärztin het bestätigt dass ich so natürlich nit gebäre chan. Dass isch für mi au in Ordnig gsi. Han mi scho lang mitem Kaiserschnitt abgfunde ka. Aschliessend isch mit Katheter gsetzt worde. Das han ich echli als unagnehm empfunde. Den isch mir Infusion gsetzt worde. Hebamme het falsch gstoche ka.. Es het weh gmacht und han bim usezieh au afo bluete. Do sie's nit gschafft het isch öper vo de Anästhesie cho und het mir Infusion richtig glegt ka. Bim Stich keini Schmerze ka. Die vo de Anästhesie sind halt Profis 🙂😊
    Somit bin i ready gsi für OP. Im OP Saal bin ich sehr guet betreut gsi. Min Gynäkolog het OP duregfüehrt und dass het mir so e guets Gfühl gäh. Bin so öpis vo ready gsi.
    Min Maa isch nebe mir gsi. Es isch so e tolls Gfühl gsi. 😍 Mis Kind isch nach 15 Minute uf de Welt gsi. I han ihn kurz dörfe gseh und den isch er ins Neberuum cho wo de Kinderarzt ihn grad kontrolliert het. Min Maa isch döt debi gsi. 😍
    Im OP Saal isch mir no Plazenta usegnoh worde und glichzietig han ichs hüle vo mim Baby dörfe höre 😍 nach de Kontrolle isch mis Baby no im OP Saal zu mir cho. I han sBonding mit ihm dörfe mache. Währenddesse bin ich zuegnäht worde. Den simer in Ufwachruum gange zämme mit mim Baby. Döt han ich es paar Stunde muesse bliebe do es länger gange isch bis ich mini Bei gspürt han... Dennoch simer ufe ins Zimmer cho... Min Maa hets Bonding au chönne mache....😉 😃 Geburt isch entsprechend super verloffe. Vo de Schmerze her isch es be mir au gange. Die Medis wo i laufend becho han händ mir glängt ka. Am nächste Tag isch mir Katheter usegnoh worde und han den au scho welle und chönne Dusche 🚿. Dass het so guet do.
    Für mi isch es e tolli Geburt gsi. 😍 🥰
    Nalan83SchneewittliLauraannahJunodixi90Zireael
  • Nalan83Nalan83

    668

    bearbeitet 7. 10. 2022, 03:50
    danke füre bricht…so schön freut mich sehr das sone tolli geburt gha hesch 😊🧿❤️…!
  • @Nalan83 oh man tuet mir vo herze leid dass scho wieder sone erfahrig häsch müesse mache 😓

    Gratuliere dir aber au für din 2te Wunder und e schöni kennenlernziit 🥰❤️
    Nalan83
  • Hoffe es gaht dir besser ?!
  • ❤️💙Twins SSW 32💙❤️
    Nachre seeehr ahstrengende SS mit viiiel Komplikatione i de Hochsaison von Cor... bini recht am Endi gsi mit de Nerve und au Körperlich und ha nüme möge kämpfe weli alles elai ha müesse dürestoh wel jo überall Bsuechsverbot gsi isch. Ich bi seehr lang immet wieder im Spitol gsi überall verteilt i de Schwiiz wels nirgends Platz gha het für mini twins. Selavi wommer de die 32 Wuche erreicht gha hend hend Ärzt alli Massnahme ufghobe und gseit wenns losgot gots los🙊 Min körper het de natürlich automatisch au ufghört weli eifach nur froh gsi bin simmer sowiet cho welmer bereits i de 26. Wuche wirksami wehe mit gmh 1.5cm gha hend. Jo guet es isch de Mittwoch Obet gsi und i ha zu mim Maa gseit mer gots nöd gueg i ha de a Durchfall gha und kind sind ultra aktiv gsi und hend noch abe stramplet twin a in Bel twin b SL also KS sowiso plannt gsi. I bi de gege die 21.00 is Bett go liege und chum am ihschlofe tuets ein riese chlapf und die ein Fruchtblose isch Platzt😅 mer sofort mim Mami ahglüte wegem grosse sie isch cho ich scho ordentlich wehe gha sind de is Spitol (vollmond) mer cheme dert ah und de gebs isch rappel volle gsi😵 sie hend de schnell müesse reagiere weli scho 4cm offe gsi bin (twin a het de pessarring uf site kickt!!) Und de einf fuess scho fasch dusse😔 mitlerwille isch öpe 23.30 gsi. Sie hend de müesse e Doppelteam ufbüte für de KS. I dere ziit hends mi befrogt i ha kum luft becho weli scho fasch presswehe gha ha und de Maa de irgend wenn gseit het i cha nümr antworte froge sie mich😩 es isch alles soooo hektisch gsi ufem weg i OPs hend mir kleider abgno de Maa hindenoche grennt jo🙈 Im ops ahcho ca. 0.30 hends de versuecht PdA legge und sie hends nöd anebrocht kein plan was de gha het uf jedefall nochem 8!! Mol steche hani gseit no 1 versuech und sus vollnarkose i ha nüme chöne bi fasch ohmächtig worde. De hani nu zu de hebamme gseit sie sel am Maa sege seg alles guet de het müesse warte duse😅🙈 jo de entli hends si richtig gsitzt narkose gwirkt und de ischs sehr schnell gangr und die zwei sie do gsi. Natürlich hanis nu paar sekunde gseh sind direkt i bruehtkaste und uf Neo😪 Mi Maa isch de mit🙏 noher isch halt zurneihe alles losgange. Und was noher cho isch jo da isch nöd so toll gsi wege Op pfusch und so aber da ghört nid do ane🙃😉 summe sumarum eis johr noch de geburt isch sowiet alles guet und mer sie glücklich😅
    MameloJuli88Nalan83
  • @snowangel mer gohts emmer wie besser liebs danke❤️🙏🏽…!

    ui bi dir isch au action gsi…so toll twins 🥰…!
    jetzt nimmts mi aber wunder was nachdem gsi esch?👀😅
  • Hetti au jo eine, au wenn min Sohn mittlerwiile 2 gsi isch🙂
    Aber da uch gad aktuell 8+0 bi passt das etzt gad so..

    A dem Tag wo min Sohn uf d Welt cho isch, isch 27.7.2020 gsi. Es isch 36 grad gsi, alao sehr asträngend so schwanger 10 Tag vor eigentlichem ET..
    Ich bi am morge no gmüetlichit ere guete Fründin go zmörgele.. hend no scherze über plazendi Fruchtblase gmacht, wies halt so isch 🤣
    Han denn gfunde wills so heiss iscg, möcht ich vor de Geburt undbedingt no in See go Bade und hend denn mit de Family ide Badi abmacht..
    Bi flissig im Wassr gsi, isch mir super gange a dem Tag.. hend natürli keis Köfferli mitgno, ha ja kei azeiche gha...
    Ja ufjedefall hani denn ganz dringend müsse bisle und bi ufs wc.. nur irgendwie isch de Druck uf de Blase nöd weggange.. schmerze hani aber kei gha..
    Ufzmal merki das es warm wird am bei.. und es isch dunkelroots bluet abegloffe.. ja toll mitte ide volle badi 😅
    Hemmer gad es atuech rundume due jnd sind id Sanität gange... isch denn ein gutsch nachm andere cho.. schmerze aber kei.. im notfall hends gseit,er söllet gad losfahre, seget i 10 Minute dete, mir sins schneller als de krankewage und sie wartet uf mi...
    Ja sind denn di längste 10 Minutd vo mim läbe im Auto gsii.
    Det acho hani mini Schueh nöd gfunde und bi denn Barfuess und volle Bluet it Notufnahm gloffe.. si hend mi wüki gad ghollt.mitm Rollstuehl...
    Schnell aghenkt.. unde no alles zue gsi kei wehä...
    Plazenta aber scho am ablöse gsi...
    Ja denn in OP saal und Vollnarkose und denn weiss ich so 2.5h nüt... s isch denn aber 20 Mi ute gange vo mim itritt unde bis min Sohn da gsi isch, 5 minute später wär au z spaht gsii..
    Es rechts trauma gsi.. gottsei dank hani nach 2 tag chönne ufstah und ha keinerlei problem mit de schmerze gha...
    Aber es isch jetzt au lang gange zur enyscheidig für s zweite chind. Das wird denn mitme plante Kaiserschnitt ufd welt cho..
    Nalan83Juli88
  • Au da en echti horrorstory @Angii85. Zom glöck hets grad no glängt🍀

    Es zeigt mol weder mer cha alles no so toll plane am schloss chonts wes chont. Aber trotz allem sett mer möglechscht angstfrei a die sach häregoh....

    🍀🙏
    Nalan83dixi90
  • @Angii85 ui knappi sach gsi zum glück sind dr schnell im spital gsi du….🙏🏽…! schön das nacher keini schmerze gha hesch ..!

    @Mamelo jo me set angst frei goh isch e so und eifach offe si für jedi situation und net viel plane am beschte…! und es git meh positivi bricht als negativi😊…meischtens verlaufts ja guet…!
    Mamelo
  • und gits wieder mau neui geburtsberichte ? würd gern lese😅☺️
  • I cha öppis öber mini 2. Geburt verzähle:

    Agfange hets metemene lichte ziehe em listebereich. I ha kei regelmässigi wehe gha ha de au nüt trackt aber ha gwösst es goht los.
    Mol sends lang gsi ond schmerzhaft, de weder chorz ond ned so intensiv. Weli bem erschte mol schnell entbunde ha, hani welle secher goh ond be 4 stond nach dem ziehe i de liste is spital gange.
    Secher esch secher hani denkt...
    Halb stond nach spitalitrett hani mis chend i de arme gha.
    Nalan83fabe
  • @Mamelo ui das isch ruck zuck gange toll🥰 danke für e bricht..!
  • Jo, aber wörda so jetzt au ned onder traumgeburt iordne
  • Omg mega vielll geburtsberichte🙈🙈🙈 het mine au gern gshriebe würds denn no glese werde 🫠😅
    Nalan83
  • @Medo ja sicher 😍 ich liebs die verschiedeni gschichte geburte z‘lese…sisch so toll und spannend jedi gschicht..! umso länger umso besser🤪😂😂😂…! ☺️ bi scho gspannt uf dini gschicht..
Hey! 1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren

Social Media & Apps

Registrieren im Forum