Neu hier, stell dich vor! #3
Hey!
1 Frage - 100 Antworten!
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren
Im BabyForum kannst du dich einfach, sicher und anonym mit (werdenden) Mamas und Papas in deiner Nähe austauschen. Registriere dich jetzt, um alle Bereiche zu sehen und mitzuplaudern:Kostenlos registrieren
Hey & Hallo im Forum!
Neu hier?
Trete der Community bei, um alle Inhalte zu sehen und (werdende) Eltern kennenzulernen!
Kategorien
- 4.7K Alle Kategorien
- 1.2K Allgemeine Themen
- 469 Plauderecke
- 232 Kinderwunsch
- 663 Schwangerschaft
- 205 Geburt
- 58 Geburtskalender
- 320 Ernährung
- 128 Stillen
- 58 Babykost und Rezepte
- 369 Gesundheit und Medizin
- 79 Babypflege
- 251 Entwicklung und Erziehung
- 632 Verschiedenes
- 155 Babyprodukte
- 77 Familie und Beziehung
- 92 Heim und Haushalt
- 12 Recht und Behörden
- 50 Tragen und Fahren
- 111 Freizeit und Urlaub
- 10 Medien und Information
- 4 Technik
- 838 Treffen und Veranstaltungen
- 283 Zürich
- 72 Ostschweiz
- 113 Zentralschweiz
- 43 Nordwestschweiz
- 162 Mittelland
- Genferseeregion
- Tessin
- 2 Ausland
- 38 Rund um das Forum
Alles zu Schwangerschaft, Geburt & Baby
©2012-23 FOKUS KIND Medien, Alle Rechte vorbehalten
Kommentare
1
Hallo Zämme😊 Min Name isch Kristina, bin 31 und Mami vomene bald Jährige Bueb☀️ mir wohned nöchi Luzern und würed eus au sehr über neui Kontäkt freue! Bin übrigends au no Tagesmami vo 4 Chind jewiels a 3 Täg i de Wuche. Grüessli
1
Schöne Pfingstmäntig😉
0
Ich bin désirée, bin 28i chome fo starrkirch-wil SO. Min Sohn esch am 24.03.2023 ufd welt choo, sind gern ide natur mit eusem hund. Han detailhandel glehrt und bin witerhin emmerno tätig im verkauf
Bin sehr gspannt uf ustusch evtl werd mir no die eint oder ander kennelehre würd mi sehr freue 😁
4
Ich bin d Stefanie chum Usem Kt. Schwyz und han en 8Monet Alti Tochter, mir würdet eu riessig freue uf Mamis mit Chli Kinder.
Mir sind sehr gern i de Natur und au viel z Fuess unterwegs.
Mir freuet üs uf euch!
17
Ich bin d'Carla und im April '23 Mami worde 🥰. Ich sueche anderi Mamis zum sich ustusche und go Spaziere. Bi relativ neu in Luzern (nöchi Sursee) und kenne naniemert da 🙈 würd mich freue 🤗
Bis glii
5
4
I wohne in Bern u bi im März mami vomene bueb worde
Würdmi fröie anderi mamis/familiene für spatziergäng, zum käfele, ustusche, für pic-nics, etc. lehre z kenne.
Liebi grüess
Vanessa
4
Ich heisse Daniel und wohne mit meiner Familie im Glarnerland. Darum auch „Fridli“ 😉
Unsere Tochter kam Anfangs 2022 zur Welt jetzt erwarten wird unser zweites Kind.
3
mein Name ist Julia, wir sind aus dem Ausland in die CH gezogen. Wohnen seit Anfang Mai im Kanton AR. Meine kleine Tochter ist 9 Monate jung. Ich suche Gleichgesinnte zum Austausch und oder Kaffee trinken in der Nähe.
2
I bi d‘Tamara u bi im Januar 2023 zum erste Mal Mami worde vomene Bueb❤️. I wohne mit mire Familie in Münsige.
Mer würde üs mega freue Mamis kenne zlehre vo Bern u Umgebig☺️. Fürnes Käffli, sech usztusche, gah spaziere etc.
Liebi Grüessli
Tamara
2
Ich bin im Januar 23 zum erste mal Mami worde. Ich bin 25gi und mini tochter isch bald 7mt alt🥰 ich wohne mit mim Maa und minere Tochter in Steg im Tösstal (Fischenthal ZH). Ich wür mich mega freue über neui Bekanntschafte zum mal es Käffeli go neh oder chli Spaziere.
2
**Hallo zusammen! Mein Name ist Amalia. Ich bin 39 Jahre alt und stolze Mutter von drei Kindern. Mein Leben ist seit dem Moment, als ich zum ersten Mal von meiner Schwangerschaft erfuhr, zu einer wahren Reise geworden. Seitdem bringt mir jeder Tag Freude, Herausforderungen und Überraschungen.
Schwangerschaft ist nicht nur ein physischer Prozess, sondern auch ein Kaleidoskop von Emotionen. Alle drei meiner Kinder kamen mit ihrer eigenen Geschichte zur Welt, und jeder brachte einzigartige Momente in mein Leben, die ich jeden Tag schätze.
Meine Erfahrung als Mutter hat mich mit Wissen und Stärke bereichert, die ich gerne teilen möchte. Ich bin begeistert von Themen rund um die Erziehung von Kindern, einen gesunden Lebensstil während und nach der Schwangerschaft und alles, was mit der Schaffung einer warmen und unterstützenden familiären Atmosphäre zu tun hat.
Ich hoffe aufrichtig, dass unser Forum ein Ort wird, an dem wir Erfahrungen austauschen, Fragen stellen und uns gegenseitig in unserer spannenden Reise durch die Welt der Elternschaft unterstützen können. Ich freue mich darauf, jeden von euch kennenzulernen und eure einzigartigen Geschichten zu hören.
Mit den besten Grüßen,
Amalia
24
ech ben désirée ond ben 38 gi mini tochter esch d’elif aylin ond esch 3 1/2 jährig ond hed am 26.1.20
gebori
mer wohned in obwalde am see aber send sehr vel in lozärn wel mini familie det esch
wenn öper loscht hed mol ufne spielplatz zgo oder es kafi go trenke denn mäldet euch
wörded eus sehr freue
s‘alter vom kind esch ned so wechtig 😍
2
I bin d Sonja, 32 und bin gad mit eusem erste Kind schwanger
Ich bin us em Züri Oberland und wür mi sehr über neui Kontäkt freue!
Mir sind viel i de Natur underwegs, meistens begleitet eus min bald 7 jöhrige Boxer rüd Iron
LG
2
Ich hatte kürzlich ein hypothetisches Wohnungssuche-Abenteuer in der Schweiz. Ich begann meine Suche online, indem ich die beliebten Schweizer Immobilienseiten rentola.ch durchstöberte. Die Fotos der Alpen mit den Grundstücken im Hintergrund waren absolut atemberaubend und machten die Suche noch spannender. Die Wahl des richtigen Standorts war entscheidend. Da ich ein Familienvater bin, habe ich keine persönlichen Vorlieben, aber ich habe mir vorgestellt, eine Stadt wie Genf oder Lausanne zu wählen, wo Französisch weit verbreitet ist und die Kultur reich und vielfältig ist.
1
Ich bin die Babsi (oder auch das Burgfräulein Barbara 🪄)
Ich bin Mama von 2 kleinen Kids die 6 und 3 Jahre jung sind.
Ich wohne im schönen Zürich in der Schweiz komme aber gebürtig aus Deutschland (bei Bonn)
Gerne teile ich hier meine Erfahrungen und freue mich über Austausch 🫶
3
Ich bid Jasmine und Mami vomne 7 Wuche alte Bueb.🥰 Mir wohne z Safenwil AG und würde uns freue anderi Mamis us de Umgebig z kennelerne und z träffe🥰😇.
10
Ich bin d Sandra und am 1.8.23 s erste Mal Mami worde vo üsere Annika.
Mir wohne in Obfelden bi Affoltern am Albis.
Bin gern ide Natur und Kreativ dihei, tuen gern koche und backe.
I de letschte 7 Jahr hani bi Fielmann Uster gschaffed als Fachverkäufer Augenoptik.
Freue mich uf neui Bekanntschaften und hilfriichi Tipps im Baby Alltag.
32
Ich bin neu do🙈 ich bin 29i und ha 2 chind👧🏻👦🏻. Mini tochter ish 1.5 johre alt und min sohn 2 mönet. Mini tochter ish sehr spielerish und suecht öpert zum spiele🪁🛝
Ez wos chüel worde ish und de spielplatz zienlich leer ish, ishs ihre chlie langwiellig😶🌫️
Sie ish au sehr gern mit de grosse chind, well sie vo ene viel lernt.🤓
Mir wohnet in Romanshorn thurgau und würed üs freue um paar fründshafte 🥰
17
Guete Tag Jasmin,
Ich Wohne in Luzern (grenze AG), bi au relativ neu da und kenne chum öper. Han eh Tochter sie isch ez 6 ½ Mönet. Chasch dich gern melde falls interesse hesch zum chli pläuderle.
Bis bald, liebs grüessli
Carla
29
Ich bin Laura, bin 33 und in die 32 SSW🥰 ich wohne in Dietlikon und würde mich sehr freuen anderen werdende Mamis kennelernen...LG Laura
22
Ich bin Aillen, bin 22 und i wohne ih de nöchi vo Bade
0
Ich bi d Rejhane - wie ich mir scho denke kann, fragsch dich „Oh, wie spricht mr de Name jetzt us“, ganz eifach, eifach „j“ uslah und that‘s it:)
Ich bi jungi 29., wohnhaft in Zürich und wird zum erste Mal Mami. Ich bi im 1. Trimester und ha denkt, ich trette mal inem Mami-Forum bii. Vieles gaht mr im Internet scho go nacheläse und irgendwenn platzt einem nur no de Kopf. Also hani denkt, hej so en Forum wär doch Mal was… Überhaupt bini zum erste Mal inem Forum und bi gspannt was ich 1:1 derf kennelerne, die beste Tipps und Tricks erfahre derf und bi offe für neui Kontäkt.
So Mamis, ich wünsche euch no ganz en tolle Abig und es freut mich jetzt scho,
Bis bald
14
2
ich bind lara (30), wohne in züri und bi mit mim erste chind schwanger (ssw26). würmi freue, mich mit paarne anderne bald-mamis usztusche.
liebi grüessli
2
mein Name ist Tuyet. Ich bin 32 Jahre alt und seit November 2023 zum ersten Mama einer kleinen Tochter geworden. Ursprünglich komme ich aus Frankfurt und bin seit letztem Jahr nach Zürich gezogen, da mein Mann hier arbeitet.
Zu meiner Person: Ich koche und backe sehr gerne, gehe gerne wandern, mag Campingurlaube und Städtetrips…
Da ich noch keinen Freundes- / Bekanntenkreis mit Kinder hier in der Umgebung (Zürich / Wipkingen) habe, würde ich mich sehr über neue Kontakte freuen! Können gerne spazieren gehen, auf ein Kaffee treffen und über „Alltagsprobleme“ austauschen.
18
Hallo
Mer sind 10min vo starrkirch eweg und mini chli isch ebefalls am 24.3.23 uf d wält cho😆
Wie wärs miteme kafi?
18
Hallo zeme i würd mi do susch au no ahschlüsse😄
Bi au vo safewil
1
Ich bi Kathrin 39gi und ziene mit minre Familie am 18. März uf Sarmenstorf mit 2 Chind (Leonie 3 1/12 und Elias knapp 2). Ich würmi freue über Kontäkt mit andere Eltere und Chind usem Dorf oder nöchere Umgebig. Gits en Krabbelgruppe oder Eltereträff in Sarmenstorf?
Freumi uf Ustüsch und neui Lüüt kennezlerne
1
Min Name isch Linda, bin 34gi und wohne sit churzem in Möriken. Mini Tochter isch 10 Mönet alt. Über neui kontäkt und ustüsch freu ich mich.
2
Mein Name ist Madlene (35 Jahre alt) und ich habe eine 1,5 Jährige Tochter (Linda). Im Oktober bekommen wir unser zweites Kind.
Zusammen mit meinen Mann sind wir vor 3 Wochen von Deutschland nach Steinen (6422) im Kanton Schwyz gezogen.
Ich bin auf der Suche nach anderen Mamis, die sich auch gerne mal treffen wollen. Ein bisschen quatschen und austauschen während die Kinder spielen. Im Sommer mal an die Badi fahren.
Ich bin gerne in der Natur unterwegs.
Ich darf die Zeit mit meiner Tochter zuhause verbringen (gehe also derzeit nicht arbeiten).
Unser Tochter wurde ab dem 3 Monat mit Stoff gewickelt und abgehalten. Klingt nach "old school" ist es aber alles andere 😉
Freue mich über neue Kontakte
Ganz liebe Grüsse
5
Ech heisse Melina ond be 37gi.
Ech chome usem Kanton Aargau, nöchi Aarau, be sehr gern i de Natur oder goh gern fein goh esse.🥰
Schaffe dueni imene Spital als Dipl. Pflegfachfrau.
Kinder hend mer leider no keini, aber ech be endlech met üsem erschte Wunder schwanger. Ech be no ganz am Afang bi 5+0 ond wörd mi sehr öber en Ustusch met üch freue.🤗
Lg Melina
1
Ich bin Tina, 28gi und chume vo Züri 🥰
Ich han ganz frisch en Babyartikelshop gründet und wür mich mega mega freue wenn ich für s eint oder andere tolle Mami vo dem Forum es Produkt mache dürft. 🥰
Mini Produkt sind Handgmacht und chönd personalisiert werde nach eure Vorstellig. Alli Produkt sind absolut Unschädlich für eue chlini Engel und unterstützed sogar s Zahne vode chline. ☺️
Villicht gits au öpis wo Ihr seged, wär es Produkt wo eu de Alltag als Mami viel liechter gstalte würdi, ihr aber so nonig gfunde hend. Lönds mich gern wüsse, ich liebs neui Sache uszprobiere! Wer weiss villicht chani eues Problem ja Löse! 😃
Ich freu mich uf jede Fall über jedes Bsüechli uf minere Website, jedes Feedback vo eu und jedi Nachricht wo mich erreicht. 🥰
Ganz ganz liebi Grüessli eu allne 🫶🏼
www.baby-style.ch
Instagram: baby_style.ch
TikTok: baby_style.ch
1
5
Mi Name isch Nicole, bi 32i und chume usem Kanton Solothurn. Mini Tochter isch baud 3 Mönet aut und mir würde üs über Bekanntschafte freue.
10
Ich bin 32 Johr und usem Thurgau. Han zwei meitli 9 &7 Johr alt.
Villicht het jo au öpert scho biz grösseri Chind i dem Alter und lust sich usztusche😄
2
Ich bin d Tanja und han am 25.2.24 mis erste chind d Alicia gebore. Mir sind in Birmensdorf diheime und würdet eus über neui Mami Fründinne freue i de Umgebig/Stadt Züri.
Mir sind viel mit em Chinderwage und de Tragi verusse und liebets ga käfele ide Stadt.
2
Hoi Lara,
Ich bin 33 und mini Tochter isch ca 10 wuche älter wie dis baby. Viellicht chöne mer mal zeme mit de kiddies ga spaziere oder käfele? 😊
4
I bi d Lisa (31) u bi im Februar zerscht mau Mami worde.
Mir wohne ir Umgäbig Thun u würde üs übere Mami-Kontäkt sehr freue 😀
Liebs Grüessli
4
Ich bin d Chantal (28) und bi vor 4 Wuche s erste Mal Mami worde.
Ih wohn im Kanton Thurgau, in Horn am Bodesee und i wör mi mega über Mami-Kontäkt freue wo viellicht selber gad erst Mami worde sind zum echli ustusche oder mal go laufe oder käfele.
Liebs Grüessli
Chantal
43
Ich bi d Aleks, 32i und grad zum erste mal schwanger.
Bi ez grad ide 16. SSW und no gwüssi Abklärige am mache, will d Nackefalti uffällig gsi isch..
Han eigentli wele im Zollikerberg gebäre, aber gönd ez no ad Infoverastaltig in Bülach, da ich döt grad betreut wird vode Chefärztin dur mini Schwangerschaft und mir grad bi Bülach wohned.
Ich freu mich uf viel neui Kontäkt und Ustusch
Ganz liebi Grüess Aleks
4
Min Sohn isch grad vor churzem 2 worde und eusi Tochter isch Endi Juni ufd Welt cho.
Mir sind neu uf Stetten AG zoge und würdet eus sehr freue wenn öpper glichaltrigi Chind het und au gern dusse ufem Spielplatz isch, oder gern go spaziere gat. Ich bin e sehr kommunikativi und offeni 30 Jährigi
Liebs Grüessli
43
Hoihoi:) so guet.. bin 32iii.. wohne zwar in ZH.. bi Bülach bin im 5. Monet schwanger und euses chind chunt endi Januar uf dWelt.. aber min Papi wohnt z stette. bi oft bi ihm uf bsuech..
10
I bi d Tania, bi 36 Joor alt und i dr 18te Wuche schwanger. Im Februar ischs de sowyt, s erschte Chind, mir freuet eus sehr druf😁
I ha z Basel mi Usbildig als FaBeK gmacht, läbe jez aber z Züri (Wädenswil).
I nähie sehr gärn, au baschtle (Fantasy odr Cosplay), gang gärn mol an e Mittelaltermärt odr mach Sport. Odr eifach mol nur mit Fründe träffe und gmietlich go es Kaffi trinke.
I freue mi sehr do es paar neui Lüüt kännezlerne.
LG Tania
2
i bi d nicii 30 gi und bi frisch uf andwil zoge.
i ha en 2 jöhrige sohn und mer wöret üs freue neui müättere mit kind i ähnlichem alter kenne zlerne.
mer sind gern unterwegs und händ au en hund. s wer schö wen mo öpo findet wo au gern lässig underwegs isch und authentisch isch 😅
lg
43
wür mi freue:) LG Aleks
2
Ich bi d Natascha, 32i, wohn im obere Baselbiet mit mim Maa und mim Sohn (21 Mönet).
Ich würd mich freue übere Gspröchspartner zum Thema Langzytstille und über neui Kontäkt us dr Region.
1
Miär chömid us em schööne Kanton Luzern, mer wörde üs freue öber neui bekanntschafte.
Ich schaffe jeweils 2 Täg als Podologin.
Miär händ 2 Stubetieger deheei wo üs au viel froid mached!
Miär sind viel dussä und spieled viel uf em Spielplatz!
Mer froied üs über neui Bekanntschafte!
Lg
17
Hoiii Eliane
Wo in LU? Schad mir züglet weg vo LU 🤭 aber chunt druf ah wo isch es viellicht doch nid so wiit. Schrieb mer doch gern Privat
LG Carla🍀
1
Ich be 35gi ond han en bald 2 jährige Sohn. Ich be momentan met em 2. Chind schwanger, wo im Früehsommer erwartet werd.🙂 Wohne dueni i de Region Lenzburg/Seetal ond wörd mi riesig öber neui Kontäkt freue. Vellecht häsch jo au du es Chind i some ähnliche Alter ond hätisch mol Lost, was z'unternäh? Dänn mäld di doch.🙂